Elcoach

Elcoach مدرب لياقة بدنية واخصائي تغذية رياضيين

08/05/2026

لا يكلف الله نفساً إلا وسعها لها ما كسبت وعليها ما اكتسبت

16/01/2026


#الطبيعه #الريف
#الطبلاوي

24/02/2025

🚩 لو انا عاوز استفاد بصيام رمضان صح وازاي استغل رمضان واطلع منه انسان تاني .. ركز معايا جدا

عشان تفهم فائده الصيام يبقي لازم تعرف وتفهم بالتفصيل
وانتوا اتعودتوا مني الشرح الكامل .. ف نركز بقي اوي اوي

⚠️هقول من الاول كده تعمل ايه وبعدين اشرح :

🔷 لو عايز فعلا تستفاد بالصيام أهم حاجة
أنك تصوم 16 ساعة ما بين الوجبة والوجبة
(يعني بين السحور والافطار تاني يوم ١٦ ساعه)

🔸 انت لو فهمت طبيعة جسمك ازاي بيستفاد من السكر وازاي بيستفاد من الدهون وإمتى برضه جسمك بيستخدم الطاقة المخزنة في جسمك اللى هى على هيئة دهون

🚩بمعنى أنا لو واحد عايز أخس في رمضان صح
وانزل وزني و عايز كمان أكسر الدهون اللي متخزنة في جسمي صح يبقى أنا لازم افهم إزاي جسمي بيستهلك الطاقة
دلوقتي انا اكلت اكله حلوه فيها بروتين ونشويات ودهون وألياف.. يعني اكله فيها كل حاجه من المواد الغذائية
جسمي هيفضل ياخد طاقته من الاكل ده من 4 ل 6 ساعات

وهيقدر يشغل نفسه من السكر اللي في الوجبه ل 6 ساعات
بعد الأكل أنا واكل وجبة الأكلة اللى أنا كلتها دي فل نفترض

🔹هفترض أن بعد ال 6 ساعات دول أنا مدخلتش اي حاجه بقي اي اللي هيحصل ؟
دلوقتي جسمك خلص السكر اللي ف الدم اللي كان بعد الوجبه وجسم الإنسان محتاج طاقة باستمرار..هيعمل ايه

يبتدي جسمك يروح لمخازن السكر في العضلات والكبد
أو ما يسمى بالجليكوجين
مخازن الجليكوجين اللي بتكون في الكبد والعضلات اسمها مخزون السكر في الجسم ( جسمك بيحتاجها لما بتكون اثناء فترة صيام أو بتكون في فترة مجاعة أو بتكون نايم )
لإن زي ما قولت جسمك في حالة احتياج للطاقة باستمرار
جسمك هيبدأ يسحب من المخازن دي ؟!

طيب يقدر يسحب منها لإمته ... لحد ١٦ ساعه

يعني أنا لو قعدت ١٦ ساعة بعد الوجبة الأخيرة مكلتش ده معناته إني خلصت السكر اللي في الدم وخلصت السكر اللي في العضلات و الكبد ودي بالمناسبه حاجة كويسة جدا جدا

طيب انا مش هقدر اعمل كده في رمضان .. انا كده هجوع
انت عاوزني اصوم 16 ساعة بعد الوجبة الاخيره .. لأ صعب

عاوز اقول بالنسبة للناس اللي عندهم العزيمة ضعيفة ومبيقدروش يتحملوا وشايفين أنها صعبه
بأكد لك إنك إنت مش هتكون جعان بحكم حاجه جسمك للأكل ..انت فقط هتكون جعان بحكم العادة والسلوكيات الغلط اللي بقت ضروريات للاسف في رمضان
فلنفترض أنك جوعت ومش قادر وهتلخبط وتبوظ الدنيا

جايبلك حل انا مش هسيبك والله 😅..
تقدر تاخد حاجه من اللي بترفع سكر الدم بسييط ..زي ايه؟
الالياف ك الخضروات الورقية.. زي الخس والكرمب والجرجير
أو كمان ممكن تكون كبشه من المكسرات (زي اللوز والبندق والجوز والفسدق .. وبلااش تكون مملحه وممكن تستعمل الزبده اللي بتعمل من الأصناف دي ومتكونش محلاه طبعا )

