21/10/2026
طلعت يوسف شاور علي النقطة اللي اتكلمنا فيها اكتر من مرة واللي اعتقد اصبحت واضحة للجميع، قال ان ضغط فريق الزمالك معيوب ومنقوص، اللعيبة مش بتضغط كتلة واحدة، ضغط عشوائي بدون تنظيم، وقال نفس اللي قولناه امبارح عن المساحات الكبيرة بين خطوط الفريق التلاتة، ولازم لما الجزء الهحومي يضغط خط الدفاع يطلع معاه لقدام عشان يقلل المساحات ويبقي الضغط مثمر، طلعت يوسف قال ان الزمالك محتاج شغل فني كتير من كابتن معتمد خلال الفترة الجاية.
نفس اللي بنتكلم فيه من بداية الدوري والناس كانت بتقول ده بسبب ان الفريق معملش فترة اعداد، قولنا ان اللي بيحصل في الملعب مالوش دعوة بفترة الاعداد وان مفيش اى شغل فني بيتعمل من الجهاز الفني، الناس قالت ادعم وانت ساكت الفريق بيكسب، احنا بنكسب بس مش هنعمل حاجة لو كملنا بالشكل ده ومش هنعمل حاجة في ابطال افريقيا
