https://www.facebook.com/109336497491664/

C Eslam Mo, Hurghada (2026)

04/06/2025

𓁳 𓅓 C Eslam Mo 𓅓 𓁳
🔹Certified personal trainer
🔹Fit coach ~ Online coach
🔹Sports nutrition specialist
🔹Sports Injury specialist
🔹First aid and cardiopulmonary resuscitation specialist

25/03/2025

فـ البوست دا هقولك ازاي تتعالج بكل سهوله من مقاومة الأنسولين أو مرحله ما قبل السكر أو حتي السكر من النوع الثاني
هقولكم بخطوات سهلة ومنظمه .. فـ ركزوا كويس؛

🔹اولاََ كلنا عارفين أن السكر التراكمي بيقيس نسبه الجلوكوز المرتبط بالهميموجلوبين جوه كرات الدم الحمراء .. فـ هو بمثابه ذاكره بيحفظ التغيرات اللي بتحصل في سكر الدم في خلال 3 شهور

🔹نسبه السكر التراكمي الطبيعي بين 6.5 لـ 5.5 :
1- هي لو اكتر من 5.6 لـ 6 .. دي مقاومة انسولين
2- و لو من 6 لـ 6.4 .. دي مرحله ما قبل السكري
(مقاومة انسولين شديده )
3- و لو عدي الـ 6.5 فـ انت مصاب بالسكر من النوع الثاني

🔹طيب اي اعراض مقاومة الأنسولين اللي تثبت أنها عندك؟
🔸اهم الاعراض هي :
▪️ تغيير في لون و سمك و شكل الجلد في الرقبة و بين الفخذين و الابطين و مفصل الكوع ..
▪️ظهور زوائد جلدية في ثنايا الجسم.
▪️زيادة محيط البطن .. خدي بالك ان الأهم عندي توزيع الدهون مش وزنك كام .. ممكن واحد رفيع بس عنده كرش و يطلع عنده مقاومة انسولين.
▪️كمان ممكن تظهر على شكل تأخر في الحمل و تكيسات في المبيض.
▪️بتعملي دايت و مش بتخسي أو بتنزلي وزن بصعوبة .
▪️عندك شراهة دائمة للسكريات و النشويات حتي لو لسه آكله.

⬅️ أول خطوه في العلاج هي أكلك .. تظبيط أكلك أهم حاجه فـ الموضوع :

🔹هيكون أكتر كلامنا عن النشويات .. هنرتب كل حاجه
يعني لو بتاخد رغيفين خليه رغيف ، ولو رغيف يبقي نص رغيف
ولو بتاكل طبق رز كبير خليه طبق صغير يعني من 6 لـ 7 معالق .. طيب م انا كده هجوع لا مش هتجوع ..

🔹هنحط جمب اكلنا خضار زي الكوسه واللوبيا والفاصوليا والسبانخ .. منها إنها ألياف فـ هتشبعك ومنها لو هتعملها بدهون صحيه زي زيت الزيتون أو السمنه البلدي أو الزبده الفلاحي أو زبده الفول السوداني والدهون الصحيه
فـ كمان هتديلك طاقه فـ مش هتحس بهبوط
ولازم تحرص علي طبق السلطه ويكون كبير وفيه كل الخضروات الخضراء والألوان و يفضل مع كل وجبه.

🔹ولازم تبتعد كل البعد عن السوبر ماركت والحاجات المُصنعة والفاست فود بكل أشكاله .. و أي مشروبات غازيه او عصائر المصنعة.. متقربش ناحيه السوبر ماركت اصلاََ
وبالنسبه للفاكهه متاح تاخد ثمره فاكهه من اللي المؤشر الجلايسمي بتاعها منخفض زي تفاحه او موزه أو برتقاله
ويفضل تاخدها مع وجبه من وجباتك .. مش لوحدها

⬅️ تاني حاجه في الخطه ..
عاوزك تأجل الفطار بتاعك
من ساعتين ل 3 ساعات بعد ما تصحي من النوم
وقبل م تنام ب 3 ساعات متاكلش اي حاجه
وفي خلال الوقت ده انت ممكن تاكل حبة تمر واحدة بس او تاخد معلقة عسل نحل صغيرة بمعلقة خشب أو تشرب سوائل أو اعشاب او تاكل سلطة 🥗
والمهم كل دا بدون سكر ولا سكر دايت كمان
انت كده ماشي صيام متقطع.. وحوالي ١٤ ساعه كمان..

