¿Qué es el sitio web?

https://www.facebook.com/357503558674644/

Galicia_sigue camiñando

Casa
España
La Coruña
Galicia_sigue camiñando

Información de contacto, mapa y direcciones, formulario de contacto, horario de apertura, servicios, puntuaciones, fotos, videos y anuncios de Galicia_sigue camiñando, Deportes, La Coruña.

Somos un grupo de alumn@s do Mestrado de Investigación e Innovación en Didácticas Específicas en Educación Infantil e Primaria da UDC

O noso obxectivo é realizar un proxecto que incentive á xente á realización de rutas por Galicia

01/09/2021

Non quixemos rematar agosto sen coñecer este recuncho 🤎💙

09/04/2021

A ruta desta fin de semana chéganos da nosa seguidora Rocío (.cc ), a cal realizou unha ruta de sendeirismo polo río Ouro en Fazouro (concello de Foz).

Ten unha lonxitude duns 3,62km de ida -e outros tantos de volta se se desexa volver polo mesmo sendeiro-, un nivel de dificultade moderada e unha duración aproximada de 1h e 30 minutos.

Esta ruta segue o percorrido do río Ouro, pasando por varias pontes e podendo desfrutar da caída da auga dunha pequena presa que se atopa ao final do percorrido.

Natureza, son da auga, canto de paxaros... que mellor plan para desconectar esta fin de semana e conectar coa nosa terra? 🍃

Animádevos! @ Fazouro, Galicia, Spain

07/04/2021

Preparándonos para saír á natureza! Quen se anima? 🍃🏃🏼‍♀️

05/04/2021

Chegamos a Ribeira e queremos mostrarvos a seguinte ruta. É de 4,15kms., ten unha dificultade moderada e é accesible a todos xa que por unha parte ten pasarela e pola outra un camiño. Realizando esta ruta somerxémonos de cheo no parque natural das Dunas de Corrubedo.

Unha vez alí está todo sinalizado á perfección, mais pódese seguir o percorrido no enlace do noso Genially: https://view.genial.ly/6025580fa8eeab0db2f98a99/interactive-image-galicia-sigue-caminando

Realizando esta ruta pódense contemplar:
1. Complexo Dunar de Corrubedo 🏜
2. Mirador da gran duna 📸
3. Charca de Olveira
4. Praia Ferreira 🌊

+info: a ruta do enlace vai ata o principio da praia, pero é posible (e recomendable) camiñar polas praias de Ferreira, Ladeira, Lagoa e Vilar. 🏖 Atópanse unha á continuación da outra e alongaríase de maneira importante o percorrido.

Concello de Ribeira

24/03/2021

Ferrol chámanos nestes días soleados, desde a comarca de Ferrolterra. Esta ruta é de 4,23kms., cunha dificultade moderada e accesible a todos.
Realizando esta ruta de elaboración propia por un seguidor anónimo podemos coñecer os principais puntos da cidade de Ferrol e máis en profundidade o Barrio de Canido. Este é un dos barrios máis populares de Galicia xa que un artista residente decidiu poñer cor ás fachadas deterioradas polo abandono e pola crise industrial da zona nin máis nin menos que coas MENINAS de Velázquez. Actualmente todo o barrio está cheo de diferentes tipos de Meninas.
No enlace ao genially da nosa descrición poderedes acceder a esta ruta na que se pasa polas seguintes localizacións:
1. Praza de España
2. Rúa Galiano
3. Praza de Armas
4. Barrio de Canido 🎨
5. Rúa María

+info:
1. Esta ruta poderíase ampliar e facer por todas as rúas do barrio de Canido xa que ninguna delas ten desperdicio!
2. O enlace á ruta ofrece unha gran cantidade de fotografías 📸, botádelle un ollo! ⬇ https://es.wikiloc.com/rutas-a-pie/ferrol-plaza-de-espana-canido-67118591

.mola

14/03/2021

Comezamos este día de domingo cunha ruta máxica polo Monte do Viso, en Santiago de Compostela. Correspóndese concretamente á Senda Mitolóxica, pola cal a nosa seguidora Andrea realizou unha ruta de sendeirismo duns 7,75 km en aproximadamente 1h e 40 minutos, cun nivel de dificultade media-alta.

Esta ruta ofrécenos unha experiencia máxica na natureza, con vexetación autóctona e que mostra as súas cores características unha vez chegado o outono. Durante a realización da mesma podemos atopar até 10 esculturas a tamaño real (realizadas por José Manuel Méndez Rodríguez) que fan referencia a seres mitolóxicos propios da cultura galega:

- Mouros e mouras
- Nubeiro
- Tardo
- Lamia
- Gatipedro
- Breogán
- Coca
- Meiga
- Biosbardos

Esta ruta vai dirixida a calquera tipo de público, aínda que ten especial interese para os/as máis pequenos/as da casa, posto que é a combinación perfecta entre actividade física, día en familia e coñecemento da terra na que vivimos.

