07/12/2015
VOLVE A PISTA DE XEO!
Froito dun acordo de Pontiñas CC e de Lecer Gadis e Atlántida, firma encargada do proxecto, abrirase ao público o luns, 7 de decembro, na chaira exterior do centro comercial unha pista de xeo natural de 250m2 para goce de todos aqueles que escollan a patinaxe como unha nova fórmula de lecer entre as súas preferencias.
En efecto, desde o 7 de decembro ata o 10 de xaneiro de 2016, Lalín poderá g***r dunha nova oferta lúdica para o municipio debido ao seu potencial atractivo invernal para os visitantes locais e tamén foráneos.
ATLÁNTIDA PROXECTOS DE LECER, S.L.U.
Atlántida Proxectos de Lecer S.L.U. é o distribuidor exclusivo para España desde o ano 2006 dos produtos da empresa holandesa Ice World International.
Desde que nesa data introducisen por primeira vez no noso país o novo sistema patentado despregable de tubos de aluminio que fai que as nosas pistas de patinaxe sexan únicas, somos o vínculo entre a produción e a distribución das devanditas pistas de patinaxe.
Desde os seus inicios, o crecemento da empresa foi constante, chegando no momento actual a contar con ata 38 empregados durante os meses de alta actividade comprendidos desde novembro a febreiro e unha rede de colaboradores especializados ao longo de toda a península.
O campo de actuación de Atlántida é amplo, desenvolvendo proxectos para todo tipo de clientes desde os máis grandes ata os máis pequenos dentro de sectores como centros comerciais, empresas privadas e administración pública.
Misión
En todo o que facemos esforzámonos para alcanzar a máis alta calidade e perfección. Enfocámonos na innovación, na sustentabilidade e en proporcionar valores engadidos aos nosos clientes. No proceso ao completo: desde a idea ata o desenvolvemento, desde a produción e loxística ata a instalación, operación e servizos.
Patinar sobre xeo proporciona actividade física e conecta ás persoas. O noso desexo é que todo o mundo poida acceder á diversión que proporciona o lecer no xeo. En calquera lugar e en calquera localización. Para clientes que se atopan en busca dun evento especial.
Compromiso coa calidade e o medio ambiente
Mantemos un compromiso claro coa calidade e a contorna promovendo a optimización e uso responsable dos recursos dispoñibles na nosa organización.
Os puntos importantes na política de Ice-World son a redución do consumo de enerxía (ata un 36% menos), a minimización da cantidade de residuos de embalaxes, a minimización das emisións dos residuos na natureza e o uso de líquidos refrigerantes ecolóxicos. Para iso contamos coa certificación de calidade e medio ambiente baseada na norma ISO 14001.
Por unha banda a enerxía consumida compensámola con enerxía eólica e doutra banda compensamos o 100% da emisión de CO2 a través do investimento en proxectos para o medio ambiente. Anualmente restituímos 3325 toneladas de CO2 a partir da plantación de mangles en Myanmar, (antigamente coñecido como Birmania).
CARACTERÍSTICAS DA PISTA DE XEO
A pista dispoñerá de 4 monitores especializados que estarán preparados para atender as esixencias e necesidades do público asistente á instalación.
Situada baixo unha carpa de 400 m2 instalada por ELECTRICIDADE DO CAÑO, contará con zona de cambio de patíns con mostrador, moqueta, bancos e andeis. Ademais, para os máis pequenos de contará con patíns de dobre coitela, con 2 Bobbys andadores de dúas prazas para iniciarse na patinaxe así como cascos de protección para evitar lesións en caso de caídas.
ESPECTATIVAS E OBXECTIVOS
Ademais de buscar novas sinerxias que se poden establecer coa hostalería e o comercio locais, dado que o potencial da pista pode atraer a xente de toda a comarca ou mesmo foráneos, perséguese, con esta instalación novas fórmulas de lecer para animar, neste caso durante o período do Nadal, a axenda de eventos do municipio lalinense.
HORARIOS E PREZOS
A pista estará aberta de luns a domingo.
Ata o 18 de decembro a organización abrirá as mañás de luns a venres para os colexios de 11 a 14 horas e polas tardes ao público en xeral de 17 a 21 horas.
Todos os fins de semana e a partir do día 18 de luns a domingo con horario ininterrompido de 11 a 22 horas.
A pista permanecerá pechada unicamente de mañá os días 25 de decembro e 1 de xaneiro. En canto aos prezos, unha sesión de 45 minutos de patinaxe en pista con aluguer de patíns custa 6 euros; as luvas son obrigatorios e no caso de que o usuario non dispoña dos seus propios estes terán un custo de 1,50.
Para os colexios a entrada será de 2 € en sesións de 1 hora.
Poderanse vender entradas por adiantado cun custo por tramos de:
Ata 500 unidades un custo de 5,50 € / unidade.
De 500 unidades a 1.000 unidades un custo de 4,50€ / unidade.
Máis de 1.000 unidades un custo de 3€ / unidade.
Contacto ATLÁNTIDA:
Mar López do Oso.
Telf. 91 730 54 54.
Móbil. 686 45 86 45.