⬅️ تالت حاجه في خطتنا ..
تخلي الوجبات كلها .. فطار وغدا وعشا في نطاق الـ 8 ساعات ... يعني مثلا تفطر 11 وتتغدي 3 وتتعشي 7 وهكذا

⬅️ رابع حاجه في خطتنا ..
عاوزك تمشي بعد كل وجبه 10 دقايق في البيت عادي أو فـ الشارع .. وخليك حريص علي دا فـ اغلب الأوقات
ومشي بسرعه متوسطه لا سريع اوي ولا بطئ اوي
المشي بالنسبة لمرضى السكر بيقلل سكر الدم بنسبة كبيرة جدا اكتر من 40 %

⬅️ خامس حاجه في خطتنا ..
النوم بدري .. النوم الليلي المنتظم هيظبطلك كل هرمونات جسمك .. السهر مدمر لكل هرومونات الجسم
النوم الليلي المنتظم يعني الساعه 10 أو 11 بالكتير تكون نايم .. النوم بجد عليه عامل يتخطي الـ 40 % من نجاح العلاج.

⬅️ سادس حاجه في خطتنا ..
هي 5 مكملات هندخلهم في نظامنا الغذائي ونحافظ عليهم كل يوم هقولكم عليهم فـ البوست القادم؛

▪️أول مكمل .. هو الجنزبيل الفريش
هنجيب قطع من الجنزبيل الفريش ( الأخضر )
تقريبا من 2 إلى 4 سنتي وتقطعها لشرايح وتحطها تغلي مع كوبايتين مياه حوالي 5 دقايق وبعدين تصفيها وهنحط الجنزبيل في التلاجة وتعصر عليه نص ليمونة
وبعدين تشرب كباية من الجنزبيل قبل الوجبة بنص ساعة مرتين في اليوم
🔹ليه ؟ لانه يقلل مستوى السكر في الدم ومضاد قوي للالتهاب ومضاد للأكسدة قوي
🔹طيب مين اللي مياخدوش الجنزبيل ؟
اللي بياخدوا أدوية سيولة لازم تسأل طبيبك الأول
وكمان اللي بياخدوا أدوية ضغط الدم المرتفع لازم تسأل طبيبك الأول ودا مهم جداََ جداََ.

▪️تاني مكمل .. وهي الألياف وهنا هنستخدم الألياف الذائبة في المياه وعايزك تاخدها في صورة مكمل اسمه سيليوم هاسك ( قشور السيليوم ) وفايده الألياف أنها أولا حاجه هتحسسك بالشبع .. تاني حاجة بتخفض مستوى سكر الدم ..تالت حاجة بتخفض مستوى الكوليسترول والدهون الثلاثية
🔹طيب جرعتها بناخد معلقة صغيرة وقبل ما تعمل چيل بشربها وتشرب وراها كوب ماء لكن أهم حاجة مع الألياف إنك تاخد كميات كبيرة من المياه .. على الأقل كوباية مياه كل ساعتين يعني 8 كوبايات مياه في اليوم
فالألياف إن شاء الله هتفيدك جداََ وهتحسسك بالشبع لفترات طويلة وكمان هتقلل وتتحكم في مستوى السكر في الدم.
▪️ثالث مكمل .. فيتامين د٣ و طبعاََ كلنا عارفين اهمية فيتامين د٣.. ومهم جداََ فيتامين د لمرضى السكري
لو ظبطته هيقلل مقاومة الانسولين ويتحكملك في مستوي السكر في الدم.

هنستعمل من 3 إلى 5 آلاف وحدة كل يوم
وتحافظ عليه لمدة 3 شهور وتوقف شهر ونرجع ناخد تاني 3 شهور وتوقف شهر وهكذا .. وخد بالك لازم فيتامين د ياجماعه ويكون مستواه من 50 لـ 80 معاك.

▪️رابع مكمل .. الماغنسيوم جليسينيت وخد حبايه منه قبل النوم 400 ملجرام لـ 500 ملجرام
الماغنسيوم بيساعد في دخول السكر الي داخل الخلايا فبيخفض مستوى السكر في الدم وكمان مهم جداََ في الأرق ويساعدك في النوم الليلي المنتظم.

▪️خامس مكمل .. الزنك من 25 لـ 50 مليجرام يومياََ
لانه يشبه الأنسولين كيميائياََ ووظائفياََ فلما يدخل الخلايا
الخلايا بتبعت للبنكرياس إشارة متبعتش انسولين تاني
وبدون الدخول في تفاصيل هيساعد في خفض معدل السكر في الدم وعلاج مقاومه الانسولين

▪️سادس مكمل الكروميوم .. بيزود مستقبلات علي جدار الخلايا فيخليها تقدر تستقبل انسولين وتقدر تخزن جلوكوز ف ده يخلي مستوي الجلوكوز يقل في الدم ولما يقل الجوع هيقل والالتهابات هتقل ويقلل كمان تكيسات المبايض
من اي مصدر كروميوم بالصيدليه
هناخد 200 ميكرو جرام في اليوم من اي مصدر دواء بالصيدليه

⬅️ مدة العلاج تتراوح ما بين 3 لـ 6 شهور
بعدها الجسم بيرجع طبيعى .. طبيعى بمعنى انه بقى مستعد و انه بيخس .. يعنى انت كل الفتره دي بتتعالج ومش شرط تكون بتخس جامد .. يعني هتخس ببطئ وتتغير.

