مدرسة الأساليب لرياضات الدفاع عن النفس

  • Home
  • Egypt
  • Suez
  • مدرسة الأساليب لرياضات الدفاع عن النفس

مدرسة الأساليب لرياضات الدفاع عن النفس كونغ فو اساليب Wushu | كيك بوكسينج Kickboxing | وينج تشون Wing Chun
في السويس in Suez

هدفنا إعداد جيل رياضي ذو اخلاق رفيعة لتحقيق حلم البطولة

كابتن محمد عمر مدرب معتمد من الاتحاد المصري والافريقي للووشو كونغ فو ونقابة المهن الرياضية
حاصل على العديد من الدورات في مجال التدريب الرياضي للرياضة الكونغ فو
لديه كثير من ابطال الجمهوري في الاساليب
نحلم بصنع بطل اوليمبي في رياضة الكونغ فو

يوم يدعو للفخر نصر اكتوبر المجيد اليوم اللي حطـ م فيه الجـ يش المصري أسـ طورة الجـ يش الذي لا يهزم لازم نعرف اولادنا ب...
06/10/2025

يوم يدعو للفخر
نصر اكتوبر المجيد
اليوم اللي حطـ م فيه الجـ يش المصري أسـ طورة الجـ يش الذي لا يهزم
لازم نعرف اولادنا ببطولات وحكايات حـ ــ رب اكتوبر عشان يعرفوا ان المصريين قادرين علي تحقيق المستحيل بس لما يكون عندهم ايمان وهدف واضح عايزين يوصلوا له

نفس الفخر اللي بنحس بيه لما بنشوف حد من ابطال مصر بيحقق الميدالية الذهبية و بيرفع علم مصر في المحافل الرياضية الدولية رغم قلة الإمكانيات و المجهودات المبذولة لتحقيق البطولة

إفخر إنك رياضي
إفخر إنك مصري

تخيل نفسك ركبت آلة الزمنفجأة لقيت نفسك رجعت بالزمان ٢٠ سنة إيه النصيحة اللي هتقولها للنسخة المصغرة منكاللي هي إبنك دلوقت...
02/10/2025

تخيل نفسك ركبت آلة الزمن
فجأة لقيت نفسك رجعت بالزمان ٢٠ سنة

إيه النصيحة اللي هتقولها
للنسخة المصغرة منك

اللي هي إبنك دلوقتي

قولنا في التعليقات نصيحة ممكن تغير حياته

العقل السليم 🧠في الأكل السليم🥦بتحسي إن ابنك بيرجع من المدرسة تعبان ومش قادر يركز في دروسه أو مجهوده قليل في التمرينالأكل...
30/09/2025

العقل السليم 🧠في الأكل السليم🥦

بتحسي إن ابنك بيرجع من المدرسة تعبان

ومش قادر يركز في دروسه أو مجهوده قليل في التمرين

الأكل الصحي مش بس هيخلي الجسم قوي ، الأهم إنه هيخلي العقل دايما مركز ونشيط💪

في جو ضغط اللي إحنا فيه من دروس ومدرسة وتمرين ومذكرة

خليني اوضحلك التغذية السليمة مهمة ليه ؟؟

💪 بتزود الطاقة ده هيخلي عنده نشاط اكتر وقت المدرسة والتمرين

-💪 بتقوي التركيز والانتباه لاي معلومة بتوصله

-💪 بتعزز المناعة ، يعني غياب اقل من الدروس والتمرين

طيب هو الغذاء السليم بيتكون من ايه ؟؟

- 🥩 البروتين ( الموجود في اللحوم بانواعها ، البقوليات زي الفول والعدس ، الجبنة والبيض ) وده مهم في بناء العضلات والاحساس بالشبع طوال اليوم.

- 🥔الكربوهيدرات ( الموجوده في البطاطس و البطاطا ، الارز والمكرونة ) وده مهم لزيادة الطاقة والنشاط .

-🥦الفيتامينات (الموجوده في السلطة الخضراء و الفاكهة ) وده مهمة جدا لزيادة المناعة .

بس مش معنى تغذية سليمة ان شرط يكون الاكل غالي🫰❌

ممكن بشوية اكلات بسيطة تقوم بالمهمة على اكمل وجه👌

هتكلم في البوست ده عن وجبة الفطار فقط

لأنها تعتبر أهم وجبة في اليوم

لان الجسم بيبدأ مجهوده اعتمادا على الوجبة دي

وطبعا لأننا بنبتدي يومنا بالمدرسة فـ لانش بوكس هو صندوق الطاقة بتاعنا

ممكن ننوع فيه سندوتشات بين ...

