13/11/2025
حتي لو كنتي متقدمه في التمارين , بصي ع الصوره كويس وشوفي الوضعية بعدين ارجعي شوفي الكلام
عشان سكواتك يستهدف المؤخرة صح لازم تبقي مركزة على الوضعية من أول ما تنزلي لحد ما تطلعي لأن أي غلطة بسيطة ممكن تنقل الحمل للفخذ بدل ما يروح للمؤخرة
وضع القدمين
افتحي رجلك عرض الكتفين أو أوسع شوية، ووجهي صوابع رجلك بزاوية بسيطة لبرا (حوالي 30 درجة)، الوضع ده بيسمح للمؤخرة تشتغل أكتر
وضع الجسم قبل النزول
ارفعي صدرك لفوق واثبتي ضهرك يكون مستقيم، مش منحني
الكتف للخلف شوية والبطن مشدودة طول الوقت
المفروض تحسي إن جسمك متزن مش مايل لقدام
النزول (المرحلة السفلية)
ابدئي النزول كأنك بتقعدي على كرسي وارجعي المؤخرة ورا
ما تخليش الركبة تعدي صوابع الرجل كتير، خلي الوزن كله على الكعبين مش على مشط الرجل
انزلي لحد ما الورك (الحوض) يكون في مستوى الركبة أو أقل شوية لو جسمك يسمح
الطلعة (المرحلة العلوية)
اطلعي بهدوء واضغطي بالكعبين، وحاولي تشدي عضلات المؤخرة في آخر الحركة فوق
ما تطلعيش بسرعة ولا تسيبي جسمك يترفع من الركب، الفكرة كلها إن المؤخرة هي اللي ترفعك "مصدر الدفع طالع من عضلات الجلوتس" جربيها دلوقت بدون اوزان حتي لو كنتي متقدمه , وقوليلي رأيك
#رشاقة #صحة