⬅️ المهم فـ نجاحك طول الفتره دي صحتك تكون أحسن و مقاساتك وشكلك بس.
و طالما بتتحسن يبقي انت ماشي صح ☑️

🔹يعنى مش كل دقيقة تبص على شكلك و الميزان وكدا
فاهمين!

🔹فـ أصبر والتزم وارمي الميزان مش بتاعك ولا يخصك دلوقتي ..فاهم!

🔹الموضوع في بدايته صعب حبة انا عارف بس ده علاجك والله.
ولو صعب تطبقه .. روح لأخصائي تغذيه شاطر اوي

⬅️ طيب هفضل كده طول عمري مانع عن نفسي كل حاجه؟
لا طبعا لحد ما جسمك يرجع طبيعى ويتعافى تماماََ و وقتها ترجع لـ كل حاجة بحدود .. تاني اهو بحدود .. وجسمك يرجع يقبله من جديد و يتعامل معاه بـ شكل طبيعى .. لاكن فى الوقت الحالى لاا .. لأن جسمك بيعاني ولازم يفوق ويتخلص من المخزون الكتير اللي جواه و يستخدم منه .. ومش هيستخدم منه غير لما تقطع الجديد اللى داخله طول الوقت ..
وده دور طبيب التغذيه الشاطر اوي اللي يفهمك جسمك ويساعدك ويفهمك طول رحله الدايت .. أتمني تكونوا فهمتوا حاجة تفيدكم من كلامي، وتحت أمركم فـ اي حاجة فـ اي وقت ابعتوا عالخاص للإستفسار اكتر.

𓁳 𓅓 C Eslam Mo 𓅓 𓁳
⚡Certified personal trainer
⚡Fit coach ~ Online coach
⚡Sports nutrition specialist
⚡Sports Injury specialist
⚡First aid and cardiopulmonary resuscitation specialist

28/01/2025

🔹هنا بعض المعلومات عن التغذية السليمة👇🏻 :

🔰اكل رز ولا مكرونه؟
- الأرز أفضل .. المكرونه يعني دقيق.

🔰أشرب قهوه ولا نسكافيه؟
- القهوه افضل و أفيد.

🔰أستعمل سكر أبيض ولا سكر دايت؟
- ولا ده ولا ده استعمل عسل نحل.

🔰كورن فليكس ولا شوفان؟
- مفيش مقارنه اصلا .. شوفان طبعاََ.

🔰اكل فاكهه ولا أعملها عصير؟
- كل فاكهه أفضل و سعرات أقل والياف اكتر.

🔰لبن خالي الدسم ولا كامل الدسم؟
- كامل الدسم ونشيل الوش عشان نستفيد بالفيتامينات اللي فيه.

🔰زيت ذره ولا زيت زيتون؟
- زيت الزيتون اكيييييد (وخد بالك إنه مينفعش يتسخن)

🔰أفضل نوع فيتامينات اشتريه من الصيدليه؟
- كُل سلطه وخضار طازج بكل الألوان كل يوم مش هتحتاج اي شيء ولو حابب تزود الكمية وتبقا ف أمان اكتر هات اي نوع MULTIVITAMIN.

🔰أشتري ( كبسولات اوميجا 3 )؟
- كُل اسماك (مشويه)مرتين الى ٣ في الاسبوع مش هتحتاجها ان شاء الله ولو مش هتقدر هات اوميجا.

🔰كانز دايت ولا عصير من غير سكر؟
- اشرب عصير فريش لو مش هتقدر تاكل الفاكهة او اشرب ماء كتييير.

🔰مكسرات نيه ولا محمصه؟
- نيه بس اتاكد إنها مش متخزنه.

🔰اشتري صن بايت ولا فورنو؟
- اعمل فشار في البيت.

🔰ممكن اكل قطعه شيكولاته؟
- ممكن ويفضل الغامقه ممتازه وتكون فوق70%.
𓁳 𓅓 C Eslam Mo 𓅓 𓁳
⚡Certified personal trainer
⚡Fit coach ~ Online coach
⚡Sports nutrition specialist
⚡Sports Injury specialist
⚡First aid and cardiopulmonary resuscitation specialist

27/01/2025

🔰تعرف إيه عن الـ ?MUSCLE-MIND CONNECTION
أو التوافق العصبي العضلي؟

🔹إيه ده أنا مش حاسس بالتمرين ليه ؟
أحد أهم العوامل الرئيسية إنك تستفيد من التمرين بالصورة المطلوبة هو مبدأ تدريبي اسمه الـ Muscle-Mind Connection
أو التوافق الذهني العضلي أو باختصار إن تبقي دماغك شغالة مع عضلاتك
الموضوع دا ممكن يبان صغير لكن كفيل انه ينجح أو يفشل أي تمرينة من تمارينك ودا سبب مثلاً إنك تلاقي نفسك بتلعب مثلاً Bench Press و بتحس بالـ pump في الترايسيبس أو الكتف بدل الصدر طب مش الـ Bench Press تمرين مركب ؟ آه بس العضلة الرئيسية ليه هي الصدر نفس الكلام لكل التمارين

