وليد المعداوي Hybrid, 18 Omar lotfy, Abbas Alakad, Nasr City (2026)

12/05/2023

قهوة الجمعة ساعة العصارى حاجة تانية 😇
جمعة مباركة ❤️

08/05/2023

الناس اللى بتشتغل على المكاتب والجرافيك بأنواعه والبرمجة
ازاى تمرينات عدلت كتفى فى وقت قصير !!

كنت بقضى 12 ساعة على الاقل امام الكمبيوتر لانى كنت شغال #جرافيك أيامها وكنت بعيد عن التدريب 12 سنة من عمرى !!

لما زوجتى صورتني في أبريل عام 2012 فوجئت ان كتفي اليمين اعلى بكتير من كتفي الشمال زى ما انت شايف كده فى الصورة رقم 1 !!

سألت زوجتي
كتفي كده من زمان ؟
قالت لى : ايوه
قلت لها : ليه ما لفت نظرى لحاجة زى دى ؟
قالت لى : مش ديماً بيكون كده وبصراحة محبتش اضايقك !
قلت لها : تم 😂
قالت لى : يعنى ايه ؟
قلت لها : من النهارده الموضوع ده خلص ان شاء الله 👍

لما روحت بدأت اركز على النقطة دى وارجع للرياضة بالتدريج على طريقتى الخاصة واشتغلت على ظهرى وكتفى علاج طبيعي وتمرينات لحد ما بقيت كده فى الصورة رقم 2 (لو ملاحظ ، كتفى اتعدل بنسبة 90%)

رجعت تانى اشتغل على التنسيق العام وعالجت الأسباب مع تمرينات دوائر القوة والحمد لله فى فترة قصيرة كتفي اتعدل بنسة 100% زى ما انت شايف فى الصورة رقم 3 !!

انا عملت لك خط عشان تشوف نسبة الارتفاع بين الكتفين
هتلاقى الاتنين زى بعض بالظبط
-----------

فى النهاية
- دوائر القوة تعطيك التناسق بين جميع أجزاء جسمك
- دوائر القوة تبني لك عضلات جسمك
- دوائر القوة تخسسك إلى الوزن والشكل المثالي اسرع من اى طريقة اخرى
- كل حاجة فى الدنيا لها حل واوعى تقول غير كده 👍
------------

لو لسه مش عارف يعنى ايه دوائر القوة
قولى فى التعليقات 👇

04/05/2023

البوست دا هياخد منك دقيقة قراءة
لكن ممكن يغيرلك مسار السنة دى بالكامل

لو عايز تصل للشكل والوزن المثالى
خلال 90 يوم بدون حرمان وتمرينات 90 دقيقة أسبوعيا
فالبوست دا لك !!

الفترة الأخيرة في كذا حد كان بيسألني لو عندي طريقة أقدر اساعده عشان يحسن من مستواه

الفرصة دي هتبقي متاحة بالفعل
لأني بحب اشتغل مع مجموعة صغيرة من الناس
عشان نحقق نتائج ممتازة والحمد لله بنحقق اللى احنا عايزينه

هتلاقى النتائج و الريفيوهات في اول كومنت

- ايهاب 46 سنة وخس 10 كيلو وعضلات بطنه ظهرت في شهرين
- محمد 50 سنة ونسف كرشه فى 3 شهور
- انا 46 سنة وغيرت فورمتي طبيعي 3 شهور
- شادى 42 سنة وتخلص من الدهون فى منطقة البطن فى 3 شهور
( الإثباتات في الكومنتات )

ممكن أعمل بوست تاني مطول بنتائج كل متدرب
و إزاي حققناها بس مش عايز أبعد عن الموضوع
بس خليني أسألك سؤال

- عايز فعلا تكون فى الشكل المثالي خلال 90 يوم ؟
- عايز فعلاً تصل للوزن المثالي بدون حرمان وتمرينات مدتها 90 دقيقة فقط فى الاسبوع ؟
- عايز فعلاً تظهر عضلات بطنك ؟

