12/10/2023
كولر مدير فني عالمي ⁉️ ليه بقي 🤔
هتقولي وايه الجديد تعالي واحنا نقولك .....
موديست في المرتين اللي ظهر فيهم سواء ماتش الاسماعيلي او ماتش المصري
مفيش اي اعتماد عالعرضيات وبنلعب بشكل واضح عالاختراق الارضي
في الوقت اللي كهربا الماتشين اللي فاتو أساسي واغلب وقت الماتشين بنلعب عرضيات
الاهلي بيكون مثلثات كويسة عالطرفين لكن هدفها هو الاختراق واللعب في ضهر الأظهرة لكن مفيش لعب مباشر علي المهاجم اللي جاتله عرضية واحدة كان هيسجلها هدف وبالتالي هو مهاجم كويس جدا علي فكرة ..
بس الفكرة ان كولر حاطط موديست عشان المنافس يمسك الاطراف لانه هيبقى عارف ان كولر نازل يعتمد على العرضيات وبالتالي ينزل المنافس فاكر انه قاري خطة كولر
ينزل المنافس يلاقي كولر بيلعب على الارض يبقى مش عارف يعمل ايه
يعمل حساب موديست في الملعب ويفسد العرضيات اللي جاياله
ولا ينزل مساكين لمثلث الملعب تحت خط ال ١٨
بصراحة برافو كولر ونتمنى الاعتماد على موديست الفترة القادمة عشان يظهر مستوياته الحقيقية 💪🫡
