Lunes 09:00 - 17:00 Martes 09:00 - 17:00 Miércoles 09:00 - 17:00 Jueves 09:00 - 17:00 Viernes 09:00 - 17:00 Sábado 09:00 - 17:00 Domingo 09:00 - 17:00

皇家馬德里香港球迷會 - Real Madrid Hong Kong Fans Club

Casa
España
Madrid
皇家馬德里香港球迷會 - Real Madrid Hong Kong Fans Club

本會為皇家馬德里官方球迷會Official Real Madrid Fans Club：Peña Madridista Blanco Hong Kong; 亦為香港社團條例下之註冊社團，社團註冊編號：59254，社團註冊名稱：HONG KONG MADRIDISTA。

02/08/2026

[ #季前賽][ ][ #全場賽果]

上半場中段就領先兩波，踢起嚟亦似模似樣，點知高開低收，半場前被追返一球，下半場甚至再失多球，結果只能2:2和波收場。摩連奴就黑晒面喇，唔知大家又點睇呢場波呢?!?!

皇家馬德里香港官方球迷會 2026-27年度 #會員招募 /續會進行中，早鳥優惠到8月10日，招募期到8月30日，錯過就要等下年！申請連結👇🏻：
realmadridhkfc.org/members/apply/

---------------------------------

#皇馬

唔想錯過最新內容？記住去「追蹤/Following」設定為搶先看/See First」！

01/08/2026

[ ][ #球迷投稿]

球隊新季外出集訓開操，今日收到球迷青衣誠投稿🤩，佢今次文章唔係講教練，而係轉向講球隊，Admin我就唔劇透喇，留返比各位自行細閱啦😙！👇🏻

經歷連續兩季嘅四大皆空後， #佩雷斯（老佛爺）終於醒覺😭，終於決定去入返啲貨，用以增強補底：去季一完就做嘢，可見我皇知恥近乎勇，亦深知要爭冠就不能再拖，要快手、果斷、準確地對症下藥，方可再次邁向成功🏅！

「最成功的失敗球季」乃去季嘅寫照，可能會有讀者會問：「成功與失敗，唔係對立嘅咩？」其實，兩者並非對立，而係蘊藏於對方之中，正所謂「失敗乃成功之母」。去季嘅「失敗」在於球隊最終成績，未能奪取任何嘅冠軍；球隊出現亂子，球員與教練、球員之間亦傳出不和；季中嘅時候，球隊更經歷換教練嘅非理想情況😖。未知各位皇迷，從上述嘅「失敗」之中，又睇到啲咩呢？筆者就睇到蘊藏喺入面嘅成功💪！

未知各位有無留意，去季球隊其實係西甲所有球隊之中，失球數字最少嘅一隊，而侯辛更係最高評分嘅後衞，但……都「唔唔點解」佢入選唔到國家隊🤷🏿‍♂️。球隊亦踢出唔少精彩嘅比賽，未能收穫冠軍與筆者上文提及嘅球員心理狀況或有關連：球隊去季喺落後時，好多時都會變得慌亂，一心只急於追和，毫無方寸、缺乏冷靜嘅思維，令球隊攻不銳、守不穩🥲。各位若仍記得的話，比寧咸加盟首季，球隊即使落後都仲好有火、急而不亂，所以當季能夠經常追和，甚或後上取勝🔥。除咗呢樣，球隊中場的確缺乏一個球員：一個能夠進行快速攻守轉換、控制節奏嘅球員，令球隊嘅進攻不如之前一樣順暢、銳利⚡️。

上述嘅問題係從「失敗」中得出，相信來季就能夠解決，「成功」自然就近在咫尺🥳！

老佛爺官宣咗加盟嘅球員，要當打嘅有當打；要經驗嘅有經驗；要年輕嘅有年輕🤩，今次真係要冠軍有冠軍🏆🏆🏆🏆！

撰文： #青衣誠

今晚球隊熱身賽對陣費倫天拿，可惜多位主力未歸隊，未睇到經新帥摩連奴調教後嘅新陣容可以發揮出咩力量，但或者今晚仍然可以從佢佈陣同調度睇到啲佢嚟緊嘅執教理念，今晚場波唔好錯過喇。

