Zamalek Spirit Live

Call Directions Contact the business

Zamalek Spirit Live > هنا صوت جماهير الزمالك 💪
بنتكلم بلسان كل زملكاوي عاشق للأبيض 👑
أخبار – تحليلات – مواقف – دفاع عن الكيان 🏹
❤️⚪️
(1)

صفحة زملكاوية خالصة أخبار الزمالك تحليلات آراء جماهيرية. صفحة رياضية تهتم بتغطية وتحليل مختلف جوانب عالم كرة القدم العربية والعالمية. الصفحة الأولى لعشاق نادي الزمالك 🏹لو زملكاوي بجد، لازم تكون معانا اضغط متابعة وانضم لأقوى مجتمع أبيض على فيسبوك الآن ⚽👑

شكرا للزمالك المهدي سليمان اصبح اكبر لاعب في تاريخ مصر و العالم يخوض مباراته الدولية الأولي بسن ٣٩ عام و ٤ شهورلقد هرمن...
05/10/2026

شكرا للزمالك المهدي سليمان اصبح اكبر لاعب في تاريخ مصر و العالم يخوض مباراته الدولية الأولي بسن ٣٩ عام و ٤ شهور
لقد هرمنا من اجل هذه اللحظة يا مهدي سليمان حرفياً..!

راجل بيلعب كورة من 2008 وقت ما اتصعد مع انبي لأول مرة لحد 2026 مفيش اي مباراة بيلعبها مع المنتخب المصري رغم إن مر على المنتخب عشرات الحراس اساسي او دكة.!!

الموسم اللي فات كان مبدع مع الزمالك في الدوري و الكونفدرالية و كان عامل حسم للدوري بالفعل بسبب تصدياته و عدد الكلين شيت اللي عملهم .. لكن برضو ولا دقيقة مع المنتخب في كاس العالم او الوديات اللي قبله.!!

النهارده المهدي سليمان نال اللحظة اللي كان يستاهلها من سنين كتير اوي .. اللاعب حصل على دقايقه الاولى في المنتخب المصري بعد ما نزل من الدكة الدقيقة 79 و كان يستحق ده بعد بداية موسم خرافية مع الزمالك.!!

المهدي اصبح الأكبر عمراً مشاركة لأول مرة و هو عمره النهارده 39 عام! .. مفيش مشجع مش هيكون مبسوط لأحد ايقونات الدوري ده يا سادة ❤️

🚨 تفاصيل اجتماع حسام حسن مع لاعبي المنتخب عقب الهزيمة من جنوب أفريقيا 🇪🇬
04/10/2026

🚨 تفاصيل اجتماع حسام حسن مع لاعبي المنتخب عقب الهزيمة من جنوب أفريقيا 🇪🇬

من وقت ماوعيت علي الدنيا حارس الأهلي اين كان مستواه لازم يكون حارس مصر الاول ومعرفش دا قانون ولالا ..المهدي سليمان افضل ...
04/10/2026

من وقت ماوعيت علي الدنيا حارس الأهلي اين كان مستواه لازم يكون حارس مصر الاول ومعرفش دا قانون ولالا ..

المهدي سليمان افضل حارس في مصر حاليا وبعده شوبير ، بالارقام والتصديات والحضور وكل حاجه ..

انت متخيل كم الفرص اللي بتيجي علي المهدي مع الزمالك تقريبا تاني اعلي معدل تصديات في الدوري هو المهدي والنتائج = ٥ مباريات " ٤ كلين شيت " 👏❤️
والمهدي حاليًا عنده أرقام وأداء يخلوه يستحق المنافسة بقوة على حراسة عرين منتخب مصر. 🏹❤️
#الزمالك 🏹 🧤

🚨🔥 بيراميدز بقى أقوى إدارة في مصر؟! 😳💙بصراحة، اللي بيحصل في سوق الانتقالات بيأكد إن إدارة بيراميدز بقت بتتحرك بقوة جدًا،...
04/10/2026

🚨🔥 بيراميدز بقى أقوى إدارة في مصر؟! 😳💙

بصراحة، اللي بيحصل في سوق الانتقالات بيأكد إن إدارة بيراميدز بقت بتتحرك بقوة جدًا، وبتعرف تحسم صفقاتها في الوقت المناسب، خصوصًا لما يكون المقابل المادي عامل حاسم في الصفقة 💰⚽️

والحديث دلوقتي عن محمد هاني، اللاعب اللي اتربى جوه الأهلي وعاش سنين طويلة مع الفريق، لكنه في النهاية اختار الرحيل والانتقال لبيراميدز، والسبب الأساسي حسب المتداول كان العرض المالي 💵👀

