19/01/2026
Arteixo acollerá unha gran fin de semana do judo coa participación prevista de máis de
1.000 deportistas
O Judo Club Arteixo organiza e acolle os vindeiros 24 e 25 de xaneiro, no Pazo dos Deportes
de Arteixo, un triplo evento de judo que converterá ao municipio nun dos principais focos do judo
galego durante a fin de semana. Prevese a participación de máis de 1.000 judokas e unha
asistencia estimada de arredor de 2.000 persoas de público ao longo das dúas xornadas.
O sábado 24 de xaneiro celebrarase unha xornada da Liga de Judo Rías Altas, con uns 700
competidores de todas as categorías. Ao remate da competición terá lugar a I Xornada de Judo
Paralímpico e A-Judo (Judo Adaptado), unha iniciativa pioneira na formación de adestradores e
na inclusión deportiva.
O domingo 25 celebrarase a Xuntanza Familiar – Judo en Familia, unha xornada de convivencia
entre deportistas e familias.
Arteixo acollerá un triplo evento de judo os días 24 e 25 de xaneiro
O Pazo dos Deportes de Arteixo acollerá os días 24 e 25 de xaneiro un triplo evento de judo
organizado polo Judo Club Arteixo, con máis de 1.000 deportistas e preto de 2.000 asistentes.
O sábado 24 celebrarase unha xornada da Liga de Judo Rías Altas con participación de todas as
categorías. Ao remate terá lugar a I Xornada de Judo Paralímpico e A-Judo, fomentando a
inclusión e a formación en discapacidade.
O domingo 25 desenvolverase a Xuntanza Familiar – Judo en Familia, promovendo a
convivencia e os valores do deporte base.
