23/06/2026
فیفا ورلڈ کپ 2026: ایک ہی دن میں تین اسٹارز نے شائقین کے دل جیت لیے
پیر 22 جون کو کھیلے گئے فیفا ورلڈ کپ کے میچز میں تین فٹ بال اسٹارز نے شاندار کھیل کا مظاہرہ کرتے ہوئے اپنی ٹیموں کو قتحیاب کروایا۔
ارجنٹائن کے ہر دلعزیز فٹ بال ہیرو لیونل میسی نے آسٹریا کے خلاف اپنے مخصوص انداز میں خوبصورت کھیل کا مظاہرہ کرتے ہوئے نا صرف اپنی ٹیم کو فتح سے ہمکنار کیا بلکہ ورلڈ کپ کی تاریخ کے سب سے زیادہ گول کرنے والے کھلاڑی بھی بن گئے۔
پیر ہی کو ناروے کے معروف فٹبالر ارلنگ ہالینڈ نے سینیگال کے خلاف 15 منٹ کے اندر اندر دو گول کر کے شائقین کو ایک شاندار فٹ بال مقابلے سے لطف اندوز ہونے کا موقع فراہم کیا۔ ناروے کی ٹیم نے سینیگال کو دو کے مقابلے میں تین گول سے شکست دی ۔ اپنی 26 ویں سالگرہ سے تقریباً ایک ماہ قبل ارلنگ ہالینڈ نے ثابت کر دیا کہ وہ تجربہ کار اسٹار فٹبالرز کے معیار کا کھیل پیش کر سکتے ہیں۔
ایسا ہی معیاری کھیل فرانس کی ٹیم کے مقبول ترین کھلاڑی کلیان امباپے نے بھی پیش کیا اور اپنے کیریئر میں شاندار پرفارمنس کے معیار کو برقرار رکھا۔ امباپے نے عراق کے خلاف میچ میں دو گول کیے اور یہ مقابلہ فرانس نے مجموعی طور پر عراق کو صفر کے مقابلے میں تین گول سے ہرا کر جیتا۔
ان تینوں کھلاڑیوں نے مل کر فیفا ورلڈ کپ 2026 میں اب تک 13 گول کیے ہیں، جن میں میسی کے 5 جبکہ ایمباپے اور ہالینڈ کے 4، 4 گول شامل ہیں۔ اس عالمی کپ میں ’گولڈن شُو‘ کے لیے دوڑ میں ان تینوں فٹبالرز کے درمیان سخت مقابلے کی توقع کی جا رہی ہے۔
ف۔dw