أو افضل بديل عندي بيضه أو اتنين اومليت بسمنه طبيعي
هيقفل معاك الشهيه جدا ... لأن الدهون هتقفل معاك
والافضل والافضل بذور الشيا (تنقعها مثلا في كوب ماء
بعد الفطار وتشربها بعد السحور بتاعك بساعه )
والمشروبات اللي برضه مبترفعش السكر :
الجنزبيل والقرفه والكركم . وهحبك اكتر لو عرفت تمسك نفسك ..
ولكن لايكلف الله نفسا إلا وسعها.. ف انا بديلك خيارات اهو

طيب افترض يا دكتور انا قدرت اصوم اكتر من 16 ساعة ؟؟ ممكن تقولي إيه اللى هيحصل ؟؟

بيبتدي جسمك يشتغل فيه حاجة اسمها الـ ( اوتوفاجي )ايه ودي عملية الالتهام الذاتي جسمك يبتدي يكسر أي حاجة ماتت و أي خلية في جسمك ملهاش لازمة وأي بروتين في جسمك بدون فايدة يبتدي جسمك يكسره ويحوله لطاقة ودى عملية تصنيع السكر الداخلى من البروتين الزايد عن جسمك العملية ودي بتشتغل بعد الساعة ١٦ من الصيام
لحد الساعه ٢٠ وبعض الدراسات قالت ٢٤ ساعه

🔹انت بتقولي يادكتور اقعد ٢٠ ساعه او ٢٤ ساعه بدون أكل خالص ؟؟ .. اصبر ياجدع عشان افهمك قصدي اي

احنا قولنا ال ١٦ ساعه الجسم بيبدأ يسحب من كميه الجليكوجين اللي متخزنه في العضلات والكبد ..
يوم والتاني والتالت.. يعني أقصي حاجه ( اسبوع صيام ١٦ ساعه ) يكون الجسم تخلص من الجليكوجين ..
خلاص معتش فيه جليكوجين متخزن في الجسم
الجسم حرقه كله خلاص ..
وبكده انت تخطيت بعد اسبوع المرحله التانيه
ودخلت في المرحله التالته وهي (الاوتوفاجي)..
ولسه انت صايم ١٦ ساعه بس

🚩 كده انا شرحتلك الطريقه المثاليه للاستفاده من رمضان
نكمل بقي شرح الوجبات وخطه كامله لليوم الرمضاني
--------------
🚩🚩🚩 خطه كامله تمشي عليها في رمضان

🔷الافطار
خدها قاعدة اساسية لا تجمع بين النشويات والدهون
عند كسر الصيام لا تجمع بينهم ابدااااا ليه؟
النشويات ستحفز وترفع الأنسولين والكوليسترول للسما
( وحتي لو الدهون دهون صحية هترفع الانسولين برضه)

ليه يادكتور ؟؟ انت قولتلنا قبل كده الدهون الصحية حلوه في الدايت .. انا فاهم بس مينفعش وانت بتكسر الصيام
لييه ؟؟ لأنهم بيخزنوا الدهون على طول
عشان كدا فيه ناس في رمضان وعاملين دايت بس برضه بيزيدوا فى الوزن ...عشان كسروا الصيام بالنشويات مع الدهون سوا ( زي: رز مع زيت او سمبوسة(عجينة) مع زيت)
تاني متجمعش النشويات مع الدهون
جسمك هيحوش دهون في لحظتها وهيرفع السكر والكوليسترول والضغط .. وهتلاقي الدنيا بتلف بيك

🔸طيب ابدأ فطاري ازاى

اربع خطوات بالشرح و بالتفصيل

1. اول حاجه .. خل التفاح لو انت من الناس اللي تقدر تشرب خل تفاح (كوباية مايه معلقتين خل تفاح نص لمونة تمام وتحط شوية من ملح البحر او ملح الهيمالايا)
ليه لانك فى الصيام فاقد المعادن والفيتامينات
وخصوصا الصوديوم .. ف الحركه دي هتعوض جسمك في لحظتها من احتياجه للاملاح وخصوصا الصوديوم
(خل التفاح ممنوع تماما مع حالات التهابات المعده وقرحه المعده ) .. ومن الأفضل استشاره طبيبك الباطني لو لديك مشكله في المعده قبل استخدامه

2.تاني حاجه ..شوربة العظم ودي ملهاش حل ياجماعه تدعم الجسم واللياقة وبناء العضلات لانها تحتوي على الكولاجين
وده يديلك الجيلاتين.. والجيلاتين دا هو اللى بيغلف الامعاء
تعرف أن جسمك أثناء الصيام بيكسر الغشاء المخاطى؟ ليه؟؟ عشان يصلحه و يجدده
عشان تقدر تمتص الفيتامينات من الوجبة اللي بعدها

