https://www.facebook.com/237600280306780/

Micheal Magdy, Sohag Akhmuim, Sohag (2026)

26/10/2021

💢 البيبسى الدايت
➖➖➖🔹➖🔹➖🔹➖➖➖
💢 مقدمة
➖➖➖🔹➖🔹➖🔹➖➖➖
البيبسى الدايت والكولا زيرو بدات كمشروبات غازية صحية تتوفر بصورة مستمرة , الا وان الاشاعات والاقوال عليها بدا تكتر زى انها " اكيد مش خالية من السعرات " او انها غير صحية لااحتوائها على سكر صناعى مش صحى
فى المقال دا " مدعم بالدراسات " هنشوف بالمختصر كدا الموضوع كله

➖➖➖🔹➖🔹➖🔹➖➖➖
💢 القيمة الغذائية للكولا الدايت ( لكل 350 مللى كولا )
➖➖➖🔹➖🔹➖🔹➖➖➖
الكولا الدايت مش بتدى اى سعرات اطلاقا ودا بسبب احتوائها على سكر صناعى زى الاسبرتام
فكرة السكر الصناعى انه درجة تحليته كبيرة جدا واستخدامه بيبقى بالميكرو جرام

يعنى احنا بنستخدم سكر برضو وفيه سعرات برضو لكل جرام 4 سعر حراري بس انت الفرق بتستخدم كمية منه لا تذكر ومع ئلك بيحلى
" زيادة عدد جرامات السكر دا مش معناه درجة تحليه كبيرة "
2% من احتياجك من الصوديوم او البوتاسيوم

تاثيرات السكر الصناعى على الصحة العامة لسه لحد الان مثيرة للجدل ومفيش اثبات كامل انها غلط ومفيش فى نفس الوقت اثبات كامل انها مضرة للصحة .

بعض الدراسات لقيت ان فيه ترابط بين السكر الصناعى وزيادة السمنة
ودا ترابط وليس نتيجة يعنى مش معناه الناس اللى بتشرب كولا دايت بتتخن ! لا الدراسة بتقول ان ناس كتير مصابة بالسمنة ومع ذلك بتشرب كولا دايت
https://www.ncbi.nlm.nih.gov/pmc/articles/PMC3772345/
https://www.ncbi.nlm.nih.gov/pmc/articles/PMC2892765/
https://www.ncbi.nlm.nih.gov/pubmed/29159583

الكولا الزيرو بتستخدم انواع كتير من السكر الصناعى زى الاسبرتام والاكسيوفلام البوتاسيوم وباقى المكونات نكعة الكولا وبعض النكهات الطبيعة
https://www.coca-colaproductfacts.com/en/products/coca-cola-zero-sugar/original/12-oz/

** الخلاصة ** : الكولا الدايت مش بتحتوى اى سعرات او سكر طبيعى ولا يعتبر مصدر من المغذيات ومحلى بسكر صناعى اللى لسه مفيش اى دليل على انه غلط او على انه صح
➖➖➖🔹➖🔹➖🔹➖➖➖
💢 السكر الصناعى وخسارة الوزن
➖➖➖🔹➖🔹➖🔹➖➖➖
هنلاقى مثلا دراسات مضادة عن الموضوع دا تلاقى دراسة بتاكد انه ليه فايدة ودراسة تانية تقلك بس فيه ترابط بينه وبين مرض معين فى ناس معينين ولكن احب افكرك تانى بان الترابط لا يعنى السببية
"Correlation does not imply causation
يعنى مثلا يا سيدى فى دراسة قالت ان محيط الوسط زاد فى الاطفال اللى بتشرب كولا دايت فى سن 9-10 سنين
https://www.ncbi.nlm.nih.gov/pubmed/25780952/
فى ناحية تانى دراسة لقيت ان تناول الكسر دايت بيساعد فى انى اتحكم فى الدايت بتاعى ومخرجش عنه !
الدراسة دى تمت فى ناس متحكم فيهم فى خلال 6 شهور لقيو انهم خسو من 2 الى 2.5% بمجرد بس انهم استبدلو السكر الطبيعى بتاعهم بسكر صناعى
https://www.ncbi.nlm.nih.gov/pubmed/22301929/

فى دراسة تانى جابو ناس وعملو دايت 12 اسبوع وكانو بيستخدموا فيه سكر صناعى وناس تانى بيشربو مية بس من غير سكر
الجروب اللى استخدم السكر الصناعى نقص من وزنه 6 كيلو بينما الجروب اللى مستخدمهوش نقص 4 كيلو بس
ودا مش معناه عزيزى القارئ البسيط ان السكر الصناعى بيخسس المقصد هنا انه ممكن يخليك ملتزم اكتر بالدايت ومش حاسس بانه بيضغط عليك
https://www.ncbi.nlm.nih.gov/pubmed/24862170/

