Power gym Sohag

Power gym Sohag جيم بـآور ,, للأبطـآل ألخـآرقين *-*

لما تقابل صاحبك اللي بيلعب جيم 😂🤣💪🏻
13/04/2023

لما تقابل صاحبك اللي بيلعب جيم 😂🤣💪🏻

بوم بوم بوم 🔥🔥الحق باور جيم عاملين عرض بمناسبة إجازة نصف العام💪 (عرض👫 الصحاب ) شامل (Gym , Fitness group , workout ,...
28/01/2022

بوم بوم بوم 🔥🔥
الحق باور جيم عاملين عرض بمناسبة إجازة نصف العام💪
(عرض👫 الصحاب ) شامل
(Gym , Fitness group , workout , cardio , spinning , fitness test , nutrition )
وكمان هتاخد invitation لكل اصحابك 👫 يجربوا الجيم
كل العرض ده ب200جنيه 😃بس
ولمده محدوده🤩🤩

العنوان: مدينة سوهاج - شآرع ١٥ - بجوار فودافون ألجمهورية
للحجز والاستفسار
ك/ أحمد طلب
منتظرينكم 💪🏋️
Power gym مصنع الابطال

الرياضة الوحيدة التي يتواجد بها :-عدد الفلاسفة والمدربين أكثر من عدد اللاعبين رياضة كمال الاجسام ..!!🙄
10/11/2021

الرياضة الوحيدة التي يتواجد بها :-
عدد الفلاسفة والمدربين أكثر من عدد اللاعبين رياضة كمال الاجسام ..!!🙄

متلعبش Squats تاني!معروف ان الـ Squats لا ينصح بيها خالص لاي حد مهتم بجسمه. 8 اسباب تخليك متلعبش Squats تاني :-1- Squats...
14/10/2021

متلعبش Squats تاني!

معروف ان الـ Squats لا ينصح بيها خالص لاي حد مهتم بجسمه.
8 اسباب تخليك متلعبش Squats تاني :-

1- Squats بتأذي ركبتك جدا

2- Squats يعني تشيل بار مليان اوزان وتحمله علي عمودك الفقري

3-انت مش محتاج Squats عشان تعمل رجل كويسة , تركيزك علي Leg
Press و Leg Extensions احسن بكتير في بناء رجل قوية

4-كل اللي بيلعب Squats وبيستفيد منها بياخد منشطات. معروفة جداً

5- Squats مش هتعلي ال Performance بتاعك خالص, مفيش اي رياضة اصلا غير Weightlifting متطلية انك تشيل بار علي عمودك الفقري وتلعب بيه

6-Squats خطر جدا علي جهازك العصبي المركزي,لعب التمرين ده اكتر من مرة ف الشهر بيدمر ويرهق الحهاز العصبي المركزي

7- هو هو سبب رقم 2 😃

فيه ناس هتقول فين السبب رقم 8 , ودي مشكلة لان كل اللي قولناه فوق لا يمت للواقع بـ صلة !!
اقولك حاجه بقي كل ده كدب لان هو من اقوي التمارين الي بتقوي العمود الفقري وبتقوي عضلات الرجل وبتساعد علي تحفيز التستوستيرون وبتساعدك علي حرق اكبر قدر من الدهون من الاخر هو من أهم التمارين الي لازم تهتم بيها ياوحش💪🏽
وعااااش يا بطل 👌💪

شير_وفيد_غيرك
شير_وخليك_ايجابي
Wis

نهائيات mr olympia 2021 😍💪🏻💪🏻💙💙
10/10/2021

نهائيات mr olympia 2021 😍💪🏻💪🏻💙💙

الآية العظيمة دي ممكن تفوقك لحاجات كتير قبل ما تمشي طريق وغيرك يضحك عليك ويفهمك انك هتبقى بطل وتعمل بعدها دورة PCT وهترج...
13/09/2021

الآية العظيمة دي ممكن تفوقك لحاجات كتير قبل ما تمشي طريق وغيرك يضحك عليك ويفهمك انك هتبقى بطل وتعمل بعدها دورة PCT وهترجع سليم والكلام ده مستحيل يحصل وعمرك ما هتقدر تمنع الضرر ولا هتعيش بصحة كويسة تاني بعد استخدام الهرمون ..

