14/06/2026
🔜 𝐅𝐈𝐒𝐎𝐁𝐄𝐑 𝟐𝟔/𝟐𝟕 | 𝐏𝐀𝐁𝐋𝐎 🫂
Hoxe toca desexarlle sorte a Pablo, que emprende unha nova etapa deportiva.
Desde o primeiro día que existiu a sección masculina, Pablo formou parte deste proxecto, sendo un dos rapaces que medrou vivindo de primeira man cada paso dado polo club.
Na súa etapa de base contribuíu a conseguir ascensos, títulos e momentos inesquecibles, pero sobre todo estivo nos inicios, cando de verdade se necesita xente que poña o primeiro gran de area, o máis difícil, converténdose nun exemplo do que significa medrar dentro do Fisober. Ata que nestas dúas últimas tempadas, sendo aínda xogador xuvenil, deu o salto ao senior de Preferente, competindo e defendendo esta camiseta cun compromiso e unha madurez que van moito máis alá da súa idade.
Agora chega a oportunidade de probarse nun nivel superior. Un reto que se gañou co seu traballo, coa súa constancia e coa súa forma de entender este deporte.
Marcha para seguir medrando, pero sempre formará parte da familia Fisober, que o agarda de volta despois de cumprir todas as metas que se propoña. Porque hai xogadores que deixan pegada, e Pablo é un deles.
Grazas por medrar con nós en cada adestramento, en cada partido e en cada paso dado xunto a nós, na túa casa.
💪🏽 𝑶 𝒕𝒆𝒖 𝒕𝒆𝒊𝒕𝒐 𝒔𝒐 𝒕𝒊 𝒅𝒆𝒄𝒊𝒅𝒆𝒔 𝒐𝒏𝒅𝒆 𝒆𝒔𝒕𝒂 ⚽️
🖤 𝓢𝓞𝓡𝓣𝓔, 𝓟𝓐𝓑𝓛𝓞❗️
