https://www.facebook.com/106124394713872/

Tactics Arena, Helwan (2026)

03/09/2022

ليفربول كلوب إلي اين؟
دور صلاح الجديد بأوامر كلوب التكتيكية يقضي علي المتنفس الاكبر للفرقة ، بسبب عدم التعاقد مع لاعب وسط Baller مميز مع غياب الكانتارا المتكرر للاصابة قرر كلوب بتغيير ادوار صلاح و مطالبته بالنزول ل نص الملعب للخروج بالكرة ده اثر علي هدف صلاح الاساسي و هو اللعب عالخط و الدخول للعمق الهجومي بالتبادل مع المهاجم و الجناح الثاني
منظومة الليڤر السيزون ده مش مشكلة خط واحد لا المنظومة كلها فيها مشاكل بداية من الانتقادات الكثيرة اللي علي ڤان دايك و مستوي ارنولد السئ مع استباحة خط وسط الليڤر قدام اي خصم يمتلك نص ملعب قوي او لاعب مركز 6 قوي و ده اللي عاني منه ليڤربول النهاردة مع اونانا لاعب ايفرتون

🔴 نص ملعب ليڤربول دخل في 14 صراع علي الكورة خسر 10 و فاز ب 4 فقط
🔵 امادو اونانا دخل في 8 صراعات علي الكورة
فاز في 6 منهم

لو كلوب عنده نية للتغيير للاحسن لازم اول حاجة يعملها يعفي صلاح تماما من الادوار المركبة و يرجع صلاح تاني ل اللاعب اللي بيجمل اللوحة في النهاية
Ahmed Saico✍️

31/08/2022

اوعي تلوم الراجل ده علي حاجة ولا تحكم علي تجربته بالفشل مفيش مدرب كان هيعرف يشتغل فالبيئة المحيطة حاليا فالنادي ، لو فعلا عايز تلوم حد لوم و انتقد الادارة اللي قررت تضحي ب مدرب هي نفسها اللي اتعاقدت معاه ف ظروف صعبة و سلمته للجماهير و الاعلام بدون حماية
بغض النظر عن امكانيات سواريش الفنية اللي مينفعش يتحكم فيها بردو بس ده درس للادارة اتمني تتعلم منه ،،
انا مع رحيل سواريش بسبب واحد بس و هو ان الثقة بين الجمهور و المدرب انعدمت و مع اقرب تعثر هيتم الهجوم عليه وبالبلدي هيتوقفله عالواحدة
اتمني سواريش تكون محطته القادمة ناجحة بعد الفترة دي خصوصا انه قبل الاهلي كان مع فريق النجاح فيه صعب لكن قدر يحقق ده

المدرب الاسوء حظآ في تاريخ الاهلي
Ahmed Saico✍️

27/08/2022

تأقلم ايه و وقت و انسجام ايه و دخول فالمنظومة ايه اللي بتتكلمو عليه احنا هنهزر ي شباب
هالاند كانت الصفقة الاهم ل بيب جوارديولا لعدة اسباب كتيرة اهمها ماتش النهاردة ،، السيتي كانت ابرز مشاكلها لما بتتخطف ف هدف او اتنين و الخصم يعمل تكتل دفاعي كان ساعتها لاعيبة السيتي بتعمل كل حاجة لضرب التكتل لكن كان بينقصها اللمسة الاخيرة اللي كانت محتاجة هداف مرعب زي هالاند مهاجم يترجم كل الجهد اللي بينفذو لاعيبة السيتي
خطورة هالاند مش بس جوه الصندوق لان جودة هالاند بالكورة و في الضغط العالي و الالتحامات تديله افضلية علي مهاجمين كتير جدآ و لسا هنشوف تطور هالاند اكتر خصوصا لمنافسته علي هداف البريميرليج
Ahmed Saico✍️