الخلاصة :
ليس هناك لحد الان دليل قاطع ان سكر الدايت ليه تاثير على الوزن سواء بالزيادة او النقص والدراسات فى الموضوع دا محتاجة بحث اكتر من كدا
➖➖➖🔹➖🔹➖🔹➖➖➖
💢 الكولا دايت وتسوس الاسنان
➖➖➖🔹➖🔹➖🔹➖➖➖
تسوس الاسنان فى البيبسى عامة بسبب حمض الفوسفورك ودا اللى بيسبب tooth erosion
https://www.ncbi.nlm.nih.gov/pubmed/11580825
دراسات تانى قالت ان المانونتين ديو والاسبريت تاثير الحمض فيهم اقل على السنان من الكولا العادية
https://www.ncbi.nlm.nih.gov/pmc/articles/PMC4452714/
https://www.coca-cola.co.uk/drinks/diet-coke/diet-coke)

➖➖➖🔹➖🔹➖🔹➖➖➖
💢 اخر حاجة الصودا الدايت والكالسيوم
➖➖➖🔹➖🔹➖🔹➖➖➖
كل كانز صودا دايت بتخسرك بما يقارب 0.2 %
من احتياجاتك من الكالسيوم اليومية يعنى مش مكملة 1%
يعنى مفيش اى ترابط بين البيبسى وهشاشة العظام زى ما اغلب الناس فاكرة
➖➖➖🔹➖🔹➖🔹➖➖➖
💢 الخلاصة
➖➖➖🔹➖🔹➖🔹➖➖➖
البيبسى الدايت مشروب مفهوش اى قيمة غذائية لعدم احتواءه على اى سعرات حرارية

البيبسى عامة بيسبب تاكل فى الاسنان بسبب احتواءه على حمض الفوسفوريك

لا يوجد اى اثبات انه فيه ضرر على صحتك بسبب شربك للبيبسى او البيبسى دايت بصفة عامة وكل الدراسات اللى قات كدا كان " ترابط " وليس سبب

البيبسى يفقدك اقل من 0.2 % من احتياجك اليومى للكالسيوم اى نسبة لا تذكر
➖➖➖🔹➖🔹➖🔹➖➖➖
لو فى اى سؤال بخصوص الموضوع اى او تعليق على طريقة كتابة المحتوى ياريت تشرفنى بكومنت تحت
➖➖➖🔹➖🔹➖🔹➖➖➖
Whatsapp : 01205106083
FB Page : https://www.facebook.com/MuscleStoryFit
Instagram : https://www.instagram.com/michealmagdyfit/
Linkedin : https://www.linkedin.com/in/mikel-magdy-5a2227152/

04/09/2021

🔰 فى سنة 1963 بيبسى نزلت منتج بيبسى دايت تحت اسم patio وبعدها بسنة اتغير اسمه وبقى pepsi diet

🔰 وفى سنة 1983 وصل بريطانيا واوروبا تحت نفس الاسم وكان فى ظل السنوات دى نزلت برضو شركة كوكاكولا منتج بديل ليه " كوكاكولا زيرو "

🔰 فى 2010 كان بيبسى دايت كان يمثل 5% من مبيعات الsoft drinks فى الولايات المتحدة

🔰 ومن سعتها انتشر المنتج وزاد الوعي الصحي إلى حد ما في مصر

وبقا منتج عادى جدا خالي من السعرات لانه مصنوع من سكر صناعي

ولكن مازال بعض الناس الغير مثقفة مش معترفين بيه ودايما بيشككو فيه

لو عاوز تعرف اكتر عن البيبسى الدايت فا احنا هنزل بوستين الايام اللى جاية

اول بوست عن : هل فعلا سكر الدايت خالى السعرات ؟
وتانى بوست عن : هل البيبسى والمشروبات الغازية بتاثر على العضم وبتعمل هشاشة ؟

اعمل follow و like للبيج لو انت مهتم وعاوز تعرف 💟💟
Micheal Magdy
Whatsapp: 01205106083

07/07/2021

التخدين والتمرين ؟ وهل التدخين بياثر فعلا وبمقدار قد ايه على ادائى الرياضى ؟
🔵➖➖➖🔵➖➖➖🔵➖➖➖🔵
🔲 مقدمة
🔵➖➖➖🔵➖➖➖🔵➖➖➖🔵
🔹️فى تاثير بيحصل فى نفس الوقت وفيه تاثير تانى للسجاير بيحصل على مدى بعيد

🔹️السجاير وبلا شك بتزود مخاطر الاصابة بالكانسر فى القلب والرئة وكل اعضاء الجسم ومش معنى انك بتتمرن وبتدخن انه تقدر تعكس تاثير السجاير على جسمك وبصورة عامة اى سوائب من الاكل او الشرب او الهواء بتسبب فى حدوث الكانسر لانها بتفوق قدرة الجسم انه ي تخلص منها وبالتالى تراكمها بيادى الى الامراض دى

🔹️انخفاض فى التحمل التدريبى واصابة معدلات الاصابة وضعف فى الاداء

🔹️و حد دلوقتى هيجى يقولى طب منا بتمرن وبشيل اوزان عالية وجسمى بيزيد ؟ طيب ما لو بطلت سجاير كنت شلت اكتر وكان جسمك زاد اكتر !