Agardamos que realicedes esta ruta máxica, xa que como nos indica a nosa seguidora Andrea (.das) “é un privilexio ter a poucos metros da cidade un lugar completamente natural onde poder desconectar e evadirse do ruído e das aglomeracións. É un sitio que transmite moita tranquilidade porque, aínda que a cidade está xusto diante, só escoitas natureza”.

E vós, animádesvos a facer unha viaxe máxica pola nosa cultura? @ Santiago de Compostela, Spain

11/03/2021

A nosa parada de hoxe correspóndese a un pequeno tramo da Ruta Costa da Égoa, en Carral (A Coruña).

A nosa seguidora compartiu con nós esta ruta de sendeirismo duns 2,5 km e explica que é un plan perfecto para facer con nenos e nenas, aínda que tamén é un bo plan de desconexión para o público en xeral.

Nesta ruta realízase tanto unha visita coma un paseo polos muíños de auga restaurados, á vez que desfrutamos do estado puro da natureza. O punto de saída sería o aparcadoiro dunha pequena área recreativa, cuxas coordenadas son 43°11.366” W8°21.911”.

Moitas gracias a pola súa aportación a este proxecto de roteiros pola nosa terra.

E vós, animádesvos a realizar e compartir rutas? Esperámosvos! @ Carral

07/03/2021

Non ten desperdicio o vídeo que nos chega desde Betanzos! 🤩

+interés: reproducir o vídeo con son xa que se poderá apreciar o ruído/tranquilidade nas zonas urbanas e da periferia.

07/03/2021

Betanzos, concello que forma parte da propia comarca de Betanzos. É unha ruta de 4,37kms., cunha dificultade media e con accesibilidade só na parte urbana xa que presenta dificultades para todo o público na parte das aforas.
Realizando esta ruta de elaboración propia por un seguidor que elixiu o seu anonimato podémonos achegar a unha das cidades medievais máis importantes de Galicia, pois foi capital dunha das sete provincias do antigo Reino de Galicia.
Ademais, engadiuse o link á ruta de Betanzos no enlace que aparece na biografía sobre as diferentes rutas que conforman este proxecto, e poderedes seguir no mapa as indicacións para a realización das mesmas.
A través desta ruta por Betanzos, poderedes observar as seguintes localizacións:
1. Praza de García Irmáns (popularmente coñecida como "O Campo", porque foi durante séculos o campo da feira)
2. Praza de Alfonso IX (chamada así polo rei Alfonso IX de León e Galicia o que lle concedeu en 1212 o título de vila e, en 1219, estableceu o seu asentamento sobre o antigo castro de Untia, que actualmente segue ocupando)
3. Paseo Galera
4. Ponte do tren
5. Panorámica da cidade de Betanzos
6. Muíños de Caraña de Abaixo ( aquí atópase a antiga fábrica de curtidos cos seus “Pelamios”, cubetas de auga e cal onde se abrandaban as peles, xa que Betanzos foi fai 200 años un referente en Galicia na industria da pel)
7. Ponte do Río Mandeo
8. Ponte Vella (ano 1200)
9. Panorámica da Praza de García Irmáns
10. Arco da antiga porta que dá entrada ao Conxunto Histórico-Artístico da cidade de Betanzos (declarada con este nome no ano 1970)
11. Igrexa Santa María do Azogue
12. Arcos de entrada á cidade
13. Igrexa de Santiago de Betanzos
14. Praza da Constitución (é onde mellor se ve a importancia que tivo a cidade na Idade Media xa que nela aparecen representados os principais poderes, a Igrexa co templo dedicado a Santiago e a nobreza cos pazos de Bendaña, Lanzós e Taboada)

Concello de Betanzos

05/03/2021

GAL- As nosas rutas remataron, mais a nosa viaxe non. ⬇
Agora que puidestes ver como a faciamos cos nosos concellos ANIMÁMOSVOS a que nos enviedes as vosas rutas, tanto elaboradas por vós como xa inventadas.
*Como?*
1. Utiliza algunha app que recolla a ruta e pon a gravar cando comeces.
2. Fai algunha foto que consideres oportuna para mostrarnos o interese da ruta (e vídeo opcional).
3. Contacta con nós con unha mensaxe e envíanos todo o material, farémosvos algunhas preguntiñas (fáciles, por suposto!) e post feito!
• Se prefires realizar outro tipo de actividade física escríbenos e dirémosvos os pasos a seguir. ⛷🏄🏻🚣‍♀️🧗‍♂️🚴‍♀️🎾🛹🏊🏻‍♀️

+info: empezaremos polas rutas que teñamos en Galicia, mais tamén as aceptaremos doutros puntos xeográficos en vista á futura posibilidade de mobilidade.