13/08/2022

Super jesus📞🔥

30/07/2022

لو وصفنا صلاح ف دور لاعب جناح فقط ف ده اهدار ل حقه صلاح منظومة متكاملة بيتبني عليها العديد من طرق اللعب.. صلاح ف مباراة النهاردة قدم نموذج ل اي لاعب كرة قدم عشان يثبتله ان التطور و الاجتهاد هي الوسيلة الاولي للنجاح
فالطبيعي ان مباريات البري سيزون او اول مباريات السيزون عموما بيبقي اللاعب بدنيآ مش افضل حالة لكن صلاح النهاردة بيقدم كل حاجة فالماتش سواء ك محطة لعب و فتح مساحات ل الكسندر ارنولد او موقف ١ vs ١ اللي تفوق فيه صلاح بمعدل 100% ( ٥/٥) و عمليه ال Scan اللي متميز فيها صلاح و كانت سبب تفوقه علي كانسيلو
كل ده مش بالصدفة عشان لو صدفة او حظوظ كان صلاح هييقي لاعب One season wonder لكن صلاح بيثبت للكل ان كل موسم هو توهج جديد ل صلاح رغم اي ميركاتو بيحصل او انتقال لاعيبة تقيلة ب ارقام كبيرة
دندن ي صلاح♥️
Ahmed Saico✍️

27/07/2022

هل من العقل و المنطق تقييم مدرب في الوقت ده!! طب ايه الفايدة من بعد كل ماتش افضل افتكر و اجيب سيرة موسيماني و اد ايه انا ضعيف من غيره و نقفل النادي عشان خلاص كده بطلنا كورة!!
والله ي جماعة سواريش ماسك فرقة مهلهلة حرفيا فاقدة حجات كتيرة جدا … موسيماني رغم نجاحه معانا اللي مفيش حد عاقل يقدر ينكره كان مستلم فرقة واقفة علي رجلها من بعد ڤايلر ف جه زود مبدأش من الصفر ، قارن بقي بين الفترتين و حاول متعملش انتصار ل وجهة نظرك علي حساب الفرقة

انا كل اللي عايزو من الماتشات الجاية فالدوري اني اكسب ال ٣ نقط و اطلع ب اقل خساير.. بعدها لما يتعمل فترة اعداد محترمة و راحة للاعيبة و صفقات جديدة سوبر و استغني عن كم كبير من اللاعيبة الموجودة دلوقتي تقدر تحكم برحتك و انتصر ل وجهات نظرك محدش هيلومك عشان انت لو كنت فاهم ان سواريش هييجي من هنا هيحللك كل مشاكلك و هتنزل الملعب تحسم كل البطولات تبقي المشكلة عندك انت

ارجووكم كفاية كلام عن موسيماني و غيره و شجع فرقتك و ادعم النادي و المدرب لحد النهاية
Ahmed Saico✍️

13/07/2022

بدون مبالغة و بدون تفخيم زيادة عن الحد و لسا قدامنا الكتير لكن لما يبقي في شغل واضح قدامك لازم نتكلم عليه
لكن البوست ده هيكون مختلف شوية و هتكلم فيه عن نقطة واحدة من مزايا سواريش و هي تطوير الاداء الخاص باللاعيبة و هنجيب مثال عن لاعيبة تم تطويرهم تحت قيادة البرتغالي سواريش

** حط ف اعتبارك ان اللاعيبة دي بتلعب في فرقة منتصف دوري و مش بتنافس بشكل ملحوظ

🔴 فران نافارو (مهاجم) 24 سنة
قبل ريكاردو سواريش
لعب : 35
اهداف : 9
اسيستات : 2
بعد مجئ سواريش لتدريب جل فيسنتي
لعب : 32
اهداف : 16 ( رابع هدافي الدوري البرتغالي )
______________________
🔴 بيدرينيو ( خط وسط ) 29 سنة
لعب : 33
اهداف : 1
اسيستات : 14
( يعتبر افضل موسم للاعب و ثالث اكتر لاعبي الدوري صناعة للفرص )
دقة التمرير 82%
(خامس افضل لاعبي الدوري في خط الوسط )
————————-
🔴 صامويل لينو ( جناح ) 22 سنة
لعب : 34
اهداف : 11
اسيست : 5
قدم موسم استثنائي و انتقل إلي اتليتكو مدريد
———————
سوايش الجزء الاهم في عمله هو تطوير اللاعب و يشتغل
مع اللاعب بشكل منفرد
Ahmed Saico✍️

