07/06/2026
🏋️♀️ الرحمة بتشفي الجسم.. زي التمرين بالظبط! 🤍
آخر تمرينة ليا كانت شديدة أوي، ولما جه ميعاد التمرين اللي بعده كنت حاسة إني تعبانة شوية.. وقتها خدت قرار بكل رحمة: مش هضغط على نفسي، هنام وأريح جسمي. القرار ده خلاني أحس بأمان أكتر، وإني فعلاً براعي "هبه" واخدة بالي منها، خصوصاً مع كل اللي بمر بيه الفترة دي.
اليوم بقى، صحيت وحسيت إني نفسي في أكلة معينة، قمت فعلاً عملتها.. وهي بتستوي على النار، قولت لنفسي: "أنا هبدأ تمرين، بس هخفف على قد ما أقدر طالما دي طاقتي النهاردة".
واللي حصل كان كله لطف ✨
سخنت 10 دقايق بس، وكنت بتابع الأكل بين كل مجموعة والتانية.. لحد ما الأكل استوى، كان جسمي خلاص بدأ يفتح ويستجيب، لإني رحمته وما غصبتش عليه بالعافية. وبفضل الله، اتمرنت 50 دقيقة! وده رقم حلو جداً بالنسبة لـ Upper Body (الجزء العلوي من الجسم). والأهم إني فوقت ونَفسي اتفتح وبقى عندي طاقة وإقبال ع الحياة.
💡 الدرس اللي دايماً بعلمه هو :
زي ما مهم نلتزم بالتمرين، مهم جداً نفعّل الرحمة تجاه جسمنا. مفيش حاجة بالغصب بتكون مفيدة.. اه، لما بنكون بنخلق عادة جديدة بنحتاج شوية "حزم"، بس لازم مع الحزم يكون فيه "طبطبة على الذات"، لحد ما الروح تتسع لنور العادة الجديدة دي.
ممتنة لربنا إني اتمرنت، وإني رحمت نفسي، وإني كمان رجعت أكتب عن شغلي بعد أيام من الصمت التام عن التواصل . كنت برحم نفسي برضو. وإن شاء الله هشارككم اللي بمر بيه لما أحس إني جاهزة وعايزة أعمل ده. 🥰
👑 لكل أنثى عاوزة تبدأ رحلتها:
لو نفسك تتمرني وتبدأي تلعبي رياضة، أنا أقدر أساعدك من واقع خبرتي كـ بطلة كونغ فو من سنة 2018، وكمان خبرتي في مجال تطوير الذات من 2012.
لو جاهزة تتمرني بوعي، وتفهمي لغة جسمك، وتوصلي للشفاء الجسدي:
👇👇
سيبي كومنت بكلمة "أونلاين جيم" وهبعتلك كل تفاصيل الاشتراك. 💌
دمتم برحمة ملازمة كيانكم العظيم 🙏🏻✨
#هبات