如果大家都睇完波有咩感想，或有咩關於我皇嘅想同其他皇迷分享，都歡迎向我哋投稿。

皇家馬德里香港官方球迷會 2026-27年度 #會員招募 /續會進行中，早鳥優惠到8月10日，招募期到8月30日，錯過就要等下年！申請連結👇🏻：
realmadridhkfc.org/members/apply/

---------------------------------

#皇馬

唔想錯過最新內容？記住去「追蹤/Following」設定為搶先看/See First」！

31/07/2026

[ #季前賽][ ][ #大軍名單]

多名主力放假未返，咁就當係睇新兵睇青訓啦～

08月02號00:00開波，HOY76台有直播，星期六晚喎，睇啦～Hala Madrid！

皇家馬德里香港官方球迷會 2026-27年度 #會員招募 /續會進行中，早鳥優惠到8月10日，招募期到8月30日，錯過就要等下年！申請連結👇🏻：
realmadridhkfc.org/members/apply/

---------------------------------

#皇馬

唔想錯過最新內容？記住去「追蹤/Following」設定為搶先看/See First」！

29/07/2026

[ ][ #季前賽]

星期六晚有波睇！

球隊新賽季開操已經一段時間，而且亦喺體育城同Alcorcón及雷加利斯踢左兩場閉門友賽，之後球隊將會出外展開季前集訓。首場熱身賽已安排喺奧地利克拉根福體育公園球場(Sportpark Klagenfurt)對陣意大利嘅 #費倫天拿，比賽時間係8月1日星期六晚12點(8月2日00:00)，HOY76台將會免費播放，大家唔好錯過呀！

BTW，球隊第二場熱身賽將會於8月9日，喺匈牙利嘅安盟競技場(Groupama Aréna)迎戰費倫斯華路士(Ferencváros)；第三場熱身賽則會返到西班牙，8月13日同拉科魯尼亞喺里亞索球場(Estadio Abanca-Riazor)比賽。

再BTW，球隊西甲開咧戰將會係8月23日第二週作客愛斯賓奴嘅比賽，而第一週主場對皇蘇嘅賽事則會喺8月27日進行補賽，兩場都係凌晨波。

皇家馬德里香港官方球迷會 2026-27年度 #會員招募 /續會進行中，早鳥優惠到8月10日，招募期到8月30日，錯過就要等下年！申請連結👇🏻：
realmadridhkfc.org/members/apply/

---------------------------------

#皇馬

唔想錯過最新內容？記住去「追蹤/Following」設定為搶先看/See First」！

27/07/2026

[ ][ #球迷投稿]

球迷青衣誠上兩次嘅投稿，文章分別論及我皇前兩任主帥，到今期投稿，佢亦承接之前嘅主題，主角到現任主帥 #摩連奴，大家睇睇佢有咩想同大家講呢！👇🏻

再次經歷「一季兩帥」之後，我皇邀得曾任領隊嘅摩連奴回朝督師，作用十分明顯：為整頓球員紀律；為球隊帶來冠軍、冠軍同冠軍🏆🏆🏆🏆。

相信不少皇迷對摩連奴都有一定認識，當年貴為防反皇者嘅佢，不但為我皇帶嚟紀錄與榮譽，亦帶來不少冠軍獎盃🥇，到依家仍教人津津樂道😋。話雖如此，摩連奴離隊後亦帶過不少球會，可惜都係避免唔到「摩三季」呢個詛咒🙊，期待佢今次可以成功擺脫💪！

近年，佢依然留喺歐洲帶隊，不過帶領嘅球隊多為歐洲二線聯賽球隊，因而有人會擔心佢仲有無當年嘅能力，以引領球隊再創高峰呢🧐？雖然，筆者並無睇晒佢近年帶隊嘅比賽，但喜見佢不再守舊地只打防反，反而善用不同陣式應付不同對手，以上季歐聯比賽為例，佢就以逼搶戰術應對我皇，更曾贏出小組賽之對壘🫣。