يعني لاعب متربي في الأهلي، قضى سنين مع النادي وحقق بطولات، وفي الآخر لما الفلوس دخلت في المعادلة، ساب الأهلي وراح لبيراميدز! 😏

وده يخلي السؤال مطروح بقوة: هل بيراميدز فعلًا بقى عنده إدارة أقوى في ملف التعاقدات والفلوس من أندية القمة؟ 🤔🔥

اللي واضح إن بيراميدز مش بيتعامل كفريق بيكمل العدد، لكن بقى عنده قدرة مالية وإدارية تخليه ينافس على أي لاعب عايزه، حتى لو اللاعب جاي من نادي كبير ومش مجرد صفقة عادية. 💙💰

وفي النهاية، الفلوس بقى ليها الكلمة العليا في الكورة المصرية... واللي معاه يقدر يحسم، واللي مش معاه يفضل يتفرج! 😂⚽️

#بيراميدز 🔵
⚽️
#الأهلي 🦅

🚨 خبر عاجل!!نيابة الأموال العامة في تحقيقاتها في المخالفات الموجودة داخل نادي الزمالك وجدت مبالغ مالية بقيمة 64 ألف جنيه...
04/10/2026

🚨 خبر عاجل!!

نيابة الأموال العامة في تحقيقاتها في المخالفات الموجودة داخل نادي الزمالك وجدت مبالغ مالية بقيمة 64 ألف جنيه صرفت على قضايا شخصية تخص الأستاذ مرتضى منصور وليس لها علاقة بنادي الزمالك، وعلى الفور تم إصدار قرار من النيابة بعودة هذه المبالغ لنادي الزمالك.

وقام الأستاذ مرتضى منصور بدفع المبلغ وقال إن ده تصرف من أحد الموظفين في النادي بدون علمه، ورجّحوا حقوقهم معاه.

ومازالت هناك ملفات أخرى هيتم تغريمها فيها.

النيابة بتحقق في كل صغيرة وكبيرة داخل نادي الزمالك، وكل جنيه اتصرف دون وجه حق سواء من المجالس السابقة أو المجلس الحالي هيرجع لخزينة النادي.

وهناك 7.5 مليون جنيه رجعت وفي الطريق 28 مليون جنيه.

يارب صبحنا وربحنا ومع حسام حسن قدام جنوب افريقيا أفضحنا
04/10/2026

يارب صبحنا وربحنا ومع حسام حسن قدام جنوب افريقيا أفضحنا

🚨🏹 أرقام بالمليارات وملفات مالية تحت الفحص.. واللي بيحصل جوه الزمالك محتاج إجابات واضحة! 😳⚠️الأرقام اللي ظهرت في الفترة ...
03/10/2026

🚨🏹 أرقام بالمليارات وملفات مالية تحت الفحص.. واللي بيحصل جوه الزمالك محتاج إجابات واضحة! 😳⚠️

الأرقام اللي ظهرت في الفترة الأخيرة كفيلة لوحدها إنها تفتح باب كبير من التساؤلات حوالين طريقة إدارة نادي الزمالك خلال السنوات اللي فاتت، خصوصًا إن الجهات المختصة لسه بتفحص المستندات والحسابات لتحديد حقيقة كل واقعة والمسؤوليات المرتبطة بيها.

ومن ضمن الأرقام اللي تم تداولها، وجود مبالغ قام بعض المسؤولين السابقين بتسويتها أو ردها، ومن بينها:

💰 عضو مجلس إدارة سابق قام بتسوية مبلغ قدره 1.8 مليون جنيه، وهي واقعة أكدها مصدر لـ«مصراوي».

وفي نفس الوقت، فيه معلومات متداولة عن مبالغ ووقائع مالية تانية مرتبطة بمسؤولين سابقين داخل النادي، وده بيكشف إن الموضوع مش واقعة منفردة أو رقم عابر، لكن ملف مالي وإداري واسع بيتم فحص تفاصيله حاليًا.

والأخطر إن التقارير المنشورة بتتحدث عن فحص شبهات ووقائع مالية مرتبطة بمبالغ تصل إلى حوالي 1.644 مليار جنيه! 💰😳

لكن هنا لازم نقف عند نقطة مهمة جدًا: وجود تحقيقات، أو قيام شخص برد مبلغ أو تسويته، مش معناه تلقائيًا ثبوت ارتكاب مخالفة أو مسؤولية جنائية، لأن تحديد المسؤوليات بيتم بناءً على المستندات والأدلة ونتائج التحقيقات والإجراءات القانونية، والكلمة النهائية للجهات المختصة.