اه مش هترجع طبيعي مهما عملت والضرر ممكن تحاول تقلله لكن كده كده لازم تضر واضرار جسيمة ومتسمعش كلام واحد واقع في استخدامه ويقولك هخليك بطل لان مفيش بطل صحته ضايعة وبيستخدم ادوية ربو وحيونات و أدوية حوامل ..

البطل مش نفخة كدابة البطل صحته افضل من الانسان العادي انت لما تستخدم القرف ده صحتك هتبقى اقل من العادي ..
وده اكبر سبب ان عمرك ما هتشوف كمال الاجسام في الاولمبيات لانها صرح رياضي شريف ...

ومستر اولمبيا هي مجرد بيزنيس وتجارة مش رياضة ولا ليها اي علاقة بالرياضة عشان متعلقش احلامك بيها ..

اهتم بصحتك وتقدر تكون بطل ورياضي بجد عندك رموز قدام عينك زي محمد صلاح وغيرهم في رياضات كتير ومتجريش انك تبقى منفوخ على الفاضي 👌
Wis

10/09/2021

ليه باور جيم ؟! 🏋🏻‍♂️
ما البلد مليانه جيمات ،، ايه الميزه يعنى ! 🤔
اولا انت هتختار باور جيم علشان مميزات كتيييير 😉

1- علشان انت محتاج حد يفهم جسمك ويعامله معامله خاصه مش اى حد يجى يقولك العب نفس التمرين دا 3 مجاميع وخلاص .. لان أجسامنا مش زى بعض✌🏻
2- علشان هتلاقى كابتن يساعدك توصل لهدفك،، سواء زياده عضليه أو تنشيف أو قوى عضليه .. وكل هدف له شغل معين 👌🏻وهيبقي معاك ٢ كباتن في كل تمرينه يعني علي راسك

3- علشان هتلاقى هناك اكتر من حاجه .. كمال اجسام / بوكس / كونغ فو / كاراتيه / تأهيل إصابات / تأهيل كليات عسكريه .. 👮🏻‍♂️🤺🥷🏻🤸🏻‍♂️
وكل حاجه منهم ليها كابتن مخصوص خبره ف المجال دا ومحقق نجاحات كتير مع ناس غيرك .. يعنى ضامن فلوسك محطوطه فين .🏇🏻
4-ودى اهم ميزه .. المتابعه الدوريه من كابتن متخصص وكمان تغيير نظامك الغذائى والتدريبى علشان تتطور اكتر ✍🏻
5-بالنسبه لإخواتنا البنات معمول ليكم فتره مخصوص خلال اليوم مع كباتن سيدات متخصصه ،، لو حابه تخسى أو تشدى جسمك ،، لو فرحك قرب أو حتى وزنك زايد ،، كل دا خصوصيه كامله ،، هتلاقى ( زومبا / ايروبكس )
كل دا ف مكان واحد وهو باور_جيم

7- المكان مجهز أعلى تجهيز طبعا وهتلاقى بخار / سونه / المكان مكيف بالكامل 🧖🏻‍♂️
واهم من كده كباتن متخصصه فى المجال هى اللى هتشتغل معاك 👨🏻‍💻

فهمت ليه باور جيم هو المكان اللى انت بتدور عليه ونفسك يكون موجود ،، دلوقتى باور جيم موجود ف البلينا 😉💪

شارع ١٥ / برج ضيف الله / آسفل شركة فودافون 📍

مواعيد السيدات : من ١١ صباحا الى ٢ ظهرا
مواعيد الرجال من : ٣ عصرا الى ١ صباحا
كل ايام الاسبوع عدا الجمعه، بعد ألعصر للرجال

✴ هل التمرين قبل الفطار بيخسس أو بيحرق دهون أكتر؟خلينا متفقين إن نزولك في الوزن بيعتمد بشكل أساسي على العجز في السعرات ا...
13/04/2021

✴ هل التمرين قبل الفطار بيخسس أو بيحرق دهون أكتر؟
خلينا متفقين إن نزولك في الوزن بيعتمد بشكل أساسي على العجز في السعرات الحرارية ⬇️

