بورسعيد كاستينج

02/11/2021

ما شاء الله حجر سعيد

25/01/2021

خبرات منقولة من الصيادين

تأثير حالة الرياح على أنشطة الصيد والغوص
موضوع الاستفادة من حالة الجو والرياح والبحر فى الصيد أو الغوص موضوع كبير والعناصر متداخلة التأثير و يحتاج شرح تفصيلي من الأخوة الأد منز و ذوى الخبرة الكبيرة ...وهذه محاولة إجتهادية لتوضيح بعض النقاط عنها ... أأمل أن تسعفني الذاكرة ..:-
سرعات الريح
1 - بالنسبة للتسفيط أى سرعات رياح أقل من 20 كم / ساعة يكون البحر عدل يمكن السروح شرقا أو غربا لصيد جميع الانواع دون مشاكل بالنسبة لدوار البحر أو ثبات المركب وأمانها ...أماكن الصيد شرقا قريبة نوعا ما من بحرى وبالتالى يمكن العودة سريعا فى حال لف الريح ..لكن بالنسبة للمكس السروح غربا يستغرق حوالى ال3 ساعات فإذا الريح شد والبحر نفخ تكون هناك مشقة فى تحميل عودة المركب فربما تستغرق رحلة العودة 4 ساعات وسط بحر مضطرب ومياه ترش على من فى المركب مع درفلة شديدة لا يتحملها إلا معتادى البحر الخشن والقلب الثابت..وبناءا على السرعات المتوقعة لليوم يستطيع الفرد تحديد إن كان سيخرج أم لا....طيب فى حالة يوم نصه الأول عدل ونصه الثانى خشن ..ماذا نفعل...ممكن السروح على الوعر القريب ...بحيث لو الريح شد يمكن العودة أو دخول الميناء الشرقى وتكمله اليوم مثلا...طبعا سرعات 25 كم / ساعة فما فوق يمنع السروح والتسقيط..
2 – بالنسبة لصيد الشاطئ سرعات ريح حتى 15كم / ساعة سيمكن فرد البوص أو الرمى دون مشاكل وكلما زادت السرعة ستكون كافة عمليات الصيد من تتطعيم أو فرد بوص أو رمى بماكينة صعبة مع بهدلة الطعم أو خروج الرصاصة مع تقليب الأمواج وعدم ثباتها وكثافة القش أو الخضرة بالمياه .... كلها عوامل تعتمد على مهارة وخبرة الصياد وكيف يتغلب عليها بخلاف أن هناك أنواع من الأسماك تكن فى الريح العالى والعكس..
3- بالنسبة لصيد البلوكات ....الريح العالى معناه أمواج ترش البلوكات ومخاطر البلل أو التزحلق واردة ...والخطر أشد لو الوقوف على حواجر أمواج أو حواجر خارجية للموانئ ...بالرغم أنها فرصة طيبة لصيد الشراغيس والدنيس التى تحب البحور الشغالة ..وعليه سيكون على الصياد أختيار طول البوصة المناسب أو نوعها ونوع الطعم المناسب وتصور المكان الذى سيقف فيه ...بإختصار خطة العمل المناسبة ....أو التفكير فى الأمان والصيد على الأرصفة الداخلية وتحديد السمكة المستهدفة وأختيار ما يناسبها مما سبق

