الدورى المصرى السعودى Esl

01/01/2026

✨⚽ عام ميلادي جديد… وإنجازات نكمل بها الطريق وطموح لن يتوقف ⚽✨
يتقدم المجلس التنفيذى ل [الدورى المصرى السعودي ] و [إتحاد شباب لقانه ]
بخالص التهاني إلى جماهير الرياضة بقريتنا الحبيبه لقانه وجموع اهالى بلدتنا الغاليين وكل المتابعين
بمناسبة حلول العام الميلادي الجديد ٢٠٢٦🎉

عام مضى شهد إنجازات نفتخر بها، وتحديات تجاوزناها بدعمكم وثقتكم،
ونستقبل عامًا جديدًا بعزيمة أكبر، وطموح لا يعرف التوقف، وهدف واحد: مزيد من النجاحات والإنجازات 💪🏆
نعدكم أن نكمل ما بدأناه ولن يعيقنا اى تحديات
بكم بدأنا ومعكم انجزنا وإليكم الوعد والعهد والميثاق بأن نظل شعلة نشاط من اجل إصلاح حال الرياضه بقريتنا الحبيبه وان تعود الرايه لمن يستحقها .

كل عام وأنتم شركاء النجاح… والقادم أقوى بإذن الله 🤍🔥

20/12/2025

بكره هنرد على المشطشطين
اصل ما كناش فاضيين
استنونا ما تروحوش في حته

14/12/2025

سؤال للنقاش
هل يحق لعضو مجلس إدارة مركز شباب السفر لخارج الدوله
مع الاحتفاظ بعضويته فى مجلس الإدارة

فعلى مدار قرابة الثمانية أعوام ولا أحدا يعلم من هم اعضاء مجلس الإدارة ولكن مؤخرا وحينما اقتربت الفتره الثانيه من الانتهاء تم الإعلان عنهم

فهل يعقل أن يشمل مجلس إدارة مركز الشباب ٨ أشخاص منهم ٦ من عيله واحده
وهل يصح ان السته منهم اتنين خارج مصر لظروف عملهم
فكيف تدار اجتماعات مجلس الإدارة فى ظل سفر اثنان من اعضاوءه
وكيف تؤخذ توقيعاتهم وارائهم رغم سفرهم

13/12/2025

الميزانيه !!!!!!!!!!!
ولكم الحكم والتفسير ؟؟
قريبا

12/12/2025

👌🤌

بسم الله نتوكل على الله
مبدأنا من البدايه ثابت وهدفنا معلوم
لا منتظرين لقطه ولا شو ولا يلزمنا مصلحه من حد
دخلنا المجال الرياضي فى لقانه وحبينا نعمل حاجه محترمه والحمد لله نجحنا
كملنا وصممنا نسيب بصمه وأثر طيب والحمد لله ربنا وفقنا
دوالوقتي نوينا نكشف المستور ونعرفكم كل اللى مستخبي
وبنأكد ليكم اننا احرار و عندنا مبدأ ومافيش حد بيمشينا ولا فيه كلمه تودينا وكلمه تجيبنا

12/12/2025

بسم الله نتوكل على الله
مبدأنا من البدايه ثابت وهدفنا معلوم
لا منتظرين لقطه ولا شو ولا يلزمنا مصلحه من حد
دخلنا المجال الرياضي فى لقانه وحبينا نعمل حاجه محترمه والحمد لله نجحنا
كملنا وصممنا نسيب بصمه وأثر طيب والحمد لله ربنا وفقنا
دوالوقتي نوينا نكشف المستور ونعرفكم كل اللى مستخبي
وبنأكد ليكم اننا احرار و عندنا مبدأ ومافيش حد بيمشينا ولا فيه كلمه تودينا وكلمه تجيبنا

08/12/2025

أحمد سكر ومحمد برانيه
دول مش مجرد صحاب
دول اخين بجسدين فى روح واحده
سافروا واتغربوا لأجل لقمة العيش ودايما فى بالهم حلم وطموح ورؤيه لبلده وشبابهم
سعوا بعلاقاتهم ودفعوا من جيوبهم لأجل يعملوا حراك رياضي في بلد الكوره تكاد تكون اتنست فيها من سنين طويله
هما السبب الأول من بعد ربنا فى استقدام رعاه سعوديين لتنظيم بطوله رياضيه من وقتها وهى حديث الساعه وكل ساعه فى اى محفل رياضي
كانوا ممكن يستفادوا لكن يعلم ربنا انهم كانوا بيحطوا من جيوبهم وما اتأخروش لحظه فى سبيل إن البطوله تنجح ويسيبوا بصمه حلوه لكل الشباب
عملوها مره وكرروها تاني وقريب هنعلن عنها تالت
حقهم يتقالهم شكرا وحقهم إنهم يتقدروا
بدل ما يجي أصحاب القرار يشطبوا اسمهم كان المفروض يدعموهم لان احلامهم لسه كتير وسعيهم لتطوير المنظومه الرياضيه ما بتقفش
واللي بيتعمل فى اجتماعات مغلقه اكبر بكتير من فكر اى واحد قاعد على كرسي وبيقاتل عليه كأنه ورث وهيورثوا ..
عامة الايام اللى جايه هتكشف كتير وهنوضح فيها اكتر بكتير
لأن الجديد مش شديد وبس
الجديد أشد من الحديد

19/11/2025

مازال للأحلام بقيه ..

