world.gym

19/11/2018

قال النبي صلى الله عليه وسلم: (( لما عرج بي مررت بقوم لهم أظفار من نحاس يخمشون وجوههم وصدورهم فقلت من هؤلاء يا جبريل قال هؤلاء الذين يأكلون لحوم الناس ويقعون في أعراضهم )) رواه أبو داود

حابب اتكلم ف نقطه مهمه بتحصل ف معظم الجيمات ومع المدربين بالذات

_ بلاحظ شباب كل م تروح جيم أو تتعامل مع مدرب تغلط ف المدرب اللي كان معاه قبل كدا أو المدربين عامه ويحسسه انه احسن واحد ف الدنياا ع أمل انه كدا كسب المدرب وهيديله الخلاصه
_وللاسف ف مدربين بتسمعلهم
_وبلاحظ شباب يبقا المدرب تعب معاهم ووصلهم لنتائج عمرهم م كانوا يحلموا بيها وينكروا ومع اول خطوه بيبعوه

أحب اعرف كل شخص فاهم انه لما يجيلي ويقولي انى احسن واحد ف الدنيا ويغلط ف مدرب صحبي انا كدا هسكتله يبقا عبيط دا انا هضربك بالجزمه

أحب اعرف كل واحد بينكر فضل مدربه ان دا كله بيرجع لاصلك وتربيتك وكمان عمرك م هتوصل مبقاش حد عبيط.

ياريت نبطل كلام ف حق حد علشان المصلحة.

29/06/2018

🛑علشان تعمل نظام غذائي صح لازم تحسب النسب اللي داخلة جسمك قد ايه سواء بروتين او كارب او دهون
لما تعمل نظام عذائي لازم ترجع للنسب دي وتاخد النسب اللي جسمك محتاجها فاليوم من السعرات الحرارية

✅افهم تغذية كويسة واعمل نظام غذائي مظبوط 👌🏼

✅٧٠٪؜ من النتايج بتعتمد علي التغذية بتاعتك 😉💪🏻

ك. باسم الكشكي

03/04/2018

الساحه دي بتاعتي وانا اللي شاكمهااا شعبيه الاهيه عمري ف يوم ما اسيبهااا😈
حاببني مش حاببني لو جربت مش هتسبني ولو فكرت ف يوم تراقبني اعمل سيرش وخش وجبني ✋🏻😈😎🤫👻

☢ حبيبي ياربنا ☢

22/12/2017

💞👬
انااااا مسحت ناس كتير ملهاش لازمة عندي في الاكونت يعني كل واحد عندي دلوقتي مكانو هنااااااااا ⬅⬅⬅❤❤❤❤❤ 😀 !! يا رب تدوم علينا سنه سعيدة علينا و الصحبة الحلوة ومحبة الناااااس وفعل الخير 💪

17/11/2017

الألم القطنية 🎯

دا الموضوع اللي هتكلم فيه النهارده وياريت الناس تفهم الكلام دا وبساطة

أسباب وجع أو أصابه القطنية؟

1. منطقة القطنية من المناطق الرئيسية ف جسم الإنسان وبيكون عليها حمل كبير

2. حمل أوزان ثقيلة ع الجسم بطريقه غير صحيحة

3. ممارسة التمارين الرياضية بحماس شديد أو اندفاع مما يؤدي إلى الإصابة

4. عدم التسخين أو الإحماء الكافي قبل ممارسة التمارين الرياضية وخاصة وتمارين #الرجل

🎈 طيب يا رخ احنا كدا عرفنا الاسباب دلوقتى نعمل ايه بقي علشان نتجنب الإصابة؟

اقولك تعمل ايه💡
1. اعمل احماء كويس قبل التمرين وخصوصا ف الشتاء

2. اتعلم أداء التمارين الرياضية
او اسأل المدرب بتاعك عن كيفيه أداء التمرين بطريقة صحيحة

