kora fada2ya

kora fada2ya Contact information, map and directions, contact form, opening hours, services, ratings, photos, videos and announcements from kora fada2ya, Sports League, Giza.

كرة فضائية هي زي المركز اللي بيديك كل اللي عايز تعرفه عن كورة القدم. مش بس بتوصلك بآخر الأخبار، لكن بتجيبلك كمان الأرقام القياسية و القصص الغريبة والإحصائيات اللي حصلت فى تاريخ كرة القدم

اهلا بيكم في كورة فضائية ⚽👽 كلامنا النهاردة عن مدرب الناس كتير بتعتبره الافضل فى التاريخ مدرب قدر يغير فى مفهوم الكورة ا...
13/06/2024

اهلا بيكم في كورة فضائية ⚽👽
كلامنا النهاردة عن مدرب الناس كتير بتعتبره الافضل فى التاريخ مدرب قدر يغير فى مفهوم الكورة الحديثة و كلامنا هنا الاسبانى بيب غوارديولا مدرب فريق مانشستر سيتي
غوارديولا قدر انه يورينا مفهوم الكورة الشاملة و الاستحواذ بشكل فريد من نوعه خصوصا فترة تدريبة لبرشلونة و اللى وصلت لقمة مستواها سنة ٢٠٠٩ لما قدر انه يكون اول مدرب يحقق السداسية مع برشلونة
غوارديولا خلال مسيرة التدريبية اللى بدأها سنة ٢٠٠٨ قدر يحقق ٣٨ لقب و يكون تانى اكثر المدربين حصولا على القاب على مستوى العالم بعد السير اليكس فيرجسون و لكن لسه غوارديولا مسيرة التدريبية قدامه طويلة و متوقع انه هيعدى عدد القاب السير
ده.طبعا غير رقمه القياسي انه مخسرش الدورى على مستوى كل الفرق اللى دربها غير ٣ مرات فقط
و ده يخلينى نسأل هل غوارديولا مدرب عادى ولا تفكير جى من الفضاء ؟
#اسبانيا #كرةالقدم #غوارديولا

اهلا بيكم في كورة فضائية ⚽👽 كلنا فى انتظار بطولة اليورو اللى هتبدأ خلال يومين و ده هيخلى كلامنا النهاردة عن واحد من اقو...
12/06/2024

اهلا بيكم في كورة فضائية ⚽👽
كلنا فى انتظار بطولة اليورو اللى هتبدأ خلال يومين و ده هيخلى كلامنا النهاردة عن واحد من اقوى المنتخبات اللى قدرت تكسر البطولة منتخب اسبانيا المرعب المنتخب الوحيد اللى قدر يكسب اللقب فى نسختين متتالين ٢٠٠٨ و ٢٠١٢
فى ٢٠٠٨ قدرت تحقق البطولة على حساب منتخب ألمانيا بنتيجة ١/٠ و فى إنجاز تاريخي انها تكسب البطولة بدون ولا هزيمة
و سنة ٢٠١٢ قدمت اسبانيا امتع كرة قدم ممكن تشوف منتخب بيلعبها و قدرت انها تكسب ايطاليا ٤/٠ فى اكتساح كامل للمنتخب الاسباني
جيل إسبانيا وقتها كان بيمتلك مجموعة من احسن اللاعبين على مستوى العالم مش بس أوروبا
جيل قدر يخلى إسبانيا مش بس تكسب اليورو نسختين ورا بعض لكن كان بينهم كأس العالم سنة ٢٠١٠
و ده يخلينا نسأل هل المنتخب الإسباني وقتها كان طبيعي ولا منتخب من الفضاء
#كرةالقدم #منتخب #اليورو #اسبانيا

اهلا بيكم في كورة فضائية ⚽👽 النهاردة كلامنا عن اعظم جيل جه فى تاريخ منتخبات افريقيا جيل منتخب الفراعنة جيل حسن شحاتة منت...
11/06/2024

اهلا بيكم في كورة فضائية ⚽👽
النهاردة كلامنا عن اعظم جيل جه فى تاريخ منتخبات افريقيا
جيل منتخب الفراعنة جيل حسن شحاتة منتخبنا المصرى وقتها كان بينزل كسبان الماتش من قبل م يتلعب الجيل اللى قدر انه يسطير على افريقيا بحصوله على ٣ بطولات امم افريقيا بشكل متتالى ٢٠٠٦ على حساب كوت ديفوار بركلات الترجيح
و بعدها ٢٠٠٨ على حساب الكاميرون بنتيجة ١/٠ و لقطة زيدان و سونج و هدف ابو تريكة و الاخيرة سنة ٢٠١٠ بالفوز على غانا ١/٠ و بطولة البديل السوبر محمد ناجى جدو
جيل منتخب مصر قدر انه يكتب تاريخ من الصعب انه يتكرر تانى و يخلى الفراعنة على قمة المتوجين بالبطولة برصيد ٧ القاب
و ده يخلينا نسأل هل المنتخب ده كان طبيعي ولا منتخب فضائي ؟
#كرةالقدم #منتخب #الفراعنة