الجيلاتين ده بيقوم بنفس الوظيفه بيغلف الأمعاء ويساعد الجسم جداااا في هذه الوظيفه

شوربة العظم كمان بتحتوي على الجلوتامين
الجلوتامين بيعمل اى؟
الجلوتامين ده حمض اميني بيدعم الجهاز المناعي ويدعم جهازك الهضمي .. ازاى ؟؟؟
يوقف عمليه اسمها موت الخلايا الظهارية في الأمعاء
الخلايا دي بتغلف الامعاء فلو ماتت الخلايا دى مش هيبقى فى امتصاص حتى لو اخدت كل المكملات وانضف الأنواع في الدنيا مش هتستفيد
ليه؟ لأنه معندكش الخلايا الظهارية دى
واللي بيدعمها الجلوتامين اللي موجود فى شوربة العظم

افضل طريقه (١٠ ساعات ل ١٢ ساعه طهي علي نار هاديه وبدون اي بهارات) .. وبعدين تاخده وتفرغه في كوبايات صغيره وتخزن فالفريزر ويوميا تسخن كوبايه وتشرب وهكذا

3. تالت حاجه ... طبق السلطة
طبق السلطة يكون صغير مش كبير لأنك لسه هتاكل
(خس جرجير خيار طماطم وتحط عليهم زيت زيتون)
طيب ليه؟
لأنهم مليانين بوتاسيوم و ماغنيسيوم
دول كلهم يقللوا مقاومة الأنسولين
هتلاقي حتي لو عندك سكر .. الدنيا تمام ومفيش اي صداع ولا دروخه ولا تعب وضغطك متظبط

4.رابع حاجه .. مصدر البروتين
يكون البروتين سمك واللحوم البيضا (فراخ )
هتكون افضل من اللحمه لانها تقيله شوية تقدر تاخدها بعد نص ساعه عادى تاكل لحمة
طيب انا نفسي في شويه رز .. افضلك بلاش ولو خدت الدنيا بالترتيب ده عمرك م هتحس بالجوع والله
ولكن لو ضروري تاكل الرز يتغسل كويس اوي ويتسلق بس وتاكل مثلا ١٠ معالق رز .. وابدأ قلل بعد كده علي مدار الأيام
بحيث يبقي مفيش
طبعا سنبوسة لاااا .. عصاير لاااا

عاوز عصير .. نفسي اشرب عصير ( دي عادتي في رمضان)
ممكن عصير ليمون عادى بس بدون سكر
عصير كركديه عادى بس بدون سكر
عصير بنجر عادى بس بدون سكر
عصير التوت عادى بس بدون سكر
عصير برتقال عادي بس بدون سكر
عصير فراوله عادي بس بدون سكر
ويكون العصير خلف الوجبه مباشره
غيرهم لااااااااااااااااااااااااا

🔷 طيب ايه اسوأ ما تفطر به او تكسر صيامك عليه ؟؟
البقوليات زي الفول و العدس و الفاصوليا والشوفان
والحليب والجبنة والزبادي ( الالبان كلها دى اسوأ حاجه ممكن تفطر بيها ) .. احذروا يا عشاق التمر باللبن 😅

🔸طبعا خليك حريص وقت كسر الصيام .. ده وقت مهم جدا لان زي ما قولتلك وقت الصيام الجسم قاعد بيكسر في الأمعاء عشان يضبطها ويصلحها والغشاء المخاطى يتجدد

▪️فالبقوليات واللاكتوز والشوفان والالبان دول عندهم (prostaglandins response )
وهى دى اللى بتسببلك التهابات شديده !
عشان كدا بما بتاكل بتحس بخمول وتعب
دى مش تخمه دى التهابات فى القولون

🔹ومتنساش انت صومت عشان كمان تظبط هضمك
اسوء حاجه انك تبدأ بكل دول .. مفيش هزار في الحته دي

🔸لان بعد الالتهابات .. ايه اللى بيحصل ؟
بيحصل ردة فعل مناعية من جسمك
جهازك المناعي بدل ما يصلح جسمك ..بيبوظ كل حاجه
ويمشي يلطش في جسمك