أينعم في أبحاث بتقول إن التمرين قبل الفطار بساعة بيحرق دهون معينة متخزنة في العضلات وده بيأدي إن العضلة تاخد من مخزون الجسم من الدهون عشان ترجع مستوى الدهون جواها لطبيعته تاني

بس الكلام ده عشان يحصل لازم زي ما قولنا تكون أنت محافظ على نظام أكل مظبوط وتخلي بالك من الكلام اللي جاي ده 👇

✴ليه التمرين قبل الفطار مش مُفضل؟
❶جسمك بيكون فقد كمية كبيرة من السوائل وبالتالي تمرينك بيعرضك لفقدان كمية أكبر وممكن ساعتها يحصلك جفاف.
❷ممكن كمان يحصلك هبوط في مستويات الطاقة في جسمك واللي ممكن لا قدر الله توصل بيك لإغماء أو إنك متقدرش تكمل تمرينك. 🤕
❸بتكون معرض لانخفاض كبير في مستويات السكر في الدم.
❹احتمالية ان يجيلك شد عضلي بتكون عالية بسبب نقص الأملاح المعدنية في جسمك (بوتاسيوم - ماغنسيوم - صوديوم).

استنى متخافش 🙄
المشاكل اللي فاتت دي أنت تقدر تسيطر عليها لو كانت ظروفك مخلياك لازم تتمرن قبل الفطار

ولازم تاخد بالك من اللي هنقولك عليه: 👌
❶النوم الكافي من 7 لـ 8 ساعات ويفضل متكونش من الناس اللي بيصحوا بدري عشان جسمك ميكونش استهلك طاقته كلها أثناء اليوم. 🥱
❷تاخد احتياجاتك الصح في وجبة السحور من كارب وبروتين ودهون ومتقضيهاش قطايف وكنافة 😂.
❸يفضل إن يكون نشاطك قبل الفطار وقبل التمرين منخفض بحيث يكون عندك الطاقة الكافية للتمرين. 🏃‍♂️
❹وقت تمرينك يكون قصير بحيث تدخل من باب الجيم وتخرج منه خلال من 40 لـ 60 دقيقة (عشان نلحق احنا كمان نروح نفطر 😂)

كده بقى الكلام اللي فات ده معناه إنك لو الظروف مساعداك تتمرن بعد الفطار يبقى أحسن 🤔

✴طب ليه التمرين بعد الفطار أحسن؟ أقولك 😉
❶احتمالية إصابتك هتكون قليلة لو كنت من الناس اللي بتحب تشد على نفسها في التمرين وده بسبب إنك هتكون شربت مياه والسوائل في جسمك مش ناقصة.
❷وجود سعرات حرارية في جسمك من وجبة الفطار هيقدر يستخدمها أثناء التمرين وده هيديك طاقة أكبر. ⚡️
❸التعب والهمدان اللي كنت هتحس بيهم لو اتمرنت قبل الفطار مش هيبقوا موجودين لو اتمرنت بعد الفطار.

✴ناخد بقى شوية نصايح أثناء التمرين لو كان تمرينك بعد الفطار!
❶ حافظ على شرب المياه وخلي معاك لتر مثلا تخلصه أثناء التمرين
❷ابعد عن التمرين العنيف لو مش هتعرف تاكل الوجبات الكافية لجسمك عشان ميبقاش الهدم أكتر من البناء
❸حاول على اد ما تقدر يبقى هدفك في رمضان لو بتبني عضلات هو الثبات مش الزيادة العضلية

وسواء هتتمرن قبل الفطار أو بعده أهم حاجة إنك متوقفش تمرين ومتقولش هتمرن بعد العيد وتعالى إحنا مستنيينك وعاملينلك عروض حلوة عشان نشجعك 🤩🤩

العنوان: ش 15 تقاطع ألجمهورية، آسفل شركة فودافون، أمام شركة ألكهربآء

رمضان كريم 🌙
C. M.T.2

والله عيب علينا 😅 #تعديل قبل ماتعلق دا ولد مش بنت 😁 واسمه ( آرات حسينى ) وليه فيديوهات كتيره على اليوتيوب 1- اللى بيقول...
25/01/2021

والله عيب علينا 😅
#تعديل
قبل ماتعلق دا ولد مش بنت 😁 واسمه ( آرات حسينى )
وليه فيديوهات كتيره على اليوتيوب