🔹️ولو مش بيحصلك اى ضرر ظاهرى وهشرحلك دا فى البوست دا مش معناه ان مفيش اى ضرر جوا يعنى لو عملنا اشعات وتحاليل على الرئة والقلب اكيد هنلاقى بلاوى

🔵➖➖➖🔵➖➖➖🔵➖➖➖🔵
🔲تاثير التدخين على التمرين على المدى القصير ( فى خلال ساعة او اتنين )
🔵➖➖➖🔵➖➖➖🔵➖➖➖🔵
🔹️تقليل قدرة الجسم انه يحقق اعلى معدلات الاداء وتقليل ال maximal aerobic capacity عن طريق :

🔹️زيادة تراكم احادى اكسيد الكربون فى الدم ودا يعتبر من اخطر المواد مع اكسيد النيتروجين من السجاير واللى بيشكلو ضمن 40 مادة مسرطنة من اصل 4000 مادة موجودة فى السجاير

🔹️طب دى بتعمل ايه ؟ بتقلل قدرة الهيموجلوبين انه ينقل اوكسجين للجسم بشكل كافى

🔹️طاب دا برضو بياثر ازاى عليا ؟ مهو الاوكسجين دا لو مراحش للعضلات اثناء التمرين بيخلى الجسم يدخل فى حالة تراكم حمض لاكتك سريع ودا اللى بيدى احساس الحرقان اللى بيحصلك اثناء التمرين .. واللى بسببه بتوقف عدات بصورة اسرع عن حد مش مدخن ..
less oxygen lead to anaerobic by-products(lactic acid ) would cause earlier onset of muscular fatigue

🔹️طب دا مش كدا وبس
نيجى للنيكوتين بيزود معدل ضربات القلب فى حالة الراحة ( فى خلال دقيقة من التدخين بمعدل 30% ) والحالة المتوسطة resting and submaximal-exercise HR

🔹️ومش بس كدا بيخلى ضربات القلب عالية فى فترة الريكافرى او الاستشفاء العضلى يعنى عملنا ستريس على القلب عن الشخص اللى اتمرن بنفس شدة التمرين
🔵➖➖➖🔵➖➖➖🔵➖➖➖🔵
🔲طيب نيجى بقا لتأثير التدخين على التمرين على المدى البعيد ( بعد سنوات ) بمعدل من سجارتين الى 5 سجاير يوميا
🔵➖➖➖🔵➖➖➖🔵➖➖➖🔵
🔹️تدمير الجهاز التنفسى ... ازاى ؟
مع الوقت السموم اللى اللى اتراكمت من السجاير بتدمر وحدة بناء الرئة اللى اسمها alveoli

🔹️ومش كدا بس بيحصل تراكمات للمواد دى على هيئة مخاط او بلغم mucus واللى بيجمعها جسمك برا الرئة ويسبها فى القصبة الهوائية فى محاولة انه يطردها كل يوم الصبح واسمها العلمي cigar's coughing والجسم ينضف نفسه بنفسه بال lung clearance mechanism

🔹️لكن مع الوقت وتكرار العملية دى البلغم دا بيفضل قاعد بصورة اكتر واكتر ومش بيطلع برا وبيسبب ضرر للاغشية المبطنة الرئة وبيتفقد قدرتها على ضرد ثانى اوكسيد الكربون

🔹️وبالتالى امراض تنفسية زى الانسداد المزمن الرئوى COPD وبيادى الى 90% احتمال وفاة

🔹️وتانى اكتر ضرر انه بيقلل قطر الشريايين والاوردة وبالتالى خطر الاصابة بالجلطات وانسدادات الشرياين

🔹️طيب نيجى لجزء التمرين اللى يخصنا بقا بعد ما موتناه بامراض القلب والرئة 💃
🔹️بيقلك ان التدخين بيخلى العضلات ضعيفة اصلا انها تتحمل مقاومة يعنى بالبلدى لو حد مدخن جديد راح الجيم هيلاقى صعوبة عالية جدا فى رفع الاوزان 🤦‍♂️
🔵➖➖➖🔵➖➖➖🔵➖➖➖🔵
🔲تاثيرات تانية
🔵➖➖➖🔵➖➖➖🔵➖➖➖🔵
الحصول على جزء صغير من فوائد التمرين

قوة عضلات اقل

خلل فى النوم والراحة

قصر فى التنفس

معدلات التعرض لاصابة اعلى

🔹️محتاج وقت اكتر للاستشفاء من التمارين واطول كمان للشفاء من الاصابات لان عملية الالتئام عنده فيها ضعف نتيجة لضعف الشرايين وفصر فى الاوكسجين وكمان معدلات السيولة عنده قليلة بسبب كدا

🔹️تاثير التدخين على مفاصل والعظم بيزودلك خطر الاصابة بالهشاشة والروماتيزم والام اسفل الضهر