▪️ف بدل التصليح تخريب

و الأمراض المناعية دى تسألوا عن ألامها .. الناس اللي معاها الكرونز و الأمعاء الملتهبة ..اللي ممكن يبكوا بسبب الألام اللي بيشوفوها ... نصيحتي للي عندهم مشاكل مناعيه عموما
كرونز .. خمول غده درقيه.. روماتيزم.. فايبرومالجيا.. وغيره
يلتزم بالكلام اللي بقوله .. ويتابع تغذيه مع مختص بجد
لان حقيقه الدايت بيفرق معاهم ١٨٠ درجه في صحتهم
ومش أي دايت والسلام ( في ناس ينفع معاها اتكينز أو قرطاي و كارنيفور..(( دي اسماء انظمه دايت )). )

----------

🔶 تاني حاجه وجبه السحور ودي مهمه اوي عشان تقدر تصوم وانت مرتاح لازم السحور يتضمن دهون صحيه
دهون صحيه زي الزبده الفلاحي أو السمن البلدي
والافضل طبعا زيت جوز الهند mct oil

ليه الدهون دي مهمه ؟
لأن الجسم هيأخد الدهون دى يغذي بيها الدماغ والخلايا والميتوكوندريا بتاع الخلايا عشان يديلك
نشاط باقي اليوم كله و تكون مرتاح و معندكش أي مشكلة
و تضيف معها مصدر بروتين ماتيسر وتبقي من الافطار
سمك أو فراخ و طبق سلطة
و احيانا للناس اللى مش بتحب السلطة كتير
يبدلوها ب افوكادو

🚩 عاوز اقول حاجه في فرق بين الغذاء والشبع

الشبع هو اني اكل اي حاجه وكل حاجه المهم
احط في بطنى و أسد الجوع اللي عندي .. وامشي ورا عادات وتقاليد اعتقد شوفت نتيجتها في صحتك ايه
عاوز اسألك هل الشبع..ادالك تغذيه صحيحه وجسمك استفاد

الغذاء بقي هو الشيء البسيط اللي يغذيك ويفيد جسمك و تكون مبسوط اليوم كله في الصيام
وصحتك تمام التمام وهضمك تمام وجسمك يمتص المعادن بتاعته من اكلك المنظم والمدروووس ..

🔶طيب امتى اعمل رياضه في رمضان
لو انت عايز تنزل وزنك اعمل رياضه قبل الفطار ب ٥ ساعات

ليه؟؟؟ لانه انت اثناء الصيام اصلا الجسم
فيه توتر استرس وعصبيه على جسمك تمام؟. بسبب الجوع
ف انت كده ب تديله استرس اكتر والكورتيزول
هيطلع اكتر ف هيكسر الدهون

🔸الكورتيزول يكون ضار لما يجتمع مع نشويات وسكريات
وسهر ولخبطه نوم ..
غير كدا الكورتيزول كويس جدا مضاد للالتهابات

ولو انت عندك ضغط و سكر و كوليسترول عالي عايز تنظمه
إتمشي قبل الفطار بساعة وقبل السحور بساعه .. وادعيلي

🚩 هسيبلكم تحت نظام غذائي رمضاني تقدروا تمشوا عليه

🚩 وزي ما بقول دايما كل مشاكل العصر الصحيه راجعه لسلوك الاكل الخطا.. ف مش عشان كل الناس بتاكل الاكل ده
أن هم يبقوا صح بالعكس كله بيعاني....كلهم هنا بيعيطوا😂

⚠️خلي عندك اراده وقرار ..ان كفايه كده استهتار بصحتي
وانك تغيري حياتك وتنقذي نفسك من مشاكل وادويه
في عز شبابك .. انتي في غني عنها والله 💙

⚠️ ولو عاوزه تعرفي نتائجنا في التغذيه و آراء الناس معانا
ادخلي جروب التغذيه ..جروب تغذيه متكامل بحمد الله 👌
⏬⏬
https://m.facebook.com/groups/firstdietclinic/?ref=share&mibextid=NSMWBT

🔹أهنئكم بقدوم شهر رمضان المبارك،
أعاده الله عليكم بالصحة والسعادة والسلام،
وأتمنى لي ولكم شهرا مليئا بالعبادة والمغفرة .. آمين يارب

24/02/2025

إن أرادو ضرك وأراد الله منفعتك سيجعل الله في ضررهم نفعك.