من غير ما تقضي سنين تجرب و تتعلم
و تدور في ساقية المحاولة والفشل
بنتيجة مضمونة

عايز تصل للشكل والوزن المثالى خلال 90 يوم ؟

احنا فتحنا فرصة الانضمام لبرنامج دوائر القوة
لعدد ١٠ أشخاص فقط
الفرصة دى أخرها بكرة و هقفل باب الحجز

لو عايز تفاصيل الإنضمام لبرنامج
أكتب كلمة " ضمان " و هبعتلك كل التفاصيل
أتمنى لك النجاح دائماً

03/05/2023

قرارك وحماسك وقوتك
مش هو اللى هيخليك تنتظم فى ممارسة الرياضة !!
-----------

شايف الصورة
ده ممكن يكون من احسن الاماكن اللى يحقق لك حلمك !
-----------

كل ساعة وكل دقيقة ناس تتحمس وتقرر ممارسة الرياضة واسبوع بالكتير ويسيب كل حاجة ويرجع زى الاول
ممكن تفتكر انك عايز حد يشجعك ، بس لو انت بتفكر فى كده
فمن المستحيل تلاقى حد يقولك
انت شاطر
انت رائع
انت ممتاز
هتحقق هدفك
قوم يلا روح الجيم
حضر اكلتك الصحية وفيها كذا كذا …. الخ
فى الحقيقة العكس هو اللى بيحصل حتى من اقرب الناس لك فانت كده بتضحك على نفسك 🙂
-----------

هقولك الحل من غير ما كلام كتير 👇
انت محتاج تعمل روتين جديد في حياتك
بمعني إنك محتاج تعمل حاجة ايجابية وتستمر عليها عشان تبقي روتينك وانت محتاج للروتين ده لأسباب أكثر من ممارسة الرياضة :
تنمية عقلية متفائلة وإيجابية .
بناء الثقة والإيمان بنفسك .
تدريب عقلك وجسمك على اتخاذ القرارات .
عشان تدرب نفسك على ادارة اولويات حياتك والتركيز على المهم .
عشان تعيش حياة أفضل .
أكيد انت تستاهل حاجة زى كده 🤗
-----------

ريتشارد برانسون يقول “أحب الاعتناء بجسمي وعندما اشعر بأنني في حالة جيدة ، ابدأ بتحقيق أي شيء”
ريتشار يبدأ يومه الساعة 5:00 صباحاً بلعب التنس أو ركوب الدراجات أو الجري لأن التمرينات تعزز إنتاجيته بشكل كبير ثم وجبة الإفطار وقضاء وقت مع أسرته ثم يبدأ عمله
-----------

توني روبينز يقول “إذا شعرت انه لا آمل أن يكون يومي رائع ؛ أقوم بتهيئة جهازي العصبي وإعداده وتدريبه للحصول على المنظور الذي اريده”
اول حاجة بيعملها بعد الاستيقاظ مباشرة هو الاستحمام بماء ساخن ثم يقفز في مكان بارد ثم يقضي بعض الوقت فى 3 حاجات :
1. الشعور بحضور الله .
2. ممارسة التأمل أو اليوجا .
3. يفكر في النمو والتطوير .
-----------
لدواين جونسون يقول “يومياً استيقظ قبل شروق الشمس واقضي ساعتين وحدي عندما لا يكون هناك أي شخص آخر في المنزل واستمتع بالهدوء وغالباً أنام ساعتين فقط قبل أن يستيقظ المنزل بأكمله واوفر وقت تنمية ذهني ووقت آخر للتدريب وعندما أتأكد أنني قمت بهذه الاشياء ، اذهب للعمل”
-----------

روتيني الشخصي في خطوات (ساعة - ساعة ونصف)
استيقظ الساعة 6 صباحاً .
ارتب سريري .
أتوضأ وأصلي .
اقرأ أذكار الصباح .
اقوم بتمرينات الإطالات لجميع اجزاء جسمى .
اقوم ببعض تمرينات القوة (ضغط – سكوات) .
وجبة الفطور .
أراجع ما سأفعله خلال اليوم
ارتدى ملابسي .
اذهب للعمل .
-----------