سنة ٢٠٠٤ اغرب سنة فى تاريخ كرة القدماهلا بيكم فى كورة فضائية ⚽👽 تعتبر سنة ٢٠٠٤ هيا اغرب سنة فى تاريخ كرة القدم السنة ال...
10/06/2024

سنة ٢٠٠٤ اغرب سنة فى تاريخ كرة القدم
اهلا بيكم فى كورة فضائية ⚽👽
تعتبر سنة ٢٠٠٤ هيا اغرب سنة فى تاريخ كرة القدم السنة اللى حصل فيها اكتر من شئ غير متوقع و ده حصل بتتويج اكتر من فريق كانو غير مرشحين للفوز بالبطولة اللى مشاركين فيها
نبدأ بمنتخب اليونان اللى دخل بطولة امم أوروبا و محدش مصنفه انه هيوصل دور ال٨ اصلا و لكن يفاجأ الكل و يقدر انه يكسب البطولة قدام البرتغال و على ارضها بنتيجة ١/٠
بورتو و الملحمة التاريخية مع مدربه جوزيه مورينيو يقدر انه يفوز بدورى ابطال أوروبا على حساب فريق موناكو بعد م كسبه ٣/٠
حتى الدوريات الكبرى كان فيها مفاجأت كتير
ففى الدورى الانجليزى قدر فريق ارسنال انه يحقق الدورى بدون ولا هزيمة علشان يحصل على الدرع الذهبى الوحيد فى تاريخ البطولة
و فى أسبانيا قدر نادى فالنسيا انه يكسب الدورى الاسبانى على حساب الثلاثى الاقوى ريال مدريد برشلونة و أتلتيكو مدريد مش بس الدورى اللى كان مفاجأة لكن قدر نادى ريال سرقسطة انه يكسب كأس الملك على حساب ريال مدريد
لسه السنة مخلصتش ففى الدورى الالمانى قدر نادى فريدر بريمن انه يكسب بطولة الدورى و الكأس الالمانى من العملاق البافاري بايرن ميونيخ
السنة الغريبة امتد تأثيرها لقارة افريقيا و قدر نادى انيمبا النيجيري انه يكسب بطولة دورى ابطال افريقيا على حساب النجم الساحلى التونسى
الغريبة ان الأحداث الغير متوقعة مكنتش بس فى ابطال الدوريات و الكؤوس لكن وصلت للفائز بالكرة الذهبية لما قدر الاوكراني اندريا شيفشينكو انه يفوز بالجائزة و يبقى اول لاعب اوكرانى يكسبها
و يا ترى بعد كل الاحداث الغربية ديه نقدر نقول انها كانت سنة عادية ولا سنة من عالم تانى؟!🤔
#كرةالقدم #دورى

اهلا بيكم في كورة فضائية ⚽👽 كلامنا النهاردة عن اسطورة من اساطير نادى الزمالك واحد من امتع و امهر اللاعبين اللى جه فى تار...
09/06/2024

اهلا بيكم في كورة فضائية ⚽👽
كلامنا النهاردة عن اسطورة من اساطير نادى الزمالك واحد من امتع و امهر اللاعبين اللى جه فى تاريخ الكورة المصرية كلامنا عن النجم محمود عبد الرازق او الشهير ب شيكابالا
بعيدا عن مهارته اللى ملهاش مثيل و اهدافه الخيالية و مساعدة فريقة فى حصد البطولات فصاحب ال٣٨ عام قدر يصنع لنفسه انجاز من الصعب انه يتكرر ف ايقونه الزمالك قدر انه يكون اللاعب اللى كسب بطولاتين قاريتين و الفرق بينهم ٢١ سنة و ده يبينلك ان شيكابالا بدء كبير و فى نهاية مسيرته قدر انه يجيب بطولة الكونفدرالية
و ده يخلينى نسأل لاعب بالمستوى ده يا ترى طبيعى و لا لاعب فضائى
#كرةالقدم #شيكابالا

اهلا بيكم في كورة فضائية ⚽👽 كلامنا المره عن لاعب ناس كتير بتعتبره افضل من لمس كرة القدم على مر التاريخ اسطورة برشلونة و ...
07/06/2024

