Trail Encontro Monte Pindo

24/12/2023

19/12/2023

O vindeiro sábado 23 de decembro ás 19:00 horas no Centro Social A Bitácora (O Ezaro - Dumbría) preséntase o libro O MONTE PINDO AO DESCUBERTO: RUTAS E LENDAS.

Os seus autores, MODESTO GARCIA e NIEVES GARCIA, darán a coñecer o traballo dos últimos anos no que foron recollendo datos sobre os sendeiros, covas, muiños, minas, regatos e toponímia do Monte Pindo.

Un libro que recomendamos leer para poder enriquecernos e poder coñecer moito mellor os moitos puntos de interese que se agochan no monte que da nome ao noso pobo.

"Sobre o Monte do Pindo tense escrito moito, pero queda máis por descubrir, como se fai neste libro, no que cada apartado xa podería dar para un volume por se mesmo. Aquí, abárcanse, de maneira sinxela, aspectos como a xeografía e a hidrografía, cos ríos e fontes do entorno, así como datos da poboación dos lugares que rodean o macizo, porque hai xente que vive e viviu ao pé do dito monte. Tamén se fai un breve percorrido histórico e asemade se recollen as lendas que quedaron na memoria dos nosos antepasados. O inédito deste libro son as diferentes rutas e os seus puntos de interese, coas coordenadas UTM, cun pequeno mapa de axuda que inclúe dende as máis coñecidas até outras menos transitadas, como a dos muíños, a dos camiños sacramentais ou as que levan até as covas e refuxios que hai, a moreas, polo pedregal máxico que sempre consegue hipnotizar a quen mira para el. Ao final, inclúese un listado dos topónimos do Monte do Pindo, que, se non se conservan, corren o risco de caer no esquecemento."

O libro pódese mercar por internet no seguinte enderezo: https://www.toxosoutos.com/detalle_producto.php?&cok=no&len=2&id=774&p=1&cat=0&txt=pindo&idio=0

Libro para todas as idades e para que os nosos xóvenes coñezan o seu entorno e valoren a riqueza do macizo que os rodea. E tamén para que, os que temos unha idade, recordemos con nostalxia os lugares que forman parte da nosa infancia.

19/10/2023

Os amigos de Praia de Carnota Runners e o noso Concello de Carnota organizan un ano mais o Trail Vikingo, que chega a sua 9ª edición.

En vez de celebrarse na Semana Santa, como viña sendo tradicional, este ano proban trasladándoa ao mes de novembro.

Toda a información para inscribirvos a podedes atopar en: https://cronotec.es/

Tedes probas para todas as idades.

09/09/2023

Algo empezan a mover estes vikingos!!!!!
IX Trail Vikingo23

12 NOVEMBRO
(Reservade esta data)

31/07/2023

Agradecer de maneira especial ao noso gran amigo Tito Angel Concheiro Coello pola sua visita e por darnos un ano mais, unha clase maxistral sobre os segredos do noso ben querido Monte Pindo e a súa costa.

Moitas grazas Tito por darnos cada ano un pouco de luz sobre o que nos rodea e que, ás veces, por telo tan preto non somos quén de valorar na súa xusta medida.

31/07/2023

Resumo fotográfico da 13ª edición do Encontro Monte Pindo celebrado esta fin de semana do 29 e 30 de xullo.

Moitas grazas a todas e todos por compartir estes días con nos.

Agradecer a colaboración da empresa Stol Sea Farm que colaborou co rodaballo da comida de confraternidade de onte. Sen este tipo de colaboracións non sería posible. ¡Mil grazas!

https://www.facebook.com/media/set/?set=a.804692771361002

19/07/2023

¿A qué esperas? ¿Acompáñasnos?

13/07/2023

Non vos esquezades... O fin de semana do 29 e 30 de xullo vos esperamos en O Pindo (Carnota), ¡Pasamos lista!.

06/07/2023

XIII ENCONTRO MONTE PINDO EN MARCHA

Ainda que o 13 non é un número ben popular, os vindeiros días 29 e 30 de este mes de xullo terá lugar unha nova edición do noso encontro Monte Pindo.

Voltarán a tradicional subida ata A Moa, así como o inesquecíbel traxecto en catamarán pola Ría de Cee ata as Illas Lobeiras e a comida de confraternidade coas socias e socios, visitantes e colaboradores.

Na imaxe que acompañamos van os prezos e a maneira de inscribirse.

Como sempre feito con todo o cariño e o traballo da ACDR Pedramar para todos os que nos visitedes.

Agradécese que compartades este Encontro entre as vosas amigas e amigos.

24/06/2023

Un ano mais celebramos a noite máxica do San Xoan xunto cos nosos socios e veciños. A todos eles agradecerlle a sua asistencia.

Agradecer tamén aos asadores e colaboradores que axudaron a facer desta pequena festa un momento de alegría e esparcemento para a xente.

Por último felicitar a todas as Xoanas e todos os Xuanes. Que teñades un bo día de San Xoan.