ده روتين ايجابي مقترح ممكن تمشي عليه (10 دقائق) كل يوم الصبح :
دش دافئ وبارد .
الصلاة .
تمرينات اطالات .
اكتب ما ستفعله في يومك .
تنفس بعمق 7 انفاس .
المشي ساعة .
استمتع بمشاركة زوجتك في بعض أعمال المنزل .
-----------

نصائح عشان تعمل روتين صباحي :
اكتب الروتين الصباحي فى نوت ومارسة بالترتيب كل يوم .
كل ما تخلص نقطة ، اعمل عليها صح .
ممكن ما تلزمش نفسك يوم الجمعة لكن ثبت اشياء اساسية يومية .
اعطى نفسك وقت كافى بين كل نقطة واخرى .
استيقظ في وقت ثابت يومياً .
إذا احتجت لمزيد من النوم ، نام بدري او خد قيلولة بعد صلاة الظهر ساعة بالكتير .
راجع بريدك الإلكتروني والرسائل ووسائل التواصل الاجتماعي بعد الروتين .
-----------

فى النهاية
كل ما قدرت تعمل لنفسك روتين ايجابي
هتنجح فى اى حاجة وهتمارس الرياضة وتنتظم فيها لان نيتك كويسة وعاداتك ايجابية وبتشتغل على نفسك
يعنى عامل اللى عليك

01/05/2023

تجربتي اثناء انشغالي فى الجرافيك
وازاي لقيت وقت اخس 25 كيلو فى 3 شهور
واتمرن في البيت رغم انشغالي التام أمام الكمبيوتر
-----
الناس القريبين منى عارفين انى بشتغل جرافيك من زمان لكن بمارس الرياضة من وأنا عندي 16 سنة بس للأسف بطلت 10 سنين بعد ما تزوجت وربنا رزقنى بسلمى وندي وتعلمت فيهم واشتغلت في التصميم والبرمجة

بدأت شركتى فى 2020 وكانت التزاماتي أكتر بكتير وانتوا عارفين بقى اللى لسه بيبدأ شركة بيكون عامل ازاى 🫠

كنت دائماً فاكر

ان التمرين فى الجيم هيظبط لى جسمي واعمل Shape حلو جداً بس مكنتش لاقي وقت اروح الجيم خالص لحد ما جه اليوم اللى اتغير فيه كل حاجة !

كان يوم جمعة قررت انزل الجيم نص ساعة اعمل اى حاجة وكنت هلعب مجموعتين بنش وباي وامشي عشان الوقت ضيق وتعب الأسبوع طالع عليها
لما دخلت الجيم غيرت رأيي وقررت العب بطريقة

كلها تمرينات قوة بالدمبل وبالـ kettlebell عشان ادرب جسمى كله بدل ما أمرن عضلتين فقط عشان استفيد اكتر

تفاجئت اني لعبت بس 20 دقيقة ووصلت لنفس التعب والإحساس اللى بحس بيه بالطريقة التقليدية والغريبة اني حسيت بسعادة محستش بيها قبل كده وفايق بشكل غريب

لما عجبني الموضوع ولقيت انى تدربت كويس فى مدة قصيرة
كررت الطريقة دى وبدأت أبحث فيها لقيتها موجودة فعلاً تحت مسمي Strength Circuit فقررت اتعمق شويتين تلاتة فيها وبصراحة تفاجئت بالنتيجة

وصلت لطريقة تدريب سهلة جداً خاصة بيا وهى انى اضيف تمرين كارديو وسط التدريب وليس فى نهايته

فوجدت انى مش محتاجة وقت كبير واقدر اعملها في أي مكان و بأقل الأدوات أو بدون أدوات خالص ولقيت معمول عليها أبحاث

واكثر حاجة لفتت نظرى هى أنى بفعل نظام حرق الدهون لمدة 48 ساعة بعد التمرين !!