بطاطس مهروسة ، الجبنة القريش ، بيض مسلوق ، فول بالزيت

وجنبهم سلطة خضراء او اي مكون منها زي الجرجير او طماطم او خيار

ولو متاح ثمرة فاكهة يبقى تمام لو مفيش يبقى قطعة بطاطا هتقوم بالغرض

ابنك بطل صغنن ، كل وجبة صحية بتقدميها له هي استثمار في قوته ومستقبله ،🏋️

تابعي صفحتنا عشان تستفيدي باي معلومات ونصايح مهمة لابنك ،❤️

وشاركينا لو بتستخدمي اكلات صحية تانية عشان كل ابطلنا الصغنين يستفيدوا

تنظيم الوقت هو أساس البطولةالمدارس بدأت وكل الاولاد لسه متلغبطين ما بين المدرسة والدروس وكمان التمرينطبعا ده غير المذكر...
28/09/2025

تنظيم الوقت هو أساس البطولة

المدارس بدأت وكل الاولاد لسه متلغبطين ما بين المدرسة والدروس وكمان التمرين

طبعا ده غير المذكرة اللي مش لاقين لها وقت

هقولك على شوية أسرار تساعدك على تنظيم وقتك كويس

🎁وكمان محضر لك مفاجأة في اخر البوست
هتخليك تتحكم في حياتك بطريقة سهلة ومنظمة

1- دايماً حدد اولوياتك

ايه المهم وعاجل لازم اعمله دلوقتي زي مواعيد الدروس والواجبات

وايه المهم وغير عاجل ينفع اخليه ليه ميعاد في الخطة بتاعتي زي وقت المذكرة ومراجعة اللي اخدته

2- خطط ليومك او اسبوعك

لازم يكون ليك وقت ثابت كل يوم بتشوف انت عليك ايه انهاردة محتاج تنجزه

واخر كل اسبوع تشوف عملت ايه كله تمام ولا وقعت في حاجه

التخطيط ده يفضل يكون بليل قبل ما تنام

ده بيحفز المخ انه ينتج هرمون الدوبامين المسئول عن السعادة انك تفرح بالإنجاز اللي عملته

وتستعد لمهام بكرة بنشاط وجدية

3- قاعدة الطماطم Parmadoro Method

العلماء لقوا ان الواحد ممكن يفضل مركز لمدة من 20 الي 25 دقيقة متواصل وبعدين بيحتاج انه يفصل ويريح شوية لمدة من 5 الي 10 دقائق عشان ذهنه يرجع نشيط تاني

اعمل تحدي مع نفسك وقت المذكرة انك تفضل مركز بعيد عن اي مشتتات من تليفون او انك تكلم حد او حتى تروح تشرب لحد ما تتعود على كده ،

اقسم مذكرتك يعني مثلا لو هتذاكر مادة لمدة ساعة يبقى خليها 20 دقيقة وراحة 5دقائق على 3 مرات زي حمل التدريب بالظبط

4- خلي في وقت للراحة بس بعيد عن التليفون الله يبارك في عمرك

مهم جدا يكون ليك وقت راحة تفصل عن المذكرة ويفضل طبعا يكون في شوية نشاط رياضي عشان يفوق الجسم والذهن وحاول دايما تبعد عن التليفزيون او التليفون في وقت الراحة عشان هتلاقي الوقت سرح منك والراحة بقت اجازة

وعشان انت كملت للنهاية ،
جهزت لك قالب تخطيط مجاني هيساعدك في تنظيم وقتك طوال الاسبوع وكمان في مجموعة جمل تحفيزية تخلي بطارية الحماس دايما مشحونة

، اكتب 'مهتم' في التعليقات وهبعتلك اللينك فورًا!

