Footballology

Footballology هذه الصفحة قائمة على وجهات نظر محايدة
كل فريق بيقع لاز?

انتهت المرحلة الأولى من بطولة اليورو وتم تحديد المواجهات القادمة💥🔥وعشان تبقى معاك كل المعلومات الخاصة باللي حصل في المرح...
24/06/2021

انتهت المرحلة الأولى من بطولة اليورو
وتم تحديد المواجهات القادمة💥🔥
وعشان تبقى معاك كل المعلومات الخاصة باللي حصل في المرحلة الأولى

📌 إليكم هذه الأرقام...
⚽⚽⚽⚽⚽⚽⚽⚽⚽⚽⚽⚽⚽⚽⚽

💥 أكثر الفرق تسجيلًا للأهداف:
1️⃣ هولندا🇳🇱.
8 أهداف.
2️⃣ ايطاليا🇮🇹 بلجيكا🇧🇪 البرتغال🇵🇹.
7 أهداف.
––––––––––––––––––––––––––––––
💥 أكثر الفرق استحواذًا للكرة:
1️⃣ أسبانيا🇪🇦
بنسبة 68.7٪

2️⃣ ألمانيا🇩🇪
بنسبة 61.3٪
––––––––––––––––––––––––––––––
💥 دقة التمريرات:
1️⃣ ألمانيا🇩🇪
بنسبة 89.7٪

2️⃣ فرنسا 🇨🇵 بلجيكا🇧🇪
بنسبة 89٪
––––––––––––––––––––––––––––––
💥 أكثر الفرق محاولات:
1️⃣ الدنمارك🇩🇰
61 محاولة.

2️⃣ إيطاليا 🇮🇹
60 محاولة.
––––––––––––––––––––––––––––––
💥أكثر الفرق حفاظًا على نظافة الشباك:
1️⃣ ايطاليا🇮🇹 وانجلترا🇬🇧
3 مباريات.
2️⃣ هولندا🇳🇱، بلجيكا🇧🇪، اسبانيا 🇪🇦، السويد🇸🇪
2 مباريات.
––––––––––––––––––––––––––––––

#يورو2020

تشيلسي والطريق الي المجد
03/06/2021

تشيلسي والطريق الي المجد

صدفة لا تحدث كل يومالبطل والوصيف في انجلترا واسبانيا وإيطاليا من نفس المدن😂
24/05/2021

صدفة لا تحدث كل يوم

البطل والوصيف في انجلترا واسبانيا وإيطاليا من نفس المدن😂

ميلان يتفنن في تعذيب جماهيرهتعادل ميلان مع كالياري امبارح بدون أهداف كان أسوأ سيناريو في التاريخ لأي واحد بيشجع ميلان، ل...
17/05/2021

ميلان يتفنن في تعذيب جماهيره

تعادل ميلان مع كالياري امبارح بدون أهداف كان أسوأ سيناريو في التاريخ لأي واحد بيشجع ميلان، لان محدش مستني أن ميلان يتعادل أو يتغلب من كالياري وده لأسباب كتيرة:

1️⃣كالياري ضمن البقاء في الدوري ومش محتاج حاجة من المباراة.
2️⃣ماتش الصعود لدوري الأبطال
3️⃣ وجود الدافع للاعيبة ميلان أن المباراة دي هي مباراة تتويج الجهد.

لكن في المقابل ميلان يلعب ماتش اقرب لماتش لاتسيو من حيث الروح أو الافكار ده غير الضغط والخوف اللي كان باين من أداء الاعيبة وتصرفاتها وده كان السبب فيه هو بيولي المدير الفني اللي كان باين عليه الخوف والضغط بشكل كبير جداً

بداية المباراة كانت بسيناريو غريب فهى نفس تشكيلة مباراة اليوفي وتورينو وده اللي مكانش محتاجه في مباراة كالياري لانه ضمن البقاء وبالتالي مش هيهاجمك على عكس اليوفي وتورينو تماما.