قررت اشتغل بيها فترة اشوف نتائجها
وفعلاً بقيت اعتمد عليها دايماً عشان اوصل لفورمة ووزن حلو جداً في فترة قصيرة

لما نجحت معايا دوائر القوة
قررت اجربها على مجموعة صغيرة كانوا عاملين مجموعة لوحدهم
لناس دى كلهم كانوا من أصحاب المشاريع ورواد الأعمال

يعني (وقتهم ضيق ومرهقين فى الشغل والضغوط)
المجموعة دى اوزانهم كان يتراوح ما بين 90 - 138 كيلو

اشتغلت معاهم بالطريقة بتاعتى 4 - 5 اشكال من تمرينات قوة والتمرين الأخير كارديو والتمرين كله خد مننا 45 دقيقة 3 مرات فى الاسبوع فقط

كان فيهم ناس بتتمرن بس مع زملائهم عشان يبقوا معاهم لكن مكنوش واثقين في النتائج لانهم جربوا انظمة دايت وتدريب كتير قبل كده وما وصلوش للنتيجة اللي عايزنها

فقرروا يجربوا مع زملائهم فقط لأنهم بيشجعوا بعض ويقضوا وقت حلو بعيد عن ضغوط الحياة والأولاد والشغل
بعد 10 أيام أنا وهما تفاجئنا بنتائج حلوة جداً
لاحظت أن شكل جسمهم بدأ يظهر انه رياضي أكثر
ووزنهم بينزل بسرعة واقبالهم على الحياة اتحسن جداً
فوراً طلبت منهم ميزان وتفاجئت بصراحة !! 🙂

تقريباً كلهم مكنوش متوقعين انهم هيتغيروا خاصة كان 2 منهم عندهم الغدة والسكر و2 تانيين كانوا يعانوا من مشاكل في مفاصل الكتف والركبة والظهر بس رغم كده وثقوا فيا وقرروا يكملوا معايا ودى كانت نقطة فارقة معايا بصراحة 👌

ميزانهم نزل وجسمهم تغير
مقولكش فرحتي كانت ازاي ساعتها لأني قدرت اخدم الناس دى ويبقوا سعداء بالنتائج الجديدة 😊

بس بصراحة في حته كده جوايا سعيدة بجد لأني قدرت اعمل طريقة جديدة تساعد الناس على التغيير للأفضل 😇
------------

في النهاية
ساعات خدمتك لغيرك بتحسسك بسعادة كبيرة
والممتع أكثر هو انك تحس انك تفرغ الـ Stress وتصلح جسمك اللى بوظه القعدة ادام الكمبيوتر والمكتب في حاجة تحقق هدفك رغم ضغوط الحياة وضيق الوقت وترجعك شباب 😎

30/04/2023

الجزء الرابع من بوست 👇
الأوزان والتدريب المستمر مش هيضخم عضلاتك!!
البوست ده بنزله على أجزاء
لان الموضوع شيق ومعلوماته كتير 🤗
اهتم اوى بسلسلة البوست ده لأن فيه الخلاصة
وممكن تعمل حفظ Save للبوست 👌
—----

في بحث اتعمل فى أﻣﺮﻳﻜﺎ ﻓﻲ 12ﺷﻬﺮ شخصوا فيه ٪30 من المصابين بأمراض عقلية ، تخيل لقوا ايه ؟!

لقوا ان اللى ما بينامش جيداً (بدرى -عتمة تامة - هدوء) في سن اﻟﻤﺮاﻫﻘﺔ ، صحته النفسية أسوأ بكثير من اللى ينام 8 ساعات ووجدوا انهم كلهم يعانون بشكل طبيعي من اﻷرق واﻻﻛﺘﺌﺎب !! 🤔

يعني لو انت حاسس ديماً انك عندك أرق واكتئاب ، فأنت احتمال كبير تكون ما كنتش بتنام بليل كويس وانت صغير !! 😴

الناس اللي بيسهروا داماً بليل ، اكيد بنسبة 100% بيعانوا من اكتئاب وقلق مزمن وعدم استقرار ﻌﺎﻃﻔﻲ ولديهم سلوك عدواني وغالباً يعانون من اﻟﺘﻘﻠﺒﺎت اﻟﻤﺰاﺟﻴﺔ واﻟﺴﻠﻮﻛﻴﺎت لأن الجهاز العصبي يعيد بناء نفسه بليل أﺛﻨﺎء اﻟﻨﻮم