لو عجبك البوست اعمل شير لاصحابك عشان الكل يستفيد

ربنا يوفق كل اولادنا

تحذير هام ❌❌❌ماتتعملوش مع الاتنين دول☝️اوعى تتعامل مع المدربين دول❌لو عجبك ان ابنك خجول او بيخاف يتكلم مع حد او يطلب حقه...
26/09/2025

تحذير هام ❌❌❌
ماتتعملوش مع الاتنين دول☝️

اوعى تتعامل مع المدربين دول❌

لو عجبك ان ابنك خجول او بيخاف يتكلم مع حد او يطلب حقه

لو عجبك ان ابنك في وقت فراغه ماسك التليفون هو صديقه الوحيد

لو عجبك ان ابنك علي طول كسلان و مشتت ومش عارف هو عايز ايه

لو عجبك ان ابنك معندهوش ثقه في نفسه دايما متردد

المدربين دول بيشتغلوا بس

مع اولياء الامور اللي عايزين اولادهم

يكون عندهم ثقة بنفسهم ويعرفوا ياخدو حقهم بادب

دايما نشاطين ومركزين على هدفهم وعارفين هما عايزين ايه

عندهم اصرار ومهما فشلوا بيحاولوا تاني لحد ما ينجحوا

لو عايز ابنك يتغير للافضل ابعتلهم رسالة دلوقتي على صفحتنا ومش هتندم😅😅😅

هو إيه الفرق بين كونغ فو اساليب والكيك بوكسينج وايه الأفضل لابني ؟؟سؤال جالي من أحد أولياء الأمور الكرامحابيت اشارك الا...
24/09/2025

هو إيه الفرق بين كونغ فو اساليب والكيك بوكسينج
وايه الأفضل لابني ؟؟

سؤال جالي من أحد أولياء الأمور الكرام

حابيت اشارك الاجابة معاكم

كل مرحلة سنية في حياة اللاعب بيكون فيها طفرة في صفات بدنية معينة

يعني مثلاً الطفل

من عُمر 4 الي 7 سنوات عنده طفره في عنصر المرونة

من عُمر 8 الي 10 سنوات عنده طفره في عنصر السرعة

من عُمر 10 الي 12 سنوات عنده طفره في عنصر الرشاقة

عُمر 12 بداية مرحلة البلوغ الي 15 سنوات زيادة هرمون التستوستيرون المسئول عن زيادة القوة عنده

عُمر 15 بداية الي 18 سنوات بداية تحمل القوة يزيد عنده

من 18 الي 25 اكتمال النمو وجاهز للتحمل النفسي والبدني العالي بشرط التدرج في الاحمال التدربيبي طبعا

نيجي بقى للفرق بين رياضة الكونغ فو و رياضة الكيك بوكسينج والمتطلبات البدنية لكل رياضة

كل رياضة منهم ليها متطلبات جسدية عشان تقدر توصل فيها لمستوى البطولة في وقت قصير



مثلا رياضة الكونغ فو اساليب

هي رياضة صينية من اكتر من 3 الف سنة بدأت عن طريقة مشاهدة الرهبان قتال الحيونات مع بعضها وبدأوا يقلدوا حركاتها في القتال وتطور مع الزمن وبقى في اساليب كتير جدا منها اللي يؤدي باليد الفارغة ومنها انواع تانية باسـ ـلحة سواء طويلة زي العصـ ـا او قصيرة زي السـ يف

بتتطلب درجة عالية من المرونة و الرشاقة والسرعة ودي بتكون موجود اكتر في السن الصغير من 4 سنين حتى 8 سنوات ، لكن طبعا ينفع لو لاعب اكبر شوية بس عنده الصفات البدنية المطلوبة من المرونة والرشاقة وخلافه فطبعا يفضل يبدأ بيها .

رياضة الكيك بوكسينج

هي رياضة امريكية بتستخدام اللكمات والركلات في الدفاع عن النفس ، بتطلب قوة وسرعة ورشاقة لتسديد اللكمات والركلات بشكل فني

بتطلب قوة ورشاقة وسرعة عشان يفضل نبدأ من 10 او 12 سنة لحد 18 او 20 سنة

بس مش معنى كده برضه ان ماينفعش حد كبير يلعب اساليب او حد صغير يلعب كيك بوكس

لأ ينفع طبعا طول ما في اصرار وعزيمة واجتهاد تقدر تحقق كل اللي نفسك فيه

بس احنا بنتكلم على الانتقاء الرياضي على اساس علمي عشان يكون اللاعب ليه فرصة قوية للمنافسة في البطولات

شجعوا معانا أبطالنا القادمون
اللاعبة /اسيل محمد بطل الكونغ فو اساليب
اللاعب /عبدالله محمد لبطل الكيك بوكسينج

امتى أخد حقي بدراعي💪بمناسبة بداية الدراسة😅الأصل في اي مكان إنه ليه كبير نرجع له لما يكون في مشكلةالمدرس في الفصل ، المدي...
23/09/2025