ده غير هبوط مستوى عدد كبير جدا من الاعيبة في نفس الوقت مع هبوط مستوى المدرب وصل الفريق أنه خلال 90 دقيقة سدد 19 كرة منهم 2 بس عالمرمى.

حتى مع تعديل سيناريو الفريق كان المدرب بيولي بيدمر الماتش اكتر بتبديلات غريبة زي نزول ميتي مش تونالي وتأخير نزول مانذوكيتش وحتى مع نزوله تم سحب هاكان اللي من الممكن أنه يعمل بثرو أو اوڤر أو تمريرة يخلق وضع للتسجيل.

ميلان لسه عنده أمل في الوصول الأبطال لكن لو انت مشجع حقيقي للميلان ومتابع للدوري فأظن أن انت عارف أنه أمل ضعيف جدا

لانه مطالب من ميلان الفوز على أتلانتا في ملعبه واتلانتا لم يخسر في ملعبه من 31 يناير
أو في حالة خسارة ميلان، فهو ممكن يوصل في حالة تعادل أو خسارة نابولي أو اليوفي اللي هيلعبوا مبارياتهم في نفس التوقيت يوم الاحد الساعة 8 الا ربع بتوقيت مصر

الجولة القادمة للدوري الإيطالي في قمة السخونة 🔥🔥🔥

ساعات بيبقى المدرب مش موفق لكن زيدان النهاردة كان غير موفق بشكل صعب جدًا.من أكتر الماتشات اللي فيها أخطاء من المدربزيدان...
05/05/2021

ساعات بيبقى المدرب مش موفق لكن زيدان النهاردة كان غير موفق بشكل صعب جدًا.

من أكتر الماتشات اللي فيها أخطاء من المدرب
زيدان حرفياً عمل كل الأخطاء الممكنة في كرة القدم.

* بقالك موسم بتبني في ثلاثية ناتشو وميلتاو وميندي ليه تغيرها؟

* ماشي ممكن أتقبل أنك تغيرها عشان راموس، طب ليه تلعب بميندي وينج باك؟ ليه تخسر ميندي وتحطه في اختبار فوق قدراته؟

* فتح الملعب بطريقة غريبة لدرجة أن راموس بيلعب في العمق لوحده!!

* أنت بتدافع ولا بتهاجم؟ أنا بصراحة مش عارف زيدان كان بيعمل ايه، مفيش أي خطورة هجومية للريال ولا حتي تنظيم دفاعي طب أنت بتعمل ايه؟

* ليه فينسيوس بيلعب ناحية اليمين والكل عارف ان دي مش عدلته؟ هتقولي عرضيات هقولك أنه مش بيعرف يلعبها، ولو أنت بتلعب علي العرضيات ليه مبدأتش برودريجو؟

* ليه تبدأ بهازارد تحت بنزيما إيه اللي قدمه هازارد في الأربع ماتشات اللي لعبهم في الموسم كله يخليه يبدأ اساسي؟

* استمرار مودريتش 90 دقيقة في الماتش رغم أنه جاب اخره من الدقيقة 50 كلف الريال هدف تاني.

* تبديلات عجيبة ليه تخرج كاسيميرو، ده كانتي كان واكل نص الملعب في وجود كاسيميرو تقوم أنت مخرجه؟

* ليه هازارد مكمل لغاية الدقيقة 89؟

مش بننكر أن اسكواد الريال ناقص عناصر كتير بس ده مش مبرر لكل الأخطاء دي.

الستي vs باريس* باريس بدأت ضغط عالي جدًا علي السيتي في محاولة للاستحواذ على الكورة عشان يتفادي أخطاء الماتش اللي فات و أ...
04/05/2021

الستي vs باريس

* باريس بدأت ضغط عالي جدًا علي السيتي في محاولة للاستحواذ على الكورة عشان يتفادي أخطاء الماتش اللي فات و أ ب كورة ان الحل الأمثل للضغط العالي هي الكورة الطولية.

