Coach/ Nahla Ahmed

04/05/2023

تمرينه صعبه سيكا صغيرين😂

04/05/2023

-تفتكري لخبطة رمضان و كحك العيد اثروا علينا؟
- لا مش باين.. احنا زى الفل

04/10/2022

🔰 ٦ أسباب تسبب قلة معدل الحرق في الجسم 😒🔥

الحفاظ على معدل سريع للحرق في جسمك مهم جداً لفقدان الوزن أو الحفاظ على الوزن المناسب ليك، بس في عادات يومية وأخطاء ممكن تقلل الحرق عندك وللأسف العادات دا ممكن تخليك تكتسب وزن في المستقبل بدل الحفاظ عليه.

💥 هتكلم دلوقتي عن أكتر ٦ أخطاء بتسبب قلة الحرق في جسمك

⁦1️⃣⁩ سعرات حرارية قليلة جداً

تقليل السعرات الحرارية عن احتياج جسمك هو الأساس لفقدان الوزن والدهون، لكن لو قللت جداً السعرات اللي بتاكلها جسمك هيقلل الحرق تلقائي لأنه هيفهم ان مفيش أكل كفاية بيدخله يومياً.

📌 الدراسات أكدت ان تناول أقل من ١٠٠٠ سعر حراري يومياً بيقلل الحرق جداً في الجسم.

⬅️ البنات مش أقل من ١٢٠٠ سعر حراري يومياً.
⬅️ الرجال مش أقل من ١٦٠٠ سعر حراري يومياً.

⁦2️⃣⁩ بروتين قليل جداً 🍗🥩🍖🍤

البروتين هو اللي بيخليك تحس بالشبع وكمان لما تاكل احتياج جسمك المطلوب من البروتين جسمك هيحرق أكتر ودي عملية اسمها التأثير الحراري للأكل.

التأثير الحراري للبروتين أعلى بكثير من تأثير الكاربوهيدرات أو الدهون، الدراسات أثبتت ان تناول البروتين بيزود الحرق بشكل مؤقت بحوالي ٢٠-٣٠٪ مقارنة مع ٥-١٠٪ للكاربوهيدرات و ٣٪ أو أقل للدهون.

معدل الحرق ممكن يقل مع الوقت أثناء عملية فقدان الوزن والدهون، بس لو جربت تزود البروتين بتاعك لما تحس ان الحرق قل هتلاقي ان الحرق بدأ يزيد من جديد.

📌 احتياج الجسم من البروتين من ١,٦ لـ ٢,٢ جرام لكل كيلو من الوزن لو بتتمرن حديد أو أي تمارين مقاومة، واحتياج الجسم الطبيعي من البروتين بدون تمرين علشان يكون جسمك صحي هو ٠,٨ جرام لكل كيلو من الوزن.

⁦3️⃣⁩ نمط حياة كسول 😴

الشغل اللي بدون حركة وطول الوقت قاعد على مكتب بدون أي حركة لفترات طويلة وكمان طول الوقت قاعد في البيت مش بتتحرك بيقلل جداً من الحرق في جسمك وكمان بيأثر سلبياً على صحتك بشكل عام.

أكيد مش هينفع نساوي شخص قاعد طول اليوم ومش بيتحرك بشخص كل شغله حركة.

⁦4️⃣⁩ نوم قليل ومضطرب 😟

النوم مفيد جداً للصحة العامة مش لزيادة الحرق بس، قلة النوم بتسبب مشاكل صحية زي مشاكل في القلب، ومرض السكري، وكمان الاكتئاب دا غير طبعاً قلة الحرق في الجسم ودا اللي الدراسات قدرت تثبته وأثبتت كمان ان قلة النوم ممكن تخليك تزيد في الوزن بمرور الوقت.

⁦5️⃣⁩ المشروبات السكرية 🍹

تناول كميات كبيرة من المشروبات

04/10/2022

سمعت قبل كده عن مرحلة ما قبل السكر ؟

س/ يعنى إيه مرحلة ما قبل السكر ؟

ج/ مرحلة ما قبل السكر أو prediabetes دى المرحلة اللى الإنسان بيقترب جداً فيها إنه يبقى مريض سكر .. ولو اتشخص بدرى خلال المرحلة دى ممكن يتلحق قبل ما يبقى فعلياً مريض سكر ...
.......................................

س/ بتحصل ليه ؟

ج/ نتيجة السمنة أو نتيجة للإفراط فى تناول السكريات وبالتالى بيحصل تنشيط مستمر للبنكرياس اللى بدوره بيزود إفراز الإنسولين بس ما بيقدرش يواكب الزيادة المستمرة فى السكر فبالتالى السكر بيبدأ يعلى ...
....................................