اهلا بيكم في كورة فضائية ⚽👽
كلامنا المره عن لاعب ناس كتير بتعتبره افضل من لمس كرة القدم على مر التاريخ اسطورة برشلونة و الارجنتين ليونيل ميسي اللاعب اللى إنجازاته بتتكلم عنه سواء ك بطولات جماعية او القاب فردية
و لكن كلامنا النهاردة عن سنة ٢٠١٢ لما ميسى قدر انه يسجل ٩١ فى خلال السنة علشان يعدى الالمانى جيرد مولر اللى كان مسجل ٨٥ هدف سنة ١٩٧٢
انجاز و رقم قياسى من الصعب الوصول لى خصوصا مع تطور الاساليب الدفاعية للفرق و ده هيخلينى نسأل
هل ميسى كان لاعب عادى ولا لاعب من الفضاء ؟!
#كرةالقدم

اهلا بيكم في كورة فضائية ⚽👽كلامنا النهاردة مش هيكون عن انجاز معين او لاعب بل هيكون عن نادى كامل و هنا كلامنا عن النادى ا...
06/06/2024

اهلا بيكم في كورة فضائية ⚽👽
كلامنا النهاردة مش هيكون عن انجاز معين او لاعب بل هيكون عن نادى كامل
و هنا كلامنا عن النادى الأهلى او المارد الاحمر زعيم الكرة المصرية و الأفريقية مش هكلمك عن عدد بطولاته اللى وصل ل ١٥٠ بطولة من اول م تأسس سنة ١٩٠٧ ولا عن انه صاحب الرقم القياسي فى التتويج ببطولة دورى ابطال افريقيا ب رصيد ١٢ لقب ولا عن انه قدر فى اخر ٥ سنين يوصل للمباراة النهائية فى ٥ مرات قدر يكسب منهم ٤
و لو اتكلمنا عن كل انجاز مش هنخلص .
النادى الاهلى قدر انه يصنع لنفسه منظومة و ادارة قوية كانت السبب الرئيسي فى اللى وصل لى ده و بقى يتقارن مع كبار اندية أوروبا و طبعا كل ده جه بمساعدة جماهيره و اللاعبين و الادارة و كل حد ينتمى للنادى الاهلى
و بعد كل ده يا ترى هل النادى الاهلى نادى عادى ولا بأنجازته ديه نادى فضائى
#كرةالقدم #الاهلي

اهلا بيكم فى كرة فضائية ⚽👽مينفعش نكون بنتكلم عن الارقام القياسيه و منبدأش قصصنا بفريق ريال مدريد الفريق صاحب اعلى عدد من...
06/06/2024

اهلا بيكم فى كرة فضائية ⚽👽
مينفعش نكون بنتكلم عن الارقام القياسيه و منبدأش قصصنا بفريق ريال مدريد الفريق صاحب اعلى عدد من البطولات القارية بواقع ٣٠ بطولة
و النادى الرياضى الانجح على مستوى العالم بل يعتبر الانجح على مر التاريخ
بس قصتنا النهاردة عن ثلاثية دورى ابطال اوروبا ٢٠١٦ ٢٠١٧ ٢٠١٨ اللى هيمين فيها الملكى على اوروبا
الفريق تحت قيادة مدربه و لاعبه التاريخى زين الدين زيدان قدر يحقق إنجاز من الصعب اللى احنا نشوفه تانى
(غير مع ريال مدريد برضو بعد امبابى 😂)
الفريق اللى قدر انه يكسب فرق زى اتليتكو مدريد(٥/٣ بضربات الجزاء ) يوفينتوس (٤/١) و ليفربول (٣/١) على التوالى ناس كتير بتصنفه واحد من اقوى الفرق على مر التاريخ و ده حقيقي ف بوجود نجوم زى كريستيانو رونالدو و بنزيما و جاريس بيل و مودريتش كروس كاسيميرو ده غير راموس و مرسيلو و غيرهم من النجوم كتير قدرو يحققو الانجاز ده
انجاز هيخلينا نتساءل هل فريق ريال مدريد ده كان طبيعى ولا فرقة فضائية
#كرةالقدم

مرحبًا بكم في صفحة "كرة فضائية"! 🚀⚽ احنا هنا هنقدم لكم أحدث أخبار كرة القدم من جميع أنحاء العالم، ونقدم لكم تحاليلنا الم...
05/06/2024

مرحبًا بكم في صفحة "كرة فضائية"! 🚀⚽ احنا هنا هنقدم لكم أحدث أخبار كرة القدم من جميع أنحاء العالم، ونقدم لكم تحاليلنا المميزة للمباريات واللاعبين.

مع "كرة فضائية"، مش هتفوتكم أي تفاصيل، هناخدكم في رحلة في عالم كرة القدم، هنحكى عن حكايات الأرقام القياسية اللى كتبت تاريخ هذه اللعبة العريقة

اشتركوا معنا وكونوا جزء من الرحلة الرائعة!

Address

Giza
12622

Website

Alerts

Be the first to know and let us send you an email when kora fada2ya posts news and promotions. Your email address will not be used for any other purpose, and you can unsubscribe at any time.

Shortcuts

Share

Category