كورة طولية عظيمة من واحد من أعظم حراس العالم في لعب الكورة بالقدم ايديرسون لزينشينكو اللي انطلق وباص لKDB اللي سدد ومتابعة من رياض عشان يحطها في الجول.

* الهدف خطأ مشترك بين فلورينزي اللي ساب زينشيكو لوحده وبطيء شديد من كيمبيمبي في متابعة تسديدة دي بروين.

* باكات باريس وخصوصًا فلورينزي نقطة ضعف كبيرة لباريس حتي بديله داجبا ميفرقش عنه كتير.

* نيمار ودي ماريا بالغوا بشكل كبير في الاحتفاظ بالكورة وده خلى باريس بطيء جدًا في التحولات الهجومية.

* الهدف التاني بسبب ضغط علي من السيتي ويقطعها فودين ويلعب وان تو مع دي بروين في جبهة باريس اليمين وعرضية يحطها رياض في الجول.

* بعد الهدف التاني الماتش خلص لكن بعد طرد دي ماريا كان ممكن الماتش يكون فضيحة وكنا ممكن نشوف هدف تالت ورابع وخامس كمان.

* خطأ بوتشي الأكبر هو البدأ بايكاردي علي حساب مويس كين مش تقليل من ايكاردي علي قد ما هو أبعد ما يكون عن ستايل امبابي، ايكاردي مهاجم صندوق محتاج كرات عرضية وباصات في العمق ونيمار ودي ماريا زي ما قولت كانوا انانيين بطريقة مستفزة، حتي المدافعين اللي معاه سواء دياز أو ستونز هم اتنين اقوياء جدًا صعب مهاجم ثابت زي ايكاردي يتعامل معاهم.

* جوارديولا عمل حاجات كتير كويسة في الماتش أبرزهم:

1) الضغط العالي علي دفاع باريس في أغلب الماتش وزاد من الضغط بعد طرد دي ماريا لدرجة أن كان فيه 7 لاعيبة من السيتي داخل ال 18 باريس.

2) التخلي عن فكرة الاستحواذ والهجوم المبالغ فيه اللي كان سبب في خروجه من الابطال السنين اللي فاتت ودي تحسب ليه وتبين قد إيه أنه نضج كرويًا.

3) اللامركزية ودي طبيعة لعب جوارديولا، أنت كمشاهد مش هتعرف مين بيلعب فين.

( الأفضل )

من طرف السيتي كان الأفضل رياض محرز صاحب الهدفين وعريس اللقاء، رياض لاعب رايق يركبك علي الخصم بترقيصة أو لمسه + خط دفاع السيتي كله خصوصًا دياز وزينشينكو.

من طرف باريس فأنا مش شايف حد كان حلو غير ماركينيوس.

(الأسوء)

الأسوء في الماتش هو فلورينزي مش بس لأن الهدفين من جبهته لكن حرفيًا هو سيء جدًا دفاعيًا وغير موجود هجوميًا، معاه دي ماريا اللي بعصبيته كان ممكن تحصل نتيجة كارثية لباريس.

كنت عايز أحط معاهم ايكاردي بس هو مجاش الماتش لا بجد مجاش الماتش.

مورينيو مدير فني لروماانا متفهم انك بتتريق أو بتتوقع فشل مورينيو مع روما بسبب طريقة لعبه أو عدم مواكبة التطور في الكرة ع...
04/05/2021

مورينيو مدير فني لروما

انا متفهم انك بتتريق أو بتتوقع فشل مورينيو مع روما بسبب طريقة لعبه أو عدم مواكبة التطور في الكرة على المستوى الخططي.

طب تعال كده نشوف مين اللي كسب الدوري الايطالي السنة دي

انتر ميلان اللي بيدربه كونتي اللي هو اكتر واحد معروف عنه اللي مش بيغير طريقة لعبه الا وهى الدفاع بشكل أساسي

مكسبش اللي بيلعب ضغط عالي زي الميلان أو أتلانتا
ولا اللي عنده كريستيانو رونالدو

اللي كسبه صاحب التفكير الدفاعي الأساسي

وده قريب من مورينيو الي حد ما.