س/ مدتها اد إيه ؟

ج/ من شهور قليلة وحتى عدة سنوات قد تصل إلى ٨ سنوات ..
....................................

س/ هل ليها علامات بتظهر على المريض ؟

ج/ علامات كتير وبتبقى واضحة جداً زى :

- سواد حول منطقة الرقبة
- سواد تحت الإبط وبين الفخذين
- زيادة دهون البطن
- دهون على الكبد فى الأشعة التليفزيونية

- ولو استمرت لفترة طويلة ممكن المريض يبدأ يشتكى من بعض أعراض السكر زى تنميل الأطراف وزغللة أو ضعف بسيط فى النظر ..

- ومشكلتها الكبرى إن ممكن يبدأ يحصل مضاعفات السكر على القلب والكلى والأعصاب بالرغم من عدم ارتفاع السكر بطريقة كبيرة ..
.....................................

س/ بنشخصها معمليًا إزاى ؟
ج/
- السكر الصايم من 101 إلى 125
-السكر بعد الأكل من 141 إلى 199
-السكر التراكمى من 5,8 إلى 6,4
.............................

س/ العلاج ؟
ج/
١- تخفيض ١٠٪؜ من وزن الجسم .. يعنى لو المريض ١٠٠ كيلو يبقى المفروض يخسر ١٠ كيلو ..

٢- ممارسة الرياضة زى رياضة المشى ٣٠ دقيقة يومياً ..

٣- بعض الأدوية زى Metformine or Liraglutide

22/09/2022

تكوينات الجسم من الماء علشان لما اقول نشرب مايه نسمع الكلام✌️🤟

07/06/2022

09/05/2022

لو كنتي زدتي ١٥كيلو في شهر ونص يبقي عادي وطبيعي تخسيهم في شهر ونص لكن بصراحة يعتبر انتحار بمعني
الكلمة ان واحدة تزيد ٢٠/٣٠كيلو في خلال ٥/١٠سنين وعايزة تخسهم في ٥/١٠ساعات😂 حبيبتي الرجيم القاسي والسريع يعقبه اما بدانة سريعة او انيميا حادة والاتنين ضررهم اكتر من نفعهم لكن التدرج في الرجيم وممارسه الرياضة وشرب مياه بكميه كافيه واكل صحي هتوصلى للجسم المثالى بس محتاج صبر✌️👌💪

09/05/2022

⚠️ايه هو الكارديو
الكارديو التمارين اللى بتعلى نبضات القلب بتعتمد على على حرق السكر فى الدم لانتاج الطاقه

⚠️فوايدها ايه
تحسين الدوره الدمويه فى الجسم و تنشطها
بتعلى حرق الجسم جدا و بتحرق الدهون
بتقوى العضلات

⚠️امثله الكارديو
المشى
العجله
السباحه
الرقص
نط الحبل
الجرى

⚠️انواع الكارديو

بيتقسم نوعين حسب شده التمرين

⛹️‍♀️تمارين كارديو منخفضه الشده low intensity cardio
زى المشى
الجرى الخفيف jogging
وطبعا هنا حرق السعرا الخراريه مش بيقى كتير

⛹️‍♀️تمارين HIIT hight intensty interval training
و ده بيقى تبادل بين المرحلتين زى مثلا الجرى بسرعه عاديه ، بعدين اسرع و بعدين ابطء

⚠️ اتمرن كارديو امتى و اد ايه

الكارديو يتعمل فى اول تميرنك لمده ١٠ او ١٥ دقيقه تسخين
و لو بتخسى على حسب انت عايزه تخسى اد ايه اعملى بعد تمرينك لمده من نص ساعه ل ساعه

لو فى امكانيه تتمرنى مثلا الكاريدو الصبح و الحديد بالليل مثلا.. المقصود هنا فصل ده عن ده يبقى هتاخدى اقصى استفاده من التمرين ده و ده
لو مفيش يبقى اعملى زى ما كتبت فوق و هتستفادى برضه

⚠️كارديو البيت
Jumping jack
High knee
Butt kicker
Burpee
Cross jack
Mountain climber
Jump squat
Stepper workout
Skip rope

دى اسامى التمارين اللى فى الصور تحت
اعملى كل تمرين دقيقه متواصل بعدين ريحى ٣٠ ثانيه و عيدى تانى

