03/08/2026
من كام سنة، جوجل أطلقت نظام اسمه Android Earthquake Alerts System، وفكرته عبقرية جدًا.
هو إيه سر التنبيه اللي وصل للناس على موبايلاتهم قبل ما الزلزال يحصل؟
✍🏼⬇️⬇️⬇️⬇️⬇️⬇️⬇️⬇️⬇️⬇️⬇️⬇️
بدل ما تعتمد على أجهزة رصد الزلازل التقليدية فقط، جوجل بتستفيد من ملايين هواتف أندرويد الموجودة حول العالم.
كل موبايل أندرويد فيه مستشعر للحركة، ولما عدد كبير من الهواتف في نفس المنطقة يرصد اهتزازًا متشابهًا في نفس اللحظة، بتتبعت البيانات دي - من غير أي معلومات شخصية عن المستخدم - إلى خوادم جوجل.
في أجزاء من الثانية، جوجل بتحلل البيانات وتتأكد إن اللي حصل زلزال فعلًا، مش مجرد حركة عادية أو اهتزاز ناتج عن سبب تاني.
ولو تأكدت، النظام بيبعت تنبيه فوري للناس الموجودين في المناطق المتوقع تتأثر، وده ممكن يديهم ثوانٍ ثمينة يقدروا فيها يحموا نفسهم قبل وصول الموجات الأقوى من الزلزال.
طب هل الموضوع ده جديد؟
لا .. الخاصية دي موجودة من زمان بس المرة دي كان الزلزال قوي وقريب ، فالخاصية اشتغلت.
#زلزال
#توابع
#مصر
