الزمالك الان

28/09/2026

معلومه بس لبرطمان
سبب تسميه نهائي القرن 2020 كان ده لقب أطلقه جمهور الزمالك قبل المباراه بفتره لما كانت الأمور طبيعيه قبل ما يتم التلاعب في المسحات بتاعه الكورونا وتتطلع متعادله 3/3
3 زمالك أساسيين مالهمش بديل لـ 3 اهلي احتياطي سبحان الله
دا غير أن النهائي ده اتلعب في ظروف غير طبيعيه سواء في الجو أو بدون جمهور أو بحكم ملاكي اتغير قبل الماتش بـ 24 ساعه او أو
بس سيبك من الكلام ده
النهايه جمهور الزمالك اللي كان سمي المباراه دي بمباراه القرن مش انتوا خالص
+ انت اخدت لقب القاضيه من تعليق الشوالي
زي ما جمهور الزمالك اخد لقب نهائي الفاضله وناصر هاج ناصر ماج من الشوالي والاقوال دي بتسببلك التهابات كبيره

بعدين دخلت تقول هو انتوا هتساوا دوري الأبطال بالسوبر الافريقي ودي بطوله اقوي وو
هقولك عندك حق مش هكون عندي مبدأيين زيك
بس الكلام ده لو لعبنا نهائي انت كسبته ونهائي تاني انا كسبته فكده متعادلين ونقرر انهي بطوله اقوي
لاكن اللي اعرفه واللي التاريخ عارفه
أن الفريقين اتقابلوا فـ 3 نهائيات قاريه
الزمالك كسب 2 ( واحد في القرن العشرين والتاني في القرن الواحد وعشرين )
والاهلي كسب نهائي يتيم في ظروف غير طبيعيه في جائحة كورونا وبدون جمهور
فلما تتعادل معايا كده زي الشاطر ونبقي 2 قصاد 2 نقعد ع طرابيزه واحده كده ونتناقش بقا ساعتها انهي البطولات اقوي
لاكن طول ما النتيجه 2 لـ 1 يبقي انا كسبت الفوره وانت تقعد تعيط في جمب بدون صياح

ولو اتعادلت نقعد بقا ونقرر انهي اقوي
بس قبل ما تقول إن دوري الأبطال اقوي من اي بطوله هقولك قوم يامدلــ س لانك سرقت نادي القرن العشرين وانت مساويها بالبطوله الأضعف و عدد بطولات أقل
فاانت كده اللي عندك مبدأيين مش احنا
ودي هتكون غلطه الزملكاوي اللي هيتناقش مع اهلاوي اصلا في الكوره
لان ببساطه لو عندك مبدأ مكنش شجع النادي ده من الأساس ولا بيمشي ورا اللجان

سيذكر التاريخ ان ملعب الاريينا توج الزمالك بلقب الفاصله بعد تكبر وتعالي جمهور وإدارات وإعلام النادي الأحمر وفي نهايه اليوم الجميع أصبحوا مصدر للمياه بس المياه المرادي هي مياه دموع ممزوجة مع الآلام الشديدة

27/9/2024 هو اليوم اللي الزمالك كسر في شوكه الشيــ طان وخلاه بيدبدب من بعدها

27/09/2026

تعالى أقولك ليه الزملكاوي عمل ذكرى واحتفال لسوبر منسي !!

هو الزمالك حاجة عابرة في تاريخ الكرة المصرية والافريقية علشان يحتفل بكأس السوبر الافريقي اللي عنده منه 5 ألقاب منهم مرتين على حساب الأهلي ؟!

قطعاً لأ

طيب هو ناصر منسي في العقل الزملكاوي اسطورة بالمعنى الحرفي لكلمة أسطورة؟!

قطعاً لأ

طيب ايه يا عم الدوشة دي؟!

هو ما فيش دوشة ولا حاجة ولو ركزت شوية هاتكتشف ان الزملكاوي اذكي مشجع في العالم في لعبة "المايند جيم" والحرب النفسية

يعني ايه؟!