تعال في نقطة تانية الا وهى مورينيو نفسه
اكتر فترتين حقق مورينيو فيهم النجاح الكامل وخلي بالك من الكامل دي هي بورتو والانتر.

اللي هم اكتر فرقتين محدش توقع أن مورينيو يحقق معاهم حاجة
لا بورتو تتخيل يكسب الأبطال
ولا انتر اللي كانت لاعبته ساعتها واللي كانوا الى حد ما كبيرة في السن.

وبالتالي نوعية لاعيبة روما هى اللي بيحبها مورينيو جدا ونفس الظروف تقريبا في بورتو وانتر هى هى المتوفرة في روما مع اختلاف طفيف جدا ممكن يتعالج بكام صفقة بس.

#مورينيو هو شخص ليه اخطاء وليه مميزات لايمكن أنك تغفلها
ومع روما انت تقدر تتوقع اي حاجة ممكن تحصل الموسم الجاي

خصوصا أن مشاركة روما في اليورباليج كمان غير محسومة فلو موصلش فروما الموسم الجاي مش هيبقى عنده غير الدوري بس مع الكاس طبعا.

في زمن السوشيال ميديا في مصرظهرت نغمة الضغط على الاعيبة، والحقيقة الموضوع ده صحيح جدًا ولكن عشان نقول كده لازم حتى يكون ...
02/05/2021

في زمن السوشيال ميديا في مصر

ظهرت نغمة الضغط على الاعيبة، والحقيقة الموضوع ده صحيح جدًا ولكن عشان نقول كده لازم حتى يكون في تواجد فعلي للجماهير في الملاعب، وده هنا تقدر تقول فعلا أن ده ضغط جماهيري.

لكن في مصر يقال أن ضغط السوشيال ميديا صعب جدا
على الرغم من أن لو الاعب قفل التليفون بتاعه، فخلاص كده هو انتهى من الضغط خلاص.

مثال اكتر للضغط الجماهيري

في الصورة قدامكم ده دوناروما حارس ميلان واحد من افضل حراس العالم وده لانه كمان سنه 21 سنة ولعب فوق ال 200 ماتش، وارقامه جيدة ولكنها مش ممتازة مثلًا.

الاعب عقده هيخلص بعد كام شهر وطالب تجديد عقده مع الميلان يبقى ب 12 مليون في السنة، يعنى يبقى اغلى حارس في العالم
ويبقى اغلى من نوير واوبلاك ودي خيا وغيرهم من الحراس العالميين.

كتير ممكن يقولوا طب ما سنه يسمح بكده، ولكن للامانة كأمكانيات فهو لا يستحق الرقم ده نهائيًا.

المهم أنه ظهر كلام الفترة الاخيرة أن الاعب احتمال يروح اليوفي.

والماتش الجاي بين الميلان واليوفي وده تقريبا اهم ماتش في الموسم للفريقين لانه هيحدد بشكل ما اللي هيوصل للأبطال الموسم الجاي.

بعد مبارة اليوم مجموعة من ألتراس ميلان راحوا لفندق الفريق وطلبوا مقابلة الاعب، فالاول الاعب رفض، لكن بعد كده وافق وقابلهم

خلال المقابلة ظهر التوتر والجماهير طلبت من الاعب أما أنه يجدد أما أنه ميلعبش الماتش الجاي قدام اليوفي ويمشي وميجددش، والاعب بكى بعد المقابلة ومش مصدق اللي بيحصل معاه

فتخيل معايا الضغط ده وقارنه بالضغط بتاع الجماهير المصرية.

