01/05/2017
تمرين ال cardio قبل ولّا بعد التمرين؟
ال cardio لو قبل التمرين
ممكن يحرق معاك الكاربوهيدرات اللي انت محتاجها بشكل أكبر في تمرينة الأوزان
ولو بعد التدريب
لابد يكون بشدة قليلة جداً وماتكنش عامل مجهود عالي اوي في تمرينة الأوزان
أفضل حاجة ممكن تخس بيها دهون من غير ماتحرق عضلات: انك تفصل تمرين ال cardio عن تمرينة الأوزان
ولو ماقدرتش، يبقي خليه بعد تمرين الأوزان
ليه بقى. !؟
أولاً:
خلينا نقول يعني ايه cardio
ال cardio :
هو التمرين اللي هدفه تخسيس الدهون وتحسين عمل الجهاز الدوري التنفسي (بالبلدي كدة ان نَفَسك يطول وماتنهجش بسرعة من أقل مجهود)
زي ماقولنا في ڤيديوهات ال ( zero carb diet )
انه علشان جسمك يحرق دهون لازم يفضل في حالة حركة لمدة تتعدي ال ٣ دقايق، ولابد من وجود أكسچين، وكمان كاربوهيدرات ( ماتنسوش الكاربوهيدرات )
طاب لو مافيش كاربوهيدرااااااااات؟؟؟
-الجسم هيحرق من العضلات عشان ياخد منها طاقة.
حاجة كمان محتاجين نفتكرها
-الجسم في تدريب الأوزان بيحرق بشكل أساسي من الكربوهيدرات
الحاجة التالتة المهمة:
- جسمك عشان يبدأ يحرق دهون محتاج ٣ دقايق، صح، لكن، هو مالحقش يحرق، ٣ دقايق دول عشان يبدأ يحرق، لكن عشان تقول انا حرقت دهون لازم تعدي ٢٠ دقيقة علي الأقل عشان جزئ واحد من الدهون (triglyceride) بيديك طاقة كبيرة، فمحتاج تعمل مجهود كتير عشان تحرق كمية معقولة من الدهون.
ف ٢٠ دقيقة قبل تمرين الأوزان ده هياخد من طاقتك اللي انت محتاجها في تدريب الأوزان
آخرك قبل التمرين ٥-١٠ دقايق عشان الإحماء، بس