أتجاهات الريح
4 – أتجاهات الريح وده موضوع كبير جدا فمثلا الريح الشرقى أو الشمالى شرقى يتسبب فى جعل مياه البحر صافية أى كاشفة وبالتالى سيصعب الصيد فيها إلا بعدة معينة أو أستهداف أسماك معينة لو متواجدة مثل الأسماك العائمة زنجاريا وسكميتشا و جلنفيش نهارا والكليمارى ليلا ..... طبعا كل نوع سمكة فى مواسمها...لو الريح قبلى أو جنوبى ربما تتوقف الأسماك عن الأكل وتمتنع عن الحركة ...الريح الشمالى غربى والريح الغربى يقلب البحر ويحرك رواسب وطحالب القاع و مفضل فى صيد أغلب الأسماك ..لكن لو زادت سرعة الريح ربما تتوقف بعض الأنواع عن الأكل والنشاط بينما أسماك كالشرغوش أو التيوس نشاطها يزداد خصوصا بجوار البلوكات والبيارات لإنفصال الحشف وبلح البحر الملتصق بها والتى يعشق أكلها.....أتجاه الريح يلعب دور كبير فى توجيه مياه مصرف خندق العرب بالمكس ونشر العكار شرقا أو دخوله لمياه ميناء الدخيلة غربا حاملا بعض أنواع أسماك المياه العذبة مثل البلطى والقراميط وإحيانا البياض والذى تمكن بعض أصدقائى من صيده داخل الميناء..
الأمواج والزبدة
5 – فى حالة وجود أمواج متتالية وزبدة ورغوة منتشرة بجوار الشواطئ والبلوكات تنشط أسماك معينة مهاجمة مثل المياس والقاروص وبالتالى على الصياد أختيار الطعم الحى الطبيعى المناسب أو الطعم الصناعى من معالق أو ربالات والشعر أو الواير ..بإختصار كل وضع وسمكة لها عدتها...
الرياح والغوص

6 - طبعا مما سبق أوضحنا تأثير الرياح وإتجاهها على حدوث العكار أو صفاء المياه وكذلك حدوث تيارات مائية وكلها عوامل فى غاية الأهمية للغواص ومدى الرؤية وحركة الأسماك أو إختباءها وتعرض حياة الغواص نفسه للخطر من عدمه ....لعلك تتذكر فى فيلم العار كيف تلخبطت مواعيد غوص أبطال الفيلم عندما هبت رياح مفاجئة قلبت حالة البحر وبالتالى سيستحيل الغوص عليهم وما حدث بعد ذلك

ده بإختصار شديد وفى حالة نسيت شئ..أرجو شاكرا من الأخوة الأعضاء المشاركة بمعلوماتهم وخبراتهم

افضل اوقات الصيد
افضل وقت للصيد
ناس كتير كانت بتسال عن الموضوع وهتكلم عنه في حدود خبرتي المتواضعة :
اولا : كتير بتسمع الصيادين بيقولوا ان البحر ساعة ، لكن هل البحر فعلا الصيد فيه ساعة واحدة ؟ والساعة دي بتكون إمتى ؟ وإمتى السمك ياكل وإمتى يمنع ؟
هنجاوب عن الاسئلة دي كلها واحدة واحدة .
لازم نبقى عارفين ان الموضوع ملوش مقياس بمعنى ان تقسيم الارزاق بيد الله سبحانه وتعالى بس الانسان بيجتهد ويسعى في الوقت الصح قال رسول الله صلى الله عليه وسلم : « اللهم بارك لأمتي في بكورها » والبكور مقصود بيه اول النهار .
هنتكلم عن الظروف والاسباب ونلخص في الاخر :)
كلمة البحر ساعة مقصود بيها وقت محدد وليس ساعة بتعريفها الزمني اي 60 دقيقة . يعني البحر ليه وقت والوقت ده ممكن يكون ساعة او 3 ساعات او حتى 6 ساعات .
إمتى السمك ياكل وإمتى يمنع ؟
اولا تاثير حركة الرياح :
(الريح فتح)
في حالة هبوب الرياح بنفس الاتجاه مع زيادة السرعة بتغير وضع المياة لمدة ساعة بمعنى إن لو السمك شغال بيمنع ويشتغل تاني بعد ساعة ، لو ممنع بيشتغل وفي اغلب الظروف بتكون سبب إن السمك ياكل.
(الريح غير)
تغيير إتجاه هبوب الرياح يشعر السمك بالقلق ويدفعه لعدم الاكل (يمنع) خاصة لو تغير الريح من غربي لشرقي او من شرقي لغربي ، فيما عدا التغيرات السطحية من شمال غرب لشمالي (بحري) او من شرقي لشمالي او من شمالي لشمال غرب سبب إن السمك ياكل.
(الريح كن)
تغير سرعة الرياح الشديدة للهدوء يشعر السمك بالراحة ، سبب إن السمك ياكل.
(التيارات المائية)
-في حالة تغير حالة المياة من الحركة للركود يدفع السمك للهروب في إتجاه حركة المياة بحثا عن الطعام وغالبا ما تكون في الاماكن العميقة بمعنى إن السمك بيمنع .
-في حالة تغير حركة المياة من الحركة الشديدة وتقلب الامواج للهدوء النسبي الذي يتخلله بعض المواج - البحر هدى شوية - معنى كلمة مشخشخ ، سبب إن السمك ياكل .
- في حالة تغير إتجاة تيارات المياة (مكان قدوم التيار المائي) يجعل السمك يمنع .
(الشتاء)
- بداية المطر سبب كبير في فتح شهية السمك .
وفي ماعدا الظروف السابقة :
افضل اوقات الصيد :
1- من بعد صلاة الفجر لحد شروق الشمس وفي بعض الاحيان حتى 11
2- من وقت صلاة العصر وحتى المغرب قد تستمر ساعة اخرى .
3- من وقت صلاة العشاء حتى 11 مساء قد تستمر حتى 1 بعد منتصف الليل .
بس إنت لازم تبقى صياد فاهم وانت واقف على البحر لو لاقيت (الريح بيغير) او (التيار بيغير) إشتغل لحد ما تمنع وإمشي بعدها متضيعش وقت ، لو لاقيت المياة ممنعة بس البحر بيزيد ويشخشخ إعرف إنها هتشتغل بإذن الله

