bike lover's in suez

27/12/2023

26/12/2023

الاعداد الجايه اختصار لقصه بدائت في ٢٠١٩ ومازالت مكمله
عدي ٣سنين وكنت منتظر الوقت المناسب أشارك بقصتنا
قصه بطلها joe بألم ومجهود وتعب وفرح ونجاح
اشكر الله علي نجاح الرؤيا اللي منه ليوسف اللي كل يوم ملامحها بتوضح اكتر واكتر
بشجع كل الآباء ان يكون في صداقه قويه لانهم اهم مشروع

عن لسان🗣 والد و Elina👨‍👧‍👦
❤ قصة_اصغر_رحال_في_مصر #
🏋️‍♂️
👨‍👦
🤸‍♂️
🥰

مساء الخير لكل اصدقاء الصفحة من كل مكان
حابب ابدأ معاكم موضوع مهم جدااا ازاي تعزز صداقتك مع اولادك وتكون سند ليهم في تحدياتهم ايوة تحدياتهم 😂 مستغرب لية تحديات لطفل في سن ٤ او ٦ او ٨ طبعا وتحديات اكبر من تحدياتنا القصة بدأت ان الحياه اخداني عن اطفالي اللي بحبهم جدااااا وكنت فاهم اني قريب منهم بنوتة ٨ سنين وولد ٦ سنين التحدي الاول كان مع الولد.
انه هادي جميل بيحب كل تصرفاتة تكون محسوبة ومش بيحب المجازفة شخصية فريده في الالتزام بالقوانين لدرجة انه كان بيخاف اننا نكسر اشاره مرور يحب كل خطوة تكون بحساب
وهو عمره في الوقت ده ٥ سنين وشهرين وكان للاسف معنديش اي نوع من العلاقة الوطيده معاة وهو كان بيخاف من تصرفاتي لانها فيها مخاطر من وجهة 😜 نظرة بدأت افكر ازاي اقدر اخلية يخرج للحياة وتحدياتها واحنا قربنا ندخل الدراسة لانة للاسف كان في حضانة ومنفعش نكمل فيها وخد قرار هيقعد لوحدة في البيت ومش هيروح تاني قعدت افكر ازاي ناخد خطوة اعداد لية علشان مقابلة الدراسة وسط ٤٠ طفل علي الاقل واننا نكون بنمتلك صداقة قوية انا وهو فكرت كتير وايقنت ان لازم ندخل رياضة لاكن انا معنديش اي خبرة وطلبت مساعدة من ربنا ان تظهر ليا بيبان مساعدة 🙏.
وفعلا في يونية ٢٠١٩ عرفت ان في اكاديمية كورة قدم هتبدا لاول مره♥️ في مدينتنا السويس وبالفعل حددو ٣ ايام للاولاد قبل الموسم وروحنا مع بعض وكان وقت مش سهل لاننا منعرفش حاجة عن الكورة واخدنا ٦ حصص بيبص في السقف ومش عارف يركز قوي لاكن بيتحرك بالكوره تتقطع منة وانا كنت مصمم انه هينجح وده كان بسبب المدربين اللي معاه لانهم عندهم رؤيا وبالفعل في نهاية الموسم قدرنا نكون بناخد جايزة افضل لاعب اتطور وهو عمل مجهود جبار علشان ناخد الجايزة اللي يستحقها فعلا وبالفعل دخلنا الدراسة وهو مستعد ليها وعدي اول يوم بخير وفي الوقت ده كنت بحاول اخلي يوسف يركب العجلة بدون سنادات ودي مجازفة كبيره وشيلنا بالفعل السنادات وبدأت اجري معاه لايام ونقع ويزعل ونحاول تاني واشجعة لاني مصدق فيه صدق في ابنك وبنتك وشجعهم خليك في ظهرهم وشجعهم وخليك فاهم ان كل حاجة بيعملوها هي مهمة ليك وليهم وده هيفرق في تكوين شخصيتهم واديهم من وقتك خصص ليهم وقت تقول فاهم انهم مهمين الحياه مش كلها شغل ولا تحويش ولا فلوس لانك ممكن تصحي في يوم تلاقي نفسك مالك لمشاريع كبيره لاكن للاسف اهم مشروع علاقتك بيه ضعيفة وبدأ بالفعل يكون أصغر دراج ونزلنا في نوفمبر اختار عجلتة الجديدة وبدأت انزل امشي معاه علي ورجلي مخصص ليه وقت في اليوم ينزل يلعب بيها وحبه ليها يزيد يوم بعد يوم ونزلت في يناير جبت عجلة علشان اشاركة عشقة ركوب الدراجات دورنا علي حد يفيدنا نركبها ازاي ونعرف الاساسيات كان موضوع صعب مش سهل وبالسؤال عرفت انه في مدرسة عسكرية في السويس علي مستوي عالي
في ركوب الدراجات وبالفعل توجهت ليهم ودخلتة باقرار وكان اصغر سن يكون موجود لاكن كان لوحدة والسن ده في ركوب الدراجات الاهتمام بيه ضعيف اتمني ان الوضع يتغير ومن تاني حصة لان السن ده مفيش تركيز علية قررنا مش هنروح تاني وفي السكة قابلت بعض المدربين المحترمين اللي ساعدونا
كابتن miky كابتنا الجميل نزلنا مخصوص القاهرة ورغم انشغالة مع الفريق ادانا ساعة كاملة من وقتة يدرب يوسف وكنا راجعين علي السويس والولد بيقول ده اكتر يوم فارق معاه في حياتة
وبمساعدة المدربين اللي كانو معانا في مشوارنا اشترينا الادوات الاساسية من خوذة وطقم حماية وكشاف كل الادوات اللي محتاجينها للاننا مرتين علي الاقل بننزل في الاسبوع ٨ كيلو من بيتي لكورنيش السويس بالعجلة الرياضة فرقت معانا كتير في شخصيتة وكلامة وادراكة واكتر حاجة اننا امتلكنا صداقة قوية
اولادنا اكبر مشروع بالنسبة لينا اعرف تحديات اطفالك ساعدهم يتخطوها بامان انت الملاذ الامن ليهم ضد تحديات الحياه
انا شاكر جدااا لربنا علي كل حاجة اتقدمت لينا في السكة
علي كل حد وقف معايا وساعدني واحب اشكر جروب مشوار لانهم استضفونا معاهم في الانشطار للسخنة
وبالاخص كابتن رامي محمد اللي صدق في يوسف ومشي معانا السكه لغايه ماوصلنا لمستوى احنا راضيين عنه ومكملين مع بعض
وكابتن miky مدرب الترليثون الجميل
شكرااا للصفحة لدعمها وتشجيعي علي كتابه البوست وتبني قصتنا
Joe قصة اصغر رحال في مصر
رابط لصفحه اكاديميه كورة القدم
اكاديميه بفكر مختلف أصحاب رؤيا
شركاء النجاح
https://www.facebook.com/insportacasuez?mibextid=ZbWKwL