امتى أخد حقي بدراعي💪
بمناسبة بداية الدراسة😅

الأصل في اي مكان إنه ليه كبير نرجع له لما يكون في مشكلة

المدرس في الفصل ، المدير في المدرسة ،قائد الفصل لو المدرس مش موجود

بس ساعات بيكون الكبير ده مشغول شوية

في حد مصمم انه يديقك

في الاول لازم نشتكي للمدرس لو متاح

ولو حصل زي ما قولنا وكان المدرس مشغول لاي سبب ومركزش في شكوتي

يبقى ساعتها بقى لازم اخد حقي بدراعي

عشان للاسف المجتمع بتاعنا لما واحد بيكون مؤدب شوية او يسكت عن حقه

بيفتكره ضعيف والمضايقة بتزيد

فلازم يكون في رد حازم يوقفه عند حده عشان الموضوع ده ما يتكررش🔥

الادب عُمره ما كان ضعف ...

الادب من أحلى الصفات بس لازم معه قوة تحميه🥰💪

"ماتستناش الفرصة، اصنعها بيديك… كل تمرينة هي فرصة جديدة تصنع بطل اللي جواك." 🏆مبروك لكل ابطالنا ،دايما في نجاح وتفوق🔥♥️💪
21/09/2025

"ماتستناش الفرصة، اصنعها بيديك… كل تمرينة هي فرصة جديدة تصنع بطل اللي جواك." 🏆

مبروك لكل ابطالنا ،دايما في نجاح وتفوق

🔥♥️💪

لازم دايماً تكون واضح ومحدد هدفكوده كان أول سؤال لولي الامر لما يجيب ابنه يتمرن معانا عايزه يتمرن ليه؟عشان يتعلم يدافع ع...
21/09/2025

لازم دايماً تكون واضح ومحدد هدفك

وده كان أول سؤال لولي الامر لما يجيب ابنه يتمرن معانا

عايزه يتمرن ليه؟

عشان يتعلم يدافع عن نفسه وبس ؟

ولا عايزه يكمل و يدخل طريق البطولات
الرياضية؟

بس مش معنى ان الولد جاي يتعلم يدافع عن نفسه ويقوي الشجاعة والثقة بالنفس ومش هيدخل بطولات ولا اختبارات

اننا مانهتمش نكرمة علي مجهودته خلال فترة التدريب

اولادنا تعبوا وبذلوا الجهد والالتزام والتعاون اثناء فترة الصيف

مجهود كبير استحقوا أننا نشكرهم عليه

شكرا ابطالي الاعزاء

سواء اللي توقفوا عشان الدراسة
او اللي لسه هيكملوا الرحلة معانا ♥️

من احتفالنا ب ابطالنا لاجتيازهم اختبارات الاحزمة في رياضة الكيك بوكسينج طريق البطولة بدأ معاكم من دلوقتي الرحلة مستمرة، ...
21/09/2025

من احتفالنا ب ابطالنا لاجتيازهم اختبارات الاحزمة في رياضة الكيك بوكسينج
طريق البطولة بدأ معاكم من دلوقتي
الرحلة مستمرة، وان شاء الله الإنجازات مستمرة
ربنا يوفقكم دايما يا ابطال ♥️💪🔥

حفلتنا كانت كلها مفاجآت حاولنا نفرح كل الموجودين علي قد ما نقدر عملنا سحب ١٠٠ رقم يتوزعوا علي كل الحضور لاعبين واولياء ا...
21/09/2025

حفلتنا كانت كلها مفاجآت
حاولنا نفرح كل الموجودين علي قد ما نقدر
عملنا سحب
١٠٠ رقم يتوزعوا علي كل الحضور لاعبين واولياء امور كمان
١٠ فرص × ١٠ جوايز
كل رقم بيطلع، القلب يدق
الكل مستنى
فرحة كبيرة لكل سعيد حظ كسب معانا

بس فرحتنا احنا كانت اكبر الصراحة🥰
لاننا قدرنا ندخل جو البهجة والفرحة علي كل الموجودين

ربنا يقدرنا ونقدر نسعد كل اسرتنا
أسرة مدرسة الاساليب الحبيبية

Address

نادي منتخب السويس/بجانب قرية الحجاج, مركز شباب سليم الحي/طريق العبور
Suez
43511

Website

Alerts

Be the first to know and let us send you an email when مدرسة الأساليب لرياضات الدفاع عن النفس posts news and promotions. Your email address will not be used for any other purpose, and you can unsubscribe at any time.

Shortcuts

Share

Category