Wessal Elsawi -Life Coach

26/12/2025

ضغوط الحياة ومسؤلياتها بتخلينا نقفل على نفسنا ووقتنا بيكون يادوب على قد المهام والصراع اليومي المفروض علينا..

ولو ماقدرناش ننظم حياتنا ونعمل توازن بين الراحه والتعب حنستنزف نفسيآ وجسديآ مع الوقت وممكن كل حاجه تتلغبط ومانقدرش نكمل بنفس الطاقة

التوازن مفتاح الإستمرار..حاول تحققه فحياتك

21/12/2025

💫 كلنا بنحتاج دعم فالأوقات الصعبه
كلنا بنحتاج نتكلم مع شخص فاهم يعني ايه مشاعر إنسانية وعارف انه مش من حقه يحكم على حد ..
بيحاول ينورلك الأماكن الضلمه اللي
جواك ومش قادر تشوفها
قاوم الخوف مالمواجهه وجرب تواجه نفسك وحقيقتك وتخرج من منطقة الراحه وتكتشف افضل نسخه منك✨️

لحجز جلسات شهر رجب والإستفادة من
العرض..اتواصل معي عالواتساب اسفل البوست 🌿

03/12/2025

24/11/2025

تقنية بسيطه ممكن تغير مودك

*تقنية إعادة تسمية الشعور او الفكره*

بسهوله جدا مع شوية انتباه لمشاعرك تقدري تغيري تأثير المواقف المزعجة عليكي..
"غيري المعنى… تتغير حياتك"

💫 في لحظات كتير، اللي بيوقعنا مش الموقف… لكن التفسير اللي بنقوله لنفسنا عن الموقف ده

هنا بنحتاج نغير "تسمية" الشعور اللي بنحس بيه
مثلآ بدل ما تقولي: «أنا فاشله»
بدّليها ب: «أنا محتاجة أرتّب نفسي..انا محتاجة انظم وقتي ..وهاكذا»

تغيير مسمى الشعور بسيط بس تأثيره قوي على العقل الباطن اللي محتاج يسمع منك كلام إيجابي علطول ..ولو قلتي له معنى سلبي حيسجله ويصدقه
وحيتحول المعنى ده لسيستم ثابت عقلك بيتعامل بيه ..(( زي ما بنقول كده حتصدقي نفسك انك فاشله من كتر ما بتقوليها لنفسك))

أعيدي تسمية المشاعر السيئة حتحسي افضل جدآ وعقلك مش حيخزن مشاعر تقف بينك وبين سعادتك 🌿

** ايه اكتر فكره سلبيه محتاجه لما تجيلك تغيري اسمها ؟؟



#وعي
#رحلة

23/11/2025

“لو في حاجة مضايقاكي اليومين دول…
اكتبي أول حرف منها بس.
مش لازم تفاصيل.
وخليها بداية إنك تطلّعي اللي جواكي.”
❤️

23/11/2025

✨ “عن الخطوات الصغيرة اللي بتنقذنا”

في ناس فاكرة إن التغيير بيحصل لما نصحى فجأة ونقرر نبدأ حياة جديدة…
نرتّب يومنا، ونتحمّس، ونمشي ورا خطط محطوطة بعناية.

بس الحقيقة؟
الحياة عمرها ما ماشيت كده مع حد… ولا حتى مع أقوى الناس.

إحنا بنتغيّر بالبطّيء…
بخطوة صغيرة جدًا… يمكن محدش يشوفها غيرك.
زي إنك تصحّي نفسك من سرير تقيل،
تفتحي شباك يدخل هوا…
تروّقي ركن بسيط…
تعملي كوباية قهوة…
أو حتى تعيطي وتسمحي لقلبك يرتاح شوية.

إحنا مش محتاجين نثور على الحياة…
إحنا محتاجين نكون الطف مع نفسنا
نحنّ على اللي جوّانا بدل ما نعاقبه

نعتبر كل خطوة—even لو كانت خطوة واحدة—علامة إننا لسه بنحاول
والمحاولة في حد ذاتها نوع من أنواع القوة… حتى لو شكلها مايظهرش ده

يمكن تبان خطوة صغيرة للناس
بس جوّانا هي خطوة بتقول:
"لسه عندي أمل… ولسه قادر أكمل الرحلة."

شاركوني بصدق…
إيه أصغر خطوة ممكن تعملوها النهارده—حتى لو شكلها تافه—وحسّيتوا بعدها إنكم لسه قاعدين على أرضكم؟ 🌿✨


#رحلة

22/11/2025

أيام بنقف فيها كده…
نبص لبعيد ونحس إن الدنيا كتير علينا.
تعب مش مفهوم…
أسئلة ملهاش أجوبة…
ووجع مالوش اسم.