🔰 طب حل او علاج الموضوع ده إيه ؟

🔹1 - اتمرن بوزن مناسب ليك :
الوزن عامل مهم جداً لنجاح التمرين ببساطة الوزن لو خفيف هيبقي غير مؤثر و الإثارة و التركيز هيروحوا منك غير إنك مش هتأثر عالعضلة بشكل كافي ولو الوزن تقيل هتتعرض لإصابة ومش هتحس بالتمرين لانك مش هتقدر تلعب بالأداء الصحيح

🔹2 - الأداء :
عامل مهم جداً لنجاح التمرين ببساطة أنت ممكن تلعب Dumbbell Curl مثلاً و متلاقيش الباي بتستفيد طب ليه؟ لما حضرتك تكون بتتمرجح بالوزن أنت البايسيبس مش شغالة بالشكل المطلوب وجزء كبير من الشغل المبذول لرفع الوزن جاي من كمية حركة أو Momentum اللي بتديها لدراعك عن طريق كتفك وظهرك علشان تحدف الوزن لفوق ده غير إنك بتعرض نفسك لإصابة برضه وتمرين زي المتوازي إنت ممكن تشغل الصدر بدل الترايسيبس و العكس بسبب إنك مش عارف الفرق في الأداء بين الطريقتين الحل إنك تتعلم التكنيك الصح للتمارين، و لو وصلت إنك تلعب ببار فاضي مش عيب العيب إنك تبقي بتتمرجح بالوزن وبرضه يستحسن تلعب قدام مراية علشان تشوف نفسك

🔹3 - الـ Tempo :

التيمبو هو الريتم بتاع التمرين زيه زي الموسيقي كده بيبقي ٣ أرقام بينهم الفاصل ده " : " مثلاً هلعب
Barbell Curl
بتيمبو ٢:٢:٢ يبقي همسك البار هطلع بيه لحد فوق في وقت ثانيتين ، اثبت فوق ثانيتين ، انزل لحد تحت في ثانيتين طبعاً كل ما التيمبو كان بطئ كل ما هتقدر تركز أكتر في التكنيك و كل ما هتقدر تتنفس صح برضه فيه تكنيك اسمه الـ Eccentric Training ببساطة فكرته إنك تلعب وتركز فـ الجزء السالب من الحركة ببطء مثلاً في العقلة إنت بتسحب نفسك لفوق ده الجزء الموجب اللي هتعمله هو إنك تنزل بالراحة ده هيساعدك أكتر تحقق Hypertrophy أو ضخامة غير إنه كويس كده لرفع مستوي القوة إلي جانب الوزن الثقيل طبعاً

🔹4 - الـ Squeeze :

الـ Squeeze أو عصر العضلة وإنك تخليها متنشنة او تحت ضغط مهم جداً للإستفادة من التمرين مثلاً دلوقتي و أنت بتقرأ الـ post نام علي الأرض و العب تفتيح
(بدون وزن خالص) مش هتحس بحاجة صح ؟ طب جرب تعصر صدرك و تعملها ببطء ها حسيت صح :wink: ؟ تخيلها بقي مع الوزن كمان هتبقي إزاي!! ببساطة العصر اللي بيحصل للعضلة مهم جداً حتي لو تمرين مركب برضه خليك شادد العضلة المستهدفة، مثال تاني في المتوازي لو هتلعب بتكنيك استهداف الترايسيبس جزء مهم جداً انك لما تطلع فوق تعمل lock للكوع و تشد الترايسيبس كانك بتبص عليها في المراية

🔹5 - شد العضلات قدام المرايا :

علشان تحقق النقطة اللي فاتت لازم تتمرن علي إنك تشد العضلات قدام المراية حتي لو جسمك رفيع عادي محدش هيشوفك في أوضتك يعني و ده علشان تتعود علي شد العضلات بالشكل السليم و بالتالي تعمل ده في التمرين وفايدته إنك توصل اكبر كمية إشارات من الدماغ والجهاز العصبي للعضلات وبالتالي هتحس بالتمرينة بكل سهولة

🔹 إحنا كمدربين وبالاخص المدربين ( الـ فاهمين ) بنستخدم طرق وأساليب بسيطة جداََ عشان نبدأ نوصل اكبر كمية إشارات للعضلات عشان حضرتك تبدأ تحس بالتمرين، لو مش بتحس بالتمرين وانت فـ الجيم ابعتلي هقولك علي كام تكنيك هيفيدوك جداََ وهتدعيلي بعدها 😉 بحبكم فـ الله ♥️
𓁳 𓅓 C Eslam Mo 𓅓 𓁳
⚡Certified personal trainer
⚡Fit coach ~ Online coach
⚡Sports nutrition specialist
⚡Sports Injury specialist
⚡First aid and cardiopulmonary resuscitation specialist

30/06/2022

تعالوا نعرف حاجة مهمة جداََ ألا وهي؛ 👇

🔰 الهيبوجلايسيميا :
تحدث الهيبوجلايسيميا عندما ينخفض مستوى السكر في الدم بشدة.