摩連奴究竟會點樣組軍，實在令人期待🤩：有四個球員正式公佈咗加盟，後防就好似已經完成得七七八八喇，咁中前場又會點樣執漏呢🧐？佢會點樣排幾位「天王」嘅位置呢？佢又可唔可以發揮所有球員嘅所長呢？一切一切都要等開季先至知，而惟一可以肯定嘅係：摩連奴，說了算😌！

筆者深信摩連奴定能為我哋贏得一切冠軍，Hala Madrid🫶🏻！

👉摩連奴：「我就係惟一嘅『特別的一個』☝️！」👈（以上為設計對白🤭）

撰文： #青衣誠

Admin我都同青衣誠一樣，同樣期待摩連奴能夠為我皇贏得冠軍。如果大家都睇完波有咩感想，或有咩關於我皇嘅想同其他皇迷分享，都歡迎向我哋投稿。

皇家馬德里香港官方球迷會 2026-27年度 #會員招募 /續會進行中，早鳥優惠到8月10日，招募期到8月30日，錯過就要等下年！申請連結👇🏻：
realmadridhkfc.org/members/apply/

---------------------------------

#皇馬

唔想錯過最新內容？記住去「追蹤/Following」設定為搶先看/See First」！

24/07/2026

[ ][ #球迷投稿]

世界盃結束，再次收到球迷投稿，文章今次繼續以我皇教練為主題，至於係邊位？🤔大家自己睇啦！

1月西超盃失利後，上文提到嘅沙比阿朗素就黯然地選擇離開，而佢昔日嘅好隊友 #艾比路亞就接替佢嘅工作，成為我皇新教練。上任前，艾比路亞雖然只有青年軍嘅帶隊經驗，但成績表相當亮眼，曾試過為青年軍豪奪「三冠王」👍！

不過，坊間好多人都覺得唔應該揾佢執教，認為佢無能力😮。筆者認為佢曾參與不同大賽、跟過不同名帥，並非無能力之人，只係缺乏執教一隊嘅經驗、缺乏「照顧」球星們嘅經驗，加上內斂性格，可以預期佢執教時間唔會太長，最終亦只有半季🥲。

回顧佢執教嘅半季，絕非毫無貢獻：熟悉青年軍隊員嘅能力，適當地安排佢哋上一隊跟操、比賽，既為球隊注入鮮血及活力💖，亦可促進青年軍嘅成長與經驗嘅累績，比達治嘅成長尤其明顯，季中更直接提拔上一隊，不用再返青年軍比賽💪。

佢為球隊帶嚟「快樂足球」，期望每個球員都踢得開心，開心先會有好嘅表現😊。呢個諗法原意係提升隊內氣氛、緩解球員嘅壓力，可惜係當球員們有拗撬嘅時候，內斂嘅佢未有及時制止紛爭，以至隊員們有不愉快事情發生😅，球隊頓時好似足球穿窿咁：漏嗮氣😭。

球季結束時，顯然各位都感到失望，因為成績表只有「豬仔」，但如果細心嘅球迷有留意嘅話，球隊交出嘅數據其實並非所想般差勁📊，反而係與球員心理狀態不穩有關🧐。

關於呢個問題，留待下次再同大家探討😉。

今次筆者喺收筆之時，收到艾比路亞去咗 #倫敦與沙比阿朗素「聚舊」嘅消息，唔知下季佢哋邊個會贏呢💭？倫敦嘅天空會係沙比阿朗素嘅藍色，抑或係艾比路亞嘅白色呢😗？

倫敦就唔知會變成點，然筆者深相 #馬德里同歐洲嘅天空，下一季都會變成白色🤭！

最後，筆者祝願艾比路亞可以喺倫敦取得佢值得嘅成功🏅！

撰文： #青衣誠

如果大家都睇完波有咩感想，或有咩關於我皇嘅想同其他皇迷分享，都歡迎向我哋投稿。

皇家馬德里香港官方球迷會 2026-27年度 #會員招募 /續會進行中，早鳥優惠到8月10日，招募期到8月30日，錯過就要等下年！申請連結👇🏻：
realmadridhkfc.org/members/apply/