يعني الزملكاوي مبسوط باللقب دا بالذات لأنه في اليوم دا عاقب الجميع على محاولة التقليل من اسم وكيان وجمهور وتاريخ الزمالك وعاقب الجميع على الاتتفاخية ودشمل اللي قالوا الزمالك اكرم له ما يسافرش ولا يلعب المباراة

الزمالك في اليوم دا قالك اصرف قد ما تصرف .. تتعاقد مع أي حد .. برضه اقدر اتفوق عليك واخد منك بطولات عااااادي جداً

الزمالك في اليوم دا قالك ان سوبر ايمن منصور سنة 1994 مش صدفة.. وفي التنافسية القارية عادي قابلتك مرتين سوبر قاري وانا البطل

في اليوم دا الزملكاوي قالك اه والله أنا نادي القرن.. ومهما عملت الفاكت والحقيقة اللي بتقول ان التسعة أكبر من السبعة مادة للسخرية بمنتهى السطحية فهي فعلاً حقيقة

وبخصوص ناصر منسي الزملكاوي قال عليه اسطورة وهو مدرك تماماً انه لاعب مجتهد وطيب وابن حلال مش أكتر.. لكن هو مش اسطورة بالمعنى الحرفي وانت اللي متغاظ من لقب الاسطورة.. يعني الزملكاوي صدر لك كلمة فيها أفورة وانت اللي اتعاملت معاها من منظور ضاغط عليك ومضايقك 😂

عرفت ليه الزملكاوي ذكي؟ عرفت ليه الزمالك حالة خاصة وسيظل؟!

خلي بالك الزملكاوي هايفضل طول عمره عنده حاجة جواه بيلاعبك بيها ومش هايقولها لك ابدا.. هو هايخليك كده واقف على الاوفسايد ومش فاهم هو ليه الزمالك دا لسه عايش 😂

من الآخر علشان تفهم وبدون فلسفة.. شوف الصورة المرفقة بالبوست.. الزملكاوي شاف الزمالك هو ناصر منسي وشاف الأهلي هو ياسر ابراهيم في اللقطة دي!

عرفت ليه بيحتفل بسوبر منسي؟!

هنا كمان لو تسمحوا لي اكمل منشوري دا بمنشور معتز الشامي اللي واخد بعد آخر في مجد "سوبر منسي"

الذكرى السنوية
التي تسببت في .. اقالة مدرب ، دفعوا له شرط جزائي 3.5 مليون يورو
وبعده تم تعيين وإقالة 2 مدربين .. مع دفع تعويضات فاقت ما تم دفعه للمدرب الأول .. وكل هذا لتصحيح خطأ تم ارتكابه، ثم توالت سلسلة الأخطاء الإدارية والتعاقدية .. التي مازالت تلقي بظلالها حتى الأن

كل هذا .. بسب ما فعله هذا الرجل 👇وأبطال سوبر القرن

كل يوم " 27 سبتمبر مجيد" .. وانتم طيبين

#الزمالك
#الأهلي

26/09/2026

26/09/2026

والنبي نوطي صوت الزغاريط لحد ما نتأكد إن العميد طااااااااااااار

26/09/2026

فجأة مصر كلها أكتشفت إن حسام قليل فنيًا .
فجأة مصر كلها أكتشفت إنه مش متزن نفسيًا .
فجأة مصر كلها أكتشفت إن مدورها مصلحة وبيحب ويكره على مزاجه وده مأثر على اختياراته وتغيراته.

أهو الكلام ده إحنا كزملكاوية بنقوله من وقت ما مسك تدريب المنتخب .. بس المدلسين كانوا بيقولوا علينا مش وطنين وأننا زعلانين علشان مش بيضم لعيبة الزمالك 😂

خلاصة الكلام : لما جمهور الزمالك أسيادك يتكلموا في الكورة قول حاضر ونعم وبس .. وأمن وراهم على طول .. عشان لما بتغير كلامك زي النسوان فى الآخر منظرك بيبقى كلوت أوووووي