🔹️وكمان اصاباتك المتعلقة بالتمرين زى التهاب الاوتار والكسور والالتواءات

🔹️زيادة معدلات الاصابة بمرض الساركوبنيا ( قصور( ( Atrophy فى العضلات نتيجة التقدم فى العمر )
🔵➖➖➖🔵➖➖➖🔵➖➖➖🔵
🔹️هل التدخين بيخليك تخس اكتر ؟
الاجابة العلمية اه لانه بيزود مدلات الادرنالين واللى بدورها تزود معدلات ضربات القلب وبتحرق دهون وبتزود ال BMR

🔹️ولكن الاجابة العملية ؟ لا لان فيه دراسات قالت ان الانسان المدخن بياكل اكتر من الغير مدخن بنسبة من 350 ل 575 سعر حرارى لان فيه قطاع كبير من المدخنين بيرفض انه يتحرك اصلا ومع التدقم فى العمر بتزيد وبتبان اكتر لو كان انسان مدخن ومش كدا بس التدخين ليه عقة ان توزيعة الدهون بتبقى فى منطقة البطن وتعملى شكل التفاحة ودا ليه تاثيرات سلبية على الحياة بشكل عام منها زيادة خطر الاصابة بامراض السكر ومعدلات الكوليسترول والضغط ... الخ
🔵➖➖➖🔵➖➖➖🔵➖➖➖🔵
🔹️فى النهاية انا حابب اقول ان البوست مش عشان اكد حقيقة ان التدخين غلط
لان انا بتعامل معاك على اساس انك شخص واعى وواعى وعارف الصح فين والغلط فين ولكن حبيت انبهك لكام نقطة لربما تكون نسيتها وقد قرار ومسؤلية انك تصاب بالامراض دى سواء مستقبلا او حاليا وربنا يعفينا جميعا
وقد القرار دا
🔵➖➖➖🔵➖➖➖🔵➖➖➖🔵
منشن لصاحبك المدخن اللى بيتمرن معاك وقله خد بالك يصحبى

06/07/2021

هوبا رجعنا ليكم واستنونا قريب في فيديوهات للبيج
فولو وشير عشان انا بقيت متفرغ للبيج حاليا ❤

09/05/2021

اوماااال 😂😂😂

27/04/2021

الtennis elbow

عبارة عن التهاب اوتار الكوع من الناحية الخارجية واسمها العلمى Lateral epicondyolitis
الالم بيجى من تكرار حركات معينة وخاصة بيبقى فيه مقبض الايد من غير اخر صبعين يعنى بتمسك الحاجة مش بشكل محكم وبتسمكها باول 3 صوابع ودا بنشوفه كتير جدا لما بنمسك كيس الخضار او اى حاجة وممكن فى الجيم بنعملها واحنا مش على دراية

يعتبر الtennis elbow اكتر اصابة شيوعا فى الكوع والاقل شيوعا ال golf elbow بتبقى لجوا شوية واسمها medial epicondyolitis

ازاى الاصابة بتم ؟

اكتر الحركات اللى بتادى بشكل مكرر وتقدر تعمل تلف هو الsupination وال pronation يعنى بمعنى ان معصم ايدك بيلف اثناء التمرين ودا بنقدر نشوفو بوضوح فى تمرين باى تبادل بالدامبل alternative dumbbell biceps curl
او التمرين العبيط اللى اسمه Arnold shoulder press اللى فيها حضرتك بتلف معصم ايدك فى كل عدة

طبعا هتيجى تقولى منا اتمرنتهم وحصليش اصابة ؟ هجاوبك يا فلحوص

الاصابة عشان تحصل مش بس الحركة دى تتم لا دا لازم الوزن يبقى عالى جدا فا يوقع حمل زايد اوى على عضلات الساعد forearm extensor ومع الوقت وتكرار الحركة دى بالوزن الغبى دا بتحصل الاصابة
يعنى اللى عاوز اقوله ان الtennis elbow مش اصابة مفاجاة او بتحصل فجاة زى مثلا ال pec tendon repture او خلص فى مفصل الكتف فى قطع فى وتر الباى اللى كتير مننا بنشوفه فى فيدوهات لناس لعبت غلط deadlift بوزن كبير جدا

المهم ان مش دا بس صور اسباب الصابة تاذديتك بشكر كبير جدا لل bench press تعمل كدا
تمارين عزل الدراع بصفة عامة بصورة كبيرة وكتيرة بتسبب كدا
طبعا وبلا ادنى شك التمرين الغلط وبوزان خيالية من ضمن صور الاسباب

المهم ان فى النهاية السبب هو تكرار حركة الsupination والpronation يعنى لف معصم اليد بشكل دائري اثناء التمرين وبوزن واداء غلط وبصورة متكررة
يعنى الاصابة اسمها " overuse injury "