1- اللى بيقول دا فوتوشوب , الناس اللى عارفه ارات تخش ترد عليه علشان مش ناقصه ذكاء واحد مكلفش نفسه دقيقه يبحث عنه وانا كاتب اسمه 🤨
2- اللى بتقول حرام يعمل كدا فى ابنه
لا الحرام اللى انتوا بتعملوه , تعودوا عيالكم على الاكل الغلط
وتسبوهم لأمراض العصر بقا من سمنه او نحافه أو سكر
وتلاقى الواد بعد كدا فى شبابه وعامل زى العواجيز 😁
M.t.2

لما اقابل واحد بمرنة بياكل فى مطعم..!ْ
16/01/2021

لما اقابل واحد بمرنة بياكل فى مطعم..!
ْ

⚠️اهم ١٠ اسئلة لازم اي حد بيروح الجيم يعرفهم 🤔1-يعني ايه كااارب ؟1-كارب (كربوهيدرات )يعني نشويات .. ويفضل تكون معقدة عش...
03/01/2021

⚠️اهم ١٠ اسئلة لازم اي حد بيروح الجيم يعرفهم 🤔

1-يعني ايه كااارب ؟
1-كارب (كربوهيدرات )يعني نشويات .. ويفضل تكون معقدة عشان تاخد وقت ف الهضم وتبقى مفيدة (رز - بطاطس - بطاطا - شوفان - عيش - مكرونة )

2- ينفع اتمرن كل يوم نفس التمرين ؟
2-لا ..لازم تسيب فترة كافية عشان العضلة تاخد وقتها سواء في الراحة ويحصلها استشفاء وميحصلهاش تمزق

3- يعني ايه كارديو؟
3-كارديو يعني تمارين بتزود النبض او ال HR وبتحرق كتير زي الجري ونط الحبل والمشي بسرعة والاوربتراك

4- الكارديو قبل تمرين الحديد ولا بعده ؟؟
4-الكارديو بنعملها 10 او 15 دقيقة قبل الحديد عشان تسخين وميحصلش اي اصابة ف العضلة اما نلعب حديد و 20 او 30 دقيقة بعد تمرينة الحديد للي عاوز ينزل وزنه

5-ينفع الجيم من غير داايت ؟
5-لازم دايت لان عليه 70 % من نجاح نزول الوزن وال 30 % الباقيين تنظيم النوم والجيم او الرياضة عموما

6-يعني ايه تمارين مقاومة؟ وايه فائدتها ؟
6-تمارين المقاومة هي الي بتشد جسمك وتمنع الترهلات(بوزن جسمك-اي مقاومة خارجية-اجهزة) دمبل بار فايدتها بتمنع الترهل اثناء نزول الوزن .

7-يعني اي استاتك وديناميك استرتش؟
7-استاتك استرتش استرتشات مع ثبات والافضل تكون بعد التمرين وديناميك عكسها استرتشات مع حركة ويفضل انها تكون قبل التمرين علشان تحميك من الاصابة

8_ يعني ايه بروتين حيواني؟
8_ فراخ لحمه. سمك. بيض منتجات الألبان والجبن

9_ يعني ايه دهون صحيه ؟
9_ مكسرات. زيت زيتون. افوكادو. زبده فول سوداني

10_ يعني ايه ريجيم كيميائي ؟
10_ يعني بتاكل نوع واحد من الاكل خلال اليوم و تاني يوم نوع تاني وتفضل عليه طول اليوم وهكذا وده مش سليم ومش صحي الصحي نظام متوازن يحتوي علي كافه العناصر
الغذائيه بس ف الدايت بكميات قليلة

لو عجبك البوست لايك كومنت شير خلي غيرك يستفيد ❤️

Address

سوهاج-ش15-بجوار ستار بكس كافيه
Sohag

Opening Hours

Monday 3pm - 2am
Tuesday 3pm - 2am
Wednesday 3pm - 2am
Thursday 3pm - 2am
Friday 3pm - 2am
Saturday 3pm - 2am
Sunday 3pm - 2am

Website

Alerts

Be the first to know and let us send you an email when Power gym Sohag posts news and promotions. Your email address will not be used for any other purpose, and you can unsubscribe at any time.

Shortcuts

Share