03/09/2026
السنة دي حاسة إن عندي كلام مختلف لكل الناس ❤️
يوم ٦/٩/٢٠٢٦ هايبقى بقالـي ٩ سنين شغالة باسمي OSHA Fitness Club…
وصدقوني، دي مش حاجة سهلة أبدًا إنك تبني اسم وكيان لوحدك، وتفضل سنين بتحافظ عليه، وتكسب ثقة ناس وحبهم ليك. ❤️
الحمد لله حمدًا كثيرًا مباركًا فيه…
خلال الـ٩ سنين دول عرفت ودربت ناس كتير جدًا، ممكن يعدّوا الـ١٠٠٠ شخص، في منهم اللي مكمل معانا لحد النهارده، وفي منهم اللي طريقنا افترق… لكن كل شخص فيكم كان جزء من الرحلة، وكل واحد ساب عندي ذكرى وحكاية وأثر. ❤️
فشكرًا من قلبي لكل شخص وثق فيا، وكل شخص سلّمني هدفه وحلمه، وكل شخص شجعني، دعمني، آمن بيا، أو حتى قال لي كلمة حلوة في وقت كنت محتاجاها.
شكرًا لكل بنت وولد اتدربوا معايا، لكل حد بدأ معايا من الصفر، ولكل حد شاف نتيجة وتغيّر بسبب التمرين.
يمكن أنا اللي كنت واقفة قدامكم كـCoach…
لكن الحقيقة إن إنتوا كمان كنتوا سبب كبير إني أكمل وأكبر وأطور من نفسي كل سنة. ❤️
٩ سنين فيهم تعب، نجاح، ضغط، خوف، فرحة، ناس دخلت حياتي وناس خرجت منها…
لكن أهم حاجة فيهم إن OSHA بقت مش مجرد شغل… بقت جزء من حياتي واسمي وكياني.
وفخورة جدًا إني قدرت أبني حاجة باسمي، بإيدي، خطوة بخطوة…
ومهما كان اللي جاي أكبر وأصعب، عندي نفس الحماس إني أكمل وأكبر بالحلم ده أكتر وأكتر. 🥹❤️
٩ سنين OSHA Fitness Club…
٩ سنين من التعب والحب والنجاح.
والحكاية لسه مكملة… ❤️🔥
كل سنة وOSHA بخير، وكل سنة وكل الناس اللي كانوا جزء من الرحلة دي في قلبي. ❤️
6/9/2017 → 6/9/2026
9 Years of OSHA Fitness Club ❤️
