Coach Marwa Bakr｜كابتن مروه بكر

Coach Marwa Bakr｜كابتن مروه بكر Coach: Marwa Bakr
بطلة_العالم_في_الملاكمة_النسائية
World Boxing champion🏆🥇
ISSA Certified Fitness Trainer
& Nutritionist ✨M

11/01/2026

❄️ الشتا مش عُذر… الشتا اختبار ❄️
واللي عايزة نتيجة بجد 👑
بتنزل تتمرن مهما كان الجو
💪💪
واللي داخلة تتمرن معايا
داخلة تبقى نسخة أقوى من نفسها مش مجرد جسم أحسن.

هنا مفيش وعود
في شغل حقيقي – انضباط – نتائج 🔥
✔ تدريب موجه لهدفك
✔ نظام غذائي يناسب جسمك ونمط حياتك
✔ متابعة مستمرة وتصحيح أداء
✔ تنويع تمارين يخليكي ثابتة ومكملة
التمرين معايا مش رفاهية
ده قرار… ده التزام… ده قوة 🥊👑
📩 للاستفسار: رسالة خاص
📍 2M Gym – صالة الخلفاء – بورفؤاد





🏆

🔥💪

- خلف الصبر أشياء جميلة تنتظر ❤️💫𝒃𝒆𝒉𝒊𝒏𝒅 𝒑𝒂𝒕𝒊𝒆𝒏𝒄𝒆, 𝒃𝒆𝒂𝒖𝒕𝒊𝒇𝒖𝒍 𝒕𝒉𝒊𝒏𝒈𝒔 𝒂𝒘𝒂𝒊𝒕
21/11/2025

- خلف الصبر أشياء جميلة تنتظر ❤️💫
𝒃𝒆𝒉𝒊𝒏𝒅 𝒑𝒂𝒕𝒊𝒆𝒏𝒄𝒆, 𝒃𝒆𝒂𝒖𝒕𝒊𝒇𝒖𝒍 𝒕𝒉𝒊𝒏𝒈𝒔 𝒂𝒘𝒂𝒊𝒕

🎯 للي حاسس إنه تايه ومش عارف يبدأ… البوست ده ليك 👇"ابدأ إزاي؟" 🤔السؤال اللي بيتكرر دايمًا، واللي بيخلي ناس كتير توقف قبل...
09/11/2025

🎯 للي حاسس إنه تايه ومش عارف يبدأ… البوست ده ليك 👇

"ابدأ إزاي؟" 🤔
السؤال اللي بيتكرر دايمًا، واللي بيخلي ناس كتير توقف قبل حتى ما تبدأ 💭

💥 عارفة إن في ناس حاولوا قبل كده وفشلوا، أو بدأوا شوية ورجعوا أسوأ من الأول، أو حتى اللي بيحاولوا ومش قادرين يوصلوا لهدفهم ودايمًا حاسين إنهم تايهين بين كلام الناس وتجاربهم المختلفة 🙄

🌟 نبدأ إزاي بقى؟

📌 طبيعي جدًا تحسي إن التغيير غريب في الأول، خصوصًا لو أول مرة تقرري تغيري أسلوب حياتك أو متعودة على الأكل الجاهز… بس الأهم من كده كله 👇

1️⃣ القرار من جواك

لازم تكوني مقتنعة إنك عايزة تغيري حياتك، مش بس تخسي!
مش عشان مناسبة أو عشان حد… لأ، عشان نفسك وصحتك وثقتك بنفسك ❤️
انتي جميلة في كل حالاتك 😍 بس كمان تقدري تبقي أحسن وأقوى 💪
خدي القرار لنفسك، وهتشوفي قد إيه حياتك هتتغير فعلًا.

---

2️⃣ بلاش تسمعي لكل الناس!

سيبيك من "أنا خسّيت لما شربت كذا" أو "أكلت فواكه بس" 🙄
أي حد ممكن يخس، بس المهم تخسي صح!
مش خسسان وحرمان وترهلات وتعب، لأ… إحنا عايزين خسسان صحي وجسم متناسق وحياة متوازنة 🙌
الفرق بين إنك "تخسي" وإنك "تعيشي صحي" كبير جدًا، وانتي ليكي الاختيار ❤️

---

3️⃣ نبدأ واحدة واحدة 🪶

مش هقولك امشي على نظام معين دلوقتي،
أول شهر هنبدأ بالتدريج، كل أسبوع نقلل حاجتين من الحاجات دي:

المشروبات الغازية 🥤

السكر الكتير ☕

الملح الزائد 🧂

المقليات 🍟

المعجنات والعيش الأبيض 🍞

الأكل السريع من بره 🍔

الشيبسي والمولتو والحاجات الجاهزة 🧁

الكوفي ميكس والنسكافيه 3×1 ☕

ابدأي بالأقل فالأقل، وكل أسبوع خطوة صغيرة بس ثابتة.