3. حزام الضهر ودا أهم حاجة لازم تركز عليه هيفيدك جدا وخصوصا ف تمارين الضهر والرجل

4. لازم تتعلم أداء تمرين الديد ليفت بالبلدى القطنية بالبار يعنى

5. حاول ع قد م تقدر تهتم بالتغذية بتاعتك والخضار والفواكه بجميع انواعها علشان أعصابك تكون حديد🔩

يارب اكون قدرت انى اوصل معلومة مفيدة 🔥

#ك.باسم الكشكي

21/10/2017

آه لو تعرف إن كل الظروف الصعبه اللي قابلتك في حياتك دي كانت عشان تخلي لنجاحك طعم🌸 مش عشان توقفك مكانك وتخليك متكملش💪
كمل واعمل نفسك بنفسك متستناش حد ✋

👊ك.باسم الكشكي 💪

18/10/2017

واللي مجربش يلعب رياضة والله فاته حاجات كتير 🙈💪
انا مش بقول كدا علشان دا مجالي!
بس فعلا انا بعتبرها أمتع حاجه ف الدنياااا😍♻

الناس اللي مش بتمارس رياضة!! قولي ايه مشكلتك؟ 😕

#ك.باسم الكشكي💪💪💪👊

31/07/2017

فى ناس كتير اوى بتسالنى على المكملات الغذائية
المكملات من اسمه هوا مكمل مينفعش تعتمد عليه . لازم نظام غذائي سليم و انا بنصح الشباب اول سنه تمرين طبيعى اعمل أساس صح.
فكرك المكمل ان مثلا لو جسمك محتاج ٣٠٠ جرام بروتين يوميات خد من الاكل ٢٥٠ جرام على أربع أو ٥ وجبات و ال٥٠ جرام الباقيين من المكمل . احسن حاجه ال whey بروتين لانو سريع الامتصاص و احسن وقت تخده بعد التمرين على طول . شركات المكملات بتقول الحد الأدنى لاستخدام المكملات ١٨ سنه و انت بنصح بعد ال٢١
أسس جسمك صح و متستعجلش.
معا تحيات .ك باسم الكشكي

22/07/2017

دايماً أي حد بيحاول يوصل لهدف معين, بيبقى حواليه عقبات كتير.. منها الشخص نفسه, ومنها الناس اللي حواليه.

الجزئية الخاصة بيك دي حاول تتغلب عليها, جرب ومش هتخسر حاجه, يوم ماهتجرب ومش هتنجح خلاص, أهو إسمك ارتحت وجربت الحاجة اللي نفسك تعملها وماتوفقتش فيها, وع الأقل مش هتندم بعد كدا وتقول ياريتني جربت.
ولو نجحت, خلاص أهو إسمك بقيت بتعمل الحاجة اللي بتحبها وبقت شغلك.. ومافيش حاجة أمتع ف الدنيا من إن الواحد يشتغل الحاجة اللي بيحبها ويعمل منها فلوس.

بالنسبة لجزئية الناس, هتكلم عن المجال بتاعي..
في الأول هتلاقيهم قاعدين يقولولك بتعمل كل دا ليه؟ انت أصل دماغك فاضيه, وماعندكش مسؤوليات تشيلها.. هتستفاد ايه ف الأخر؟ ياعم عيش عيشة أهلك.. حوش بقى عشان تلاقي بنت الحلال اللي تستتك, وتتجوز وتخلف وتاخد الزباله ف إيدك وانت نازل :D

ف انت هتنفضلهم وتفضل مكمل, هتلاقيهم بيتريقوا عليك من وراك, ويقولك دا دماغه فاضيه وفلوسه كتيره وبكره يعقل.. وانت منفض برده, لإنك خلاص أخدت العزم على حاجة ومشيت فيها, وراهنت بكل اللي عندك عليها.. ف مش كلمتين منهم هما اللي هيرجعوك لورا أو هيأثروا على نفسياتك..
وخطوة ورا التانية ورا التالته هتلاقيك بتقرب, ومش هياخدوا بالهم غير اما انت توصل.

