03/11/2022
بيكي أعلن عن الرحيل ديالو بفيديو على الأنستغرام و قال فيه :
" كوليز، أنا بيكي فالسيمانات الاخيرة لي دازو بزاف ديال الناس هدروا عليا و أنا ما قلت والو و لكن قررت أنني نهدر على راسي. كيف ما شحال من واحد منكم كنت مشجع للبارصا و كبرت فأسرة كتعشق كرة القدم و كتعشق البارصا، و فاش كنت صغير مكنتش باغي نكون لاعب كورة قدم و لكن كنت باغي نكون لاعب للبارصا.
بقيت كنفكر فراسي فاش كنت طفل ... داك الطفل لي كانوا تيقولو ليه أن الأحلام ديالك كاملة اتحقق و اتولي لاعب للبارصا و غادي تربح بزاف ديال الألقاب و أتكون بطل اوروبا و العالم، داك الطفل لي غادي يقدر يلعب مع أحسن اللاعبين في التاريخ، و ايكون قائد للفريق و أيوليو عند صحاب ديال ديما .... دازت 25 عام على أول مرة لبست قميص البارصا.
مشيت و رجعت مرة اخرى، كرة عطاتني كلشي و بارصا عطاتني كلشي و نتوما كوليز عطيتوني كلشي، دابا و بعد ما حققت جميع الأحلام لي حلم بها داك الطفل، بغيت نقوليكوم أن المسيرة ديالي وصلات للنهاية ديالها. من ديما كنت تنقول أنني معمرني انلعب مع فريق اخر من مور البارصا و هادشي لي ايوقع.
نهار السبت ايكون اخر ماتش ليا فالكامب نو، و من موراه انولي مشجع عادي مشجع ديال الفريق كولي فحالكم ... و لكن القصة ما سلاتش هنا ما زال غادي نرجع مرة اخرى ... فيسكا البارصا، دائما ".
![🚨🚨🚨🚨 |- حصرياً صحيفة [ SPORT ] ' 📰 - صفقة لاعب الارتكاز البرتغالي " روبين نيفيز " قريبة من الاغلاق في يناير القادم وتقدر...](https://img3.gyms1.com/566/065/137940395660658.jpg)