ESP- Nuestras rutas han acabado, pero nuestro viaje no. ⬇
Ahora que pudisteis ver cómo lo hacíamos con nuestros ayuntamientos OS ANIMAMOS a que nos enviéis vuestras rutas, tanto elaboradas por vosotros mismos como ya inventadas.
*¿Cómo?*
1. Utiliza alguna app que recoja la ruta y pon a grabar cuando empieces.
2. Haz alguna foto que consideres oportuna para mostrarnos el interés de la ruta (y vídeo opcional).
3. Contacta con nosotros con un mensaje y envíanos todo el material, os haremos algunas preguntitas (fáciles, ¡por supuesto!) y ¡post hecho!
• Si prefieres realizar otro tipo de actividad física escríbenos y os diremos los pasos a seguir. ⛷🏄🏻🚣‍♀️🧗‍♂️🚴‍♀️🎾🛹🏊🏻‍♀️

+info: empezaremos por las rutas que tengamos en Galicia, pero también las aceptaremos de otros puntos geográficos en vista a la futura posibilidad de movilidad.

03/03/2021

A nosa viaxe remata aquí, en Muxía, un pequeno pobo mariñeiro da zona da Costa da Morte.
A ruta que foi realizada nel é de carácter moderado, cunha duración de 1 hora e unha distancia de 12.800 pasos.
A través deste percorrido poderemos coñecer os lugares máis significativos e característicos de Muxía:

- Praia da Cruz situada na entrada e que nos dá a benvida a este pequeno pobo.
- Porto deportivo xunto co paseo marítimo.
- Porto mariñeiro xunto coa lonxa, principal motor de vida do mesmo, e que garda a historia artística do pobo cos famosos “Muros do Nordés”.
- Secadeiros do congro, oficio típico e artesán do pobo que a día de hoxe seguen a estar activos e distruíndo congro seco a diferentes partes de España e tamén do estranxeiro.
- Faro da Barca e o tan emblemático Santuario da Virxe da Barca, que conta cunhas das vistas máis fermosas do mundo, sendo tamén unha das zonas máis importantes para a recolecta do percebe.
- Pedra “A ferida” monumento adicado á catástrofe do Prestige que tanto afectou a este pobo e á súa vida no ano 2002.
- Mirador do Corpiño, un monte dende o que podemos ter unhas vistas panorámicas de todo o pobo, da ría de Camariñas, da Punta da Buitra e do Monte Facho.
- Praza de O Coído, un dos lugares máis afectados pola catástrofe do Prestige e na que máis vida acolleu o pobo durante aquela fatídica época e na que se capturaron as mellores fotografías dos/das propios/as voluntarios/as que ofreceron tantísima axuda para a limpeza das zonas máis afectadas de maneira totalmente desinteresada.

Este é o final da nosa ruta, pero non do noso estilo de vida. Animámosvos a que sigades percorrendo novos camiños que vos permitan vivir grandes experiencias e o compartades con nós.
Esto é só o comezo e non queremos que remate, polo tanto axudádenos a continuar este bonito proxecto.
Galicia, sigue camiñando!💪🏻🏃🏼‍♀️🏃‍♂️🏖⛰

01/03/2021

A penúltima para do noso camiño: Baio. Pertencente ao , nesta ruta de ida e volta (6 km, aproximadamente, o que se traduce nuns 8.500 pasos) podemos g***r da natureza ao tempo que observamos a presenza de acción antrópica no medio.

A ruta comeza no paseo fluvial de Baio, que conta cun carril bici, e segue pola parte posterior da Carballeira. A ambas beiras do Río Grande hai sendos camiños acondicionados pola Asociación de Veciños local, que tanto serven para realizar unha camiñata, como para levar a cabo trails ou duatlóns.

A dificultade da ruta é moderada, aínda que se recomenda realizala nos meses de primavera e verán para evitar enchentas do río. Os puntos fundamentais que podemos atopar nesta preciosa ruta son: o paseo fluvial de Baio, a Carballeira, a presa e o muíño de Su A Agra, o instituto, o campo de fútbol e a piscina da vila, e Pedra Vixía, unha paraxe natural na que remata o camiño.

Nós seguimos camiñando, e ti? @ Baio

Dirección

La Coruña

Página web

facebook.com

Notificaciones

Sé el primero en enterarse y déjanos enviarle un correo electrónico cuando Galicia_sigue camiñando publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.