https://www.youtube.com/channel/UCCXF4IZ7Qf_YWq7_G1rr4bg

Dr Fit "Medical body shaping", Minya el-Qamh (2026)

14/07/2022

حتي العضلات لقت اللي يبسطها وانت لسة

23/05/2022

ربنا يكفيك شر شخص مش سوي نفسياً برغم فضل ربنا عليه مستكتر علي الناس اللحظات السعيدة البسيطة اللي بيعيشوها

الحياة كنزها في الرحلة ومتعتها في تقدير اللحظة الحلوة رغم بساطتها والرضا باللي ربنا يديهولنا او يمنعه عننا عشان يحمينا من شر نفوسنا

ربنا يراضينا ويرضي عنا 🙏❤️

Ahmed Marzook

03/05/2022

خلونا نعتبر ان البوست ده بداية العودة وادعمونا بقي❤️☺️

الفرق بين الصورتين دول شهر ونص🤚❤️
اللي علي الشمال دي بعد نهاية الخدمة العسكرية في اول شهر ٣ واللي علي اليمين دي في نص رمضان

طبعا ده مش التارجت خالص ولسه بدري 😅
بس الجميل في الصورة ان الصورة علي الشمال وزني فيها ٧٦ كيلو بنسبة دهون اعلي
واللي علي اليمين وزني فيها ٨٢ كيلو بنسبة دهون اقل من التانيه 💪❤️

شجعوني بقي عشان استلمت نيابة تخدير في مستشفي جامعي ودي ارخم من الجيش بشويتين 😅 ...ولا فيها اكل كويس ولا نوم ولا وقت للتمرين 😭 فشجعوني عشان اقدر اكمل 😍

وربنا يوفقنا جميعا ❤️🙏

👈👈👈👈👈تعديل هااااااام:👇👇👇👇👇👇

ناس كتير سالت في البوست وناس بتسالني خاص انا عملت ايه فنا هكتب هنا لعل حد يستفاد ويدعيلنا❤️

اولا انا كنت بتمرن قبل الجيش ومستوايا مش وحش فلما بتبطل وتخسر عضلات بيبقي سهل تكسبها لما ترجع تتمرن تاني (muscle memory) وفي ناس بتفهم كاتبين كده في الكومنتات ❤️وكمان لما بترجع تتمرن اوزانك بتعلي بسرعه وبترجع لاوزانك القديمة بسهولة عشان كده بنقول متندمش علي يوم اتمرنته زمان ...كله بتلاقيه في صحتك قدام❤️💪

انا كان معايا بالظبط ١٥ يوم اللي فاضيين تماما والشهر اللي بعدهم كان ايام شغل وايام فاضيه مع مذاكرة امتحانات ماجيستير🥹
نبدأ بال١٥ يوم الفاضيين ... دول طبعا كان لازم نستغلهم احسن استغلال ... كنت بنام كويس ٨ ساعات علي الاقل وكنت بتمرن ٣ مرات متوزعين علي مدار اليوم (نص ساعه جري لوحدها العصر ....وتمرينة عقلة ومتوازي لوحدها الضهر تلت ساعه.... وتمرينة الجيم ساعه بالليل ) وساعات كنت بضيف تمرينة رابعه كارديو وبطن في البيت
منا كنت فاضي بقي ...في حد هيقول اوفر تريننج (معاك حق😅)
وليه عيوب طبعا هقولهالك في الاخر متقلقش ...بس انا مقداميش غير كده لان عنصر الوقت في حياتي مضروب بالجزمة
ومعييش غير ال١٥ يوم دول اللي محتاج افوق فيهم جسمي

