الصفحه الرسميه لنادي غزل كفر الدوار

20/01/2018

مركز شباب الحبانيه
(مجلس اداره سابق _ مجلس اداره حالي _ احمدامين _رمضان عرفه _ اشرف جمعه _محمدالسيد ) مع حفظ الالقاب طبعا .
كلها سبوبات في نادي غزل كفر الدوار تحت رعايه مدير عام النادي الجديد .
كله في الخفاء لا يعلم بها احد وكارنيهات للناشئين بفلوس وكلها مصالح يا عم الحج .
واكاديميات لايعلم عددها الا الله وكلها في الخفاء وما خفي كان اعظم ان في لعيبه في الناشئين اتاخد منها فلوس علي امل انها تكون موجوده داخل النادي من مدربين الاكاديميات والمشرفين عليها وكله بما يرضي الله

01/01/2018

كل سنه وانتم بالف خير
بعد طول انتظار الفريق الاول في التصفيه النهائيه للممتاز ب
طبعا احنا كلنا يد واحده خلف الفريق الاول لتحقيق هدف الصعود لا وقت للمهاترات لا وقت لطلبات ماليه لا وقت ل.....
اللعيبه كلها تبقا رجاله مش تدخل هنا علي الصفحه تقول فين الفلوس ونكلم مجلس الاداره وعايزين كلام وخلاص وللاسف كلها لعيبه كبيره ما ينفعش منها الكلام ده .
بالنسبه لمجلس الاداره اللعيبه دي ليها حق علي النادي فعلا وليها مستحقات ماليه فعلا وعاملين انجاز وطبعا لازم التحفيز للصعود وده واجب علي الصفحه انها تتكلم في الموضوع ده .
طيب لا قدر الله ربنا مش كتب لينا الصعود الحساب هيبقا مع مين هل سيقوم مجلس الاداره انه يقوم باقاله الجهاز الفني .
ولا اللعيبه هتاخد الفلوس ولو مافيش صعود هياخدوها تاني منهم لازم يا جماعه يكون في ثواب وعقاب مش موضوع فلوس وخلاص .

27/11/2017

السبوبات
بدل ما قاعدين تتكلمو علي فلوس الفريق الاول والتطبيل والتهليل والنفاق ماتيجي نبص احسن علي السبوبات المفتوحه داخل النادي وبعلم الاداره .
فلوس بالجمله من قطاع الناشئين لجيوب المدربين ولا حسيب ولا رقيب والايام اللي جايه هنكشف كل المبالغ الماليه اللي داخله جيوب المدربين .
اما الجهاز الفني للفريق الاول يا هل تري احمد الصاوي لو لسه موجود كانت اللعيبه هتعمل اضراب .
طيب عصام خليفه اخباره ايه كويس .
يا ريت تبطلو كلام شويه وتركزو في انكم تصعدو علشان انتم كده كده فضايحكم بقيه كتير قوي واللعيبه اللي كانت بتقول بنلعب ببلاش علشان خاطر اسم النادي واللي كان بيطبل لرئيس الشركه اللي فات وكلها بوستات موجوده وانتم عارفين ان مافيش فلوس ودي حاجه مش جديده .

25/11/2017

العصابه والنفاق
عندما يجتمع الاثنين نقدر نقول يا رحمن يا رحيم وفي نادي غزل كفر الدوار للاسف مجتمعين .
عصابه لانهم بيحرضو الفريق الاول علي الاضراب وعدم النزول للملعب الا بعد صرف مستحقاتهم الماليه المتاخره طبعا ده حق اللعيبه لانهم بيجتهدو وبيعملو اللي عليهم بس ممكن سؤال ليه في الوقت ده وفي الميعاد ده بتعملو الاضراب مع ان كان رئيس الشركه السابق كان موجود برضو ومستحقاتكم الماليه كانت متاخره ولا ده امر من الجهاز الفني للفريق الاول لانه ليس علي هواهم .
مع احترامنا ليكم كلعيبه كوره بس انتم اجبن من انكم تاخدو قرار زي ده من خلف كواليس الجهاز الفني .
طيب فين حساب الشركه علي عدم الصعود من كااااااااام سنه مش ليها حق تسال برضو ليه مافيش صعود مع الجهاز الفني الدائم للنادي . ..................... نفاق + عصابه = الجهاز الفني لنادي غزل كفر الدوار