اﻟﻨﻮم اﻟﻜﺎﻓﻲ ﻳﻘﻠﻞ ﻣﻦ اﻻﻛﺘﺌﺎب لأنك لما بتنام بدرى ، جسمك ﻳﺮﺗﺎح وﻳﺘﻢ إﻃﻼق ﻫﺮﻣﻮﻧﺎت اﻟﻤﻴﻼﺗﻮﻧﻴﻦ واﻟﺴﻴﺮوﺗﻮﻧﻴﻦ التي تقضي على ﻫﺮﻣﻮﻧﺎت اﻟﺘﻮﺗﺮ وده اللى بيخليك هادىء ومزاجك عال العال 😂

السهر أو ﻗﻠﺔ اﻟﻨﻮم ، ﺗﻀﻊ أﺟﺴﺎﻣﻨﺎ ﻓﻲ ﺣﺎﻟﺔ ﺗﻮﺗﺮ دائم وده طبعاً يؤثر عليك وعلى البناء العضلي بشكل سلبى جداً ويمنع جسمك من التطور وعضلات من النمو ومستواك من التقدم
----------

هقولك على نصائح دكتور ﻫﺎرﻓﻲ فى كتاب اكتئاب اﻟﻤﺮاﻫﻘﻮن واﻟﻨﻮم قال الآتي :

1. لازم نحدد ساعة معينة نصحى فيها كل صباح وأفضل ساعة هى 7 صباحاً (واحنا كمسلمين الساعة 5 صباحاً ودى من عندى) عشان الساعة البيولوجية بتاعت جسمك تتظبط على كده

2. وقال اننا لازم ناخد قيلولة ﺑﻌﺪ اﻟﻈﻬﺮ ﻟﻤﺪة 30 دﻗﻴﻘﺔ ودى أفضل طريقة عشان تعوض أي نقص فى النوم لكن ينصحنا هنا بضبط المنبه ﺣﺘﻰ ﻻ ﺗدخل فى نوم عميق

3. من الساعة 6 مساءً امتنع عن تناول السكر والكافيين والشطة عشان جسمك يقدر ينام كويس بليل ﺗﺠﻨﺐ اﻟﻜﺎﻓﻴﻴﻦ

4. قبل ما تنام بساعة ونصف ، أغلق ﺟﻤﻴﻊ اﻷﺟﻬﺰة اﻹﻟﻜﺘﺮوﻧﻴﺔ مثل اﻟﻜﻤﺒﻴﻮﺗﺮ واﻟﻬﺎﺗﻒ واﻟﺘﻠﻔﺰﻳﻮن (تجنب اﻟﻀﻮء اﻷزرق اللي تكلمت عنه في أول جزء من سلسلة دى)

5. الساعة 9 مساء يفضل ﺗﻨﺎول اﻟﻤﻮز واﻟﻜﺮز واﻟﺠﻮز عشان الأطعمة دى هتساعدك تنام وتجنب اﻟﻨﺸﺎط اﻟﺒﺪﻧﻲ عشان تقدر تنام

6. تناول بروتين الكازين وتكلمت عنه قبل كده وازاى انه من افضل مصادر البروتين للرياضيين قبل النوم واﺷﺮب نصف لتر ماء ﻗﺒﻞ اﻟﻨﻮم ﻟﺘﻌﺰﻳﺰ إﺻﻼح وبناء عضلاتك

7. نام الساعة 10 مساءً ﻓﻲ ﻏﺮﻓﺔ ﻣﻈﻠﻤﺔ ﺗﻤﺎماً تكون درجة حرارتها من 23 - 24 درجة مئوية
----------

ملحوظة
تعرف أن النوم الجيد ﻟﻤﺪة ﻳﻮﻣﻴﻦ يؤدى لزﻳﺎدة كفائتك بـ 3 أضعاف فى اﻻﻧﺘﺒﺎه واﻟﺘﻔﺎﻋﻞ والبناء العضلي وفي المقابل ، عدم النوم الجيد لمدة يوم واحد ، جسمك يفضل يحاول يعيد بناء نفسه لمدة 3 أيام وتنخفض فيهم مستواك فى كل حاجة 30% !!