طيب دلوقتى لا قدر الله انا اتصبت ؟ اتمرن ازاى ؟

دايما لما تصاب وتروح لدكتور علاج طبيعى هو هيحدد اذا كان ينفع تتمرن بس ممنوع من حركات معينة وتمارين معينة او مينفعش تتمرن خالص ودا بيتم على حسب شدة الاصابة عندك عاملة ازاى
طيب دلوقتى لو ينفع تروح تتمرن متلعبش ايه ؟

1- متلعبهاش اى تمرين بسببلك الم حاد ومفاجئ ( دا شئ بديهى بس قلت الفت نظرك بعد اذن سيادتك يعنى )

2- العقلة والضغط والبينش بريس : لان دول تمارين بتضغط على عضلات المسؤلة عن تنى الدراع flexor ms وبالتالى ضغط على الاوتار الخارجية Lateral tendons of elbow

3- تمارين الريست زى ال forearm dumbbell curl وال barbell extensions

4- اى تمرين مطلوب فيه انك تفرد دراعك بصورة كاملة عشان تلعبه صح دا بيعمل حمل على عضلات الريست ال extensors

5- التمارين بعداد كتير ومتتالية وانت عندك الاصابة دى غلط تماما حاول على قد متقدر انك تلعب عدات قليلة بوزن برضو خفيف

6- يفضل انك تقلل تمارين وتقلل دخلات وتلعب عدات قليلة 6-8 وبوزن 60-50% من 100% RM
( يعنى لو بتشيل 100 كيلو عدة واحدة وحط تحت عدة واحدة 100 خط ... هتشيل 50 كيلو )

طيب خلاص وصلنا لمرحلة اننا خفيت من الاصابة وعملت علاج طبيعى والدنيا تمام ومش بحس بالم ؟ ارجع اتمرن تانى بشكل طبيعى ؟ لا
لازم تعمل اعادة تاهيل 4-2 اسابيع وتبدا واحدة واحدة ترجع للوضع الطبيعى وتتمرن ببرنامج يناسبك من حجم وكثافة وشدة

ودول 3 تمارين لاعادة تاهيل الاصابة دى ( لو انت لسه بتحس بالم ممنوع انك تعمل التمارين دى )

Fist clench
عن طريق انك تمسك فوطة او اى شئ مش صلب للدرجة وتفضل تدوس عليها وتسيب تدوس وتسيب ودا مع الوقت هيقوى القبضة بتاعتك

Supination with a dumbbell
ودا انك تمسك دامبل وتلف معصم ايدك لفوق وتنزل تانى

Wrist extension
او بالبلدى بتتمرن ساعد بتمسك دامبل او بار وبترفع لفوق

الواتس : 01205106083
صفحة الفيس بوك : Micheal Magdy

المصادر:
https://www.webmd.com/fitness-exercise/tennis-elbow-lateral-epicondylitis #3
https://www.healthline.com/health/tennis-elbow
https://www.healthline.com/health/chronic-pain/wrist-and-hand-stretches -our-expert
https://www.medicalnewstoday.com/articles/322746 -to-see-a-doctor
https://www.orthobethesda.com/blog/top-exercises-to-avoid-if-you-have-tennis-elbow/
https://elbowtuneup.com/common-mistakes-weight-lifting-elbow/