22/05/2022

هداف الدوري الاقوي فالعالم
افضل صانع اهداف في الدوري الاقوي فالعالم

كينج👑

21/05/2022

مكسب مهم نفسيآ ل مشوار الدوري خصوصا بعد ٤ مباريات عدم تحقيق فيهم مكسب و قبل نهائي افريقيا اللي ان شاءالله هيرفع المعنويات
كان نفسي نلتزم الصمت لحد بعد النهائي و بعدها نفتح القديم و الجديد بس سريعآ عشان الوضع يسمح بس ، متخليش الانتصار العظيم ده ينسيك اننا عندنا مشاكل و بنعاني من فترة كبيرة ،، نقط عالسريع من غير دخول في تفاصيلها

-احنا شكلنا الهجومي سئ و بنكسب عشان احنا فرقة منظومة ناجحة لكن ك جودة افراد ف احنا مش مميزين
-لو في جايزة ل اكتر فريق مش بيستغل الكرات الثابتة ف الاهلي ياخدها
-لو في نفس الجايزة بس ل اكتر لاعب بيختار الاختيار الغلط ف كل مرة الكورة بتبقي معاه ف حسين الشحات هيبقي صاحب الجايزة
-محتاجين نجهز بدايل و نعمل روتيشن صح
-نفسي منحاسبش بالقطعة و في نفس الوقت منقعدش ندعم لاعيبة لمدة سنين و مستافدش منهم بحاجة فالاخر

نقط كتيرة غير دي بس لولا المكسب كان الكل اتكلم فيها و ده اهم مكسب لكن بردو محتاجين شغل كتير اوي و ربنا يوفق فاللي جاي♥️

Ahmed Saico

21/05/2022

نسبة نجاح او فشل اي صفقة ملهاش ضمانات والامثلة كتير و بما ان الكلام عالساحة حاليا علي مبابي و القلق اللي عامله و الارقام الفلكية اللي بنسمعها ف انا دايما بشوف ان تحول الكورة ل بيزنس بيقتل المتعة شوية رغم اهمية الفلوس و البيزنس فالكورة بس استثمارها بشكل صح مش بشكل يثير الجدل فقط لاظهار قوتك الجبارة علي المنافسة

من رأيي مبابي مش خسران و مش هيندم ، مبابي مش محتاج يثبت ل حد انه من اقوي المواهب فالعالم مش محتاج يثبت انه الصفقة الاهم ل اي فريق فالعالم
مبابي ممكن يكون بيبعد عن المنافسة و التحديات و اختار الحل السهل و هو ضمان النجاح المحلي ( دوري / كاس / سوبر )فرنسي
وفي نفس الوقت انا في فرقة تقيلة ك اسكواد و هنافس علي الشامبيونزليج و لعلي و عسي يحصل جديد

النقطة الاهم ان مبابي 23 سنة و عقد التجديد مع باريس 3 مواسم يعني ايآ كان ايه اللي هيحصل في فترته مع باريس ف بعد انتهاء عقده هيكون 26 سنة و ده افضل سن للتآلق و لسا قدامه عمر تاني يحقق انجازات اكتر مع اي فريق يتمناه

ياريت والنبي منقارنش موقف مبابي ب اي موقف ل لاعب تاني خصوصا عندنا هنا عشان المناقشة هنا هتبقي مضحكة

07/05/2022

نقول حمد الله عالسلامة!!

Tactics Arena

03/09/2022

31/08/2022

27/08/2022

13/08/2022

30/07/2022

27/07/2022

13/07/2022

22/05/2022

21/05/2022

21/05/2022

07/05/2022

Address

Telephone

Website

Alerts

Shortcuts

Share

Category