Relationship Coach, Dalia Omar

21/03/2026

27/02/2026

"ليه في ناس بتحس بالاكتئاب في رمضان؟"
مش كل حزن في رمضان ضعف إيمان.
ومش كل فتور معناه إنك بعيدة عن ربنا.
رمضان بيغيّر كل حاجة فجأة:
نومك بيتلخبط.
أكلك بيتغير.
الكافيين بيقل.
المسؤوليات بتزيد.
والتوقعات الروحية بتعلى جدًا.
فتلاقي نفسك: حزينة…
مرهقة…
مش قادرة تعملي كل اللي كنتِ مخططاله…
وبعدين ييجي أخطر إحساس: الذنب.
تحسي إن في حاجة غلط فيك.
إن كل الناس طايرة روحانيًا إلا إنتِ.
بس الحقيقة؟
جسمك بيتأثر بنقص النوم.
مخك بيتأثر بانخفاض السكر.
وقلبك ممكن يكون شايل ضغط أو فقد أو وحدة.
رمضان مش مسابقة مين يختم أكتر.
رمضان علاقة بينك وبين ربنا… بهدوء… وعلى قد طاقتك.
لو حاسة إنك مش في أفضل حال،
بدل ما تجلدي نفسك اسأليها:
"إنتِ محتاجة إيه دلوقتي؟ راحة؟ نوم؟ حضن معنوي؟"
كوني أرحم بنفسك.
الرحمة دي عبادة برضه 🤍

20/11/2025

#الجواز #علاقات #

19/11/2025

في لحظة معينة… بتحسي إنك واقفة قدّام حياتك ومش عارفة تمسكي طرف الخيط.
مش زعلانة… ومش مبسوطة… ومش فاهمة إيه بالظبط اللي مضايقك .
بس في إحساس كده… إنك مش في مكانك.
وأهو يوم يعدّي… ويوم ييجي…
وإنتي لسه مش عارفة تبدأي منين، ولا تحطي رجلك على أي خطوة.
اسمعيني…
إنتي مش محتاجة تتحمّلي ده لوحدِك.
في جلسة كوتشنج تقدري تهدي،
تتنفّسي،
وتسمعي صوتك اللي بقاله فترة مستخبي وسط الزحمة.
و ترتبي افكارك
مش مطلوب منك تكوني مثالية…
مطلوب بس تاخدي خطوة صغيرة لنفسِك.
ولو حاسّة إن الوقت جه…
احجزي جلستك،
وخلّيها تكون البداية اللي فيها هترتبتي اوراقك ،هتفلتري افكارك،و هتاخدي قراراتك اللي بقالها كتير على الرف متاجله.
احجزي جلستك دلوقتي برسالة واتساب على 01273114467
مع كوتش داليا عمر ،كوتش داليا عمر كوتش متخصص في العلاقات معتمد من الاتحاد الدولي للكوتشينج و ممارس علم النفس الايجابي معتمد من الاتحاد الدولي للكوتشينج.