اﻟﺘﻌﺐ اللى يسببه قلة النوم ، تضعك فى حالة ﻓﻘﺪان للطاقة وتوقف البناء العضلى وتقلل كفائتك البدنية والذهنية والعاطفية والنفسية بشكل ﻛﺒﻴﺮ خاصة لو كنت رياضي

طيب يا كوتش ، انا مقتنع بكلامك ، اعمل ايه دلوقتى عشان انام بدري ؟
هقولك فى نقاط يا بطل / بطلة :

- نام ﻓﻲ ﺳﺮﻳﺮ ﻣﺮﻳﺢ
- وقف التعامل مع الأجهزة قبل ما تنام بساعة ونصف
- ادر وجهك عن الساعة حتى لا تصاب بالأرق
- ﺗﺠﻨﺐ ﻤﺸﺮوﺑﺎت الكافيين والسكريات ﺑﻌﺪ اﻟﻌﺸﺎء
- ابعد عن اﻟﻤﺨﺪرات و اﻟﻜﺤﻮل واﻟﻤﺎرﻳﺠﻮاﻧﺎ
- اﺷﺮب ماء كتير
- حاول تهدى خالص وتهيئ نفسك قبل النوم
- لا تستخدم اى منشطات وممارسة الرياضة مساءً
- لا تستخدم المهدئات ولا تملىء معدتك قبل النوم ، يكفيك تناول موزة أو الجوز أو بروتين الكازين ولاتنام ﻋﲆ ﻣﻌﺪة ﻓﺎرﻏﺔ
- اﺷﺮب الماء
- ﺣﺎﻓﻆ ﻋﲆ ﻏﺮﻓﺔ ﻧﻮﻣﻚ ﻣﻈﻠﻤﺔ وﻫﺎدﺋﺔ بدرجة حرارة ما بين 23 - 24 درجة
- خذ ﻗﻴﻠﻮﻟﺔ ﻗﺼﻴﺮة أﻗﻞ ﻣﻦ 30دﻗﻴﻘﺔ بعد الظهر
- اعتبر النوم جزء من التدريب والتغذية لأنه كده فعلاً
-----------

انا كده خلصت السلسلة دى ، اتمنى تكون أضافت لك حاجة جديدة وعرفت معايا ان الأوزان والتدريب المستمر مش هيضخم عضلاتك!!
—----

لقراءة الأجزاء السابقة
الجزء الاول https://bit.ly/3ncuIKS
الجزء الثانى https://bit.ly/40NarJQ
الجزء الثالث https://bit.ly/3Lhhq86
الجزء الرابع https://bit.ly/41RTVt6

29/04/2023

عايز توصل للشكل والوزن المثالي بدون حرمان خلال 90 يوم ؟
عايز تغير حياتك للأفضل بتمرينات مدتها 90 دقيقة فقط فى الأسبوع ؟

احنا فتحنا باب الإنضمام لبرنامج دوائر القوة لعدد محدود

١٠ أشخاص فقط عايزين يحققوا نتايج زي اللي موجودة في الصورة
هسيب لينك الفورم في اول كومنت 👇

28/04/2023

جمعة مباركة 🙂
#ممتن 🙂
كده انا دربت السنة دى ، 46 واحد وواحدة اونلاين
فى منهم اللى وصل لهدفه وقدر يغير حياته للأفضل 💥
وفى منهم اللى ما التزمش اصلاً او اختفي 🤗
وفى منهم اللى لسه شغال على نفسه لحد ما يوصل لهدفه 💪
الناس دى قرروا ونجحوا في تغيير حياتهم حياتهم
بجد ممتن لكم جداً🙂
فعلاً بالعمل والاستمرارية تقدر تعمل اى حاج انت عايزها
✌️💪

وليد المعداوي Hybrid

12/05/2023

08/05/2023

04/05/2023

03/05/2023

01/05/2023

30/04/2023

29/04/2023

28/04/2023

Address

Website

Alerts

Shortcuts

Share

Category

Listing takedown request