☑️ يبدأ الجسم بالاستجابة لانخفاض سكر الدم من خلال إرسال إشارات تحذيرية قد تختلف من شخص لآخر. تؤدي بعض علامات التحذيرية المصاحبة لانخفاض مستوى سكر الدم إلى الشعور:

⬅️ بالضعف
⬅️ الارتجاف
⬅️ سرعة الغضب أو الاضطراب.

☑️ فقد ينخفض مستوى سكر الدم في حالة تأخر موعد وجبتك الرئيسية أو الخفيفة أو فواتها، أو بعد ممارسة نشاط بدني عنيف، أو عند أخذ جرعة كبيرة من الأنسولين. بالنسبة للأشخاص الأصحاء، يتوقف البنكرياس عن إنتاج الأنسولين في حالة انخفاض مستوى السكر في الدم دون المستوى الطبيعي. أما بالنسبة للمصابين بالسكري، يظل الأنسولين الذي حقنوا به يعمل، حتى عند هبوط مستوى سكر الدم.

☑️ قد ينخفض السكر في الدم نتيجة لما يلي:
⬅️ عدم اتباع خطة الوجبات الخاصة بك
⬅️ ممارسة الكثير من التمارين الرياضية أو ممارستها لوقت طويل دون تناول وجبة خفيفة.
⬅️ تناول جرعة كبيرة من العلاج أو تغيير وقت أخذ العلاج.
⬅️ التوتر
⬅️ أثار جانبية جراء تناول عقاقير أخرى
⬅️ احتساء المشروبات الكحولية، خاصة مع عدم تناول أي طعام

☑️ قد يساعد الفحص المنتظم على تجنب الإصابة بالهيبوجلايسيميا،ومن الجدير بالاهتمام فحص مستوى سكر الدم كثيرًا. قد تُسبب الهيبوجلايسيميا التي لم يتم معالجتها أعراضًا جانبية خطيرة، مثل نوبات الصرع أو الإغماء.

☑️ يحتاج أي شخص يعاني من نوبات الصرع أو فقدان الوعي إلى مساعدة من الأخرين. سيحتاج حينها هؤلاء الأشخاص الذين يعانون من هذه الحالة الخطير إلى الحقن بالجلوكاجون. يجب على أخصائي الرعاية الصحية وصف الجلوكاجون مع توضيح كيفية تجهيز حقنه الجلوكاجون لك ولأحبائك.

دُمتم بخير وصحة وعافية ان شاء الله 🙏
C Eslam Mo
Issa Trainer
International coach
Therapeutic nutritionist

23/01/2022

اي حد عنده اي استفسار بخصوص التمرين والتغذية يتفضل و انا هجاوبه 💪

11/09/2021

عندي عضلة أكبر من عضلة فما الحل؟

🔰وجود جانب أقوى من الآخر أو أكبر منه هي مشكلة تواجه الكثيرين، وعادة تظهر هذه المشكلة في الساق أو الذراع أو عضلات الصدر، وأحيانا تجد كتفاً أكبر من الأخر أو أن البار يتحرك بشكل غير متناسق في التمرين بسبب وجود جانب أقوى من الآخر.

🔰سبب وجود عضلة أكبر من عضلة أو أضعف منها يمكن أن يكون بسبب المشاكل التي تواجهك في الجيم أو حياتك اليومية ومع ذلك دعنا نتعرف علي سبب وجود هذا الخطأ ونركز كثيراً على كيفية تصحيحه.

🔰 ما هو سبب وجود عضلة أكبر من الأخرى؟

غالباً ما يكون السبب في هذه المشكلة هو ممارستك للحياة اليومية إعتماداً على جانب واحد بشكل أكثر مما يجعله أقوى لديك أو بسبب تركيزك أثناء التمرين مع جانب واحد فقط وبالتالي يصبح أقوى.

🔰 إذاً ما هو الحل؟

الحل في عده خطوات بسيطة عليك إتباعها في تدريبك وحياتك اليومية وهذه الخطوات هي:

1. إستخدام الدامبلز :
إذا كان أحد الأطراف أقوى من الآخر فإن الجانب القوي سوف يتولى الأمر عندما تتمرن تمارين تحتاج الجانبين معاً، فعلى سبيل المثال تمرين البايسيبس بالبار فإذا كانت عضلة البايسيبس اليمنى لديك أقوى من اليسرى فإنها سوف تعمل بقوة أكثر من العضلة اليسرى لديك وبالتالي تزداد المشكلة، لذا حاول أن تتمرن بالدامبل أفضل حتى يصبح كل طرف مستقل، ويمكنك تدريب كل طرف على حدى مع راحة الطرف الآخر وهو أمر ممتاز حتى تحصل على تركيز أكبر بكثير.

