07/09/2026
فنيات ونصائح فى الراكت ✅⭐ :
🥎لو عايز تشوط شوطة مظبوطة ( موجهه ) مريحة للاعب اللى قدامك على ايدة ( الفور هاند بتاعة )
خلى كل تركيزك انك تشوط الكورة على ايدة او جسمة ( لو بيصد باك ) ,,, وبلاش بلاش بلاش .. كمان مرة بلاش (😁)
تعتــمد على القوة اكتر من التوجيه .. خلى الشوطة 80 % على التوجيه و20% على القوة .. لحد ما تتقن توجيه الكرة على ايد اللاعب اللى قدامك جدااا ساعتها هتلاقى الشوطة موجهه وقوية .
🥎 لو اللاعب اللى قدامك عمل تــراى وجاب كورة بعيدة وصعبة .. لازم يكون عندك سرعة بديهه وتكون واخد خطوة نص الملعب تستلم الكورة منه قبل ما يجيب الكورة علشان الكورة متقعش .
🥎 الشوطة القوية تعتمد على وضعية الجسم قبل الايد .. بمعنى مينفعش يكون جسمى مش مهيأ للشوط او مش واقف للشوطة صح سواء ( فور , سماتش , باك ) وعايز تشوط شوطة صح او قوية .. جسمك هو القوة الدافعة للشوطة قبل ايدك .
🥎 لو واخد قرار للشوط والكورة اتصلحتلك فى نص جسمك ,, تاخد خطوة سريعة للشمال لو فور او سماتش .. ولليمين لو باك علشان تقدر تشوط وجسمك معدول للشوطة ( والعكس لو صاحب اليد اليسرى ) .
🥎 لو نزلت كارية قوى وحسيت انك مش قد لعب الكارية او مش هتقدر تصد فيه .. انسحب منه بكل شياكة .. مش عيب ولا حرام .. علشان ولا انت هتستمتع ولا هما هيستمتعوا
🥎 علشان تبقى رقم واحد فى الصــد .. لازم لما تقف تصد يكون عندك توقع ولو 20 % ان الكورة هتيجى باك او تحت او فوق فجاة .. حتى لو اللى قدامك محترف وكل الشوط على المظبوط .. توقع كورة او كورتين على الباك او تحت او فوق ,,, لان مفيش لاعب مش بيخطأ ... وكدا هتكون واقف صاحى لاى كورة تجيلك واسد فى الصد .
🥎 من الذكاء فى الصد انك ترجع الكورة على ايد اللاعب او عدلة ايدة علشان تديلة اريــحيــة فى الشوط اكتر من مرة ,,مش تصد الكورة وترجع فى اى مكان وخلاص ,,, والاجمل لو رجعتها عالية ( لوب ) وتديلة استعدادة او فرصة ياخد وضع يشوط من تانى .
@إشارة 💯
😎
🌊
🎯
🥎
