13/10/2024
نصايح مهمة لفترة البطولات
١.ماتجربيش للاعب أي أكلات جديدة قبل البطولة، في الفترة دي خليكي مع الأكل المعتاد اللي متأكدين إنه مريح هضميا وجربناه أكتر من مره.
٢.لو لسه اللاعب مش متعود على تنظيم أكله بالكميات المناسبة قبل التمرين مفيش داعي في الساعات القليلة قبل المنافسة إنك تضغطي على معدته بكميات أكبر من اللي متعود عليها خاصة لو المنافسة صباحا، ركزي إنك تقدمي له عشا غني بالدهون والنشويات المعقدة زي الرز الأسمر والشاورما مع زيت الزيتون وسلطة البطاطس، وفي اليوم التالي قدمي له فطار خفيف من اللي متعود عليه.
٣.في الأيام اللي قبل المنافسة راقبي أي علامات جفاف تظهر على الجسم زي تشقق الشفاه أو اللون الغامق للبول، لازم نتأكد إن الطفل بيشرب كفاية وده هيبان لو لون البول بلون القش الأصفر الفاتح.
٤. قبل المنافسة ب ٤ : ٣ ساعات قدمي لإبنك كمية من المياه تساوي وزنه مضروب في ١٠ يعني لو وزنه ٤٠ كيلو فهياخد ٤٠٠ مللي من المياه، ده هيسمحله إنه يرطب جسمه وفي نفس.
الوقت هيكون في وقت يفضي المثانة قبل المنافسة بساعة تقريبا.
٥.قدمي للاعب قبل المنافسة بساعة تقريبا كمية من النشويات اللي متعود عليها تساوي وزن جسمه تقريبا، يعني لو وزنه ٣٥ كيلو هياخد ٣٥ جرام ( واحدة بطاطا متوسطة مع ٣ تمرات على سبيل المثال).
٦. ظبطي النوم وعدم السهر قبل البطولة بفترة كافية، تمارين التنفس والتأمل وبعض المشروبات زي النعناع أو الكاموميل بعسل النحل ممكن يساعدوا على الإسترخاء.
٧. الأطفال الصغيرين أقل قدرة على تخزين النشويات في عضلاتهم بالمقارنة بالبالغين،