هو انا ينفع اصطاد في النوة؟ ويبقى فيها سمك؟ وأشتغل إزاي؟

لو تسأل أي صياد قديم هيقولك ان اكتر حاجة تدايقه في الصيد لما يكون الريح عالي بس أحلى سمك تاخده من وسط النوة في ايام الاستراحات وبعدها (البوستاشي) يعني ايه إستراحة ويعني ايه بوستاشي؟ وأشتغل فيهم إزاي؟

لو هتصطاد من ميناء او حوض مقفول او بحيرة مفيش أي مشكلة في الوقوف ومش هتبقى خطر عليك .. الخطر كله في المفتوح والنوات مش كلها بتيجي بنفس القوة ومش كل ايامها زي بعض .. فيه اوقات وسط النوة بتتسمى استراحات ودي بتختلف من استراحة للتانية ، فيه استراحة ريح وفيه استراحة مطر .. تقدر تنزل فيهم بس الموضوع هيبقى صعب في الاول وهتحتاج حد متعود على الجو ده تنزل معاه.

طيب والبوستاشي ؟

البوستاشي هو اليوم اللي النوة بتقف فيه .. الريح بيهدى والتيارات المائية بتسكن والبحر بيبدأ يفضي المياة الزيادة ودي بتحتاج الحذر من الزحلقة على البلوكات اللي بتكون لسه مبلولة وممكن تزحلقك خصوصا اللي متغطية بطحالب لونها بني والبحر مش بيكون هادئ تماما بيكون لسه فيه موجات عالية على فترات متباعدة يعني متقفش قريب من الحرف وتخلي بالك كل ما البحر يكبر.
طيب إيه الاستراحات ؟
1- استراحة الريح
الريح بيهدى بس البحر بيكون لسه كبير وفيه احتمالات للمطر يبقى لازم تاخد معاك بالطو المطر وتقف في مكان المياة مش بتطلع عنده لو هتشتغل بالبوصة بتقف الاول 5 دقايق تشوف الموج بيخبط فين وتقف على اقل مكان الموج بيكسر عنده.
2- استراحة المطر
المطر في اليوم ده بيكون قليل بس لسه فيه ريح ، أهم حاجة ميكونش الريح ده قوي بالدرجة اللي تخليك متعرفش تقف بالبوصة وبيكون لسه البحر كبير فلازم تدور على مكان تقف فيه يكون الهواء جاي من ضهرك بحيس يساعدك في الرمي ومتلاقيش الريح بياخد منك البوصة كل شوية يعني لو الريح غربي أقف يمين لسان او في احواض فيها بلوكات عالية تقدر تدارى فيها من الهواء.

طيب دلوقتي لسه البحر كبير .. هشتغل إزاي ؟

بالطو المطر لازم يبقى معاك والطاقية وتلبس فوقها الزنط ، شراب زيادة تلبسه فوق الكوتشي ، تتقل في اللبس وتنزل بالبوصة والماكينة

مبدئيا الصيد في النوات بيبقى على سمك معين يعني الأناشي والقاروص يحبوا الريح لما يفتح والتيوس تحب جو القلق والرعد والبرق والمطر والشراغيش تحب البحر الكبير والدنيس تلاقيه سارح على الرملة الخشنة او داخل يكن في أي حوض او بحيرة ومن هنا الشغل بيختلف.

