https://www.facebook.com/108591825300408/

Mohamed Helaly- محمد هلالي, Tanta (2026)

19/02/2023

تشافى جاى يحطم أرقام المدربين اللى قبله و الفارق الاهم ان مش معاه ميسى، أعلم من هو مدربى ❤️💙

19/02/2023

الموسم ده من بدايته اتكلمت عن لاعبين كتير، كريستينسن و بوسكيتس و رافينيا و روبيرتو و جافى و أيضاً دور كيسيه انه اه مكنش بيلعب اول الموسم

بس قولت بعد ماتش اشبيلية ف الدور الاول انه هيجى وقت و هياخد فرصة و أيضاً فيران لما قولت انه عنده الإمكانيات بس كان محتاج وقت

العامل المشترك فى كل ده انى تلقيت انتقاد كتير وقتها و حالياً اظن كلامى بان انه صح، مش بحب اتكلم عن نفسى اصلا بس اظن ان كل اللى شكك ف كلامى مدين بإعتذار

18/02/2023

لماذا لا توجه الإنتقادات لبيب هذا الموسم بعد صرف الملايين على بناء فريقه و تعاقده مع اى عنصر طلبه و عنده بدل الفريق تلاتة

فى حين إن فترة انتقالات واحدة فقط لبرشلونة دعم فيها الفريق و لكن مازال بحاجة إلى تدعيمات مشابهة الموسم المقبل لأن الفريق لسة فيه نواقص

بس بيتم لوم تشافى على كل شيء سواء غلط او مغلطش هيتم انتقاده و المطالبة بإقالته و تصويره أنه اسوء مدرب ف الدنيا و لازم يمشى انهاردة

بيب الموسم ده بفريق الأحلام اللى بيملكه بيضيع نقاط غريبة متضيعش، محدش بيتكلم عن مداورة الدفاع كل ماتش و أن ده اللى مأثر على مستوى الدفاع و مخليه دفاع كارثى، لكن تشافى لو غير عنصر واحد هيُنتقد

جمهور برشلونة فى الحكم على بيب "الحالى" و تشافى حكم متناقض جدا لا يرجع لا للعقل ولا للمنطق

18/02/2023

مر شهرين على تاريخ تربع ميسى على قمة كرة القدم 💙💙

17/02/2023

من أسابيع قليلة واجه مانشستر سيتي مانشستر يونايتد و شفنا تين هاج بيغلب بيب بكل أفكاره و بكل عناصره الجبارة و تين هاج لا يملك ربع امكانيات سكواد بيب، بعدها واجه ارتيتا فى خارج ملعبه و كان ند ب ند بالرغم من الخسارة و هو واحد من ٣ فرق فقط فازت على ارسنال ارتيتا

نفس المانشستر و نفس التين هاج واجه برشلونة تشافى و شفنا ازاى برشلونة كان راس براس مع الفريق اللى السيتى نفسه من كام اسبوع كان بيعانى قدامه، برشلونة و يونايتد تقاسموا عدد الفرص و الخطورة و ده شيء عظيم من تشافى فى مواجهة مدرب خبير زى تين هاج

بالإضافة إلى أن خطته كان ممكن تنهار فى نص الماتش بإصابة بيدرى و نزول روبرتو لأنه الوحيد المتاح فى خط الوسط، بعيداً عن مستواه المتواضع ف كمان ده لاعب راجع من إصابة بس خطة تشافى مشيت و تشافى وجد حلول فى غياب بيدرى و ديمبلى، لكن صفحات الترول ليها رأى تانى

نيجى لنقطة التشكيلة اللى لازم كل واحد يعمل فيها فاهم اكتر من المدرب، لا انا و لا اى حد هيفهم اكتر من المدرب فيها لكن اللى بنشوفه هل اختياراته أدت اللى عليها ولا لا، اختياره ل ماركوس الونسو اظن أداءه فى الملعب باين أهميته غير تسجيله للهدف، استعادة الكورة عنده قريبة جدا من كريستينسن

اختيار ألبا اكيد كان عليه خوف ف الأول بس طبعاً محدش هيتكلم عن أنه قدم ماتش كبير، الضغط مفيش فيه غلطة و اكتر من مرة بيقطع تمريرات المنافس فى مناطق خطورة و فاز بكل التدخلات الأرضية، لكن طبعاً لازم ننتصر لأفكار مسبقة و مش هنقول ان تشافى أختار لعيبة و كانوا ممتازين

شفنا بيدرى بيتصاب إصابة عضلية بسبب تلاحم المباريات، طب مش يمكن يكون بالدى و كريس الاتنين كان عليهم شكوك جاهزية أو خوف من إصاباتهم و تكون مؤشرات بانت ف الغرف المغلقة او ف التدريبات اللى محدش فينا يعرف تفاصيلها، مفيش مدرب بينزل عايز يخسر الماتش اكيد و مفيش مدرب عايز يخسر لاعب بسبب إرهاق

فيه فئة كبيرة من الجمهور تفكيرهم الأكبر انتقاد كل شيء و اى شيء و إطلاق عليه كلمة فلسفة او حنيكة او اياً كان لكن مفيش حد بيتفلسف او بيتحنيك غيرهم، أرتيتا مع ارسنال فى الموسم الرابع و جمهور ارسنال بيقول محتاج وقته لسة و احنا بعد سنة واحدة بنقطع ف المدرب اللى طلع فريق كان غرقان ف الطين و خلاه فريق مرعب

16/02/2023

لأجل هذه الروح نعشق برشلونة ❤️💙

12/02/2023

بتكسب فى اى ملعب ضد اى منافس، مدرب بيعرف ازاى يكسب و بيتعامل مع كل ماتش على حسب معطياته، مباريات هيستحوذ و يحط خصمه فى منطقته الدفاعية