في مقابل التمرين الكتير كنت بدي جسمي راحة كافيه جدااا
كنت ايام التمرين العنيفة دي بوصل ل٣جرام بروتين لكل كيلو في اليوم (وده رقم كبير ) بس مع التمرين العنيف مش كبير بس متحاولش توصله الا لو فاهم عشان متأذيش كليتك
وكنت باخد بروتيني من بيض وفراخ ولحوم وقريش وواي جولد ستاندرد(مفيش بروتينات نباتيه عشان انا محكوم بنسبة كارب عشان مزيدش دهون)
الكارب كان ماشي سايكلنج حسب شدة التمرين وفي ايام كنت باخد فيها كارديو اكتر مقاومة اقل واقلل فيها كارب اكتر عشان اوقع فيها دهون اكتر
وايام كارب عالي ودهون مفيدة عاليه لما ابقي بتمرن العضلات الضعيفة عندي(زي الرجل كده)
كنت باخد الكارب بطاطا ورز وموز والدهون مكسراااات عشان بحبها
من الاخر بروتيني ونشوياتي كانت متغيرة يوميا حسب متغيرات التمرين 🙏
بس ال١٥يوم دول كان معظمهم كارب عالي لاني كنت منتظم فيهم تمرين جامد زي ما وضحت ...لكن الشهر اللي بعده كان كارب سايكلنج وايام نبطشياتي كنت علي كارب قليل طبعا لان شغلي كطبيب مفيهوش حرق كتير

كمان عشان اقدر اتمرن كنت باخد بيتا الانين وسيترولين وكرياتين ودول بردو فرقو معايا جامد
ومحدش يتكلم عن اذي المكملات غير لما يكون فاهم (عشان متوجعوش قلبنا مناهدة😅) ولو عاوزين نبقي ندردش عنهم وادارة الجروب تسمح معنديش اي مشاكل❤️

كمان كنت باخد مكملات فيتامين وزنك وكالسيوم وفيتامين د واوميجا والاساسيات دي بجرعات مناسبة عشان الاستهلاك بتاعهم زاد مع التمرين الشديد وفعلا لو زودت تمرين ومدخلتش مكملات للحاجات دي هتلاقي نفسك مجهد خالص ومش قادر تكمل

عيوب التمرين الكتير بقي عشان برده كل حاجة سلاح ذو حدين ومقابل كل مكسب تضحية واي حاجة في الدنيا بتبقي risk to benefits
التمرين الكتير بيتعب المفاصل جدااا وحتي بعد ما بترجع تديهم فترات الرحة الكافيه بيتحسنوا بس مبيبقوش في افضل حال برده (المفاصل بتتهان مع التمرين الكتير خصوصا (ركبة كتف كوع )
تاني حاجة انهاك عام وخمول وده بتتغلب عليه بفترات نوم كافية والاكل المظبوط والفيتامينات
تالت حاجة خسسان الوش طبعا وده رخم جدااا
رابع حاجة مفيش وقت لخروجاتك بقي مع صحابك مهو اليوم كله تمرين ونوم واكل😹

فرق اللون ده حمامات شمس بعملها علي السطح عندي عادي مش لازم في الجونة يعني😅(ودي فوايدها فوق الممتازة ومحتاجة تتكلم عنها في بوست لوحدها)

اخيرا انا مبسوط لان معظم الظباط اللي خدمت معاهم في الجيش معلقين علي البوست ونا بعزهم جداطلعت بيهم من الجيش وبقوا اكتر من اخواتي😍

اخيرااا اللي انا حكيته ده مجرد تجربة ليا فيها حاجات صح وحاجات غلط ...حاجات تنفعك وحاجات متنفعكش
ومش بقولكم اني فاهم اوي انا بعمل ايه ...لا كلنا بنتعلم وهنفضل فانت مر علي البوست مرور الكرام لو قريته وعجبك ادعيلي ولو معجبكش سيب نصيحة بذوق عادي ونا هتقبلها وبلاش نقلل من بعض الجروب هنا هدفه التشجيع مش الاحباط....وشكرا❤️🙏

Ahmed Marzook

10/10/2021

بطولة رامي بطولة مزيفة ولعبة كمال الاجسام ليست رياضة علي الاطلاق 😑
Dr Ahmed Marzook

10/10/2021

من اجمل اللحظات اللي ممكن تعيشها في حياتك
هيا لحظة تتويج تعبك وصبرك بالنجااح ❤❤❤❤

مليون مبروك يا فخر العرب 💪💪
بيج رامي مستر أوليمبيا وبطل العالم للمرة التانيه علي التوالي 🤩😍

02/10/2021

ريان تيري قال انا بتمرن وبدرس في المجال ده بقالي ١٩ سنه
الشكل اللي هطلع بيه السنادي هحط فيه كل معلومة اتعلمتها في ال١٩ سنه دول👌

