07/11/2020
الشخصيه الهيستريا 👌
اصل الكلمة
كلمة “هيستريا” أصلا كلمة يونانية مشتقة من كلمه “هسترو”.
وهو الرحم و كان بيعتقد اليونانيين زمان ان الرحم عضو جوة المرأة ممكن يتهز و يتحرك جوة عادي فبيسبب ظهور أعراض الهيستريا
الأول محتاجين نفهم ايه هي أساساً صفات الشخصية الهستيرية دي ؟!!
صفات الشخصية الهستيرية
مبدأيا هي بتبقي شبه شخصية الاطفال بالظبط يعني لو تأملت شخصية حد هستيري هتلاقيه كأنه طفل كبير
1) لازم يلفت انتباه كل الي حواليه و هو الي يكون دايما محور الانتباه او زي ما بيتقال” واكل الجو “.
و طبعا الستات الي من النوع ده نادرا مهتلاقي عندها أصحاب بجد
و بتعيش دايما ف دور ” أصلهم بيغيروا مني عشان انا أحلى منهم ” و بلا بلااا بلاااا
لأن مفيش بنات كتير هتستحمل صحبتها تبقي كدة..
4) أكتر ناس بتعمل عمليات تجميل و اسرع ناس بتتجوز بسبب حلاوتها و (مياصتها) و برضو أسرع ناس بتطلق
5)بيحبوا يبقي دايما شكلهم perfect مش مجرد حلوين لا لازم تظهر أحلى واحدة ف الفرح 👸
او أحلى واحدة ف اصحابها أحلى واحدة في اي حتة و في اي مكان
عشان كدة أسلوبها بيبقي ناعم أوفر كدة تحسها مش تمام
وعندها دايما خطة ان لازم الي قدامها يقع في حبها عشان كدة في الغالب بتبقي متعددة العلاقات
يعني ممكن ترتبط باتنين او تلاته و يمكن اربعه في نفس الوقت فلو واحد متجوز ست هستيرية ياريت ندعيله..
6) حساسين جدا تجاه النقد الي هو يأما تمدحني يأما مسمعش نفسك و بيتأثروا بأراء الي حواليهم بسرعة ، مزاجهم دايما متقلب و معندهم صبر و مبيعرفوش يحافظوا علي وجود العلاقات في حياتهم لفترة طويله
7) بيهددوا كتير بالانتحار و معندهمش نضج انفعالي و لا جنسي و في الغالب بيبقوا باردين جنسيا
= طب ماهو أغلبنا فينا الصفات دي كلنا عايزين نبقي أحلي حد و دايما يبقي شكل جميل ؟!!
– اصلا الصفات الهستيرية دي هي الي بتخلينا مؤنثين بس لازم نعرف نستخدمها أمتي و فين و مع مين مش يكون ده العادي يعني و لو الصفات دي مش موجودة فينا هنبقي بنعاني من شخصية الست المسترجلة ظاهرة ال”Tom Boy”
= و بكدة نقدر نستنتج حاجتين :
– “الحاجة الاولي”
و الي هتفرح فينا الجنس الذكوري ان الغالبية العظمى من الشخصيات الهستيرية *ستات* 😅
بس خلينا نبص للجانب الإيجابي
و نحمد ربنا علي انها من الستات اصل الست مهما دخلت في كذا علاقة مع بعض هتقرف من نفسها و هتحاول تتغير لأنها هتحس إنها متاحة للجميع و دة عكس فطرتها،
أما لو كانت الغالبية للرجالة فهيعتبرها انه دنجوان زمانه و الستات هتقطع نفسها عليه ده غير ان اهتمامه الأوفر بنفسه و كلامه و طريقته هيخلوه راجل مش تمام
“الحاجة التانية” إن الشخصية دي غذاها و أهم حاجه عندها ف الكون *الإهتتماااممم* و بتفضل تدور عليه بكل الوسائل المتاحة و المش متاحة و الصح و الغلط و كل حاجه تيجي في بالك بقي
طب لو محصلتش ع الاهتمام ده بتعمل ايه ؟!!
للمتابعه سيب كومنت
وهنزلكم ازاى تتعامل مع الشخصيه دى لو موجودة ف حياتك 😍