03/11/2017

المطبلاتيه
الي الاخ الفاضل المحترم قوي جدا ( خالد ابو تريكه ) اسفين خالد باشا ابو تريكه
الصفحه دي للمحترمين بس لو حضرتك عايز تشتم وده العادي اللي ناس متعوده عليه منك في اي مكان لانك اتفضل بس بعيد عن الصفحه لو عايز تعرض برضو اتفضل بس بعيد عن الصفحه عايز تقول حاجهه محترمه هنسمعك كلنا .
بتشتم في رئيس الشركه ليه علشان وقف ناس حراميه عند وضعها علشان بيبين الحق من الباطل علشان هتتكشفم كلكم عجبت لك يا زمن .
نقيض بين هذا وذاك عموما الايام دول ............

19/10/2017

( العصابه )
الجهاز الفني للفريق الاول والسبوبه يتم توزيعها بما يرضي الله .
1- رمضان عرفه واخد قطاع الناشئين والفريق الاول وتنجيل الملاعب والمدير الفني الدائم للنادي اكثر من 14 سنه يعني دفعته اخدت لواء .
2- احمد امين المنسق العام لكل النادي وتنجيل الملاعب واي سبوبه اخري وكان متهم في الماضي ببيع مباراه والاوراق موجوده وهو اللي ماضي عليها في الشؤون القانونيه مش حد تاني .
3- مجدي عطيه راضي باي سبوبه موجوده حتي لو مش ليه دور المهم الكابتن راح الكابتن وصل وبرضو ماضي قبل كده .
4- اشرف جمعه الفريق الاول والبوابه واكاديميه خاصه فريد شوقي بتاع النادي ومتورط في الماضي برضو بس ده مش ماضي علي ورق الصراحه .
5-محمد عبد الوارث الفريق الاول والماليات واكاديميه مش عارفين خاصه ولا تبع النادي مش مهم المهم السبوبه ماشيه .
6- عطيه شلبي مخطط بدني او طبيب او بتاع كوره اهو كله ماشي المهم اكون موجود وخلاص
7- مدرب حراس المرمي ده بقي اللي حكايه لوحده طالع معاش من كام سنه وجه تاني بفرمان من ( احمد الصاوي - عصام خليفه ) و ( رمضان عرفه _احمد امين ) مش مهم ان حمدي عبد الجواد يمشي المهم انتم جبتم مين مش مهم اهو الراجل يسترزق
8- كمال حنفي دكتور الفريق الاول وقطاع الناشئين والحالات الحرجه اخصائي بواسير ومسالك بوليه وقلب وكمان جلديه .وتاجر ملابس حريمي ورجالي وترزي .
9- خالد ابو تريكه وشهرته خالد حامد ده بقا حكايته حكايه في الاصل عامل ملابس بقا ليه كلمه في النادي وجاب واحد اسمه ضياء خريج سجون وبقا هو الرئيس عليه .خرج علينا من كام يوم ببوست بيشتم فيه رئيس الشركه الجديد وبيقول منظومه فاشله وانت تطلع مين علشان تشتم رئيس الشركه يا فاشل انت بتسترزق من كله حتي مش سايب الحكام .
10- مدربين قطاع الناشئين ودول ليهم بوست لوحدهم عطيه الجازوري .ابراهيم النونو .رجب شعوذه. وعجبي عليك يا زمن علشان تتاكدو ان النادي ده اللي بيتحكم فيه هما __________العصابه___________

10/10/2017

بعد السلام عليكم
احداث كثيره قوي وملتهبه داخل جدران النادي .
الكرسي مش دايم لحد لو دام لغيرك مش كان وصلك .
الفريق الاول يحلق مغردا بالمركز الاول في مجموعته شابو للعيبه الرجاله ومزيد من التقدم نحو الصعود نحن صفحه لا تعرض الحقيقه لو علي رؤوس الاخرين او رؤوسنا .
قطاع الناشئين والسبوبه اللي ماشيه فيه مدربين ومصالح طبعا كل كفر الدوار تعرف مين المدربين دول وازاي دخلم النادي ولنا بوست كامل لهذه السبوبه القائمه وعلي راسها رمضان عرفه اللي هو مش عارفين رئيس الشركه ولا رئيس النادي ولا المدير الفني ولا رئيس قطاع الناشئين ولا لعيب ولا ......
بالنسبه للكابتن عبد الرحمن اللي هو وزمايله اتمنعو من الجري علي اسفلت الملعب بعد التمرين ممكن لرئيس النادي يشوف حل للشباب اللي عايز يمارس الرياضه بما يناسب النادي ودون المساس بحقوق الاخرين زي مثلا الكارنيهات اللي طلعها احمد امين ورمضان عرفه لمدرسه الكوره وقطاع الناشئين واللي رئيس الشركه مش يعرف عنها حاجه .
اظن من حق اي شاب انه يمارس الرياضه في مكان مخصص للرياضه والرياضين ولا المكان ده مفتوح لافعال اخري .......

