27/08/2026
لو وقفت تمرين عضلاتك هتتحول لدهون! 😳
أكيد سمعت الجملة دي قبل كده… بس هي غلط.
العضلات مش بتتحول لدهون، لأنهم أنسجة مختلفة تمامًا.
لما تبطل تمرين لفترة، ممكن كتلتك العضلية تقل تدريجيًا حسب لو وقفت لفترة طويلة ، لكن ده مش معناه إنها اتحولت لدهون.
وفي نفس الوقت، مع قلة الحركة الحرق بيقل و لو فضلت بتاكل نفس أكلك أو أكتر من احتياجك، ممكن نسبة الدهون في جسمك تزيد.
ساعتها شكل جسمك بيتغير، وده اللي بيخلي ناس كتير تفتكر إن العضلات اتحولت لدهون.
فلو اضطريت توقف التمرين، حاول تحافظ على نشاطك وأكلك على قد ما تقدر. 💪