⚠️اجهزه كاريدو الجيم

المشايه
مثلا ابدء بخطوات عاديه مش بسرعه و مش براحه لمده دقيقتين ل٥ دقايق
بعدين زودى السرعه تدريجيا درجه واحده و استمرى عليها ٥ دقايق و زودى السرعه تانى درجه درجه
لو بتتعبى فى الاولى عادى ممكن تمسكى فى الدراع بتاع المشايه و بعدين واحده واحده اتعودى تتمرنى عليها من غير ما تمسكى فيها

عالى انحدار المشايه حبه حبه ده بيخليى فى لياقه بدنيه اعلى و بيعمل tonning for hamstrings and glutes

⚠️العجله
بتساعد على شد الرجل جدا جدا جدا و بتساعد على حرق دهون البطن و الارداف و الرجلى
بتنشط العضلات و الدوره الدمويه و رفع مستوى اللياقه

طيب بيقى فى عجله بمسند للظهر دى مناسبه لو عندك الالم فى الظهر
التانيه افيد لان كل ما عليتى مستوى الكرسي كل ما استفدتى اكتر من التمرين

⚠️الاوربتراك
بيحرك عضلات الجسم بشكل عام ، الرجل، الدراع، الكتف،الظهر

اهم حاجه هنا
حافظى على استقامه العمود الفقرى عشان ميحصلش الم فى الظهر
و رجلك تبقى ثابته

⚠️جهاز wave من احلى اجهزه الكارديو😍
بيشتغل على اغلب عضلات الرجل
و بيقى فى تحكم فى المقاومه طبعا مقاومه عاليه بيساعد على شد الرجل جدا

⚠️ لو بروح الجيم اتمرن على انهى فيهم
غيرى فى تمرينك عادى كل جهاز مفيد بطريقه مختلفه❤️👌
Cap/ Nahla Ahmed

19/04/2022

‎🌛اكثر الاخطاء الرمضانية🌜

‎الخطأ / شرب العصائر يومياً.
‎الصواب / مرتين بالاسبوع تكفي.
‎السبب/ لأنه عالي بالسكريات

‎الخطأ/ شرب الماء بكمية مفرطة وقت الفطور.
‎الصح/ كوب ماء كل ساعتين.
‎السبب/ لأن امتلاء المعدة بالسوائل أشد ضيقاً على النفس من امتلاءها بالطعام.

‎الخطأ/ ممارسة الرياضة مباشرة بعد الفطور وذلك لتجنب اللوعة.
‎الصح/ ممارسة الرياضة بعد ساعتين، لتسهيل الهضم.
‎السبب/ لأن الدم بالجسم يكون متمركز بالمعدة.

‎الخطأ/ القضاء على الاكل بأقل من ٥دقائق.
‎الصح/ مضغ الطعام ببطء.
‎السبب/ المضغ البطيئ يساعد على هضم الطعام جيداً، ويساعد في التحكم بالوزن.

‎الخطأ/ أن تتناول الحلويات مباشرة في الفطور.
‎الصح/ تناول الحلويات بعد ساعتين من تناول الفطور.
‎السبب/ لتتجنب الدوخة والخمول،والاصابة بمرض السكري وتكون مستعداً للصلاة شهر العبادة.

‎الخطأ/ تناول طعام يحوي كميات من الصوديوم.
‎الصح/ تناول طعام يحوي كميات من البوتاسيوم.
‎السبب/ لأن الإكثار من البوتاسيوم يمنع العطش تماماً وأنت صائم، أما الصوديوم فيفعل العكس تماماً.

‎ملاحظات:
‎ # الموز غني بالبوتاسيوم وطعمه لذيذ وهو من الأطعمة الصديقة للقلب.

‎ # موزة واحدة على السحور، تقي العطش طوال فترة الصيام.

‎ # قلل من الملح قدر المستطاع على السحور، وإذا لم تفعل فأبشر بالعطش الشديد خلال فترة الصيام.

‎ # أفضل ٩ مصادر للبوتاسيوم وقت السحور:
‎- الموز. - الحليب. - التمر.
‎- الأفوكادو. - المشمش المجفف.
‎- الفستق. - القرع. - الفاصوليا.
‎- الكاكاو الداكن.

‎ # أسوأ اختيارات السحور:
‎ كباب - بيتزا -
‎معظم الوجبات السريعة - الأجبان

‎ # أفضل اختيارات السحور:
‎تمر - حليب - المشمش المجفف -
‎خبز أسمر - موز - القرع

‎ # شرب الماء وقت السحور مهم، ولكنه ليس بأهمية شربه طوال فترة الفطر.

‎ # شرب كوب ماء كل ساعتين من الإفطار حتي يمنع الامساك.