02/08/2022
🙎كابتن كابتن ...
🧔نعم يابطل .
🙎أنا تعبت أوى وكل يوم تمرين ومش قادر اخد نفسي ومش عارف العب مع اصحابي هو انا مش هرتاح ياكابتن .
🧔طبعا يابطل هترتاح .
🙎امتى ياكابتن ؟
🧔لما تقف علي منصه التتويج 🥇 هتحس بالراحه وقيمة التعب .
لما تفرح باباك ومامتك وأهلك بيك هتحس بقيمة التعب .
لما تبقى راسك مرفوعه قدام نفسك وقدام أصحابك وكل الناس بتشاور عليك وتقول البطل هتحس بقيمة التعب .
النجاح يابنى مش بالساهل .
النجاح تمنه غالي وتمنه انك تبذل مجهود وتتفوق علي نفسك وعلي كل المنافسين ليك .وتبذل مجهود اكبر عشان تفضل محافظ علي مكانتك دى .
لما تتعب في التمرين وفي المذاكره وتحقق نجاحاتك وطموحاتك اللى انتى بتحلم بيها هتحس انك انسان مختلف عن كل اللي حواليك ...
🧔اسمع يابطل اللاعبين كتير جدا أما البطل واحد بس هو اللى كل الناس واللاعبين بتشاور عليه و بياخدوه قدوه في حياتهم وبيبقى نفسهم اولادهم يبقوا شبهه .
لازم تعيش حياة البطل ..
🙎طب وايه هى حياة البطل دى ياكابتن ؟.
🧔حياة البطل 💪💪 هى حياة كامله متكامله انك تكون بطل في كل شئ أخلاقك التزامك تدريباتك إنه يكون إنسان ملتزم أدبيا وأخلاقيا ويحافظ علي كل فروضه يصحى بدرى وينام بدرى يوقر كبير السن ويعطف علي صغير السن يكون بيفهم معنى الكلام اللي بيقولوا مايكونش انسان متهور يبذل قصارى جهدة في التمرين يسمع كلام مامته وباباه يلتزم بمواعيد التمرين وتعليمات المدرب بكده هيكون انسان بطل وعايش حياة البطل .
🙎 الله ياكابتن دى حياة جميله أوى .
🧔توعدنى يابطل انك تكون بطل .
🙎اوعدك ياكابتن .
🙎 توعدنى ياكابتن انك تكون جنبي وماتسبنيش الا اما احقق كل طموحاتى ...
🧔 اوعدك يابطل .
🧔 توعدنى بالالتزام .
🙎 اوعدك ياكابتن انى اكون متفوق في كل شئ واشرفك .
🧔لاء لاء اوعدنى انك تشرف اهلك ونفسك قبل ماتشرفنى لانى بكده انت هتشرفنى .
🙎 اوعدك ياكابتن .
🧔 ربنا يقويك ويوفقك يابطل وييسرلك كل سبل النجاح .
وان شاء الله هتكون بطل وباذن الله انا في ضهرك .
🙎شكرا ياكابتن .
🧔لاشكر على واجب انت ابنى وواجب علي المدرب انه يقف في ضهر اولاده .
ربنا يوفق كل اولادى اللاعبين يارب .🙏🙏🙏