---------------------------------

#皇馬

唔想錯過最新內容？記住去「追蹤/Following」設定為搶先看/See First」！

23/07/2026

[ #球迷會招募][ #有咩活動][ #詳細介紹]

申請入會連結：
realmadridhkfc.org/members/apply/

球迷會26-27季會員招募/續會，已經展開將近一星期，仲諗緊入唔入會？唔知球迷會有咩玩？不如睇下以下介紹啦～！

或者大家都好奇其實皇馬官方球迷會有咩活動，係咪圍爐講下波又或者踢下波咁？

其實球迷會都有好多活動可以參加嘅，不論踢波、唔踢波或少踢波嘅朋友，所有活動都係歡迎會員參加。

會員群組：會員專屬群組，喺入面可以認識到其他皇迷，仲可以一齊交流下添，內容除左皇馬本隊，仲有好多話題，由足球到生活資訊都有，真係唔愁無野傾，唔愁識唔到朋友。

睇波活動：唔使多解釋啦，通常早波、打吡或決賽我地都會搞下睇波團，等大家可以聚埋為皇馬打下氣。最多人嗰次，仲試過近200人一齊睇歐聯決賽添，好熱鬧架。

運動同樂日：搞過足球、Pickleball、羽毛球、行山、獨木舟、電競等活動。所有運動同樂日，都係歡迎所有會員參加，不分老少，男女適合架。

球迷足球隊：不時會友賽外隊或其他球迷會，亦有自己分隊練波，只要加入咗足球隊就可以報名參加。友賽或練波以7人或11人仿草為主，間中亦會石地。足球隊亦有參加聯賽，例如球迷會聯賽或外面嘅聯賽，俾有興趣嘅隊員可自費參加。

團體捐血：之前我地約1年舉辦2次捐血活動，通常1月同6月，歡迎所有會員連同家人朋友出席，參與公益，回饋社會。

各式聚會：仲有各式嘅聯誼聚會活動，過去我哋曾經搞過睇電影、打邊爐、BBQ、飯局，嚟緊亦希望可以嘗試其他活動，歡迎大家提出意見，更歡迎幫手組織。

其他活動：球迷會不時會喺會員群組度舉行有獎遊戲，送下禮品；亦有應西甲或皇馬球迷會協會邀請參加Fantasy足球遊戲；前幾年更試過組隊參加渣馬10K，又搞過Online Running Challenge等。上年，我哋仲組織咗近100人一齊去參觀CR7 LIFE Museum，同去大球場睇沙特超級盃嘅2場四強同決賽。

會員團購：球迷會不時會搞下團購活動，等會員可以用會員價買到心頭好，又可以一齊分攤運費。曾經團購過嘅貨品包括熱門嘅官網男女裝波衫、服飾，甚至其他各式同皇馬有關嘅精品，最近，我哋仲開始玩埋組團爆卡添。

追星活動：球迷會曾經去機場送過卡路士伊斯高機，亦去過尖沙咀adidas等施丹，又試過參加摩連迪斯嘅活動，仲有費高嘅球迷會私人簽名會、華拉尼追星活動、朗拿度見面會等等。

朝聖之旅：要數最開心嘅活動，一定係上年12月出團去班拿貝朝聖，期間睇咗場西甲同歐聯嘅比賽，去咗班拿貝嘅餐廳用餐，又去咗皇馬嘅辦公室，仲同當地球迷有聚會添。

其實都真係好多嘢玩，大家快啲加入 #皇家馬德里香港官方球迷會，成為一個Hong Kong Madridista 啦！

2026-27年度會員招募/續會簡介，內有申請入會連結，：
https://realmadridhkfc.org/2026/07/15/2026-27members/

招募日期: 即日起至2026年8月30號（早鳥至8月10號）
---------------------------------

#皇馬

唔想錯過最新內容？記住去「追蹤/Following」設定為搶先看/See First」！

17/07/2026

[ ][ #會員招募]