26/09/2026

ثم تنهد وقال: ده مخدش حتى فانوس رمضان

25/09/2026

امال انت كنت فاكر ايه ؟
هو ده حسام حسن مالوش اصحاب مالوش انتماء مالوش حبيب ولا عزيز ولا غالي ومهما كنت صاحبه وحبيبه جرب بس تخش معاه في خلاف أو سوء تفاهم او تفكر بس انك تنتقده
شوف هايعمل فيك ايه ؟
هو امبارح غلط في مصطفي محمد وقال إنه ربع مهاجم و النهارده قلب علي الشناوي وبيقول عليه الحارس المنتهي وبكره هايقلب علي محمد صلاح ومرموش وكل مايتمكن اكتر هايغلط اكتر واكتر
وهو ده الوجه الحقيقي لحسام حسن اللي الاجيال الجديدة ماتعرفهوش
حسام حسن اللي عمل فيها زمالكاوي ومواليد ميت عقبه وتف وشتم جمهور الأهلي وبعدين رجع شتم جمهور الزمالك ورفع تيشيرت احمر وهو بيدرب المصري عشان يغيظ جمهور الزمالك
الجمهور اللي حسام ماشفش منه غير كل خير
وبعدين قلب علي مجلس إدارة نادي المصري البورسعيدي عشان اقالوه وبعدين راح بيراميدز مكملش شهرين وقلب علي الفريق بما فيهم وتركي الشيخ نفسه
عرفت ليه دلوقتي انا بكره حسام حسن واللي زي حسام حسن

20/09/2026

ذاكرة السمك الحقيقية يا رامي هي إنك تنسى وعودك اللي قدمتها للجمهور عشان تكسب أصوات..

ذاكرة السمك يا رامي اللي قال "دارس كل الملفات وجاهز ليها" وفي الآخر قال: "الإرث تقيل".. الله أمال كنت دارس إيه!

ذاكرة السمك اللي طلع وقال "لو بقود مركب مخرومة هعرف أقودها"وفي الآخر غرق بيها.

ذاكرة السمك يا رامي اللي قال "مش كل ما أواجه مشكلة أروح أبيع لاعب وأضر الفريق" وراح باع نص الفريق.

ذاكرة السمك يا رامي اللي قال "لا مساس للقوام الأساسي للفريق "وراح باع القوام الأساسي بالاحتياطي بالجهاز الفني"

ذاكرة السمك يا رامي اللي قال "متخلنيش يا مدام لميس أحطها في دماغي وأجيب لعيبة من الأهلي" وفي الآخر اللاعيبة هي طلعت من عنده "وبشكل مباشر ع الأهلي"

ذاكرة السمك اللي اتكلم عن الصورة الذهنية للزمالك وراح فتح حساب تبرعات، وحط شعار محل موبايلات على صدر الفريق، وأجر أوتوبيس أجرة يودي اللعيبة للمباريات، وبقى يسفر اللاعبين في طيران عام ومش عارف يعمل معسكر اعداد للفريق!

ذاكرة السمك يا رامي اللي نزل بيان وقال "غلق باب المفاوضات أمام جميع العروض" وفي الآخر راح باع.

أكمل يا رامي ولا بلاش؟

طيب بالنسبة لسحب الأرض.. هو أنا لو ماشي صح ومسؤول واعي ومتصرفتش في الأرض بشكل غلط, هخاف حد يقدم فيا بلاغ وأديله فرصة ليه؟؟؟؟
أنت اللي فشلت وهو أستغل فشلك يا رامي.

وبالنسبة لإسكربت الانتخابات والإرث القديم والقضايا...
طيب وقضاياك أنت وملفاتك أنت إيه؟؟ ميشلاك وجوميز والجفالي وشيكوبانزا وصلاح مصدق و بنتايج ومعالي وغيرهم وغيرهم دي مشاكل مين؟

طيب قضايا المجلس السابق؟
انت اللي قولت قادر أحلها ومعرفتش متجيش دلوقتي تقول مش عارف! طب مش يمكن هو كان عرف؟؟
والسؤال, لو مفيهاش اساءة لذاكرة السمك هو مش شعارك كان الزمالك أولاً
قاعد ومكمل ليه طالما "مبتعرفش"ّ ؟

19/09/2026

هكتب الكلام ده ورزقي على الله.. وعارف إن في ناس كتير عايزين يقولوه بس خايفين من الإتهامات اللي هتتوجه ليهم.