وساعتها هتفتكر المثل اللي بيقول ''في البداية سيسألونك لماذا؟ وفي النهاية سيسألونك, مافيش نظام غذائي علينا ياكوتش؟ :D ''
هو انا ماعرفش مين قاله بس هو حلو يعني :D

اتعلم ماتسفهش من أحلام حد مهما كانت صغير, ومهما كنت تافهه بالنسبالك... احلامك برده بالنسبة لناس تانيه تافهه.

معا تحيات ك. باسم الكشكي

17/07/2017

زي ماقولت قبل كدا, كل واحد ليه نظام غذائي بيختلف عن التاني.. ودا بيعتمد على الحاله اللي هو فيها, ونوع جسمه, والهدف اللي عايز يوصله, ومعدل الحرق بتاعه.

طيب أكل إيه؟
مبدأيا عندنا حاجات, بندخلهم في أكلنا.. البروتين, الكاربوهيدرات, الدهون والفيتامينات.

طيب إيه مصادر الحاجات دي؟

-البروتين, أحسن مصادر ليه.. صدور الفراخ أو الرومي, بياض البيض, اللحوم الحمراء, التونة, سمك البلطي.

-الكاربوهيدرات, أحسن مصادر ليها.. البطاطا الحلوة, الشوفان, البطاطس, والفول الأخضر كويس برده, والأرز البسمتي والكينو.

-الدهون, أحسن مصادر ليها.. الأفوكادو, اللوز, زيت الزيتون والكاجو.

-والفيتامينات بناخدها من الخضروات, زي البقدونس والفلفل الأخضر وغيره.

مصادر الأكل اللي كاتبها فوق دي, أكتر حاجات مفيدة للجسم, يعني بروتين مش مُصنع زي الهوت دوج وغيره, وكاربوهيدرات معقدة, ودهون غير مشبعة.

طيب لو عايز أعرف القيم الغذائية والسعرات اللي في كل أنواع الأكل, أعمل إيه؟
تقدر تدخل على الموقع دا, وتكتب نوع الأكل اللي هتاكله, وهيطلعلك ال details كلها.
http://caloriecontrol.org/healthy-weight-tool-kit/food-calorie-calculator/?

-P.S. الصورة دي عبارة عن جزء من البروتين اللي بيدخل جسمي يوميا, وإعتمادي الأساسي على صدورالفراخ، القلي بيكون ب cooking spray 0 calories .. أما بالنسبة للأخضر اللي عليه دا, دا أسبارجوس أو هليون, ودا كويس جداً لتنزيل .ك.باسم الكشكي

17/07/2017

من أكتر الحاجات اللي بتضايقني فعلا ف الجيم وبتضحكني في نفس الوقت، اما تلاقي واحد لسه أول يوم داخل الجيم، داخل يشاور على صور أكتر عمالقه في كمال الأجسام ويقولك "أنا مش عايز أبقى زي دا ياكوتش"

إطمن، عمرك ماهتبقى زيه ولا بعد ٢٠ سنة.. دول ناس بتاخد ستيرويدز، والمكملات بتجيلهم لحد عندهم من السبونسرز، وبياكلوا فوق ال ٧ مرات ف اليوم، غير انهم بيتمرنوا من عشرات السنين وعايشين للعبة دي، وكمان جيناتهم حلوة..
وفي ناس بتطبخلهم كمان يعني، ومدربين شخصيين تحت اديهم ليهم هما... يعني اللي انت بتصرفه ف شهر، هما ممكن يصرفوه ف يوم 😂

ف نهدى كدا يارجاله، ونركز على نفسنا، ونقارن نفسنا دلوقتي، بالشكل اللي كنا عليه من فترة مثلا فاتت، مش بحد تاني.

معا تحيات .ك.باسم الكشكي

07/07/2017