🎯 ودوري على بدائل ذكية:

بدل السكر → عسل أبيض أو دايت سويتال 🍯

بدل البيبسي → عصير فريش أو فاكهة 🍎

بدل المقلي → في الفرن أو بزيت خفيف زي زيت الدرة 🌽

بدل الدقيق الأبيض → دقيق قمح كامل 🌾

بدل النسكافيه 3×1 → قهوة بلاك ☕

---

💬 وأهم حاجة التفاعل!
اكتبيلي مشكلتك أو الصعوبة اللي بتقابلك في الكومنتات،
وهنحلها سوا خطوة بخطوة 💪🔥

🦋 ابدأي النهاردة... ومع بعض هنوصلك لهدفك الحقيقي.


#أشتغل #تحفيز

💪 لو ركزت في الصورة دي هتفهم درس مهم جدًا في الحياة والتمرين كمان 👇تمثال رمسيس العظيم 🏛️ كان زمان مرمي في مكان غلط، وسط ...
08/11/2025

💪 لو ركزت في الصورة دي هتفهم درس مهم جدًا في الحياة والتمرين كمان 👇

تمثال رمسيس العظيم 🏛️ كان زمان مرمي في مكان غلط، وسط الزحمة والضوضاء… محدش كان شايف قيمته الحقيقية، ولا حد بيجيله مخصوص علشان يتفرج عليه!

لكن أول ما اتنقل لمكانه الصح، اللي يليق بعظمته وتاريخه، الكل شاف قيمته واتبهر بيه 🌍✨

هو هو نفس التمثال، ماغيّرش في نفسه حاجة… بس اتنقل للمكان الصح!

💥 أوقات كتير إحنا كمان بنكون في مكان غلط، وسط طاقة سلبية أو ناس مش مقدّرين مجهودنا…
مجرد ما تنقل وتبدأ في المكان الصح، وسط الناس الصح، ومع الروتين الصح، هتشوف نفسك بتتغير وبتلمع 🔥

المكان الصح هو اللي بيطلّع منك النسخة الأقوى ❤️

#تحفيز
#أشتغل

08/11/2025

Fit Body Focused Mind wake it up!!

🙋أشتغل .. ما تبطلش شغلاقع من التعب .. ما تسيبش وقت فراغك يخليك تفكر كتير..اشتغل وانت متضايق واشتغل وانت محبطلو الوقت عدي...
07/11/2025

🙋أشتغل .. ما تبطلش شغل
اقع من التعب .. ما تسيبش وقت فراغك يخليك تفكر كتير..
اشتغل وانت متضايق واشتغل وانت محبط
لو الوقت عدي عليك وانت فاضي هتفكر في كل شئ سلبي .. هتبقي سلبي
الشغل حياة وعباده وسعاده .. لما تنام من كتر التعب احسن ما تنام من كتر الزعل .. متزعلش من حد قوي .. ماتفضاش لحد قوي
اشتغل وبس عشان ماتبقاش فاضي لقيل وقال
وفلان عمل وفلان سوي
خلي اقصي رد فعل ليك علي اي إساءة هي ابتسامة وارجع اشتغل 👌
العمل حياة



ً #أشتغل

🔰📌 10 عادات بتضر صحتك من غير ما تحس!📌🔰البوست ده لصحتنا كلنا، مش للناس اللي بتتمرن في الجيم بس 💪لو تعرف حد بيعمل أي عادة ...
06/11/2025

🔰📌 10 عادات بتضر صحتك من غير ما تحس!📌🔰

البوست ده لصحتنا كلنا، مش للناس اللي بتتمرن في الجيم بس 💪
لو تعرف حد بيعمل أي عادة من دول… اعمله منشن أو شير البوست وخليه يستفيد ❤️

👇 تعالوا نشوف إيه اللي بيأذي جسمنا بالتدريج:

1️⃣ مسكة الموبايل الغلط:
لما بتفضل باصص لتحت فالموبايل، الرقبة بتتعب ومع الوقت هتحس بوجع حتى وانت مش ماسك الموبايل.

