29/10/2017
ايوااااع الشاااااي ,,, :D
"" كام مرة كنت قاعد ع القهوة وبتشوف الشاب ال شغال ف القهوة وهو شايل الصينية عليها اكتر من 20 كوباية شاي ,,, وماشي بيها بكل ثبات وايده ثابته وقوية ومبتهزش ,,, مع انك انت لو شيلت صينية فيها 5 كوبايات بس هتلاقي ايدك بترقص :D مع انك اصلا ممكن تكون عندك عضلات اقوي من الشاب بتاع القهوة ""
.............
,,, السؤال المستمر ف لعبتنا ,,, والسؤال ال سأله كل واحد نزل الجيم
* انا ليه ايدي بترعش وانا بتمرن ؟؟ :\ *
بسم الله ونركز سوا ,,,,,
الجيم دا عباره عن احمال واوزان وتمارين مقاومة ,,, والحمل دا ال بيشيله وبيتحمله هو
" العضلات + الاعصاب ال بتمد العضلات بالاشارات وبالتنبيهات "
انت ف العادي وقبل ما تنزل الجيم ,,, بيكون جسمك وعضلاتك واعصابك شغاله ع خفيف
بتشيل حاجات خفيفة ,,, يدوب كتب ,, او شنطة الشغل او شنطة الكلية او المدرسة..
فانت بتيجي تبدأ تنزل الجيم وتبدأ تشيل اوزان وتبدأ تعمل تمارين قوية
وبتبدأ تلاقي موضوع #الرعشة ,,, وتلاقي ان ايدك بتتهز وانت طالع بالدمبل
او وانت بتشيل البار ,,, او رجلك بترقص وانت بتلعب اسكوات ,,,
وبتبدأ تزعل وتضايق وتفتكر ان ف حاجة غلط ! ,,,
فافهم واعرف ان دي :D ,,, دي زي مرحلة التمهيد والاعداد
كل الموضوع
" جهاز العصبي العضلي " محتاج شوية وقت عشان يبقي اقوي واشد اكتر
انت كنت بتشيل كام كتاب او كام شنطة وخلاص ,,, فبناء عليه دا ال جسمك متعود عليه
ودا هو الحد بتاعه ,,,
لكن #ميزة الجسم البشري انه قابل للتطور جدا ,,, ومع التمرين والاستمرار بيتحسن وبيعلي ف مستوياته وف كفاءته وقوته .
"""""""""""""""""""""""""""""""""""""""""""""""
الموضوع عباره عن نصين ,,, نص عضلي ,,, ونص عصب ,,,
وبناء عليه ,,,
الخلاصه من ,,, :-
- عضلاتك قابله للتطور جدا ,,, وزي ما هي متعوده ع انها تشيل حاجات خفيفة وبسيطة
ف وقت قليل ومع التمرين #المستمر تقدر تشيل اوزان عاليه ,,, وعاليه جدا .
- الصبر و #الاستمرار ,,, تستمر ع تمرينك وع تركيزك ف التمرين ,,, هتلاقي يوم ع يوم كفاءة جسمك بتعلي وبيتطور اكتر واسرع .
- اعصابك محتاجه تكون ف ,,, عشان هي اساس تنشيط وصلابة عضلاتك
فبناء عليه :-
= تبعد عن اى عادة بتضر بالاعصاب .
= تبعد عن اى توتر او نرفزة او زعل ,,, خصوصا قبل التمرين .
= تبعد عن قلة النوم والارهاق الشديد .
= تغذي اعصابك بالفاكهة المتنوعه ,,, وبالخضار الطازة .
= تاخد مجموعه فيتامينات ب
B 12 - 3 - 6 -9
,,, سواء ع هيئة حقنة مرة كل اسبوع او 10 ايام
او ع هيئة كبسول مرة كل يوم او يومين .
شوية ملحوظات :-
""" الرعشة دي مش حاجة للناس المبتدأة بس ,,, دي ممكن تحصلك ف اى وقت
لو انت بتزود وزن لاول مرة " يعني بتكسر وزنك وبتلعب بوزن جديد عليك "
او انت بتعرض اعصابك للارهاق والضعف ,,, عن طريق اى حاجة من ال قولناها فوق """
""" الرعشة مش بس لتمارين المقاومة وتمارين الجيم ,,, الرعشة ممكن تحصل ف اى تمرين ,,, زي تمرين البلانكس
Planks
وبرده بنفس الفكرة ,,, فكل الموضوع موضوع وقت وصبر واستمرار """
""" الرعشة مش لازم تحصل ف كل عضلات الجسم ,,, ف عضلات ممكن تكون قوية عندك اكتر من التانية ,,, زي الشاب بتاع القهوة ال قوة الساعد وعضلات ايده 10/10
لكن لو جرب يلعب مثلا تمرين صدر بالبار هيلاقي ف رعشه ,,, عشان عضلات الصدر وعضلات الكتف ضعاف لسه """
""" حقنة الاعصاب زي
Becozyme
Depovit
تقدر تاخدها مرة كل اسبوع او 10 ايام ,,, هتساعد معاك جدا ف كفاءة اعصابك """
""" الكبسولات زي
Vitamax
Vitamax-plus
او الحاجات المستوردة زي
Centrum
Optimen
تقدر تمشي عليها ككورس كامل مع نظامك الغذائي والتدريبي ,,, تاخد كبسولة او جرعه كل يوم او كل يومين """
""" الحقنة او الكبسولات ,,, لكن متاخدش الاتنين مع بعض ,,, والحقنة او الكبسولات دي حاجة عباره عن ,,,
ومفيش منها اى قلق او ضرر طالما جسمك #محتاجها ,,, فانت
عشان تاخدها لازم تكون بتتمرن واعصابك وعضلاتك محتاجة الغذاء دا ,,, يعني دي حاجات للناس ال بتتمرن #فقط """
""" موضوع الرعشة فقط ,,, مش اى حاجة تانية ,,,
استمرار ف التمرين و ,,, مع البعد عن اى شيء سلبي يأثر عليك بالسلب ,,,, = نجاح وكفاءة 100% """
................................................................
يارب يكون الشرح كافي ووافي وبسيط ,,, واستمتعنا بالمقال