2. ابدأ التمرين بالجانب الأضعف :
السبب في أن لديك عضلة أكبر من عضلة هو أنك تهتم بجانب على حساب جانب آخر فتبدأ به التمارين الفردية وأيضاً تستعين به عند حمل أي شيئ في حياتك اليومية، لذا عليك فعل هذه الأشياء بالجانب الضعيف لديك خاصةً بدأ التمرين به عندما تتمرن كل جانب على حدى، وذلك لأن طاقتك تكون أكبر وكذلك تركيزك مما يؤدي إلى تمرين أقوى لهذا الجانب.

3. إفعل بالجانب الضعيف ما يفعله الجانب القوي :
عند اتباعك للخطوة التي بالأعلى قد تلاحظ أن الجانب القوي مازال قوي والآخر مازال أضعف منه فمثلاً إذا كان بإمكانك رفع 50 رطل وعمل 10 تكرارات بالجانب الضعيف وتستطيع عمل 12 تكرار بالجانب القوي فعليك بمحاول رفع عدد التكرارات بالجانب الضعيف حتى يتساوى مع الجانب القوي.

4. حل المشكلة الأساسية :
إذا كان السبب في أن لديك عضلة أكبر من عضلة هو أسلوبك التدريبي الخاطئ فعليك بحل هذه المشكلة حتى لا يتكرر الأمر بعد اتباعك للخطوات التي بالأعلى وتتساوى قوة وحجم العضلات لديك، وإذا كان السبب في ذلك هو عدم الإهتمام بالجانب الضعيف لديك أثناء التمرين فعليك ايضاً حل هذه المشكلة لأنها سوف تؤدي إلى تكرار الأمر، وأياً كان الخطأ الذي كنت تقع فيه يجب عليك أن تتجنبه تماماً حتى لا تقع في نفس الأمر مجدداً مع عضلات آخرى أو مع نفس العضلتين.

🔰فعليك ان تهتم بالبرنامج التدريبي ايضاََ لاهميته وليس النظام الغذائي فقط

اتمني انكوا تكونوا استفدتوا من البوست 🥰
يلا ادعمونا بلايك وشير عشان غيرك يستفاد كمان 😉💪

للمتابعة او الاستفسار عن خطط الاسعار والمتابعة ابعت رسالة عالخاص او واتس علي 01032303528
خصم خاص عالمتابعة الاونلاين والتدريب البرايفت 🔥

C. Eslam
Issa Trainer
Fit coach ~Online coach
Therapeutic nutritionist

🤠

21/08/2021

موضوع مهم جداََ واغلبنا بنعمله كل يوم ومنعرفش اضراره وهو 👇
السهر وتأثيره السلبي على الجسم

إن من سنة الله تعالى في الكون أن جعل لنا الليل للاسترخاء والنوم والراحة، وجعل النهار للسعي وطلب الرزق والجد والعمل، فقال سبحانه وتعالى "وَجَعَلْنَا اللَّيْلَ لِبَاسًا * وَجَعَلْنَا النَّهَارَ مَعَاشًا"، لكن هناك الكثيرون منا من يقلبون الآية، فنراهم يسهرون ليلهم وينامون نهارهم خصوصاً أيام الإجازات، فهل هناك أضرار للسهر الطويل على الصحة والجسم؟

أولاً: أضرار السهر الصحية
تتلخص أضرار السهر الطويل على الجسم والصحة عموماً فيما يلي:

1) تقليل الكفاءة العضلية للجسم
أثبتت التجارب التي أجراها عدد من علماء التربية البدنية أن الوظائف الجسمية تزداد قوتها وتنقص بين وقت وآخر خلال اليوم؛ حيث تظهر الكفاءة العضلية، وتبدأ في الزيادة تدريجيًا عند الساعة الرابعة صباحًا، وتبلغ مداها الأقصى في الساعة السابعة صباحًا، وتستمر حتى الساعة الحادية عشرة ظهرًا؛ حيث يبدأ المستوى في الانخفاض التدريجي حتى الساعة الثالثة عصرًا؛ حيث يزداد تدريجيًا حتى الساعة السادسة مساء، ثم يعود في الانخفاض التدريجي مجددًا، والانخفاض الكبير يبدأ في الساعة التاسعة ليلاً، ويبلغ مداه في الساعة الثالثة صباحًا.

2) خلل الجهاز المناعي
يسبب السهر وقلة النوم خللاً في جهاز المناعة، وهو خط الدفاع الأول ضد الأمراض، وهو ما يعني بداية انهيار الجسم أمام الأمراض وعندما يعتلّ هذا الجهاز، فهذا معناه -وبكل بساطة- الانهيار؛ ذلك أن هذا الجهاز مبرمج على ساعات اليقظة وساعات النوم التي يحتاجها الإنسان، وعند حدوث تغيير في هذه الدورة اليومية يصاب جهاز المناعة بالتشويش والفوضى.