رأيك أنت مهم جدا

هل فعلا السوشيال ميديا تأثيرها حاليا يوازي ضغط الجماهير في الملاعب؟

قمة مصر ديربي القاهرةالشوط الأول كان حرفياً درس في الكورة من موسيماني لكارتيرون شوط اشبه بتقسيمة للأهلي حرفياً لاعيبين ا...
18/04/2021

قمة مصر ديربي القاهرة

الشوط الأول كان حرفياً درس في الكورة من موسيماني لكارتيرون شوط اشبه بتقسيمة للأهلي حرفياً لاعيبين الاهلي بيقسموا وينقلوا الكورة في نص الملعب بتاع الزمالك لدرجة ان نسبة الاستحواذ عدت ال 70%

الزمالك موصلش لمرمي الاهلي غير في جول شيكا الجميل
علي الجانب الآخر كان افشة وايمن اشرف وشريف ابرز ناس ظهروا في الشوط الأول

افشة كان حرفياً واخد نص الملعب لحسابه وايمن كان ممتاز في الدفاع وعمل زيادة هجومية كبيرة

الشوط التاني حصل فيه سيناريو من سيناريوهات متعة كرة القدم علي لطفي اللي الكل اجمع أهلاوية وزمالكاوية علي انه اضعف عنصر في فريق الاهلي يقلب سوبر مان ويصد ضربة جزاء ويشيل كورة من الجول قبل صفارة الحكم بدقيقة

الزمالك كان افضل من الأهلي في الشوط التاني بسبب ضعف جبهة بيكهام لغاية لما نزل اكرم توفيق يسد الجبهة دي ودي حاجة اللوم عليها موسيماني بسبب التأخر في التغير ده

كارتيرون كان غريب جداً في تغيراته

ايه السبب ان اوباما يكمل الماتش؟
ايه سبب نزول حميد احداد؟
ايه سبب البداية بمروان حمدي في شوط اول كامل انت بتدافع فيه؟
تساؤلات كتير لازم يجاوب عليها

تشيلسي العظيم توخيلتولي توخيل تدريب تشيلسي مكنش عليه الشو الإعلامي الكبير وده اللي أدى فرصة للفريق ده للظهور بالشكل الحا...
15/04/2021

تشيلسي العظيم توخيل

تولي توخيل تدريب تشيلسي مكنش عليه الشو الإعلامي الكبير وده اللي أدى فرصة للفريق ده للظهور بالشكل الحالي وتحوله من فريق مش من اول 10 فرق في الدوري لفريق موجود في نص نهائى دوري ابطال اوروبا وكمان بينافس على مقعد مؤهل لدوري الأبطال.

ده حصل ازاي؟

توخيل حول طريقة لعب الفريق من 433 اللي كانت مخليه الفريق سفاح هجوميا لكن دفاعيا سئ جدا ل 3421 ومن هنا بدأ تشيلسي بشكله الحالي وبدأ حل اول مشكلة في الفريق وهي البطئ الدفاعي الكبير في الفريق.

تعال اوضحلك اكتر

بعد ما قريت كل ده احب اقولك أن لو في مشكلة عند توخيل فهي أنه في اوقات كتير معندوش خطة بديلة زي ماتش ويست بروميتش كده او حتى ماتش باريس والبايرن في نهائي دوري الأبطال ولكن ممكن بالاسكواد اللي يعتبر من الأفضل في أوروبا يحل المشكلة دي

في لاعيبة تانية اتحسنت في الفريق زي فيرنر لكن لسه مش هو اللي احنا عرفينه

جه دورك دلوقتي تقولي رأيك في الكلام ده ورأيك ممكن زياش وهافرتز يبقى ليهم دور في اللي جاي؟

هل لينجارد أفضل صفقة اعارة في تاريخ الدوري الانجليزي؟صفقة لينجارد وهى الانتقال على سبيل الاعارة من مانشستر يونايتد الى و...
13/04/2021

هل لينجارد أفضل صفقة اعارة في تاريخ الدوري الانجليزي؟

صفقة لينجارد وهى الانتقال على سبيل الاعارة من مانشستر يونايتد الى وست هام يونايتد واحدة من أكتر الصفقات اللي العالم كله اتريق عليها، نظرا للي كان الاعب بيقدموا مع مانشستر يونايتد.