عندي تحفظات كتير على مرتضى منصور لكن رغم كده عمري ما شوفت الزمالك بالخضوع ده.. على الأقل كان فيه تنوع ما بين الاخطاء والنجاحات.

كنت مع رحيله على أمل تيجي أشخاص حقيقيين يليقوا بنادي الزمالك.

مشكلتي الأساسية مع مرتضى منصور كانت الصدام اللي حصل مع جمهور الزمالك، لأن الجمهور شيء مقدس مهما أنتقد مينفعش أبدًا أدخل في مواجهة معاه بالطريقة دي.

كان في أخطاء كتير؟ أه
لكن أنا شوفت شخص بيواجه المنظومة بطريقتهم وبيحاول ما يكونش جبان ولا مطاطي.. حتى لو في النهاية فشل.

كنت كل موسم بشوف عربية نص نقل محملة لاعيبة جديدة داخلة النادي، لدرجة إننا كنا بنشتري لاعبين ونطلعهم إعارة!

كان عندي تحفظ على طريقة تقديمهم اللي كان فيها عشوائية، لكن في النهاية كانوا لاعيبة زمالك "وكانت وقتها تقريبًا مشاكل الأغنياء واحنا مش عارفين"

على الأقل شوفت الزمالك في فترة من الفترات بيمتلك واحد من أقوى الإسكوادات في تاريخه.. إحنا كنا بنقعد إمام عاشور دكة لساسي!

كهربا هرب من الزمالك؟
بس حرفيًا بعدها قعده في البيت، وخلاه يلف يشحت ثمن العقوبة، ورفض رفض قاطع الدفع بالجنية أو حتى تقسيط العقوبة.

شوفته وهو بيوقع مع عبدالله السعيد في عزه وهو النجم الأول في الأهلي.. حتى لو الموضوع ما اكتملش للنهاية، لكنه تسبب وقتها في مشاكل كبيرة داخل الأهلي، أهمها رحيل اللاعب وإفساد العلاقة بين مجلسهم وبين تركي آل الشيخ.

أنا مشوفتش معاه الزمالك موقوف قيده بالمنظر ده وبعدد القضايا دي! تم إيقاف القيد تقريبًا مرة واحدة في قضية ماريتمو البرتغالي مع محمد إبراهيم، وتم دفع المبلغ ورفع الإيقاف.

حتى في الأزمات المادية مكنش بيلف ويدور وينزل بيانات كاذبه. خرج أكتر من مرة وقال: مفيش فلوس اللي عايز يقعد يقعد واللي مش عايز يتفضل والغريب إن في النهاية برضه كان كتير بيقعد.

حتى مع الحجز على حسابات النادي، مشوفتوش مرة فاتح حساب جمع تبرعات زي اللي حصل مع المجلس الحالي مرتين سواء كمجلس منتخب أو لجنة معينة.

مكنتش حابب شكل الإعلاميين والمقربين اللي حواليه وهما بيطبلوله 24 ساعة، لكن في الأول وفي الآخر دي حاجة تعود على شكلهم قصاد نفسهم وأقاربهم.. وشيء شخصيًا ميضرنيش في حاجة، يضرهم هما.

في نفس الوقت أنا شوفت انطلاق قناة الزمالك، حتى لو سياستها كانت غلط وشوفت افتتاح النادي النهري وشوفت أوتوبيس الزمالك، وشوفت السفر في طيران خاص.

في المقابل المجلس الحالي معاه واحد من أكبر رجال الأعمال "والحقيقة إنه مقصرش معاهم ودفع ملايين الملايين" لكن في النهاية من غير نتيجة ملموسة!

لو هتسألني فأنا نفسي أشوف وجوه جديدة ومحترفة تقود الزمالك.
أشخاص فاهمين الإدارة وعندها رؤية، وتعرف تحافظ على حقوق النادي وتديره بالشكل اللي يليق بيه.

لكن لو هتقارني بين المجلسين، فالمجلس الحالي عدى جميع المجالس بمراحل.

أنا عن نفسي أحب الخصم اللي يواجهني في وشي حتى لو بعداوة، عن العدو اللي يبتسملي في وشي ويطعن في الضهر!

منقوووووووووول

19/09/2026

والله ما هرد 😂😂😂😂