02/10/2017

الفساد المالي والاداري بنادي غزل كفر الدوار .
يا هل تري ستكون هذه بدايه النهايه للفساد المتغلغل داخل جدران نادي غزل كفر الدوار بعد خروج الاستاذ احمد الصاوي والاستاذ عصام خليفه من مناصبهم .
طيب الي الاستاذ رئيس شركه غزل كفر الدوار .
بعد التحيه .
بما ان حضرتك بتحارب في الفساد وده اللي كل كفر الدوار عرفته واملنا في ربنا ثم حضرتك كبير ان الفساد داخل جدران النادي لاحدود له ولا نستطيع ان نوصفه من حوالي سنتين ونحن كشباب محب لهذا المكان نكتب ولا حياه لمن تنادي سرقه في نصب في محسوبيات في رشاوي والخ ......
اعضاء الجهاز الفني للفريق الاول لا نستثني احد متورطين في فضائح بالجمله
اولا . استمارات قطاع الناشئين اين ذهبت هذه الاموال وكنا قد نبهنا قبل ذلك علي العدد .
ثانيا . قيام احمد امين المشرف علي النشاط الكروي بالنادي هو ورمضان عرفه المدير الفني للفريق الاول بقيامهم بجمع مبلغ 25 جنيه من كل طفل في الاكاديميه او قطاع الناشئين لعمل الكارنيهات لدخول النادي اين هذه الكارنيهات ثم اين هذه الاموال . والناشئ هل من المعقول ان يدفع مبلغ لعمل كارنيه لدخول النادي وهل هذا معقول .
اشرف جمعه ومحمد السيد اين الاكاديميه الخاصه بالنادي ما هو ميعاد تدريبهم وهل التمرين داخل النادي او خارجه واين مبالغ هذه الاكاديميه .
ولنا لقاء مرتقب مع فضائح جديده

25/09/2017

يا هل تري روحت تعزي يا رمضان عرفه 😂😂😂😂😂

سؤال رياضي
يا هل تري ممكن مدير فني يقعد اكتر من 5 سنين في فريق .
طيب لو قولنا 7 ......... طيب لو 10 كده اوفر قوي ....................
لو 14 سنه ماسك نفس الفرقه ده انت دفعتك بقيت لواء دلوقتي وده المدير الفني لنادي غزل كفر الدوار ك رمضان عرفه اكتر من 14 سنه مدير فني طيب ممكن نقول انجازاته ...........
مره وحيده صعود للممتاز (ب)
بس خلص الكلام

25/09/2017

المولد

المنسق العام

طبعا احنا فاكرينها بتتكتب كده لكن هما ليهم وجهه نظر اخري اللي واضحه في الصوره وده بيدل حتي علي الفشل في كتابه وظيفته .
تشكيل الاجهزه الفنيه لنادي غزل كفر الدوار تربيطات وعصابات ونفس المجموعه لا تغيير فشل * فشل كل سنه يحصل خناقات ونفس المجموعه تفضل 😀😀😀😀
طيب يا رئيس الشركه بدل حضرتك ما بتتدخل في شؤون النادي ازاي ساكت علي علي بلطجي موجود داخل النادي ويتم التستر عليه ولا المنسق العام مفهمك غير كده 😎😎😎😎😎😎
ما هي كواليس لقاءات حمدي عبد الجواد وموضوع نقله من النادي الي داخل الشركه هو ده التغيير تمام يا ريس طيب وبقيت العزبه زي ما هما من اول البوابه ولا هيكون النظام معاهم ايه ناس غلطط في الجيش وصفحه تابعه ليهم معرضه وسرقه وبلطجه ومخدرات داخل النادي ناقص ايه تاني .
هي الحقيقه دائما بتوجع وبتبقي طعمها مر