06/06/2026
غايب عنكم بقالي يومين ❤️
الحقيقة إني كنت مشغول جدًا خلال اليومين اللي فاتوا في تطوير وتجهيز تطبيقي الرسمي للموبايل، واللي تعبت فيه جدًا علشان يخرج بالشكل اللي كنت بحلم بيه.
هدفي من التطبيق كان إني أوفر للطلاب والشباب مكان واحد يقدروا من خلاله يوصلوا بسهولة لأحدث الكورسات والدورات التدريبية والتدريبات العملية، وكمان فرص العمل والوظائف المتاحة في مختلف المجالات.
والحمد لله التطبيق شغال بالفعل حاليًا، وفي ناس بدأت تحمله وتستخدمه، وده شيء بيسعدني جدًا لأن المجهود والتعب بيكون ليه قيمة لما أشوف الناس بتستفيد منه.
التطبيق معمول علشان يساعد أي طالب أو خريج يختصر وقت البحث، ويوصل بسرعة للفرص اللي تناسبه سواء كانت تدريب، كورس، منحة أو وظيفة.
أتمنى من كل قلبي إن التطبيق يكون خطوة حقيقية تساعد الشباب في تطوير نفسهم والوصول لفرص أفضل، وإن شاء الله الفترة الجاية هيكون فيه مميزات وتحديثات أقوى بكتير. ❤️
شكرًا لكل شخص دعمني وآمن بالفكرة، ولسه القادم أفضل بإذن الله. ❤️