وعشان كده السؤال الحقيقي مش بس:

❓ مين دفع كام؟
❓ ومين سوّى المبلغ؟

لكن السؤال الأهم والأخطر:

🏹 إزاي نادي بحجم وتاريخ الزمالك وصل أصلًا لوجود هذا الكم من الملفات المالية والإدارية؟

ومين كان مسؤول عن كل قرار؟ وإيه اللي حصل في كل واقعة؟ وهل هتظهر خلال التحقيقات تفاصيل جديدة تكشف الصورة الكاملة لما جرى داخل النادي في السنوات الماضية؟ 🤔⚠️

جمهور الزمالك من حقه يعرف الحقيقة كاملة، لكن من غير أحكام مسبقة على أي شخص قبل انتهاء التحقيقات وثبوت المسؤولية قانونيًا.

الملف ده مش خبر عابر، والأرقام المتداولة كبيرة جدًا، وبالتالي المتابعة الدقيقة لكل جديد في التحقيقات أصبحت ضرورية. 🏹🔥

إنت شايف إن التحقيقات الحالية ممكن تكشف تفاصيل ووقائع تانية مرتبطة بإدارة الزمالك في السنوات الماضية؟ 👇

صلِّ على النبي ﷺ 🤍

#الزمالك

المعسكر الحالي لمنتخب مصر بقى محتاج حد يفهمنا إحنا بنتفرج على معسكر منتخب ولا على مسلسل أحداثه كل يوم أغرب من اللي قبله!...
03/10/2026

المعسكر الحالي لمنتخب مصر بقى محتاج حد يفهمنا إحنا بنتفرج على معسكر منتخب ولا على مسلسل أحداثه كل يوم أغرب من اللي قبله! 🤦‍♂️🇪🇬

تخيلوا إن الصحفي أحمد عبدالباسط قال امبارح في برنامج إبراهيم فايق إن حسام حسن وإبراهيم حسن وجّهوا ألفاظ لا تليق للاعبين بعد خروج محمد صلاح في مباراة أنجولا، وإن اللاعبين اتضايقوا جدًا وحسّوا بالإهانة. 😳

وبعد الحلقة مباشرة، يطلع المنسق الإعلامي لمنتخب مصر وينفي الكلام ده تمامًا، ويؤكد إن مفيش أي مشادات حصلت!

طيب إحنا نصدق مين؟ 🤔
لو الكلام اللي اتقال صحيح، فإحنا قدام أزمة كبيرة جدًا، لأن المدير الفني مهما كانت عصبيته وضغط المباريات، احترام اللاعبين والتعامل معاهم بشكل لائق من أبسط قواعد الإدارة والتدريب، خصوصًا لما تكون بتقود منتخب بلد كامل. 🇪🇬

ولو الكلام غير صحيح، فالموضوع برضه مش بسيط! لأنك كده قدام مشهد إعلامي مفتوح على البحري، وأخبار وتصريحات بتطلع عن المنتخب، وبعدها نفي، والجمهور هو اللي يقعد يحاول يفهم إيه اللي حصل وإيه اللي محصلش! 🤦‍♂️

يعني في كل الأحوال، الصورة مش مطمئنة، والمشهد حوالين منتخب مصر محتاج هدوء وتنظيم ووضوح بدل حالة اللخبطة اللي إحنا شايفينها دلوقتي.

زمان كنا بنقول إن الظروف مش عايزانا ننجح... دلوقتي المشكلة إننا بقينا بنخلق الظروف اللي ممكن تمنعنا من النجاح بنفسنا! 😐

منتخب مصر محتاج تركيز في الملعب، واحترام جوه المعسكر، ورسالة واضحة للإعلام والجمهور، مش كل يوم قصة جديدة تفتح باب لأزمة أكبر من اللي قبلها. 🔥🇪🇬

🇪🇬

🚨 لو صح إن موقف كان إنه يسيب معسكر منتخب مصر بعد تعرضه هو وزملائه للتطاول والإهانة، فإحنا هنا قدام موقف مش عادي إطلاقً...
02/10/2026

🚨 لو صح إن موقف كان إنه يسيب معسكر منتخب مصر بعد تعرضه هو وزملائه للتطاول والإهانة، فإحنا هنا قدام موقف مش عادي إطلاقًا.. موقف ممكن يتوصف فعلًا بالتاريخي 👑🔥

الإعلامي أحمد عبدالباسط كشف كواليس خطيرة عن اللي حصل داخل معسكر المنتخب بعد مباراة أنجولا، وقال إن بعد خروج صلاح من الملعب بحوالي 5 دقائق، حصل تطاول على عدد من لاعبي المنتخب، ووصل الأمر إلى إهانة بعض اللاعبين بألفاظ غير مقبولة.

وبحسب رواية عبدالباسط، فإن الكلام اللي صدر من كان فيه لفظ مسيء جدًا، لدرجة إنه وصفه بأنه «تييييت» كبيرة، قبل ما المدير الفني يعتذر بعد ذلك عن اللي حصل.

