نادي هيونداي اكسنت Rb بورسعيد

21/08/2024

حل مشكلة واير فتيس الاكسنت اربي. مشكله شائعة وحلها

30/04/2024

⚠️⚠️ديبو القطاميه ⚠️⚠️

متوفر لدينا⬇️⬇️

فوانيس امامي وخلفي ديبو تايواني RP 2012◾️
فوانيس امامي وخلفي ديبو تايواني RP 2015◾️

اسعارنا مش هتلاقيها عند حد👌

🚀🚀🚀الشحن متاح🚀🚀🚀
رقم التواصل و الواتس☎️01100342150☎️
العنوان القطاميه شارع بنك الاسكان و التعمير

22/07/2023

31/05/2023

مشاكل السحب والاستهلاك

١ _ اولا معرفة حالة الفلاتر
فلتر البنزين ودا لانه لو مكتوم هيقلل عملية تدفق البنزين الرشاشات ويخنق العربيه
فلتر الهواء ودا لانه لو مسدود هيقلل عملية التنفس للمحرك ومش هيحصل خلط للهواء بالوقود بصوره صحيحه وهيخلى العربيه مخنوقه وفى نفس الوقت كمية ضخ البنزين هتزيد ويبقى استهلاك عالى
فلتر زيت الفتيس بالنبسة العربيات الاوتوماتيك
الفلتر دا لو مكتوم هيقلل عملية سحب زيت الفتيس وبالتالى مش هيبقى فى عزم او سحب وبالتالى حضرتك هتضطر تدوس اكتر عشان العربيه تجر فسحب البنزين هتزيد

٢_ التاكد من سلامة البوجيهات ومعاد تغييرها
لو البوجيهات متغيرتش لفتره طويله هتسببلك تاخير ف الدواره
فتحة البوجيهات بتفرق ليها استندر لكل العربيات تقدر تعرفه من الكتالوج بتاعها
ومن المهم بردوا معرفة حالة سلوك البوجيهات وعمرها اد ايه ؟!!
٣_ المابين
من المهم جدا الكشف ع المابين وعلى مقاومتهم ومعرفة حالة الشراره اللى بتخرجه هل هى قويه ولا ضعيفه
ولما بتبوظ هتلاقى العربيه بتتاخر ف الدوره وسحبها ميت
بالاضافه لوجود رعشه وتقطيع ع السلانسيه

٤_ الرشاشات
لو رشاش مكتوم هيعملك كتمه ف السحب
لو رشاش بيسيل وبيرمى زياده عن المعتاد هيعمل استهلاك بنزين عالى
٤ _
المانفولد والبوابه

٥ - طلمبة البنزين
الضغط بتاعها هو اللى بيخلى فى عزم ف العربيه هى بتاخد البنزين من التانك وتضخه لمسطرة الرشاشات وتخلى الرشاشات دائما تحت ضغط دائم
ومن الضرورى جدا ف اى صيانه قياس الضغط بتاعها بجاهز مخصص لكده ولو لاقيناها واقع بنضطر نغير قلب الطلمبه
وفى عربيات بتبقى مجبرين لتغيير الطلمبه بالكامل
ودى لما هتتعب هتلاقى العربيه مفبهاش عزم وتوصل لسرعه معينه متزيدش عنها مهما دوست
بالاضافه لتاخير ف الدوره ملحوظ جدا

٦_ كبس الموتور
السبب الخبيث اللى محدش بياخد باله منه خالص
وهتلاقي العميل بيقولك أن غيرت كل حاجه تخطر ع بالك ومفيش فايده
تيجى تقيس الكبس تلاقى الكبس تعبان جدا
بالتالى مش هتلاقى اداء من العربيه ودا بيرجع لسببين ياما صبابات وش السلندر فيها تنفيس ياما طقم الشمبر ذات نفسه خلص ومحتاجه يتغير
الموضوع بيبقى عامل زى واحد بقاله يومين مكالش مثلا وانت مكلفه بشغل فهتلاقى استجابته للكلام واداءه منخفض جدا
هتلاحظ الكلام دا واسبابه بتكون تاخير ف الدواره بردوا
وتسقيف ظاهر جدا ف الموتور مع اى حمل خفيف وتاخير ف الاستجابة بتاعة الموتور

٧ _حساس الشكمان ( حساس الاكسجين )
الجوكر التانى فالمنظومه ودا وظيفته يحس بنسبة الاكسجين اللى خارجه ف العادم داخل بالموتور عن طريق ماده جواه اسما ثانى اكسيد الذركنيوم ببتفاعل مع الاكسجين ويتولد منها شحنات كهربائيه نتيجة التفاعل الكيميائي دا وبيخرج منه اشاره تروح للكمبيوتر بتاع العربيه يعرف من خلالها هل نسبة الاكسجين اللى ف العادم كده صح ولا لا طب هل كده الخليط بين الوقود والهواء صح ولا لاء وهل محتاج يخلى الرشاشات ترش بنزين زياده ولا لا ولا تقلل الرش شويه ولا لا ولما الجوكر دا بيبوظ بسبلك معدل استهلاك بنزين عالى ودخنة سواء احيانا وكنان هينورك لمبة check engine
وفى بعض الحالات النادره تقطيع ع السلانسيه

٨_ حساس درجة حراره سائل التبريد للمحرك
الحساس دا معظم الناس فاهمه أن وظيفته انه يخلى مراوح الرادياتير تشتغل كده وبس ولما بيبوظ مش بتشتغل
ابدا خالص فى حاجات تانيه الحساس دا اشارته بتعمل حاجات تانيه زى مثلا أن الكنترول بيعرف منه درجة حراره المحرك وبيشغل منها المراوح وقت ما تغلى عشان تبرد ودى معروفه
الحاجه التانيه انه المعلومه دى الكنترول بيظبط منها كمية الوقود يعنى مثلا لو العربيه بارده بيخلى الرشاشات ترش زياده لحظه ما تسخن العربيه وبعد كده يقلل الرش للمعدل الطبيعى
ودا لان ف حاجه اسمها درجة حراره الحريق المثاليه ودى درجة حراره لما الخليط بيتخرق فيها بيوفر احسن كفاءه الموتور وبيبقى مطلوب من الكنترول أن أول ما العربيه تدور يخليه يوصلها ومينزلش عنها ولو زادت عن المعدل دا يشغل المراوح ترجعه ليه تانى وعشان كده دايما نقول بلاش نلغى ترموستات الكوعه لانها هى اللى بتخلى درجة الحراره دى ثابته ومش هتنزل
الحساس دا بيدى قراءة غلط يسبب استهلاك بنزين ولغبطه بسيطه ف الموتور
٩ _ جهاز كشف الاعطال والحساسات
من المهم جدا بعد الانتهاء من البرنامج دا هو انك تكشف بجهاز كشف الاعطال وتدخل ع حاجه اسمها لايف داتا ودى بتظهرلك الاشارت والقراءات اللي جايه من الحساسات ولكل قراء قيمه معينه تقدر من خلالها تحكم هل الحساس دا اداءه نظامى ولا لا يعنى بيشتغل صح ولا لاء ومدينى قراءة مظبوطه ولا لا

10 علبة البيئة

منقول من صفحة وش سلندر

15/09/2022

الصفحة للمساعدة وتبادل الخبرات الخاصة بالجميلة اكسنت RB