بس صدّقيني…
مجرد إنك تقفي، تتنفسي، وتسمحي لنفسك تستريح—even لدقايق—
ده إنجاز في حد ذاته. 🌿

أبسط خطوة ممكن تكون بداية طريق جديد.
ماتقلليش من نفسك… ولا من قوتك.

شاركيني إيه أكتر خطوة صغيرة عملتيها اليوم وخلّتك ترتاحي؟

#تحفيز

22/11/2025

انا وصال..ست عاديه جدآ
ادركت ان حياتي على الأرض رحلة كلها معافره وجهاد وتعلم دائم

حبيت اشارك معاكم افكاري ومواقف من رحلتي ونتبادل سوا التعلمات والمسانده والأمل والوعي الراقي

بحب الدراسه والمعرفه ودرست في علم النفس الإيجابي والكوتشينج والدعم النفسي

عمري ما كنت نموذج للمرأة الكامله الفاهمه اللي حياتها ماشيه بالقلم والمسطره والتخطيط بالعكس اناجايه من منطقة كلها توهان ووجع وإحباط وإنتكاسات زي ناس كتييير اوي

بس بحاول اتعلم ازاي اتعاطى مع الدنيا وافك رموزها عشان اعرف اعيش بجودة ترضيني وتناسبني واقدر اقوم واصلب حيلي بعد كل كبوه بأقل الخسائر

عمري ما بزوق كلامي وانمقه عشان اعكس صورة ال super woman !!
لأن دي مش انا اصلآ

مشاعري بسيطه وحقيقية ومن واقع وتجارب مرت عليا ودروس اتعلمت منها

لو حابه تشاركيني رحلتي اتشرف بيكي..وهنا مساحة آمنه بدون اي احكام ندردش فيها سوا ونلاقي الراحه والونس والدعم والتعلم 🥰
#رحلة

#وعي
#تحفيز
#تنميةبشرية

31/08/2025

post_3
🔸️التصالح مع الحاضر والناس اللي فيه
هو مفتاح تقبلك لوضعك الحالي

ازاي ممكن نتصالح مع حياتنا وظروفنا والواقع اللي عايشينه؟
كلنا لا تخلو حياتنا من المنغصات واوقات كتير مش بنكون قادرين نتعامل معاها
ونفضل نحكي ونشكي ونتخانق ونعاند وفالآخر مفيش حاجه بتتحل

هنا بتيجي فكرة الإنسجام مع الحاضر واللي فيه ..يعني ظروفنا الحياتية والناس اللي فحياتنا ننسجم معاهم بأريحية وبدون صدام

اكتشفت ان لو انا مش متصالحه مع حياتي اللي بعيشها مش ممكن حقدر اوصل للسلام النفسي مهما حاولت
لأن عقلي حيكون كله خناقات ورفض وحزن واسئلة تنكد عليه..زي ليه بيحصل معايا كده واشمعنى انا وليه الدنيا مش مريحاني وليه الناس وحشه وهاكذا..وده حيتعبني جدا

طيب الحل ايه بقى لو انت بتمر بكل ده؟
الحل انك محتاج تحقق حاجتين مهمين
١. التقبل والرضا
٢. فن التعامل مع الناس

اول حاجه تتقبل حياتك و اوضاعك حتى لو مش راضي بيها بس اقبلها ..وقول الحمدلله وقرر انك تشتغل على اللي ممكن تصلحه فيها شويه شويه سواء بقى كانت ازمات ماليه او نفسيه او وحده او مرض او اي وضع مش مريحك..اعقد النيه عالمحاولة لتحسين الامر وادعي ربنا كتير فالدعاء سلاح المؤمن ومن يدعو الله لا يشقى ابدآ حيحوطه لطفه وكرمه حتى لو لم يدرك ده [وَلَمْ أَكُنْ بِدُعَائِكَ رَبِّ شَقِيًّا ]

واتأكد ان مع العسر يسر وان السعي هو مهمتك بس والنتيجه بتاعته
على الله وحده واتأكد ان خزائنه سبحانه لا تعد ولا تحصى ولا يعجزه رزقك
[وَأَن لَّيْسَ لِلْإِنسَانِ إِلَّا مَا سَعَىٰ (39) وَأَنَّ سَعْيَهُ سَوْفَ يُرَىٰ (40) ثُمَّ يُجْزَاهُ الْجَزَاءَ الْأَوْفَىٰ ]
سورة النجم

تاني حاجه بقى فن التعامل مع الناس
اولا بالنسبه للناس شركاء الحياه زوج زوجه او المقربون جدا اب او ام اخ اخت دول اقرب ناس بنعيش معاهم ولو كانوا متعبين او بيسببولك مشاكل او ارهاق نفسي ..انصحك تتعامل بحكمة وتحاول تفكر في ايجابياتهم والحاجات اللي بتحبها فيهم والحاجات اللي بيسندوك فيها وتعرف ان زي ما انت بشر وبتغلط هما كمان بشر ومفيش حد كامل وانك من الأفضل تقبلهم كده بعبلهم زي ما هما وطباعهم الغير مريحه ليك و تحاول تتعامل معاهم بذكاء اكتر او تعتبره ابتلاء ومحتاج ترضى بيه بقدر الإمكان 🫣