والأهم إن اللاعبين نفسهم، وفقًا للرواية، كانوا متضايقين جدًا من أسلوب الكلام والإهانة اللي اتوجهت ليهم، ووصل الأمر إلى علم خالد الدرندلي بما حدث.

لكن في نفس الوقت، كان فيه اتجاه لاحتواء الموضوع وعدم تصعيده، خصوصًا إن المنتخب كان داخل على سفر ومباراة مهمة أمام جنوب السودان، وبالتالي كان الهدف وقتها إن الأزمة تعدي من غير ما تكبر.

أما لو كان محمد صلاح فعلًا قرر يبعد عن المعسكر ويتجنب الدخول في صدام مباشر، اعتراضًا على الطريقة اللي تم التعامل بيها معاه ومع زملائه، فده مش مجرد خلاف عابر داخل منتخب مصر.. دي رسالة واضحة إن احترام اللاعب وكرامته لازم يكونوا فوق أي خلاف أو انفعال. 🇪🇬

وبعيدًا عن اسم اللاعب أو مكانته، المدير الفني من حقه ينتقد ويحاسب ويحاسب فنيًا، لكن الإهانة والتجاوز في حق اللاعبين شيء مختلف تمامًا، ولو ثبتت الواقعة بالشكل المتداول، فمن الطبيعي إن يكون فيه موقف واضح ومحاسبة، مع اعتذار صريح للاعبين اللي تعرضوا للإساءة.

منتخب مصر أكبر من أي شخص، سواء لاعب أو مدير فني، والمنتخب محتاج أجواء تحافظ على تركيز اللاعبين واحترامهم، مش أزمات جديدة كل شوية. ⚽️🇪🇬🔥

🗣️ أحمد سليمان بيقول إن المدير الرياضي لازم يكون شخص عنده خبرة كروية، وإن الزمالك مينفعش يبيع لاعبيه واحد ورا التاني، أح...
02/10/2026

🗣️ أحمد سليمان بيقول إن المدير الرياضي لازم يكون شخص عنده خبرة كروية، وإن الزمالك مينفعش يبيع لاعبيه واحد ورا التاني،
أحمد سليمان: الأخطاء اللي حصلت زي قضية معالي وغيره أنت جبت راجل سمسار خليته مدير رياضي، مدير رياضي لازم يكون حد زي إسماعيل يوسف في المصري، زي هاني رمزي في نادي Z ناس لعبت واحترفت ومقنعين للعيبة.

مهيب عبد الهادي: أنت حضرتك بتتكلم كأنك مشجع فقط مش عضو مجلس إدارة.. طب وحسام الزناتي اللي جاي؟

أحمد سليمان: أنا علاقتي بالمجلس هو إجتماع مجلس الإدارة والكلام ده أو حسام لم يُعرض عليا عشان أوافق أو أرفض، واحد زي وكيل فتوح طلع في كل الفضائيات وكل المواقع يتكلم عن عرض فتوح و بيتكلم في أرقام مالية مين اللي آداله الإذن عشان يتكلم.

أنت جبت مدير رياضي راجل سمسار مع احترامي ملبسش شورت وفانلة ولأنه سمسار بقى بيع اللاعبين هو المتصدر للمشهد دايماً والزمالك مينفعش يفرط في لعيبته واحد ورا التاني.

مهيب عبد الهادي: هو مين اللي جاب المدير الرياضي؟

أحمد سليمان: معرفش مين جابه

لكن السؤال الأهم: إنت عضو مجلس إدارة يا كابتن، مش مجرد مشجع على المدرجات. لو شايف إن فيه أخطاء أو قرارات بتضر الزمالك، دورك الأساسي إنك تواجهها جوه المجلس وتتحرك لتصحيحها، مش تكتفي بالكلام قدام الكاميرات.

🏹 إحنا مش عايزين خناقات ولا تصريحات... إحنا عايزين ناس تحارب عشان الزمالك، وتحاسب نفسها قبل ما تحاسب غيرها. ولو فيه خلافات داخل المجلس، احسموها جوه المجلس، واللي يطلع للجمهور يكون قرار واحد واضح يخدم الزمالك، مش كل واحد يحكي روايته لوحده.
🚨 يا جماعة، الزمالك مش ساحة لتصفية الحسابات ولا مكان إن كل مسؤول يطلع يقول روايته للجمهور! النادي أكبر من أي شخص وأكبر من أي منصب، ومصلحة الزمالك لازم تكون قبل المصالح الشخصية والحسابات الانتخابية والإعلامية.
#الزمالك

Address

طفنيس/اسنا
Cairo
85829

Telephone

0201012496486

Website

Alerts

Be the first to know and let us send you an email when Zamalek Spirit Live posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Zamalek Spirit Live:

Shortcuts

Share