لغاية ماتش امبارح بين ويست هام وليستر سيتي واللي خلص بفوز وست هام ب 3 أهداف مقابل هدفين وكمان لينجارد جاب هدفين ساهموا بشكل كبير في حفاظ وست هام على المركز الرابع المؤهل لدوري الابطال.

احنا مش بنتكلم على لاعب عادي، احنا بنتكلم على لاعب قرب ينتهي اتحول بقى لاعب أرقامه أفضل من ساديو ماني وفيرنر مع بعض ولعب اقل عدد ماتشات منهم هم الاتنين.

وده خلى اسئلة كتيرة جدا ومنها هل لينجارد أفضل صفقة اعارة في تاريخ الدوري الانجليزي؟
قبل الموسم كان بالارقام صفقة اعارة الارجنتيني كارلوس تيفيز من ويست هام لمانشستر هي الافضل واللي كانت بقيمة 10 مليون جنيه استرليني لموسمين.

واللي انتهت بفوز اتنين دوري والفوز بدوري الابطال 2008 ولكن لمشاكل بين السير وتيفيز مانشستر مشتراش تيفيز ومن هنا ظهرت المقارنة عامة

تعالوا نقولكم ازاي

قولنا هل من الممكن يرجع لينجارد لمانشستر مرة تانية ولا هيخش في صفقة تبادلية بين مان يونايتد وويست هام؟
وهل اللاعب قادر يفضل على نفس المستوى ولا لا؟

 #الكلايسكويمكن ده امتع ماتش بين برشلونة الريال بعد رحيل الدون من وجهة نظريالريال وزيدان اعتمدوا علي ترك الكورة الكورة ل...
10/04/2021

#الكلايسكو

يمكن ده امتع ماتش بين برشلونة الريال بعد رحيل الدون من وجهة نظري

الريال وزيدان اعتمدوا علي ترك الكورة الكورة للبرسا والضغط العالي في فترات كتير من الماتش علي دفاع البرسا واخطأ بالفعل دفاع برشلونة
يمكن ابرز خطأ هو خطأ شتيجن في الشوط الاول

وفي فترات تانية كان زيدان بيقابل من نص ملعبه ويقطع الكورة سواء فالفيردي أو كاسيميرو أو ثنائي الدفاع بالاخص والارتداد الهجومي السريع في ضهر دفاع برشولنة بتمريرات لوكا وكروس سواء لفينسيوس او فاسكيز الي قدروا بسرعتهم يشكلوا خطورة كبيرة علي مرمي شتيجن بسرعتهم ومهارتهم خصوصاً فنيسيوس

في الاخر زيدان عمل تغيرات بتوضح تفكيره في ماتش ليفربول وكمان اصابة فالفيردي وفاسكيز اجبرته علي تغير خطة اللعب ب3 في خط الدفاع وكان ممكن برشلونة يستغل ده ويتعادل لكن ده ميمنعش ان الريال حتي بالظروف دي كان اخطر علي المرمي بدليل انفراد مارسيلو في اخر دقايق الماتش

علي الجانب التاني البارسا، تشكيلة المباراة نفسها في البداية كان فيها خطأ كارثي وهو البداية بديمبيلي كمهاجم صريح، واللي خلى برشلونة بيلعب بنقص في الاعيبة من غير حصول أي لاعب على كارت أحمر

لعب عادي بطريقته الاستحواذ علي الكورة في نص الملعب مع باص جميل علي الطرف لجوردي أو ديست في الشوط الاول وديمبيلي في الشوط التاني وعرضية ارضية وشكلوا بيها خطورة علي المرمي لكن كورتوا وثنائي الدفاع كانوا متألقين مع تدني مستوي ديمبيلي وجريزمان حتى مع نزوله

أفضل وأسوء لاعب في المباراة 👇
وفقا لنظام التنقيط

Address

Shubra El Kheima

Website

Alerts

Be the first to know and let us send you an email when Footballology posts news and promotions. Your email address will not be used for any other purpose, and you can unsubscribe at any time.

Share

Category