و مباريات ممكن تتخلى عن الكورة على فترات عشان تتجنب المرتدات بعد م تخطف جون سريع ف البداية و تلعب انت ع التحولات

التطور اللى بيمر به الفريق مع تشافى و تطور تشافى نفسه و سلاسته فى كل مباراة شيء ملاحظ بوضوح، الفترة الاخيرة بنمدح كل اللعيبة و ده راجع بشكل اساسى لتشافى

07/02/2023

لاعبين كتير قبل قدوم تشافى كنا فاقدين الثقة فيهم منهم اللى تشافى وثق فيهم و عرف يحصد نتيجة ده زى ديمبلى و بوسكيتس و لاعبين هو نفسه كان فاقد الثقة فيهم و همشهم ف فترة من الموسم

و حالياً لما بيلعبوا دقائقهم القليلة بيقدموا مجهود كبير عشان يستغلوا الدقائق دى و منهم روبرتو و اللاعب اللى مكنتش اتوقع ابدا انه يخرج منه المستوى ده و هو ألبا

ألبا فى مباراة صعبة زى مباراة اشبيلية هو اللى فك تكتل الدفاع بالهدف الاول و و انهى المباراة بصناعة الهدف التالت بالإضافة إلى احصائياته الدفاعية الممتازة و دى اكتر حاجة فاجأتنى، تشافى فعلا بيقدر يطلع من كل لاعب امكانياته الحقيقية

05/02/2023

فرانك كيسيه انهاردة أخيراً اثبت رأيى فيه أنه مش مجرد لاعب قوى بدنيا بل لاعب عنده كورة يقدر يراوغ و يعمل خطورة و يصنع اهداف منهم الهدف الرائع اللى صنعه لألبا

الاتسلام و الحفاظ على الكورة و ضهره للمرمى ثم الدوران و التمرير فى المساحة بنظرة رائعة لتحرك ألبا

إصابة بوسكيتس هتكون قرابة الشهر و مع اقتناع تشافى بالخطة الجديدة ف كيسيه هيحصل على وقت لأول مرة كلاعب اساسى لفترة طويلة، واثق ف قدرات كيسيه و أنه هيكون عنصر مهم جدا و مؤثر جدا الفترة القادمة بإذن الله

05/02/2023

فيه مواهب كتير مهما كانت مهارتها الفنية ف فيه منهم لاعبين سهل تغلبهم نفسياً، تغلبهم برا الملعب قبل جوا الملعب و فينيسوس واحد منهم

عايش دور المظلوم طول الوقت و ده اللى يخلى خصمه يزود فى استفزازه، فينى لو ف يوم مستواه نزل ف هيكون بعقليته هو مش لسبب تانى

05/02/2023

"القدم الذهبية لإيمليانو مارتينيز"

فى كل عصر بيتناقل الناس اساطير لأشياء خيالية و واحدة منهم اسطورة ان مارادونا حقق كأس العالم وحيداً مع المنتخب الأرجنتيني فى بطولة 1986

لم و لن تشهد كرة القدم لاعب يفوز بالبطولات وحيداً و لو كان ممكن كان ميسى حقق كل شيء لبرشلونة فى السنوات العجاف للبرسا لكن ده هو المستحيل فى كرة القدم

الجمهور الأرجنتيني أحد الشعوب المهوسة بكرة القدم لدرجة كبيرة لدرجة ان اعلامهم يروج لفكرة خرافية بيعيش بسببها أجيال كتير من لاعبى الأرجنتين بيتحطوا تحت ضغط رهيب

ضغط عشان تكسب كأس العالم عشان تنقذ نفسك من الإ..غتيال المعنوى و النفسى و ليس لأجل الأرجنتين، لمجرد انك تكون زى شخص بيعبدوه فى الأرجنتين حتى لو سجل هدف ب أيده فى كأس العالم

لذلك كان تصدى ايميليانو إنقاذ فعلى لحياته و لحياة جميع لاعبى الأرجنتين أولهم ميسى اللى كان بيتعرض للإ..غتيال النفسى ف كل ثانية من جمهور الأرجنتين و إعلامهم و من أهل مدينته فى روزاريو

سيذكر التاريخ أن هذا ليس مجرد تصدى فى الثوانى الاخيرة من نهائى كأس العالم بل إنقاذ لجيل كامل من لاعبى كرة القدم فى الأرجنتين

04/02/2023

مفيش حد بيحب اسلوب لعب شون دايش لكنه يظل المدرب التانى هذا الموسم بعد إيدى هاو اللى شفته بيقدر يحجم خطورة ارسنال و كان متوقع جدا ان ده يحصل مع الإعلان عن دايش انه بديل لامبارد فى تدريب ايفرتون

إغلاق كامل للأطراف و العمق و زى م ابو تريكة قال ف بين الشوطين، ايفرتون حرم ارسنال من بناء الهجمة و الخروج من منتصف ملعبه بالضغط العالى، و لما يهربوا من الضغط هيكون فيه دفاع منظم يمنع وصول اى تمريرة بينية

ارتيتا كان فقير الحلول و تغيراته كانت مركز ب مركز و مفيش تغيير فى شكل الفريق و كان عنده حلول افضل و اللى كنت بفضله هو اللعب ب ٤٤٢ بخروج اوديجارد و نزول تروسارد كان ممكن تخلى الفريق شكله افضل من وجهة نظرى المتواضعة

Mohamed Helaly- محمد هلالي

19/02/2023

19/02/2023

18/02/2023

18/02/2023

17/02/2023

16/02/2023

12/02/2023

07/02/2023

05/02/2023

05/02/2023

05/02/2023

04/02/2023

Address

Telephone

Website

Alerts

Shortcuts

Share

Category