27/02/2021

Rotator cuff injuries
➖➖➖🔹➖🔹➖🔹➖➖➖
💢مقدمة
➖➖➖🔹➖🔹➖🔹➖➖➖
🔲 مجموعة اوتار لوحة الكتف بتتكون من 4 اوتار بتغطى راس عضمة ال humerus ( العضمة اللى بتربط مفصل الكوع بمفصل الكتف )
كل وظيفة الاوتار دى انها بتتحكم فى لفة الدراع
🔲 التهاب الاوتار دى اسمه Rotator cuff tendonitis ودا عبارة عن التهاب فى النسيج الضام اللى بيساعد الكتف انه يتحرك .. الحالة دى برضو اسمها Impinged Shoulder
🔲 مشكلة الموضوع دا انه بيحصل مرة واحدة ممكن يبقى نتيجة ان الكتف بتاعك بيبقى فى حالة ثابتة لفترة طويلة زى انك تنام على كتفك مباشرة كل ليلة او انك بتمارس انشطة بتخليك ترفع دراعك فوق راسك
ة مرتبطة بالرياضات زى .swimmer’s shoulder - pitcher’s shoulder tennis shoulder-
🔲 احيانا التهاب اوتار لوحة الكتف بيحصل من غير اى سبب او مع التقدم فى العمر ..
الاصابة دى ليها ميزة وعيب
الميزة انك تقدر تخف وتستعيد وظيفة كتفك بشكل كامل من الحركة بعد العلاج واعادة التاهيل
🔲 العيب انك اثناء دا كله فى اول مراحل من العلاج مينفعش تتمرن للاسف
➖➖➖🔹➖🔹➖🔹➖➖➖
💢 اسباب ومخاطر الاصابة
➖➖➖🔹➖🔹➖🔹➖➖➖
🔲 الاصابات اللى بتحصل لعضل او الاوتار تسمى التواءات Strains
🔲 وبتتقسم على حسب كمية التلف اللى واقع على العضل او الوتر المصاب الى :-
درجة اولى : - الالياف حلها تمدد من غير اى مزق فىها )No Tearing
درجة تانية : - مزق جزءى فى العضل او الوتر المصاب Partial Tearing
درجة تالتة : مزق كامل للعضل او الوتر المصاب Compelete Tearing
🔲 العضلات والاوتار اللى فى لوحة الكتف ممكن يحصلهم تلف عن طريق حجات كتير
🔲 ممكن فجاة وتسمى حاد Acute Tear زى انك وقعت على كتفك او عملت حادثة
🔲 ممكن اعراضة تطول واسمها Chronic Tear بسبب كتر استخدام مفصل الكتف فى حركات الرمى او رفع الاوزان
🔲 ممكن تدريجيا واسمها Rotator cuff Tendonitis بيحصل تاكل فى العضلات والاوتار بسبب تقدم العمر
➖➖➖🔹➖🔹➖🔹➖➖➖
💢 هناخد دلوقتى اسباب كل واحدة بالتفصيل
➖➖➖🔹➖🔹➖🔹➖➖➖
*التهاب لوحة الكتف الحاد Acute Rotator Cuff Tear
🔲 الاصابة بتحصل من رفع اوزان تقيلة بصورة فجائية بالدراع او انك فجاة وقعت على كتفك وهنلاقيه فى الغالب فى الشباب اللى اقل من 30 سنة
🔲 الرجالة عرضة اكتر للاصابة اكتر من الستات
➖➖➖🔹➖🔹➖🔹➖➖➖
*التهاب لوحة الكتف المزمن Chronic Rotator Cuff Tear
🔲 دايما بنلاقيه فى الناس اللى بتمارس رياضة بتعمل حركات فوق مستوى الراس بدراعها بشكل كتير جدا زى لعيبة التنس والسلة والرسامين
🔲 الاصابة المزمنة ممكن تبقى نتيجة اصابة تانية حصلت فجاة بشكل Acute وعملت مشكلة فى تكوين مفصل الكتف واثرت على البنية التشريحية ليه او وظيفته
زى مثلا النتوءات العظمية Bone Spurs اللى بيتطلع فوق العضل او الوتر وبتسبب التهاب
🔲 ممكن كمان تبقى نتيجة تكرار وقعات او خبطات على كتفك بشكل متكرر كل يوم
🔲 ممكن تؤدى الى تغيرات فى مدى حركة الكتف ووظيفته
➖➖➖🔹➖🔹➖🔹➖➖➖
التهاب الاوتار Rotator cuff Tendonitis
🔲 بتحصل نتيجة التقدم فى العمر
🔲 بيحصل فى الاوتار المربوطة فى العضم . المنطقة دى قليلة فى الدم وفيها اصابة ممكن تاخد وقت طويل غابا ما تؤدى الى حاجة اسمها Secondary tear of the cuff
🔲 التهاب الاوتار ممكن يجمع حوليه جزئيات كالسيوم حولين الوتر ( ( ca deposition واللى ممكن تؤدى الى التهاب مزمن
➖➖➖🔹➖🔹➖🔹➖➖➖
💢 الاعراض :
➖➖➖🔹➖🔹➖🔹➖➖➖
🔲 اعراض الاصابة فى لوحة الكتف بتبقى نتيجة الاتهاب المصاب للاتواء .. الالتهاب دا ممكن يؤدى الى تورم والم مع قلة المدى الحركى للكتف
• Acute rotator cuff tear
🔲 الاعراض قد تكون احساس بمزق مفاجئ وراه على طول الم شديد من اول الجزء العلوى من الكتف من ورا وقدام وينزل الالم على الدراع لحد الكوع . ودا بيقلل المدى الحركى للكتف بسبب الالم والتقلصات العضلية
🔲 ممكن يصل الامر الى نزيف وتقلصات عضلية شديدة ولكن بيخف بسهولة
لو مزق كبير ممكن يسبب انك مش قادر ترفع دراعك (Abduction ) بسبب الالم وفقدان القوة للعضلات
➖➖➖🔹➖🔹➖🔹➖➖➖
• Chronic rotator cuff tear
➖➖➖🔹➖🔹➖🔹➖➖➖
🔲 الم فى الغالم بيزيد بليل اثناء النوم
🔲 ضعف بيزيد تدريجيا وبيقلل مدى الكتف الحركى وكل مادا الالم بيزيد
🔲 متقدرش برضو تحرك دراعك لفوق ومتقدرش ترفع دراعك فوق مستوى كتفك
➖➖➖🔹➖🔹➖🔹➖➖➖
• Rotator cuff tendinitis
➖➖➖🔹➖🔹➖🔹➖➖➖
🔲 غالبا بتحصل للناس من سن 35-50
🔲 وجع على مستوى عميق ممكن يتحس فى الجزء العلوى من الدراع فوق مستوى الكتف
🔲 الم بيجى تدريجيا ومع الوقت بيزيد وبالزات لما ترفع دراعك ولما تحاول تحركة فى حركة دائرية
🔲 ممكن تؤدى الى اى نوع من النوعين اللى فاتوا وكمان الخطر بيزيد لما بعض الاوعية الدموية تموت والدم يقل فا الياف الاوتار ممكن تموت وبيؤدى الى مزق كلى او جزئى ( يعنى درجة تانية او تالتة )
➖➖➖🔹➖🔹➖🔹➖➖➖
💢 التمارين اللى تعملها بعد العلاج الطبيعى فى برنامج اعادة التاهيل Re-Habilitation exercises
➖➖➖🔹➖🔹➖🔹➖➖➖
هتسخن لمدة 5 او 10 دقايق وليكن مشى للمدة دى وبعد كدا هنبدا نعمل التمارين دى
خدهم كوبى باست على اليوتيوب
The pendulum
The crossover
The backwards pull
التمارين الممنوعة هى اى تمرين بترفع فيه دراعك فوق مستوى كتفك وطبعا يفضل لما تخلص علاج الاول تبقى تفكر فى الجيم او لحد ما الالم يختفى وتقدر تحرك دراعك بشكل كامل سعتها هتعمل تمارين تقوية لكتفك يقلك عليها المدرب او اخصائى العلاج الطبيعى
ملحوظة على جمب ( فى تمرين الرفرفة الامامى Front Dumbbell raise اتنى كوعك سنه بسيطة )
➖➖➖🔹➖🔹➖🔹➖➖➖
واتس : 01205106083

