23/07/2025
COLOFÓN FINAL DA TEMPADA 24/25 🧨💥💥
Non podía rematar a tempada de mellor maneira da que o fixo, con novos trofeos para o Clube de Billar Ordes!!! Os fins de semana do 11 ao 13, e do 18 ao 20 de xullo, pechouse a tempada 24/25 no Lalín Arena, coa celebración do ansiado Campionato Galego 2025, onde contamos cunha amplia representación, tal e como vos contamos fai dúas semanas.
Pois traemos un novo campionato e novos podios!!!
🥇Manuel Boedo: campión galego 2025, cuarta categoría individual.
🥈C.B. Ordes Moon Black (Eliyoan Dam, Carlos Loggiodice, Maury Materano, Luis Dam): subcampión equipos de quinta categoría
🥉Xián Becerra: terceiro clasificado juvenil.
🥉Eliyoan Dam - Carlos Loggiodice: terceiros clasificados en parexas de terceira categoría.
4 novos trofeos para o billar Ordense, nun ano no que o cambio de local nos axudou a dar un salto tamén de nivel, e que se demostra no palmarés que seguimos ampliando con estés novos títulos.
Ademáis dos trofeos, tamén se acadaron bos resultados finais en parexas de segunda categoría, onde Sergio Suárez e José Manuel Paradela caían en cuartos de final, ronda na que Sergio tamén caía despois no individual de segunda categoría. Maikel Silveira tamén chegaba ata os cuartos de final en individual de terceira categoría, mentres que na mesma categoría, a máis complicada por igualdad e e por número de xogadores, Pedro Raíces caía nos octavos de final.
En equipos de cuarta categoría, o C.B. Ordes GASH Pool, formado por José Garrote, Antía Becerra, Sergio Garrote e Héctor Rodríguez, chegou ata cuartos de final, quedando ás portas do podium ante o equipo que finalmente sería campión da categoría.
En terceira categoría sénior era Serafin Alonso o que non lograba pasar de octavos de final; mentres que na segunda categoría sénior José Manuel Paradela, José Manuel Ferreiro e Sergio Suárez chegaron os tres a cuartos de final, para rematar un gran ano a nivel individual todos eles, onde foron os “osos” da categoría.
En categoría femenina, foi Carolina Zavala a que nos representou ata octavos, mentres que Montserrat Rivas non conseguíu superar os decaseisavos.
En resumo… estamos moi contentos polos resultados conseguidos neste Campionato Galego 2025, e moi ilusionados co que ven por diante, xa que esperamos poder seguir mellorando o nivel da comarca, seguir mantendo a familia que conformamos no Clube, e poder achegar cada vez a máis xente este deporte tan bonito, onde todas as persoas sen importar a idade, o s**o ou a súa condición, pode participar e desfrutar.
Tamén queremos aproveitar para felicitar á AGP Comunicación pola súa organización un ano mais dun campionato desta magnitude, e que continúa a ser unha das referencias rexionais de toda España, no que moitos organizadores se fixan. Noraboa.
E por suposto, coma sempre, agradecer a todos os patrocinadores que axudan a que todo o que facemos dende o Clube sexa posible.
B. D. Cues
A Barrica Adega.
Nunca Jamás Statues
Xestoria Muiño
Grupo CercedaSol
Café - Bar 1909
Carnicería Prego
Supermercado Silveira
Cervecería Zentrum
la bolera...ordes
Asador A Campana
Talleres Fosado
Mástil Rotulación
De Zero - Periódico da Comarca de Ordes
Concello de Ordes
