Ahmed Abdallah Rady

23/04/2026

و بحبك يا زمالك …دوري محمد صبري ان شاء الله في ميت عقبة..ربنا يكرمك يا ميمس انت و رجالتك…جمهور الزمالك و الوايت نايتس ملحمة و حاجة عظمة💪💪🙏🙏🤲🤲❤️❤️❤️❤️❤️

05/01/2026

مبارايات الـ Knockout ..يتقال فيها الحمد لله و مبروك و كفي ….روح و قتال و تركيز لآخر دقيقة اللي جاي أصعب لكن الرجالة قدها ان شاء الله ..مبروك لمصر 👏👏🎉🎊💥⚽️🔥

14/11/2025

ايه الخبر دا علي الصبح و ايه كسرة القلب دي مش عارف اقول ايه و الله ..من احلي و أجمل الشخصيات ..جدعنة و خفة دم و قلب ابيض تقريبا بخطين حمر..موهبة مرعبة و مهارة قلما يجود بها الزمان لكن و الله علي راي الراحل ميمي الشربيني الناس مشافتش إلا ربع حمولته الفنية ..من الناس اللي ممكن يتقال عليها كان يستاهل يبقي في حتة احسن من كدا بكتير ..و لكن لا نزكيك علي الله ..لا حول و لا قوة إلا بالله و إنا لله وإنا إليه راجعون..حبيبي و عشرة عمري و ابن جيلي و اخويا محمد صبري في ذمة الله..ربنا يغفر لك و يرحمك و يتجاوز عنك و يسكنك الفردوس الاعلي من الجنة ..أنت من الناس اللي بحبها اوي اوي يا صبري حتوحشني اوي يا بورا 💔💔💔💔

15/10/2025

مع كامل احترامي و حبي و تقديري لحضرتك و انت عارف دا ..انما مشكلة الكرة المصرية ان حضرتك بتتكلم علي نادي تاني منافس او معاك في البطولة و فعلا دا مش طبيعي و لا صح و مبيحصلش إلا في الكرة المصرية و دا اولا و ثانيا حضرتك ضربت مثل و اتكلمت علي ادارة نادي زد و قرارت مع انك متعرفش حاجة عن الموضوع أصلا و لا القرار تفاصيله ايه و لا حصل ازاي ..سهل جدا كنت تكلمني و تعرف الحقيقة قبل ما تقول كلام مش صح و حضرتك ابو الذوق و الاحترام ..

12/10/2025

الف مبروك يا سيفو ..ربنا يوفقك و يكتبلك الخير كله ❤️❤️

17/09/2025

توفي الله رحمة الله كابتني و مدربي في الناشئين كابتن/ عبد المنعم ..ربنا يغفر لك و يرحمك و يسكنك الفردوس الأعلى من الجنة ويجعل مرضك في ميزان حسناتك ..

09/09/2025

📋 | منتخب مصر يعلن تشكيل مباراة بوركينا فاسو في تصفيات كأس العالم 🇪🇬 بالتوفيق للمنتخب الوطني

06/07/2025

07/06/2025

و الله انتهي بالنسبة لجمهور الزمالك من ٣ اشهر و حتي لو طلع اتكلم محدش زملكاوي بيسمعه فالصراحة مش محتاج يطلع يبرر حاجة لانه و لا حتي الإعلان فارق خالص ..و الله عيب الزمالك بجمهوره هو اللي بيعمل اللعيبة مش العكس …بس يا ريت الناس تفهم ان التحفيل بين الاصحاب الزملكاوية و الاهلوية هزار و بلاش تروح لأبعد من كده

25/12/2024

اوعي تخسر صاحبك علشان تحفيلة علي الزمالك و الاهلي ..خدها علي قد الهزار و خلاص و متزودهاش اكتر من كدا ..طول عمرنا كنا بنروح الاستاد سوا لو ماتش زمالك و اهلي و نفترق علي بوابات الاستاد و نرجع نهزر بعد الماتش بالليل و احنا سهرانين سوا و كنا بنحفل علي بعض عادي في الماتشات التانية ..جنن الناس ها الفيسبوك و وسائل التواصل الاجتماعية..هو احنا لازم نبقي اوڤر في اي حاجة كدا..لا حول و لا قوة إلا بالله

23/11/2024

احلي حاجة في تأهل منتخب ٢٠٠٨ الشخصية في العودة دي بعد مباراة المغرب ب٣ فوز ..براڤو لكاسو و جهازه في التعامل النفسي مع اللاعبين ..و ان شاء الله اللعيبة دي تكسر الدنيا في بطولة افريقيا و عقبال منتخب ٢٠٠٥ و بالتوفيق يا رب للكرة المصرية 🤲🤲🙏🙏