3) الإصابة بالأرق
الأرق ليس انعدام النوم، بل هو النوم المسهد الذي يكون المرء فيه بين إغفاءة وانتباه، والمؤرق حركته دائبة لا يستقر، فهو يتقلب على سريره في كل اتجاه، ويحتال على النوم بشتى الوسائل دون فائدة، وأحيانًا ما يكون فكره منشغلاً بموضوع السهر سواء كان ذلك فيلماً تليفزيونياً أو مشكلة في العمل مثلاً. فإذا امتد الأرق عدة ليالٍ خارت قوى الشخص، وتوقف عقله عن الإنتاج.

4) تشوه العمود الفقري
تؤدي كثرة السهر إلى حدوث تشوهات في العمود الفقري نتيجة الجلوس لفترات طويلة أمام التلفاز وغيره، خاصة إذا كان الجلوس بطريقة غير صحيحة، حيث يصاب الهيكل العظمي بأضرار وتشوهات في العظام وفقرات الظهر، وبالتالي إلى الإصابة بالانحناء في العمود الفقري.

ثانياً: الأضرار النفسية للسهر
يؤدي السهر ليلاً لفترات طويلة إلى نقص هرمون الميلاتونين الذي يفرزه المخ أثناء النوم ليلاً. ومن المعروف أن هرمون الميلاتونين هو هرمون يفرز من غدة صغيرة في حجم حبة الترمس توجد في المخ تعرف بالغدة الصنوبرية،. وهذا الهرمون هو المسؤول عن تنظيم الإيقاع الحيوي في جسم الإنسان؛ حيث يعمل هرمون الميلاتونين على تقليل الاضطرابات النفسية والذهنية، وهو الأمر الذي يفسر سيطرة مشاعر التشاؤم والقلق، والميل إلى الوحدة والانعزال عن الآخرين لدى الشخص الذي يكثر من السهر ليلاً.

وهناك دراسات عديدة تشير إلى أن الميلاتونين له تأثيرات أخرى، مثل تأثيره المضاد للسرطان والشيخوخة والأكسدة والخصوبة والرغبة الجنسية والجهاز المناعي.
وان عدم الحصول على قسط كاف من النوم يسبب ايضا الأعراض التالية :
* وجع في العضلات.
* عدم وضوح الرؤية.
* الاكتئاب.
* عمى الوان .
* النعاس خلال النهار والقيلولة.
* انخفاض النشاط الذهني والتركيز.
* ضعف الجهاز المناعي .
* الدوخة .
* الهالات السوداء تحت العينين.
* الإغماء.
* الارتباك العام .
* الهلوسة.
* رجفة اليد.
* الصداع.
* فرط النشاط.
* ارتفاع ضغط الدم
* هفوات الذاكرة أو النسيان .
* الغثيان.
* الهذيان.
* الشحوب.
* بطء رده الفعل .
* التثاؤب المستمر .

بعض أضرار السهر خلال الليل :

1. مرض السكري : الحرمان من النوم والسهر يمكن أن يؤثر على التمثيل الغذائي للجلوكوز الذي يعتبر واحد من العوامل التي قد تسبب مرض السكري من النوع الثاني .

2. التأثير على النمو : الأشخاص الذين يداومون على السهر يكون لديهم مستوى أقل من افراز هرمون الكورتيزول في الليل , مما يكون له تأثير سلبي على الجزء من الدماغ الذي ينظم الضغط، والهضم، والجهاز المناعي، والمزاج، والجنس، وما إلى ذلك وفي الوقت نفسه ، يؤثر سلبيا على هرمونات النمو ، وكذلك على النمو بشكل عام .

3. التأثير على القدرات : أظهرت بعض الدراسات أن الأشخاص الذين يعانون من الحرمان من النوم لديهم قدرات أقل من الأشخاص الذين يحصلون على قسط كاف من النوم , و السهر يمكن أن يؤثر على الجسم بطرق مشابهة للتسمم الكحولي , على سبيل المثال، الشخص الذي يكون مستيقظا لمدة 17 – 18 ساعة 17 يكون له نفس قدرات الشخص الذي يكون لديه مستوى الكحول في الدم 50 , بالإضافة الى ان السهر يؤثر على المهارات الحركية ، و يخلق مستوى أعلى من التوتر والقلق، والاكتئاب الذي له مخاطر على الصحة والقدرات الخاصة

للمتابعة او الاستفسار عن خطط الاسعار والمتابعة ابعت رسالة عالخاص او واتس علي 01032303528
خصم خاص عالمتابعة الاونلاين والتدريب البرايفت

C. Eslam Mohamed
Fit coach ~Online coach 💪
International coach 🏅
Therapeutic nutritionist 🥗

16/07/2021

🏃‍♂️َّسنتّحٌدِثّ الًيَوُمًِ عن موضوع مهم جدا 👌 هو [ الشد العضلي او تشنج العضلات ]

🔰 ما هي أسباب الشد العضلي؟

√ قد ينبع الشد العضلي من مجموعة من الأسباب المتنوعة، منها ما يتعلق بأسلوب الحياة منها يرافق بعض الحالات الاتية :
√ ارهاق العضلات، غالبا ما قد تعاني من التشنج العضلي بعد تمرين رياضي شديد، خصوصا إن لم تقم بتهيئة عضلاتك بالتحمية من قبل.

