11/06/2019
بعد ما تقرا المقال ده هتعرف كمية الاخطاء اللى كنت بتعملها في حق نفسك وعضلاتك ولازم تغيرها ....
الخطيئة الاولي .... ( تنسي الاطالات )
اول ما تمرين يخلص لازم العضلات اللى كانت مستهدفة فى التمرين تعملها اطالات وده مش علشان العضله تتعافى بسرعه اكبر وبس لا ... علشان تبقي اكثر وضوح وكمان الاطالات بتعزز من عمليه النمو ... الاطالات يا كوتش
الخطيئة الثانية .... ( الكارديو الكتير )
هو مش غلط انك تلعب كارديو بعد تمرين الاوزان بس يكون الكارديو كحد اقصي من 20 الى 30 دقيقة ما تكونش اكتر من كده ما تبقاش اوفر :D
لانك لو زودت مدة التمرين الكارديو كده بتوقف اليات فسيولوجية وهرمونية اللى بتساعد على نمو العضلات ... والافضل انك تفصل تمرين الكارديو عن الاوزان على الاقل 5 ساعات ما بينهم .... حاسب والكارديو يا كوتش
الخطيئة الثالثة ... ( متأخر عن الاكل)
بعد تمرينك في الجيم جسمك بحاجة ماسة وكبيرة للمواد الغذائية خاصة الكاربوهيدرات والاحماض الامينية الجسم بيحتاجة لتجديد واصلاح الخلايا العضلية التالفة اللى حضرتك تلفتها فى التمرين
غير انه مهم فى عملية Feeding للجهاز العصبي .. حاول انك ما توقفش الوجبة اللى بعد التمرين مده لا تتجاوز 20 دقيقة وبما ان النصيحة تتعلق بالاكل ياريت تحط الاكل علشان تاكل :D ... الاكل يا كوتش
الخطيئة الرابعة ... ( الCarb مش موجود )
الكربوهيدرات بتلعب دور مهم جدا في معادلة استهلاك المواد الغذائية بعد التمرين الجسم بيبقي مستعد لامتصاص الكربوهيدرات لاعادة ملاء العضلات ب Glycogen بعد التمرين من الافضل انك تاخد الكربوهيدرات Fast acting او High GI
ثواني كده معلش ؟؟؟ :D
هو ايه High GI ؟؟؟؟
سؤال حلو ... تاخد بوق BCAA واكتب جنب اسمك مصحصح وبتسال :D
GI هو اختصار لكلمة ( Glycemic Index) هو مؤشر نسبة السكر في الدم يعني قدرة الجسم على تحويل Carb الى Glucose وده طبعا علشان مؤشر مرتبط بارقام على حسب مصدر الكارب وعلشان ما تهرش فى دماغك كتير :D
الكارب اللى بيتحوي على High GI ( الارز الابيض ، البطاطا ، البطاطس ، الكينو ) وده بيزيد من مستويات Insulin ويسمح بدفع المواد الغذائية الى الخلايا بمعدل سريع جدا .... حاجتك للكارب بتفرق علي حسب المرحلة اللى انته حاططها سواء كانت bulking او lean bulk او cuting
الخطيئة الخامسة ...( فقدانك Whey)
وده علشان Whey اسرع في عملية الهضم بالتالي دعم الخلايا العضلية بالاحماض الامنيه بشكل اسرع اكتر من اي مصدر بروتين تاني ... الفشل في انك تعرف قوة Whey هينعكس تاثيره في حجم عضلاتك ,,, ال whey يا كوتش
الخطيئة السادسة ...( عازم الدهون عندك (
الهدف من وجبة اللى بعد التمرين هو اننا نوصل الكاربوهيدرات والاحماض الامنيه الى مجري الدم علشان تتوزع على الخلايا العضليه فى اسرع وقت تقوم حضرتك بكل تبجح وصفاقه :D تدخل الدهون في الاكل طبعا انا بتكلم عن Trans fat و Saturated fat وطبعا دول بيعلو من LDL وده ضار جدا وكمان بيعمل على ابطاء عمليه الهضم وبالتالي التغذية العضلة هتبقي فى خطر .... الدهون يا كوتش
الخطيئة السابعة ... ( غياب المكملات)
طبعا مفيش كلام ان النظام الغذائي السليم وتدريبك في الجيم طريقة للوصول الى الجسم المثالي ... لكن ملاحظة صغيرة الوصول لنتيجة مثاليه متعلقه كمان باختياراك الذكي للمكملات
علي سبيل مثال لو عايز انك تكتسب حجم عضلات كبيرة وفي نفس الوقت تقلل من وجود الدهون في جسمك وان تكون نسبة الدهون 15% ..يبقي اختياراك قائم على ( Bcaa & Glutamin & Creatine & Leucine )
ولازم تعرف الجرعه الفعاله للمكمل اذا كانت قبل او بعد او اثناء التمرين او بعد الوجبات ... ما تبقاش تدفس وخلاص :D
المكملات يا كوتش
الخطيئة الثامنة ... ( ما بتنامش كويس )
النوم مهم جدا حتى لو هتاخد قيلولة صغيرة كده بعد التمرين .. حلوة قيلولة دي :D النوم بمثابتة مرحلة نقاءه لمساعدة العضلات وجهاز العصبي فى عمليه الاستشفاء قلة النوم وعدم الانتظام فيه عائق لوصول جسمك للهدف اللى انته محدده ... النوم يا كوتش