شغل المواني وكباري مارينا على القاروص بالشطنارة الصاحية والدود المشرشر .. هتنقي رصيف كانن من الريح في الميناء وتشتغل بالشطنارة الصاحية وجوز واسع وتنقي الجمبراية الصغيرة وتشكها سواء من الديل او الخد. شغل المشرشر لازم المياة تبقى واقفة تحتك عشان هتظفر والظفر لازم يبقى كتير لو هتشتغل بعيارين يبقى هتظفر ب 3 او 4 عيارات وتمسك إيدك على الرصيف عشان سمكة الدود بتبقى محشفة (جنب الرصيف) بتدور على الدود.

شغل المكن في المفتوح لازم تاخد معاك رصاص كبير 100 ، 125 ، 150 ويكون معاك بوصة عاصية تقدر تشوح بيها من 4 ل 5 متر، المياة بتبقى فايرة من تحت والسلاح تحت الرصاصة مش هيتمسك ده غير ان رصاصتك هتمشي كتير وبالتالي هتوعر كتير يبقى تعمل سبحة 3 أسلحة فوق الرصاصة وتشتغل بالجرايات ، العقر ، الشطنارة على الشراغيش والدنيس .. ملحوظة بس شغل الدنيس فقط هتعمله سلاح تحت وسلاح او اتنين فوق وتشكل الطعم في الاسلحة يعني مش كلهم طعم واحد عشان ميمكرش عليك.

شغل المكن في الاحواض والبحيرات هتشتغل برصاص أقل من 6 ل 8 وتطعم بالدود والعقر عشان السمكة اللي بتدخل تكن بتدور على اللحم والدم على الارض وتعمل جوز تحت او سلاح تحت وسلاح فوق.
شغل البوص في المفتوح هتتأكد الاول ان البلوك المياة مش بتطلع عليه ، وتحط فلة كبيرة ورصاصة نص عشان تعرف تحدف وهتحط رصاصة فوق كل سلاح ب 5سم .. هتجرب في الوسع عشان لو السمكة سارحة وتجرب تمسك على إيدك ، احسن طعم ليك وسط النوة اللحم .. العقر والشطنارة وبﻻش النطاط بيكون موسمه عدى في الصيف،والعضم من جرايات. كمان ممكن تشتغل برصاصة على الارض وتعمل سلاحين او تلاتة فوق ، وممكن تشتغل في البرك بين البلوكات بس تنقي بركة واسعة وغرق ودي هتلاقي فيها بوري وشراغيش وتيوس وساعات دنيس داخل يكن، وهنا هتحط سلاح واحد او سلاحين تحت الرصاصة وتعمل (جنطة).
شغل البوص في الاحواض لازم تخلي الريح في ضهرك ولو دورت على البوري هتلاقيه.
خلي الملحلاظات دي معاك :
1- البحر الكبير عايز لحم وعضم (عقر، شطنارة، جرايات).
2- الاحواض الكانة عايزة دود.
3- شغل القاروص في المواني عايز ظفر.
4- لو المياة فايرة ومروبة تحت السلاح تحت الرصاصة ملوش لازمة.
5- البحر الكبير فيه سمك سارح .. وسع إيدك.
6- إنزل مع صياد نوات في الاول

الصيد بالسمكة الحية ( صيد سمكة كبيرة بسمكة حية صغيرة )