10/10/2024

التجاهل انتقام راق و صدقة جارية على فقراء الأدب

- هرمون الذكوره الــtestosterone ؟هرمون الذكوره مهم جدا لصحه الرجال وده لانه بيحافظ علي كتله العضلات صحه العظام الرغبه...
26/12/2021

- هرمون الذكوره الــtestosterone ؟

هرمون الذكوره مهم جدا لصحه الرجال وده لانه
بيحافظ علي كتله العضلات
صحه العظام
الرغبه الجنسيه
النشاط والحيويه
بيكون في اعلي مستوياته وقت البلوغ وبيقل بالتدريج عام بعد عام

وعشان تزود هرمون الذكوره وتحافظ عليه لازم تتبع نمط حياه صحي

طيب ازاي تزود هرمون الذكوره الــtestosterone طبيعي ؟! 🤔

عاوز تعمل فورمه حلوه يبقي السر في الــ testosterone | هرمون الذكوره
ابطال كتير بتاخد التيستيرون خارجي عشان تعمل عضلات قويه متحدده
بس السر بقي انك تعمل عضلات قويه من غير ما تاخد التيستيرون من بره
وتزود انتاجه عندك بصوره طبيعيه وهتلاحظ الفرق ودي اهم حاجات تخلي
التيست عندك ف اعلي ليڤل ليه ركز معايا :

1- التعرض لاشعه الشمس وده عشان ڤيتامين د المهم جدا لصحتك ولاداءك الرياضي ولتيستك العالي 😉

2- النوم الكويس بيعيد تنظيم الهرمونات كــ ( GH + Testosterone ) وينتجهم بكثره خاصه في الليل

3-التغذيه السليمه الغنيه بالعناصر الغذائيه المفيده لرفع مستوي التيستيرون والبعد عن اي مقلي محمر
مسبك الحلويات المصنعه

4- انك تمارس رياضه تحسن من صحتك صحه جهازك الدوري قلبك يقوي يضخ دم بقوه لاطرافك باقل جهد تغذيه توصل افضل كل حاجه تتحسن

5- الابتعاد عن التوتر وده عشان متنتجش هرمون الكورتيزول اللي بيهدم فيك وف عضلاتك وبيجعلك عرضه اكبر لتخزين الدهون اللي تراكمها يرفع الاستروچين ويقل التيست وده مش عاوزينه يا كوتش 💪

6- الاقلاع عن التدخين ده لان دراسه اتعملت علي مجموعه من الذكور المدخنين بمقارنه بغيرهم من غير المدخنين اثبتت ان ٦٧٪ من الذكور المدخنين عندهم نسب قليله من التيستيرون وضعف انتصاب بسبب ارتفاع ضغط الدم

7- الابتعاد عن الدهون لانها بتزيد هرمون الانوثه الاستروچين علي حساب التيستيرون حتي لو اكلك مظبوط وف حدود سعراتك بس مش صحي ده ميرفعلكش التيست بتاعك

8- سلامه كبدك لانه المصفي بتاعه السموم والمتحكم في معادله الهرمونات والتوازن بينهم لو حصلت فيه اي مشكله تحصل لخبطه ف هرموناتك وانت ونصيبك

⛔️ خلينا نتفق ان كابتن بوشكاش مثال وقدوه لاي واحد حابب يروح الجيم⛔️ رايح بشنطته اللي فيها غيار بعد الجيم ، مش هيروح الجي...
09/09/2021

⛔️ خلينا نتفق ان كابتن بوشكاش مثال وقدوه لاي واحد حابب يروح الجيم

⛔️ رايح بشنطته اللي فيها غيار بعد الجيم ، مش هيروح الجيم ويطلع بنفس الهدوم العرقانه
واخد في الشنطه ازازه الميه بتاعته ، يعني مش هيقولك معلش هاخد بوء بس عشان عطشان
رايح بلبس رياضي عشان ياخد حريته في التمرين ،، مش رايح يتمرن بجينز
رايح لابس كوتش عشان ميجريش علي المشايه حافي او بشبشب

⛔️ واخيرا اول حاجه سال عليها عندكم حديد !!
مش رايح يسال علي المشايات واجهزه الساونا والجاكوزي

كن مثل كابتن بوشكاش ♥♥
COACH/HAZEM

للرياضيين الذين يعتمدون على الاكل الطبيعي ●● البروتينالبيض ( بياض البيض) : من أسرع أنواع البروتين أمتصاص خالي من الدهون ...
01/09/2021

للرياضيين الذين يعتمدون على الاكل الطبيعي ●

● البروتين
البيض ( بياض البيض) : من أسرع أنواع البروتين أمتصاص خالي من الدهون سهل الهضم

● تونه ( دايت) يفضل : بروتين صافي مزود ب Omega 3

● اللحوم والاسماك والدجاج والالبان

● بروتين الكاسين :
الجبن القريش بطيء الأمتصاص او ( جبن العرب) – غني بالكالسيوم – يحتوي على الزنك محفز التيستيرون .