➖➖➖🔹➖🔹➖🔹➖➖➖
Ref
https://www.medicalnewstoday.com/articles/322169.php
https://www.healthline.com/health/rotator-cuff-tendinitis...
https://www.healthline.com/.../rotator-cuff-injury-stretches
https://my.clevelandclinic.org/.../17449-rotator-cuff...
https://www.webmd.com/pain.../rotator-cuff-tendinopathy...
https://orthoinfo.aaos.org/.../shoulder...
https://orthoinfo.aaos.org/.../diseas.../rotator-cuff-tears/
https://www.mayoclinic.org/.../diagnosis.../drc-20350231
https://www.verywellhealth.com/signs-and-symptoms-of-a...
https://www.sportsinjuryclinic.net/.../rotator-cuff...
https://www.bodybuilding.com/.../dont-let-a-rotator-cuff...
http://www.acephysio.ca/education/rotator-cuff-tendonitis
https://acehealthcentre.com/rotator-cuff-guide/
https://www.verywellhealth.com/shoulder-active-range-of...
https://www.verywellhealth.com/rehab-exercises-for...
https://www.verywellhealth.com/rehab-exercises-for...
https://www.verywellhealth.com/exercises-to-perform-after...
https://www.fairview.org/patient-education/82398

02/02/2021

هوبا اصابة 😂

31/01/2021

💢اكتر سبب ممكن يخليك تخرج عن الدايت ؟
➖➖➖🔹➖🔹➖🔹➖➖➖
الحقيقة للاجابة على السؤال دا فى ابعاد كتير وسنيورهات كتير تختلف من واحد للتانى زى ان واحد مش فاضى ياكل الاكل دا كله او بيبقى برا طول الوقت فا بيشترى غصب عنه من برا او ان الدايت مكلف اوى فا مش قادر عليه ماديا او الدايت مش بيخليه يجوع وبالتالى بيخرج برا عنه
➖➖➖🔹➖🔹➖🔹➖➖➖
ولكن تعالوا نتعمق فى سبب دا كله
ايه هى خصائص الدايت الناجح بصفة عامة ؟
سهل التطبيق وعلى قد امكانياتى ووقتى ومن الاكل المتاح معايا اغلب الوقت ومش دايت صعب
➖➖➖🔹➖🔹➖🔹➖➖➖
بمعنى ؟
بمعنى انك مش مطالب انك تحط افاكدو ودارك شوكلت شوفان عالى البروتين عشان تخس وانت مش قادر ماديا توفر دا كله
طيب انا مشكلتى انى اغلب وقتى برا البيت ومش عارف اعمل ايه ؟
يبقى ياما تاخد وجباتك معاك او ياما تحسب سعرات اكل انت ممكن تشتريه من برا وتريح دماغك .. ايه دا وهخس عادى ؟ اه والنعمة لو حاسب سعراتك وسعرات الاكل اللى هتاكله whatever هتاكل ايه .. خلاص
➖➖➖🔹➖🔹➖🔹➖➖➖
طب انت حاطط دايت صعب وبتجوع كتير بسببه ومش بيكفيك الاكل الصغير دا ؟
قدامك كزا حل
1- انك تزود نشاطك البدنى سواء الرياضى او غير الرياضى وبالتالى محتاج سعرات اكتر وبالتالى ممكن تاكل سعرات ازيد وتعمل نفس العجز اللى قلت عليه
2- ياما تختار بعناية الاكل بحيث سعراته تبقى قليلة وكميته كبيرة زى الفشار الترمس البطاطا
3- اقرا البوست دا عن اسباب الجوع لو حابب
➖➖➖🔹➖🔹➖🔹➖➖➖
يبقى سبب خروجك عن الدايت او انك بتخلطت او بتعك جامد مش انك ضعيف الارادة ومش عاوز تخس ؟
لا
➖➖➖🔹➖🔹➖🔹➖➖➖
السبب ان الدايت اللى عامله مش مناسب ليك وبتقسى على نفسك جاد اوى فوق طاقتك النفسية والجسدية والمادية احياناً
والحل بسيط شاور على المشكلة وحلها
وعشان كدا الدايت اللى ينفع معاك مش بينفع مع غيرك وممكن ميلتزمش بيه المسئلة مش حساب سعرات وناكل نفس الاكل
ولو قرصت على نفسك جامد شهر مش هتقرص التانى والتالت وهكذا
➖➖➖🔹➖🔹➖🔹➖➖➖
باى