الدوى المصرى السعودى .. دى مش مجرد دورة كوره دا حدث هز أرجاء المحافظه كلها بدون مبالغه .. دا عمل نابع من فكر ومجهود شباب عندهم موهبه وعندهم رؤيه مختلفه .. والغرض الأول والأخير منه كان تخليد ذكرى طفل وبتوفيق من ربنا قدرنا نعمل دا بأحسن شكل ممكن .. فيه جمله كده بتقول " صدق نفسك تتصدق " ودا اللى حصل وأظن كل الناس اللى تابعتنا خلال الدوره حست بـ دا مننا وشافت اننا بنعمل حاجه مختلفه وحاجه هتعيش لسنين قدام متمثله فى إنشاء ملعب ملاك الجنه مصطفى محمد برانيه .. كل شبر فى الملعب دا بيفكرنا بالفتره دى فى حياتنا وبيحسسنا بالفخر ودا حقنا المشروع قياساً بمجهودنا المبذول خلال الدوره دى .. فـ احنا مش بنتكلم عن شئ خيالى او شئ ملوش وجود لأ احنا بنتكلم عن حاجه استثنائيه وعن قصه وحكايه تُروي بدل المره مليون مره .. عن شباب ملهمش أي صفه عمليه أو إداريه فى المجال الرياضى فى البلد وقدروا يعملوا حاجه زى كده .. الشباب دول بقى يستحقوا الدعم والمسانده واحتوائهم وتمهيد الطريق ليهم لإستكمال ما بدأوه ولتحقيق أحلامهم ولا مايستحقوش .. وهنا احنا مبنقصدش حد بعينه او جهه بعينها احنا بنتكلم على العموم .. مش كل الرزق فلوس .. الدورى المصرى السعودى بطوله بأجواءها بتفاصيلها بكل ما فيها تنطبق عليها جداً الجمله اللى بتقول " انها أشياء لا تُشتَري " وبنعدكم فيما هوا قادم " مازال للإحلام بقيه "

- اتحاد شباب لقانه " شباب اتحدوا ليبقى لهم أثر "

♥✨

01/11/2025

الدكتورة هالة ليست مجرد اسم نسمعه في الساحة الانتخابية بل رمز للعطاء الحقيقي ومثال للقيادة اللي بتعرف يعني إيه تكون قريبة من الناس بصدق وبساطة نحن ندعم الدكتورة هالة بكل فخر لأنها لم تكن يوما بعيدة عن الناس أو متعالية بمكانتها بل كانت دائما وسطنا بتشاركنا المواقف قبل الكلمات وبتساند في الميدان مش من بعيد
ما نقدرش ننسى موقفها العظيم في الدورة يوم ما كانت معانا كتف بكتف واقفة وسط الشباب تشجع وتشارك لا كأنها ضيفة شرف ولا متفرجة كانت واحدة مننا فعلاً بنفس الروح وبنفس الحماس
وقتها عرفنا إننا قدام شخصية مختلفة شخصية صادقة في كل خطوة بتتعامل بتواضع وأخلاق وبتحط إيدها في إيد الناس مش عشان صورة ولا مصلحة لكن عن قناعة وإخلاص الدكتورة هالة قدمت كتير في مجالات مختلفة وساهمت بدعمها في فتح الأبواب قدام شباب كتير ووقفت جنب الكل بدون تفرقة دايما تشجع الخير وتربط الناس ببعض بالكلمة الطيبة والموقف الجميل ومن الجميل إننا نشوف شخصية في منصب محترم تكون بكل هذا التواضع وتتعامل مع الناس كأخت قبل أي شيء
ومن هنا إحنا بنعلن دعمنا الكامل والصادق للدكتورة هالة مش لأننا أصحاب مصلحة لكن لأننا لمسنا بأعيننا وأرواحنا معدنها الأصيل وشوفنا إنسانة بتخدم بضمير وبتحس بالناس من قلبها
نثق إنها قادرة تعمل فرق حقيقي وإن وجودها في أي موقع مسؤولية هو مكسب للجميع
ربنا يوفقك ويسدد خطاك وإن شاء الله النصر حليفك

24/09/2025

من ستين سنة وقرية لقانه بتحلم إن يكون عندها ملعب يليق بشبابها وأولادها.. حلم كان بيتأجل ويتأجل وكل ما نحاول نوصله نلاقيه بيتسحب من تحت إيدينا

لكن بعد توفيق الله سبحانه وتعالى كان فيه شاب آمن بالحلم دا ورفض يسيب الفكرة تموت تعب وسعى ووقف قدام العراقيل وفضل ورا الموضوع لحد ما شُفنا النور وبقى لمركز شباب لقانه ملعب على أرض الواقع

هو شاب مش بيجري ورا مصلحة ولا شهرة بالعكس كل اللي عمله إنه صدق إن قريته تستحق الأفضل إحنا كلنا النهاردة لازم نقول كلمة حق إن الفضل بعد الله يرجع لواحد من ولاد البلد المخلصين اللي اتعلمنا منهم إن الإصرار بيحقق المعجزات

تحية تقدير واعتزاز لهذا الشاب المحترم اللي كتب اسمه في تاريخ قريتنا بحروف من نور 🌟وجعل من الحلم حقيقة لكل الأجيال اللي جاية

15/09/2025

تنعى صفحة الدوري المصري السعودي ببالغ الحزن والأسى وفاة الكابتن الخلوق خميس الحداد لاعب ومدرب نادي شبراخيت وأحد أساطير الرياضة وكرة القدم في مركز شبراخيت كان الفقيد بمثابة الأب الروحي لكل رياضي في مركز شبراخيت والقرى المجاورة وقد ترك بصمة لا تُمحى في قلوب الجميع

نسأل الله عز وجل أن يتغمده بواسع رحمته وأن يلهم أهله وذويه الصبر والسلوان
وإنا لله وإنا إليه راجعون