صيد سمكه كبيره بسمكه حيه صغيره [ خيط الحيه ]
من امتع انواع الصيد هو الصيد بسمكه حيه وهو يحتاج بعض الخبره لتحديد نوع السمكه المراد صيدها وعليه ستقوم بتجهيز عدتك المطلوبه وكيفية التعامل مع السمكه المراد صيدها وسنسرد هنا اسهل طريقه للتعامل مع السمكه حتى لا تقع فى خطا ضياع السمكه المراد صيدها العده المطلوبه ربع كيلو شعر 100 شفاف ومدور كبير
وبكرة سيلك وسناره مقاس 07 ورصاصه 100 جرام
الصيد بسمكه حيه نوعان اما على العايم او فى القاع
العايم للاسماك العائمه مثل التونه والدراك وحصان البحر والاناشى
اما القاع [الغرقان] لاسماك الوقار بانواعها
مبدئيا ستحضر الشعر ملفوف على بكره بلاستيك ثم تدخل الرصاصه فى طرف الشعر وتربط المدور وهذا ثابت فى الحالتين العايم والغرقان
تحدد العمق للسمكه المهاجمه اثناء صيدك لللسمك الصغير فلو هاجمتك على العايم تربط بعد المدور حوالى 6 متر شعر 100 وتكون محضر السناره 07 مربوطه بقطعه من بكرة السيلك مقاس 80 ثم تربطها فى طرف الشعر وتكون محضر بعض السمك المصاد الحى وتاخذ سمكه حيه وتشكها من ديلها او ظهرها
وتنزلها فى البحر وتعد الامتار حسب حسبتك لوجود السمكه المراد صيها وتنظر حتى تشدك السمكه الكبيره وهنا ترد فى السمكه بقوه ثم تتعامل معها بحيث لو شدتك السمكه بقوه تعطيها شعر وان وقفت تلم الشعر حتى تاى السمكه للسطح وهنا عليك ان تكون جاهز بالوجله لرفعها الى المركب
الحاله الثانيه السمك فى القاع تربط بعد المدور متر ونصف شعر 100 شفاف ثم تربط السناره المسلكه وتشك سمكه حيه وتنزل بها الى القاع ثم ترفع وتلم من الشعر حوالى 3متر وتنتظر الشد لو اتشديت عليك اللم بسرعه لابعاد السمكه عن الوعر اوالشعب ولاتعطيها شعر حتى تعوم معك على السطح وهنا عليك بتوجيلها ورفعها الى المركب
طب واحد حيسال لو شوفت سمك عايم بيلطش على السطح احط رصاصه الاجابه لا ارمى عليه من غير رصاصه على السطح
والله الموفق