√ الجفاف، في حالة الجفاف تنخفض مستويات المعادن في الجسم في حين أنها عناصر هامة جدا للعضلات لأداء أعمالها، خصوصا الكالسيوم، البوتاسيوم،الصوديوم، والمغنيسيوم.

√ الوصول الجزئي للدم، في أحيان كثيرة يعاني الأشخاص من صعوبة ضخ الدم خصوصا إلى الساقين الأمر الذي يمنع من وصول المغذيات للعضلات.

√ ضغط وإصابة العصب الشوكي، والذي يمكن أن يسبب تشنجات العضلات في ساقيك عند المشي أو الوقوف.

√ الاستهلاك المفرط للكحول.

√ حالات الحمل.

√ الفشل الكلوي.

√ قصور الغدة الدرقية.

وفي حالات أخرى تبقى أسباب التشنج العضلي مجهولة وغير معروفة تماما.

🔰 [ خيارات علاج الشد العضلي ]

إليك بعض العلاجات الفورية لمواجهة ألم التشنج العضلي:

1- الضغط بقطعة قماش ساخنة أو بوسادة التدفئة

2- الضغط بقطعة قماش باردة أو بالثلج بعد لفه بالفوطة

3-تمدد العضلات التي تؤلمك، مثلا في حال كان الألم في القدم فسحب القدم على طولها يساعد في تمدد العضلة ويخفف الألم.

في حال لم يساعدك ذلك، قد يساعدك دواء مضاد للالتهاب الذي يساعد على ارتخاء وتمدد العضلة.

إن كان التشنج العضلي يصيبك بكثرة أو كان نابعا من ظروف صحية ما عندها يجب استشارة الطبيب فقد يوصي لك ببعض الأدوية أو المكملات الغذائية التي تساهم في تخفيف التشنج العضلي لديك خصوصا خلال النوم.

🔰 [ نصائح لتجنب التشنج العضلي ]

إليك بعض النصائح التي من شأنها أن تساعدك في السيطرة على إصابتك بالتشنج العضلي:

1- ابتعد عن القيام بتمارين تؤدي دائما لتشنج عضلات معينة

2- حافظ على التمدد والإحماء قبل القيام بممارسة الرياضة، قد تكون نتائج عدم الإحماء كارثية أكثر مما تظن.

3- لا تقم بممارسة الرياضة مباشرة بعد تناول وجبة الطعام.

4- قلل من استهلاك الكافيين في حياتك

5-حافظ على شرب كميات كافية من الماء وتجنب الجفاف، وارفع استهلاكك للماء خلال تمارينك الرياضية

6- اهتم باستهلاك كميات كافية من الكالسيوم والبوتاسيوم في برنامج غذائك

7- ناقش مع طبيبك احتمالية حصولك مكملات الفيتامينات لتتأكد وتطمئن حول حصول عضلاتك على كميات كافية من المغذيات

8- تدليك العضلة المصابة بلطف

9- تطبيق كمادات ساخنة أو باردة

10- أخذ حمام ساخن مع تركيز الماء على المنطقة المصابة
تدليك العضلة المصابة باستخدام قطعة من الثلج.

11- تناول مكملات مجموعة فيتامين ب بعد استشارة الطبيب.

12ـ عدم الجلوس على القدم لفترة طويلة من الزمن حتى يتمكن الدم من الوصول إليها.

13ـ ممارسة تمارين التحمية والتهدئة عند ممارسة الرياضة بأستمرار.

👌 دِمَتّمَ بِصٌحٌةّ وِعٌأّفِّيِّةّ 💚👍
ك. اسلام محمد fit coach - Online coach
للأستفسار عن المتابعة والتدريب اونلاين او برايڨت ابعت علي رسايل الصفحة او ابعت واتس 01032303528

21/06/2021

😂 لما يكون تمرينك اهم من شغلك 😂 🏋️‍♂️😉💪

25/05/2021

بعض الفيتامينات الهامة التي لابد ان تتوفر فالجسم باستمرار :

C Eslam Mo

04/06/2025

25/03/2025

28/01/2025

27/01/2025

30/06/2022

23/01/2022

11/09/2021

21/08/2021

16/07/2021

21/06/2021

25/05/2021

Address

Website

Alerts

Shortcuts

Share

Category