Club Kickboxing Lalín

29/04/2026

https://www.facebook.com/share/1ME7u8y2dq/

LALÍN CELEBRA UN ORO E DOUS BRONCES NO CAMPIONATO DE ESPAÑA DE KICKBOXING

Os deportistas do club Two Warriors Academy (TWA) de Lalín, David Gil Nogueira e Marcos Fernández Méndez, asinaron unha salientable actuación no Campionato de España de Kickboxing, celebrado na Nucía (Alicante) do 23 ao 26 de abril.

David Gil Nogueira proclamouse campión de España na modalidade de Pointfighting na categoría sénior de -94 kg, revalidando así o título conseguido en 2025 e confirmando o seu dominio a nivel nacional. Ademais, sumou unha medalla de bronce na modalidade de Kicklight, completando un campionato de gran nivel competitivo.

Pola súa banda, Marcos Fernández Méndez, adestrador do club TWA, logrou unha meritoria medalla de bronce en K1 lights na categoría máster de -84 kg, no que supón a súa última participación en competición, pechando así a súa etapa deportiva cun novo éxito.

Con estes resultados, ambos os deportistas regresan a Lalín cun total de tres medallas —un ouro e dous bronces—, consolidando o crecemento e o nivel do Two Warriors Academy no panorama nacional do kickboxing.

Desde o club destacan o esforzo, a constancia e o compromiso de ambos os competidores, que continúan situando a Lalín no mapa do deporte de alto rendemento.

Parabéns David e Marcos!!

Máis información no Deza Deportivo de Radio Lalín, de luns a venres de 13:30 h a 14:00 h, na 106.8 FM e https://www.lalin.gal/radio-lalin

Envíanos os teus datos a [email protected]

Goooo….

23/03/2026

https://www.farodevigo.es/deza-tabeiros-montes/2026/03/23/punos-oro-lalin-arena-128282200.html

El I Trofeo Cocido de Kickboxing reunió ayer a 150 deportistas en Lalín. El evento, organizado por el Two Warriors Academy, rindió homenaje a los campeones de España David Gil Nogueira y Javier Cuíña García

22/03/2026

https://www.facebook.com/share/p/1LPyoSVa6C/

21/03/2026

⚠️ ALERTA NO CEO: Nivel de lenda activado. ⚠️
​Bruce e Chuck xa están xuntos de novo.
​💬 "A ver quen é o guapo que m***a xaleo agora alí arriba..."
​A paz celestial está garantida: ou pola boa, ou pola "patada xiratoria". 🥋✨

19/03/2026

🥊 LALÍN VOLVE A VIBRAR CO KICKBOXING! 🥊
17 ANOS DESPOIS, OS COMBATES ESTÁ DE VOLTA!

​Quen se lembra daquela tarde épica no Centro Comercial Pontiñas, coincidindo con unha concentración motera, hai 17 anos?
O Kickboxing volta a Lalín e esta vez promete ser aínda máis grandioso!

​🔥 Non te perdas esta oportunidade única de vivir a emoción do Kickboxing en directo na nosa vila!

https://www.facebook.com/share/p/1HtGBGfAoK/

03/03/2026

Se pensabas que o único "impacto" forte en Lalín ía ser o do chourizo do cocido baixando polo esófago, estás moi equivocado/a. Este mes imos ver quen aguanta o tipo no ring sen que lle repita a cachola.

Chega o TROFEO KICKBOXING COCIDO DE LALÍN. Porque si, en Lalín somos así: primeiro comemos coma se non houbera un mañá, e despois baixamos as calorías a base de low kicks e ganchos.

📅 O que tes que saber:
Cando? O domingo 22 de marzo.
Onde? No Lalín Arena. Onde se non?
Organiza: Os valentes de Two Warriors Academy.
Colaboran: O Concello e a Deputación.

¡Vémonos no Lalín Arena!

02/03/2026

https://www.facebook.com/share/p/1FKBbeHcWk/

DAVID GIL CONQUISTA UN DOBRE OURO NO STARS LEAGUE DE KICBOXING EN SANTANTER

O deportista lalinense David Gil Nogueira, representante do club Two Warriors Academy, asinou unha actuación sobresaliente o pasado sábado 28 de febreiro na Stars League, competición organizada pola FEKM e celebrada en Santander.

O competidor, natural de Lalín, participou na categoría Sénior, dentro das esixentes modalidades de Lightcontact +94 kg e Kicklight +94 kg, dúas disciplinas que requiren alto nivel técnico, resistencia e capacidade táctica.

Tras unha xornada marcada por combates de gran intensidade e rivais de elevado nivel competitivo, David Gil Nogueira logrou impoñerse con autoridade, proclamándose campión e colgándose a medalla de ouro en ambas probas.

Este dobre triunfo consolida a súa progresión deportiva e reforza o posicionamento do seu club como unha das referencias galegas no ámbito do kickboxing nacional.

O resultado supón un importante recoñecemento ao traballo técnico e físico desenvolvido durante a tempada, así como ao compromiso competitivo do deportista, que demostrou solidez, estratexia e determinación en cada enfrontamento.

Parabéns David Gil!!

Máis información no Deza Deportivo de Radio Lalín, de luns a venres, de 13:30 h a 14:00 h, na 106.8 FM e https://www.lalin.gal/radio-lalin

Envíanos os teus datos a [email protected]

Gooooo....

25/02/2023