طريقة صيد سمكة اللوت

حنتكلم النهاردة على صيد سمك ( اللوت )
طبعا الكلام هنا لصيادين الموانى والشواطىء وصيادين مارينا
موسم تواجد اللوت فى البحر المتوسط من نهاية شهر 10 الى يداية الربيع تقريبا
الطعمة المفضلة لصيد سمك اللوت
هى زريعة تعبان المياه العذبة ودى بنجبها من المعدية بالكيلو بتبقى ارخص بكتير عن انك تشترى بالواحد الكيلو بيبقى بحوالى 25 جنيه اقل او ازيد بحاجات بسيطة ولو حضرتك اشتريت بالتعبان الواحد التعبان بيبقى فى حدود جنيه ونص الى 2 جنيه اهم حاجة فى التعابين انها تكون صاحية وتحافظ عليها صاحية بانك تحطها فى جردل به مياه وما تحطش اكتر من 10 تعابين مع بعض فى الجردل وتحط نصه مياه عذبة على مياه مالحة واللى يفضل منك بعد الصيد ابقى غيرله المياه كل يوم حيقعد معاك فترة طويلة تصل الى خمسة ايام
المعدات المطلوبة لصيد اللوت /
عدد 2 بوصة بمكنهم الشعر على الماكينات 45 او 50
بكرة واير 20 او 25
سنار 03او 02
شعر ترميل 40
مدور كبير
خيط براشوت
عدد 2 فلة كبيرة تقدرتعوم وهى تحتها رصاصة رقم واحد
تجهيز العدة للصيد / حتربط كل سنارة بقطعة من الواير فى حدود 30 سم بس لازم يكون معاك بنز وقصافة لربط السنار وقطع الواير وبالنسبة للناس اللى مش حتعرف تربطهم فى وايرات جاهزة بالسنارة بتتباع مفهاش اى مشكلة يتربط فيهم شعر الترميل مباشرة
بعد ما ربط السنارة بالواير اربط متر شعر40 فى الواير
كدة انت جهزت السنارة بشعر الترميل
حتجيب الفلة وتوسع خرمها بمغراز بحيث انها تقدر تتحرك بسلاسة داخل شعر الماكينة
حتفرد البوصة بتاعة الماكينة وتعدى الشعر من الدبل عادى خالص بعد ماعديت الشعر من الدبل دخل الفلة اللى وسعتها حط الرصاصة رقم واحد اربط المدور بعدها كدة بقت البوصة جاهزة بس الفلة كدة بتتحرك طالعة نازلة صح ؟
حنعمل ايه ؟ حنقيس حوالى 3 متر من المدور بعدهم حنجيب قطعة من من خيط البراشوت ونبدأ تلفها على الشعر مع الشد جامد على الشعر بحيث ان سمك اللف دة ما يسمحش للفلة انها تعدى بيبقى زى محبس للفلة
وفى نفس الوقت مش حيعاكسك وانت بتشوح وولا حيعاكسك وانت بتلم دى اسمها الفلة المجنونة ولو حتصطاد بالليل ممكن تخرم خرم اضافى فى الفلة بجوار الخرم الرئيسى وتحط فيه فسفورة عادى اربط شعر الترميل بالستارة والواير اللى انت جهزتهم
اطعم حنش من ديله ححتلاقيه ناشف معاك ما تخافش اغرسه جوة السنارة وطلعه مرة واحدة شوح جوة ولم البوش
حتجهز البوصة التانية بالماكينة وحتعمل معاها نفس الكلام بس العقدة بتاعة الفلة هنا حنزود ها يعنى حتقيس حوالة 5 متر من المدور وبعدها تعمل العقدة
ملحوظة / عمق المياه اللى حتصطاد فيها هنا لا تقل عن 7 متر
اما بالنسبة للصيد من مارينا تحت الكبارى والبحيرة ممكن تعمل العقدة على بعد متر والماكنة التانية تعملها العقدة على بعد 2 متر
كدة بقى عندك مكنتين بفلتين كل واحد فيها تعبان بيتحرك فى المية على عمقين مختلفين
طب ليه قلنا عمقين ما ظبطنهمش على عمق واحد او اشتغلنا بماكنة واحدة ؟
لان سمك اللوت سمك عايم بين الميتين ما بيقفش فى مكان واحد انت هنا بتعتمد ان حركة التعبان فى المية تستفز اللوت وهو معدى فيخطف الطعمة
دى الحكمة من استخدام مكنتين على عمقين مختلفين
اول ما الفلة تغطس منك سيبها خالص ولو سحب من شعر اديله لانه بيكون لسة ما بلعش التعبان كله بيبقى مسكه بسنانه وبيتزوقه اول ما تلاقيه شد جامد اشكم جامد ووقف ايدك بالماكينة وكون مهوى الفرامل بتاعة الماكنة شوية وتعامل معاه وربنا معاك لو مسكت فى (سجلباية ) فوق ال 5 كيلو
ملحوظة / صيد اللوت والسمك الكبير عاوز تركيز يعنى ما ينفعش تقولى حتسلى جنبه ببوصة يد لغاية ما الفلة تنزل ممكن ياكل منك التعبان وانت مش حاسس وتلاقى نفسك ضيعت سمكة محترمة
اتمنى ان اكون افدتكم
والسلام عليكم ورحمة الله

20/01/2021

صباح الخيرات معلومة علي الماشي اللي يعرف يقف علي الشط اليومين دول ربنا يكرمه من وسع

05/10/2020

مد واحد في يوم ربنا يرزق الجميع

05/10/2020

اشتراك في القناة الرسمية للصفحة ادعمونا عشان نقدر نوصل بيكم

كل ما يخص الصيد من الشاطي كاست وسيرف كاستينج

01/02/2020

شاطئ بورفؤاد موضح اماكن الاستهداف في الصوره عن تجارب شخصيه وانشاء الله الاسماك قريبة من الشاطئ

23/01/2020

الجو يصلح اليوم لصيد الشاطئ واسال مجرب 😉

21/12/2019

دام صيدك يا محمد يافتحي شاطئ بورفؤاد الطعم جمبري مملح

15/12/2019

معامل المد والجزر ليوم الاثنين اخر يوم في الحمل موفقين انشاء الله

09/12/2019

ازي تقدر تحدد مكان السمك من الشاطي بسهوله في حالت الشاطي الرملي