2️⃣ المخدة العالية:
النوم على مخدة عالية بيضغط على فقرات الرقبة وبيسبب آلام مزمنة.

3️⃣ الانحناء الغلط:
لما بتيجي تشيل حاجة من الأرض، بتوطي من ضهرك بدل ما تثني رجلك… وده بيحمل الوزن كله على العمود الفقري.

4️⃣ الموبايل في الضلمة:
تطفي النور وتفضل على الموبايل؟ 👀
ده من أسوأ الحاجات اللي بتأذي العين والمخ كمان.

5️⃣ شنطة كتف واحدة:
تشيل شنطة تقيلة على كتف واحد أو شنطة ضهر محمّلة زيادة؟
ده هيأثر على ضهرك وكتفك بمرور الوقت.

6️⃣ الجلوس لفترات طويلة:
لو شغلك على مكتب، قوم كل ساعة ونص، اعمل شوية إطالات بسيطة، حضّر سناك خفيف وارجع.
الحركة = حياة.

7️⃣ الوزن الزايد + ضعف عضلات البطن:
ده بيضغط على ضهرك السفلي وبيسبب انحراف قوامي مع الوقت.

8️⃣ نقص الفيتامينات والمياه:
قلة الميه والأكل اللي فيه معادن بتضعف المفاصل والعظام بشكل مباشر.

9️⃣ الوقوف لفترات طويلة:
الوقفة الكتير من غير راحة ممكن تسبب دوالي ومشاكل في الدورة الدموية.

🔟 قلة الرياضة:
عدم ممارسة الرياضة = ضعف عام، مشاكل مع التقدم في السن، وأعراض الشيخوخة المبكرة.

خلي بالك من جسمك… لان هو المكان الوحيد اللي هتعيش فيه طول عمرك ❤️


ً

🎯 مين قال إن الفورمة بس في الجيم؟ 💪كل حركة في يومك ممكن تكون تمرينة لو عرفتِ تشوفيها بعين المدربة 😉تعالي نشوف مع بعض الت...
05/11/2025

🎯 مين قال إن الفورمة بس في الجيم؟ 💪

كل حركة في يومك ممكن تكون تمرينة لو عرفتِ تشوفيها بعين المدربة 😉
تعالي نشوف مع بعض التمارين اللي بتعمليها من غير ما تحسي ⤵️

🧹 مسح الأرضية
💪 العضلات اللي بتشتغل: الكتف الأمامي – الساعد – البطن – السمانة
💡 تمرين كامل للجسم العلوي والسفلي في نفس الوقت… بس من غير “دامبلز” 😂

🪟 تلميع الشبابيك
💪 بيشغّل الظهر العلوي – البايسبس – الكتف الجانبي
💡 حركة دايرية بتخلي الضهر مشدود والإيد منحوتة ✨

🍽 غسيل المواعين
💪 الساعدين – الترابيس – الرقبة – الكتف
💡 تمرين تحمّل وثبات عضلي ممتاز، خصوصًا لو الحوض بعيد عنك 😂

🧺 نشر الغسيل
💪 الكتف الخلفي – الظهر – الترايسبس – عضلات الكور (البطن)
💡 رفع اليدين فوق المنشر = تمرين كتف محترم 👌

🛒 طلوع السلالم بالباسكت
💪 الفخذين – الهامسترينج – الجلوتس – عضلة القلب ❤️
💡 كارديو طبيعي عالي الكثافة… يخلي النفس يقطع زي الجيم بالضبط 😂

🔥 يعني باختصار
كل ست بتتحرك في بيتها يوميًا بتعمل
👉 Full Body Functional Workout
من غير أجهزة… بس محتاجة تشوفيها بعين “الفورمة” 😉

—
👟 ابدئي شوفي يومك بنظرة مختلفة، لأن كل حركة ممكن تكون خطوة في طريق جسمك الصح! 💥



















خمس حاجات لازم تعرفها قبل ما تبدأ الدايت 👇النص:1️⃣ السعرات مش هي العدو، هي مقياس للطاقة 🔥2️⃣ المية = المفتاح السري لحرق ...
05/11/2025