وده الشكل اللي طالع بيه❤️❤️❤️✋

Really Woooow😳🤯🤩

01/10/2021

Dr Fit Transformations ❤️✌️💪

دكتور محمد من الناس المحترمة اللي عزيمتها قوية جدا 👌❤️

قدرنا خلال شهرين ننزل ٦.٥ في المية من دهون الجسم 🤩🤩والاهم من كده اننا زدنا عضلات كمان مش خسرنا
وقدرنا نوصل للشكل الجميل ده ولسه مكملين للافضل 💪✊

مع العلم ان كان في اصابه وكانت منعانا من اننا نشد في التمرين كمان وكان ممكن النتايج تبقي احسن بس لسه اللي جاي أقوي بامر الله 🙏

انت/ي كمان تقدر/ي تغير من نفسك للاحسن مهما كان سنك ✌️💪

مستني ايه 🤔
الحق متابعتك قبل اكتمال العدد 👌
للاستفسار عن عروض المتابعه
واتس اب 01141680692
او كلمنا علي رسايل الصفحة

Transform with Dr Fit 💪❤️

Dr Ahmed Marzook

29/09/2021

Each end could be a start of a new glory ✌️💪
Just trust yourself ✋
Always Trust in allah ❤️
Keep your head held high ✊

Ahmed Marzook

29/09/2021

بكرة نتكلم عن فيتامين جبار😈
مشهور بالاسم ده (sunshine vitamin)🤭😌🏜

لازم يكون مظبوط عندك لان نقصه ممكن يسببلك مشاكل كبيرة ✋
طفل ...شخص رياضي ...كبار السن وخصوصا السيدات بعد نهاية الخصوبه كل دول محتاجين متابعة نسبته واخد المكملات اللازمة لضبط مستواه ان لزم الامر تحت اشراف الطبيب

كل ما يخص الفيتامين ده نتكلم عنه سوا بكرة ممكن فيديو وممكن بوست

تعرف ايه هوا الفيتامين ده ؟؟ وليه أخد اللقب ده ؟؟ واحتياج جسمنا منه اد ايه وموجود في اكل ايه ومكملاته في السوق ايه وجرعاتها ايه ؟؟

لو تعرف اي معلومة من دي اكتبهالنا في كومنت ولو متعرفش بكرة نتكلم في كل ده ولو عندك اي سؤال عنه سيبه في كومنت برده ونجاوبه بكرة

انتظروووا 😌🥰

Dr Ahmed Marzook

16/09/2021

قاعد فاضي شوية ومعنديش حماس لاي حاجة قلت اما ادخل علي صفحتي اشوف كنت بقول ايه للناس

قلبت في الصفحة شوية لقيتني خدت طاقه ايجابيه واتحمست وعاوز اقوم انجز حاجة 😍💪❤️

أدركت دلوقت بس ليه الناس كانت بتحب الصفحة وبتستني البوستات واللايفات 😍🙏

شكرا لدعمكم دايما وهرجع من تاني اقرفكم بوستات وفيديوز ولايفات 💪💪💪

قولولي بقي حمدلله علي السلامة 😍💪

Dr Ahmed Marzook

30/05/2021

الناس من النوع الجميل ده اللي يستاهلوا ياخدوا وقتك ❤🙏
الرسالة دي انهاردة مع العلم ان ضحي مخلصة متابعة معايا من اكتر من سنة

انا فرحت جدا والله اني سبت علامة حلوة في حياة ناس وبتفتكرنا بالخير ....الناس الأصيلة اللي مبتنساش ❤✋

Ahmed Marzook

20/05/2021

خلصت اللي ورايا وسنجفت العيانين وفاضي ساعة 🥳❤️
لو تحبوا اطلع لايف ندردش شوية في اي حاجة تخص التغذيه او التمرين او اكس جيم او حتي حاجة طبيه

مين هيتابع وتحبوا نتكلم في ايه 🙏❤️
لو مفيش اقبال مش طالع😂

X Gym

Dr Fit "Medical body shaping"

14/07/2022

23/05/2022

03/05/2022

10/10/2021

10/10/2021

02/10/2021

01/10/2021

29/09/2021

29/09/2021

16/09/2021

30/05/2021

20/05/2021

Address

Telephone

Website

Alerts

Shortcuts

Share