● مكملات ما قبل التمرينً و طاقة تركيز :
( القهوة بدون سكر + موز )

● الكربوهيدرات الطبيعية وتوجد فى :
(البطاطس البطاطا الارز المكرونه الشوفان قبل تمرين بساعة ونص و غني بالفيتامينات و البروتين أيضا و فطور ممتاز و يمكن تناوله بين الوجبات الرئيسية .

● مكملات ضخ الدم :
البطيخ من أهم مصادر الأرجينين .

● محفزات هرمون التستوستيرون الطبيعية :
الأسماك بأنواعها – الحلبة والنوم الصحي وتمرين الجسم كامل ولا تتهاون بالرجلين فهي اكبر محفز للتيستيرون .

● حوارق الدهون
الشاي الأخضر المعد خصيصا للتخسيس وليس العادي

● الاوميجا 3 وتوجد فى :
التونة و المأكولات البحرية عامة .
يوجد منها اقراص بالصيدليات

● فيتامينات طبيعية :
الخميرة غنية بالأملاح المعدنية و الفيتامينات
( يوجد منها اقراص بالصيدليات

مصطلحات لازم تعرفوها في مجال الرياضه ❤ 1-يعني إيه كارب ؟2- ينفع اتمرن كل يوم نفس التمرين ؟ 3- يعني ايه كارديو؟4- الكاردي...
25/07/2021

مصطلحات لازم تعرفوها في مجال الرياضه ❤

1-يعني إيه كارب ؟
2- ينفع اتمرن كل يوم نفس التمرين ؟
3- يعني ايه كارديو؟
4- الكارديو قبل تمرين الحديد ولا بعده ؟
5-ينفع الجيم من غير دايت ؟
6-يعني إيه تمارين مقاومة؟ وإيه فائدتها ؟
7-يعني اي static stretch و dynamic stretch ؟
8_ يعني إيه بروتين ؟
9_ يعني إيه دهون صحيه ؟
10_ يعني ايه ريجيم كيمايئي ؟
💪❤

1-كارب يعني (كربوهيدرات )يعني نشويات .. ويفضل تكون معقدة عشان تاخد وقت ف الهضم وتبقى مفيدة (رز - بطاطس - بطاطا - شوفان - الفواكه كارب برضه

2-لا مينفعش تتمرن كل يوم نفس التمرين يفضل يوم ويوم عشان العضلة تاخد وقتها سواء ف الراحة او ف انها تظهر وشكلها يبقى كويس وممكن كل يوم حسب جدولك التدريبي لو شدته منخفضه هو وكثافته

3-كارديو يعني تمارين بتزود النبض او ال HR heart rate وبتحرق كتير زي الجري ونط الحبل والمشي بسرعة والاوربتراك والزومبا والأيروبيك والتمارين المختلطه وفي نوعين كارديو زون وفات برن زون 🚶‍♀️🏃 هنشرحهم بعدين

4-الكارديو بنعملها 10 او 15 دقيقة قبل الحديد عشان تسخين وميحصلش اي اصابة ف العضلة لما نلعب حديد كنوع من أنواع الإحماء و 20 أو 30 دقيقة او حتي 60 بعد تمرينة الحديد للي عاوز ينزل وزنه من 60 الي 70%😍 من معدل نبضات القلب

5- لازم دايت لأن عليه 70 % من نجاح نزول الوزن وال 30 % الباقيين تنظيم النوم والجيم او الرياضة عموما👩‍💼

6-تمارين المقاومة هي الي بتشد جسمك وتمنع الترهلات وبتنقسم تمارين المقاومه ل شقين ( تمارين بوزن الجسم / تمارين ب أي مقاومة خارجية دمبل بار أو أجهزه ) فايدتها بتمنع الترهل اثناء نزول الوزن .