申請連結喺留言。

#皇家馬德里香港官方球迷會 2026-27年度會員招募/續會正式開始啦。即日起到8月10號做緊早鳥優惠，記得唔好入多錢呀！稍後我哋仲會喺adidas有球迷會招募日/禮品領取日，宜家入會/續會，到時就可以優先領取會員卡同會員禮品。

2026-27年度會費(正價)：
入會：皇馬會員$250；本地會員：$300；
續會：皇馬會員$200；本地會員：$250。

早鳥優惠，10/8/2026前完成入會/續會，
入會：皇馬會員$200；本地會員：$250；
續會：皇馬會員$120；本地會員：$170。

#皇馬會員同 #本地會員有咩分別？喺留言慢慢話你知。

招募/續會截止日期：2026年8月30日

注意：新入會年費內其中港幣５０元為本會代皇家馬德里向會員所收取，作為皇家馬德里向官方球迷會會員所收取之費用，有關費用皇家馬德里收取為每位會員５歐元。

---------------------------------

#皇馬
#皇馬球迷會招募

唔想錯過最新內容？記住去「追蹤/Following」設定為搶先看/See First」！

16/07/2026

[ ][ #書展活動]

有人支持皇家馬德里十年、二十年，有人甚至將呢份對銀河艦隊嘅熱愛，代代相傳。

作為「皇家馬德里香港官方球迷會」，我哋一路上見證過無數奇蹟之夜，捧過無數次歐聯大耳盃。但背後，最令球會自豪嘅，係一班無論風雨、不分凌晨，都一齊喺香港高呼 "Hala Madrid" 嘅你哋。

《如何在香港成為歐洲足球會的最強後盾》講座，聽日正式登陸會展！

今次，我哋會長 June 獲得 PartyDroid 嘅誠意邀請，將會代表皇馬球迷會，同另外四支英超及西甲球會代表首次同台對談！June 將會親自訴說，如何由一個普通madridista ，到成立呢個官方球迷會、凝聚香港皇馬力量嘅心路歷程。

📅 活動詳情：
📍 地點：香港運動消閒博覽 - 主舞台區 (書展 5/F)
📅 日期： 7月17日（星期五）
🕕 時間： 6:15 PM
⚽ 主題：《如何在香港成為歐洲足球會的最強後盾》

現場仲有球迷互動、足球問答，MC Hilda驚喜演出，仲有禮物送出，一齊黎玩，幫我哋會長 June 加油打氣！

7月17日，我哋會展5樓主舞台見！Hala Madrid！🤍

#皇家馬德里香港官方球迷會 #美凌格 #皇家馬德里 #香港書展 #香港運動消閒博覽

11/07/2026

[ ][ #啟德市集][ #優先入會]

我哋喺啟德Airside嘅「足球派對」市集開咗喇，大家快啲嚟搵我哋Say個Hi、玩下遊戲攞獎品啦，嚟到仲可以即場入會架。

小遊戲嘅獎品將會送出由插畫家 @10號仔繪畫嘅皇馬傳奇postcard，而即場入會仲會獲得會場限定入會禮品一份。所有獎品都係數量有限同先到先得，記得早啲到，約定你，到時見！

日期：7月11日星期六
時間：13:00-19:00
地點：啟德Airside，3樓

2026-27年度，新會員會費(早鳥)：
皇馬會員：HK$200 (持有皇馬Madridista Premium Card / Madridista Platinum Card)
本地會員：HK$250

---------------------------------

#皇馬

Dirección

Avenida De Co**ha Espina 1
Madrid
28036

Horario de Apertura

Lunes	09:00 - 17:00
Martes	09:00 - 17:00
Miércoles	09:00 - 17:00
Jueves	09:00 - 17:00
Viernes	09:00 - 17:00
Sábado	09:00 - 17:00
Domingo	09:00 - 17:00

Página web

http://www.realmadridhkfc.org/

Notificaciones

Sé el primero en enterarse y déjanos enviarle un correo electrónico cuando 皇家馬德里香港球迷會 - Real Madrid Hong Kong Fans Club publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.