26/12/2023

اهلا بيك معانا ببساطه الهدف ازاي ان العيله تتعرف اكتر علي رياضه الدراجات بمفهوم مختلف بحكي عنه في بوست ازاي
ان الرياضه مهمه ومفيده بكل انواعها في التواصل للاسره وتكوين صداقات وأهداف مشتركه وازاي ان اولادنا اكبر مشروع بنستثمر فيه بكل حب وطاقه وفهم قد ايه ان ممكن نأسس مشاريع كبيره ونستثمر فيها وقت وطاقه ومجهود فيه من اجل حبنا لعائلتنا وأهم مشروع أولادي اللي بأسس كل ده ليه انا مش مستوعب ازاي تحدياته وازاي يكبر قدامي وانا شريك وصديق وأب ليه وليها.
انا بدائت ب١٠ دقايق في اليوم ازاي اكون بقدم وقت خاص بيهم اتكلم معاهم وانزل معاهم ونتحرك ونحكي واسمع وابني بيني وبينهم جسر تواصل وتفاهم لان الحديث المستمر كنز كبير لطول الايام ولو انت اول مره تقرأ ده وتابعني حتي لو ابنك وصل لسن كبير وعنده اطفال احب اطمنك مفتكش حاجه لسه عندك وقت ده يحصل .
تعالو بينا نشوف اصل الحكايه انا مهتم اكتر بالدرجات لاكن اثق ان كل رياضه علي الساحه فيها قصص كتير مليانه بالخير والجمال والترابط الاسري الصحي الجميل .
اهلا بكل حد عنده حكايه المكان هتا غير ربحي نهائيا بدون اي مقابل بكل حب للمساعده.