خمس حاجات لازم تعرفها قبل ما تبدأ الدايت 👇

النص:
1️⃣ السعرات مش هي العدو، هي مقياس للطاقة 🔥
2️⃣ المية = المفتاح السري لحرق الدهون 💧
3️⃣ الأكل الصحي مش غالي، التنظيم هو السر 🥗
4️⃣ التوازن أهم من الحرمان ⚖️
5️⃣ جسمك محتاج وقت علشان يديك نتيجة ⏳

رحلتك للأكل الصحي مش محتاجة تكون مثالية.. محتاجة تبدأ 💚

🔥لو لسه بتبدأ حياة صحية، ركّز على التوازن مش الكمال
🔥الأكل مش عدوك، هو وقود جسمك.
🔥ابدأ بإضافة حاجات كويسة بدل ما تشيل كل حاجة بتحبها.
كل وجبة اختيار.. وكل اختيار بيقرّبك خطوة من النسخة الأفضل منك 🏋️‍♀️

التغيير الحقيقي مش في الدايت… التغيير في الفكر 💚


#رحلةالتغيير
#طاقةايجابية

قبل ما تبدأ الدايت.. اعرف الأساس 👇مش لازم تبدأ بالحرمان، ولا بالكميات الصعبة، ولا حتى بالأكل🙋 المسلوق!ابدأ بالوعي 💭✔️ اع...
05/11/2025

قبل ما تبدأ الدايت.. اعرف الأساس 👇

مش لازم تبدأ بالحرمان، ولا بالكميات الصعبة، ولا حتى بالأكل🙋 المسلوق!
ابدأ بالوعي 💭
✔️ اعرف جسمك محتاج إيه
✔️ كل أكل حقيقي مش مصنع
✔️ نام كويس
✔️ اشرب مية كفاية
✔️ وخلي التغيير يكون خطوة بخطوة مش دفعة واحدة 💪

ابدأ النهاردة بعادة واحدة بس.. وهتشكر نفسك بعد شهر 🙌



#طاقةايجابية

> 👊🔥 جاهزين نبدأ أول خطوة في طريق الفورمة الصح؟لو قدامك ٣ شهور بس تغيّر جسمك وتوصل الفورمة والتارجت اللي بتحلم بيه…محتاج...
04/11/2025

> 👊🔥 جاهزين نبدأ أول خطوة في طريق الفورمة الصح؟

لو قدامك ٣ شهور بس تغيّر جسمك وتوصل الفورمة والتارجت اللي بتحلم بيه…
محتاجني أساعدك بمعلومات أكتر في بوستاتي عن إيه؟ 🤔

1️⃣ Boxing & Kickboxing

2️⃣ التغذية الصحيّة

3️⃣ Fitness

4️⃣ Corrective exercises

5️⃣ الاستشفاء والتأهيل والنوم الكافي (Recovery) بعد التمرين 💪👍

اكتب رقم اختيارك في الكومنت 👇
علشان نحدد سوا البوستات الجاية هتكون عن إيه 😎

✦

🌪️ انا رجعت... 💪🔥بعد تعب، بعد وجع، بعد كسر، بعد صمت طويل...رجعت أقوى، أنضج، وأوضح من أي وقت فات.أربع شهور غياب…وجع، وصمت...
03/11/2025

🌪️ انا رجعت... 💪🔥
بعد تعب، بعد وجع، بعد كسر، بعد صمت طويل...
رجعت أقوى، أنضج، وأوضح من أي وقت فات.
أربع شهور غياب…
وجع، وصمت، وعزلة كنت فيها بحارب لوحدي.

رجلي اتكسرت، جسمي تعب، بس روحي؟ مستسلمتش 💔🔥

بعدت عن الناس، عن الشغل، عن كل حاجة…
مش ضعف، لكن إعادة بناء.
كنت محتاجة أتعلم أرجع أقف، وأسمع صوتي من تاني.
💪💪💪
الكسر علّمني يعني إيه صبر🧑‍🦯
الوجع علّمني يعني إيه قوة💔
والوحدة علمتني أكون سند نفسي😭

النهاردة راجعة، مش زي زمان👏
راجعة بإصرار أكبر، بطاقة أنقى، وبشغف أقوى للرياضة اللي هي حياتي 💪✨

دي مش عودة عادية…
دي بداية جديدة. ❤️


#طاقةايجابية

Address

Port Said
5876001

Website

Alerts

Be the first to know and let us send you an email when Coach Marwa Bakr｜كابتن مروه بكر posts news and promotions. Your email address will not be used for any other purpose, and you can unsubscribe at any time.

Shortcuts

Share