29/08/2026
Hoxe pechamos a nosa 5 edición do campamento Malamía. Nesta ocasión, Warriors. 💛
E facémolo coa sensación de ter vivido algo moi especial.
Foron días de deporte, xogos, aventuras, aprendizaxes, retos, risas, compañeirismo e moitos momentos que seguramente quedarán na memoria de todos.
Grazas de corazón a todas as familias que confiastes unha vez máis en nós. Sabemos o importante que é poñer aos vosos fillos e fillas en mans doutras persoas durante tantas horas, e por iso intentamos que cada día tivese sentido, intención e algo diferente que aportarlles.
Nós organizamos, acompañamos, ensinamos e propoñemos actividades… pero cada edición lévanos á mesma conclusión:
os nenos tamén son os nosos mestres.
Ensínannos a improvisar, a mirar as cousas doutro xeito, a escoitar máis, a rir máis, a sorprendernos e, sobre todo, a seguir mellorando.
Nesta foto está gran parte do equipo que fixo posible Warriors. Faltan algunhas persoas, pero todas e cada unha delas deixaron a súa pegada nesta edición.
E hai algo que nos encanta: hoxe mesmo, sen case ter rematado, xa estabamos falando de novas ideas para o próximo campamento.
Porque cando pechas unha edición cansado, feliz, agradecido e coa cabeza chea de novas ideas… sabes que mereceu a pena.
Grazas por confiar. Grazas por sumar. Grazas por deixarnos formar parte dun anaco do seu verán.
E se esta edición significou algo para vós, deixádenos unhas palabras nos comentarios.
Ao equipo vainos facer moita ilusión lelas. 💛