7- ال static stretch يعني إطالات من ثبات والافضل تكون بعد التمرين وديناميك عكسها اطالات من وضع الحركة ويفضل انها تكون قبل التمرين علشان تحميكي من الاصابة💪

8_ البروتين ( فراخ . لحمه. سمك. بيض منتجات الألبان والجبن البقوليات )

9_ دهون صحيه ( مكسرات. زيت زيتون. افوكادو. ذبده فول سوداني )

10_ ريجيم كيميائي يعني بتاكل نوع واحد من الطعام خلال اليوم و تاني يوم نوع تاني وتفضل عليه طول اليوم وهكذا وده مش سليم ومش صحي الصحي نظام متوازن يحتوي علي كافه العناصر الغذائيه بس ف الدايت بكميات قليله

اثبتي وأثبت وجودك ب (متابع) في كومنت 🌷❤️

مصطلحات لازم تعرفوها في مجال الرياضه 1-يعني ايه كارب ؟2- ينفع اتمرن كل يوم نفس التمرين ؟ 3- يعني ايه كارديو؟💃4- الكارديو...
18/05/2021

مصطلحات لازم تعرفوها في مجال الرياضه

1-يعني ايه كارب ؟
2- ينفع اتمرن كل يوم نفس التمرين ؟
3- يعني ايه كارديو؟💃
4- الكارديو قبل تمرين الحديد ولا بعده ؟
5-ينفع الجيم من غير دايت ؟
6-يعني ايه تمارين مقاومة؟ وايه فائدتها ؟
7-يعني اي static stretch و dynamic stretch ؟
8_ يعني ايه بروتين ؟
9_ يعني ايه دهون صحيه ؟
10_ يعني ايه ريجيم كيمايئي ؟
💪❤

1-كارب يعني (كربوهيدرات )يعني نشويات .. ويفضل تكون معقدة عشان تاخد وقت ف الهضم وتبقى مفيدة (رز - بطاطس - بطاطا - شوفان - عيش - مكرونة )🍉🍚

2-لا مينفعش تتمرن كل يوم يفضل يوم ويوم عشان العضلة تاخد وقتها سواء ف الراحة او ف انها تظهر وشكلها يبقى كويس وممكن كل يوم حسب جدولك التدريبي لو شدته منخفضه هو وكثافته زي كده ال تمرين الشامل

3-كارديو يعني تمارين بتزود النبض او ال HR وبتحرق كتير زي الجري ونط الحبل والمشي بسرعة والاوربتراك والزومبا والأيروبيك والتمارين المختلطه وفي نوعين كارديو زون وفات برن زون 🚶‍♀️🏃

4-الكارديو بنعملها 10 او 15 دقيقة قبل الحديد عشان تسخين وميحصلش اي اصابة ف العضلة لما نلعب حديد و 20 او 30 دقيقة او حتي 60 بعد تمرينة الحديد للي عاوز ينزل وزنه من 60 الي 70%😍 من معدل نبضات القلب

5- لازم دايت لان عليه 70 % من نجاح نزول الوزن وال 30 % الباقيين تنظيم النوم والجيم او الرياضة عموما👩‍💼

6-تمارين المقاومة هي الي بتشد جسمك وتمنع الترهلات وبتنقسم تمارين المقاومه ل شقين (بوزن جسمك / اي مقاومة خارجية-اجهزة)🏃 دمبل بار فايدتها بتمنع الترهل اثناء نزول الوزن .

7- ال static stretch يعني إطالات من ثبات والافضل تكون بعد التمرين وديناميك عكسها اطالات من وضع الحركة ويفضل انها تكون قبل التمرين علشان تحميكي من الاصابة💪
٩
8_ البروتين ( فراخ . لحمه. سمك. بيض منتجات الألبان والجبن البقوليات )

9_ دهون صحيه ( مكسرات. زيت زيتون. افوكادو. ذبده فول سوداني )

10_ ريجيم كيميائي يعني بتاكل نوع واحد من الطعام خلال اليوم و تاني يوم نوع تاني وتفضل عليه طول اليوم وهكذا وده مش سليم ومش صحي الصحي نظام متوازن يحتوي علي كافه العناصر الغذائيه بس ف الدايت بكميات قليله

اثبتي وأثبت وجودك ب لايك وتعليق 👌💪

Address

Mansoura

Telephone

+201120540669

Website

Alerts

Be the first to know and let us send you an email when Elcoach posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Elcoach:

Shortcuts

Share

Category