وفي ناس تانيه في الدايره الاكبر ..اقارب او زملاء عمل او جيران..ممكن يكون وجودهم مش الطف حاجه او سعات بتلاقي منهم إزعاج مباشر او أذيه سواء ماديه او نفسيه..
طيب هنا تعمل ايه ؟

حتحتاج تحط لنفسك حدود علشان توفرلك شوية راحه فالتعامل معاهم وكل واحد يحط الحدود المناسبه ليه وللحاله اللي بيقابلها
مثلآ طلب صريح بعدم فعل كذا لأنه غير

30/08/2025

التصالح مع الماضي والناس اللي فيه

ليه محتاجين نتصالح ونتسامح؟
حقولك تجربتي
يامااوقات ابقى قاعده في امانة الله وإذ فجأتآ تنط فدماغي ذكرى سئيلة وبايخه جيالي من عمق تلافيف عقلي الباطن علشان تنكد عليا عيشتي..

وسعات كمان تطلعلي وانا فعز فرحتي وتقولي..لااااا ماتفرحيش اوي كدا
انت نسيت اللي اتعمل فيكي ونسيتي كذا وكذا..! اهي اي عكننه وخلاص

قوم اعمل ايه بقى ياسيدي ؟
قررت اجمع كل الذكريات المزعجة دي واعمل معاهم اجتماع مغلق وامسكهم واحده واحده اتحاور معاها

تعاليي هنا ..ايوه فاكراكي كويس وفاكره فلانه اللي سببتك وفلان اللي حفرك فدماغي بس خلاص بقى
ماهو مايبقاش أذى زمان وعكننه دلوقتي

بصي يابنت الحلال احنا لازم نصفي الحوار ده مع بعض عشان ماتفضليش تتسلي عليا كده كتير..
شوفي انا حتجاهلك خاااالص ومش حسمح لظهورك يضايقني
وماتقلقيش مش حمحيكي مالوجود واعملك ديليت ولا حاجه..( لأني ممكن اصلآ معرفش اعمل كده)
بشرط ..نعمل تصالح سوا

انا ياستي الماضي المؤذي بتاعي ده حعتبره ابتلاء ومواقف اتعلمت منها حتى لو علمت عليا برده اتعلمت منها
وعرفت ازاي اتعامل فالمواقف المشابهه وعرفتني ازاي ربنا كريم وبيعلمنا وان كل حاجه بنمر بيها بتكون لحكمة ربانية احنا مش عارفنها وممكن نكتشفها مع الوقت الله اعلم..بس انا مسامحه..مسامحه فلان وفلانه اللي يمكن تصرفهم معايا ده كان غير مقصود او نابع من جهلهم او ضعفهم او خوفهم..او حتى قسوتهم مش عارفه..لكن اللي متأكده منه ان ربنا كان كاتبلي كده وانا راضية بيه وواثقة في حكمة ربنا وقضاءه

يعني بإختصار انا بعزر الناس اللي أذوني ومسامحه..ومش عشانهم على فكره ده عشاني انا عشان اعيش حياة افضل. لأني اتعلمت ان التسامح والتصالح مع الماضي السيئ من اولى خطوات القرب من السلام النفسي..واولى خطوات البعد عن الحزن والإكتئاب
اتعلمت ان مشاعر الكدر والحزن صاحبها دايمآ بيكون عايش فالماضي واوجاعه مخنوق بيها وكأنها طوق في رقبته او قيد في ايده بيمنعه من التنفس والشغل والحركه فالحياة..وانا عايزه اتنفس بحرية واعيش

انا اتصالحت مع نفسي وكل مشاكلي اللي كنت انا سبب فيها فيوم من الأيام..وده خلاني اتقوى بنفسي واكون اكتر صلابه واقدر اتعامل مع اي ذكرى تنغص عليا حياتي..وزي ما اتصالحت مع نفسي اقدر اتصالح مع الناس التانيه كمان..

صحيح انا رافضه تصرفهم معايا لكن اشفق عليهم لأنهم بشر مثلي..ونفوس حائرة ممكن تغلط وتئذي وكفايه عليهم عقاب ربنا وعشان كده مسمحاهم وربنا يسامحهم

اما انت ايتها الذكرى المؤلمه..خلاص مابقتيش مؤلمة تاني
لأني فهمت اللعبة واتعاملت معاكي ومع الشيطان اللي بيظهرك ليه لأنه عايزني احزن