30/11/2020

💢 امتا تعلى بالاوزان بتاعتك بشكل علمى ومظبوط ؟
➖➖➖🔹➖🔹➖🔹➖➖➖
كتير مننا بيروح الجيم ويفضل يشيل فى الاوزان لحد ميفضل لمستوى معين ويقل وهو مش عارف امتا يزود وزن وقد ايه وازاى ؟
ومش بيلاقى نتيجة مع تكرار كلمة انا بشيل كتير بس مش بيبان عليا ليه ؟
➖➖➖🔹➖🔹➖🔹➖➖➖
اولا : ضرورة زيادة الاحمال التدريبية progressive overload
عشان تتقدم فى زيادة الكتلة العضلية او اى كان الهدف اللى انت بتلعب عشانه سواء تحمل بدنى endurance او ويادة قوة strength/power

فا ضرورى جدا انك كل شوية تضيف حمل جديد الجسم مش متعود عليه بنسبة بسيطة بحيث متعملش اصابة وفى نفس الوقت غيرت واضفت مجود جديد لازم على الجسم انه يتكيف عليه وبالتالى تحقيق هدفك وزيادة العضلات كمثال ..
➖➖➖🔹➖🔹➖🔹➖➖➖
ولكن امتا ازود وزن ؟
عشان تعرف تزود وزن صح لازم الاول تعمل الخطوات دى :

1- تتاكد 100% انك بتلعب صح ولو اضطريت انك تنزل الاوزان بتاعتك فى سبيل انك بتلعب صح فانت لازم تعمل كدا

2- تحدد 90% من الوزن الكلى اللى تقدر تعد بيه عدة واحدة او ما يسمى ال 1RM
كمثال انا بقدر اشيل 100 كيلو عدة واحدة

3- لو كان هدفك زيادة العضلات فانت هتحدد الوزن اللى هتلعب بيه 60% او 80% من الوزن الكلى اللى حددناه فوق
وهتلعب عدات من 6 الى 12

4- هتشيل الوزن اللى حددته فى رقم 3 فى الدخلات او المجموعات الكلية بتاعتك ) يعنى هتثبت الوزن بتاعك فى ال 3 ومدرجش الاوزان )

5- لما توصل بالوزن الجديد دا 12 عدة صحيحة كاملين
هتزود بنسبة 5% من الوزن اللى بتشيله
يعنى لو بشيل 70 كيلو هحط 3 كيلو زيادة تانى وهبدا اعد
6 عدات

6- هنكرر نفس الوزن 73 كيلو فى المثال بتاعنا لحد منوصل بالعدات 12 عدة فى الاسابيع اللى وراها
ولما نوصل 12 عدة بالوزن الجديد هنزود 5% تانى
ونفضل نزود تكرارات بالوزن الجديد لحد منوصل 12 عدة تانية
➖➖➖🔹➖🔹➖🔹➖➖➖
ميهمش هتبدا تعد بالطريقة دى من انهى وزن المهم ( تقدمك فى الاوزان ) وليست ارقام الاوزان اللى تصل اليها
يعنى المهم ان الوزن يبقى مناسب ليك انت ولقدرتك فى التمرين
➖➖➖🔹➖🔹➖🔹➖➖➖
بكدا حققنا حاجة مهمة اسمها double progression overload prinicple
يعنى كل اسبوع ياما بنزود وزن ياما بنزود عدات
فا بالتالى هتلاقى نتايج احسن واقوى واسرع وامن ليك
➖➖➖🔹➖🔹➖🔹➖➖➖
طيب لو فضلت على نفس الاوزان لفترة زمنية كبيرة اعمل ايه ؟
دا عنوان البوست اللى جاى

14/11/2020

العرض سارى لفترة محدودة

Micheal Magdy

26/10/2021

04/09/2021

07/07/2021

06/07/2021

09/05/2021

27/04/2021

27/02/2021

02/02/2021

31/01/2021

30/11/2020

14/11/2020

Address

Telephone

Website

Alerts

Shortcuts

Share

Category